Month: November 2024

ဝါရှင်တန်၊ နိုဝင်ဘာ-၈-၂၀၂၄ရတီ (VOM)အမေရိကန်နိုင်ငံ တောင်ကယ်ရိုလိုင်းနားရှိ ဆေးဘက်ဆိုင်ရာ သုတေသနစမ်းသပ်ခန်းတခုကနေ မျောက် ၄၃ ကောင် ထွက်ပြေးလွတ်မြောက်သွားကြောင်း ပြည်နယ်တာဝန်ရှိသူတွေနဲ့ ဆေးဘက်ဆိုင်ရာ ကုမ္ပဏီက ပြောပါတယ်။ဓါတ်ခွဲခန်း ဝန်ထမ်းတယောက်ဟာ မျောက်တွေထားတဲ့အဆောင်ရဲ့ တံခါးကို သေချာမပိတ်ရာကနေ မျောက်တွေဟာ ပြီးခဲ့တဲ့ ဗုဒ္ဓဟူးနေ့ကတည်းက ထွက်ပြေးလွတ်မြောက်ခဲ့တာဖြစ်ပြီး မျောက်တွေဟာ ခုနှစ်ပေါင် အလေးချိန်ရှိတဲ့ မျောက်မတွေဖြစ်တယ်လို့ Alpha Genesis ကုမ္ပဏီက ပြောပါတယ်။မျောက်တွေဟာ အရွယ်ငယ်လွန်သေးတာကြောင့် ရောဂါကူးစက်စေပြီး စမ်းသပ်မှုတွေ မပြုလုပ်ရသေးတာကြောင့် Yemassee မြို့ ဒေသခံတွေအတွက် ဘေးအန္တရာယ်မဖြစ်စေကြောင်း၊ ဒါပေမယ့်လည်း အနားကို အကပ်မခံကြဖို့ တာဝန်ရှိသူတွေက တိုက်တွန်းထားပါတယ်။ကုမ္ပဏီအနေနဲ့ ပျောက်ဆုံးနေတဲ့ မျောက်အုပ်စုကို ရှာဖွေတွေ့ရှိထားတယ်လို့ အကြောင်းကြားလာတယ်လို့ ရဲတပ်ဖွဲ့က ပြောပါတယ်။ လွတ်မြောက်သွားမှုဟာ စိတ်ပျက်စရာဖြစ်ပေမယ့် သူတို့တွေ့ရှိထားပြီး နောက်နှစ်ရက်လောက်အကြာမှာ ဖမ်းနိုင်မယ်လို့ မျှော်လင့်ကြောင်း Alpha Genesis စီအီးအို ဂရက်ဝက်စ်တာဂါ့က ဆိုပါတယ်။တောင်ကယ်ရိုလိုင်းနားအခြေစိုက်…

ဝါရှင်တန်၊ နိုဝင်ဘာ-၈-၂၀၂၄မျိုးဆက်(VOM)အမေရိကန်သမ္မတအဖြစ် ဒေါ်နယ်ထရန့် တာဝန်မယူခင်မှာ ယူကရိန်းအတွက် လက်ကျန် စစ်ရေးအကူအညီတွေကို အရှိန်မြှင့်ပေးအပ်ဖို့ ဂျိုးဘိုင်ဒင်ရဲ့ အမေရိကန်အစိုးရက စီစဉ်နေကြောင်း အမည်ဖော်လိုတဲ့ အစိုးရအရာရှိတွေကို ကိုးကားပြီး Politico သတင်းဌာနက ဖော်ပြထားပါတယ်။ထရန့်ရဲ့ ကျမ်းသစ္စာကျိန်ဆိုပွဲမတိုင်ခင် ယူကရိန်းလုံခြုံရေး အကူအညီပေးမယ့် အစီအစဉ်ရဲ့ နောက်ဆုံးလက်ကျန် ဒေါ်လာ ခြောက်ဘီလီယံကျော်ကို အမြန်ပေးအပ်ဖို့ ဖြစ်တယ်လို့ ဆိုပါတယ်။ ဒီအကူအညီတွေကိုတော့ ကွန်ဂရက်က အတည်ပြုထားပြီး ဖြစ်ပါတယ်။ဒါဟာ သမ္မတဖြစ်လာမယ့် ထရန့်လက်ထက်မှာ ယူကရိန်းအတွက် အမေရိကန်ရဲ့ စစ်ရေးအကူအညီတွေ ဆက်ပေးမှာလားဆိုတဲ့ ဘိုင်ဒင်အစိုးရရဲ့ စိုးရိမ်ပူပန်မှုကိုလည်း ထင်ဟပ်စေပါတယ်။ ယူကရိန်းအတွက် ကူညီထောက်ပံ့မှုတွေကို ဒေါ်နယ်ထရန့်က ပြစ်တင်ခဲ့ပါတယ်။ယူကရိန်းသမ္မတ ဇီလန်စကီးကတော့ ဒေါ်နယ်ထရန့်နဲ့ ဖုန်းပြောခဲ့ပြီး ရွေးကောက်ပွဲအနိုင်ရလဒ်အပေါ် ဂုဏ်ပြုခဲ့ကြောင်း၊ အနီးကပ်တွေ့ဆုံဆွေးနွေးမှုတွေကို နှစ်ဖက်အကြား ဆက်လက်ထိန်းသိမ်းထားပြီး ပူးပေါင်းဆောင်ရွက်မှုတွေ မြင့်တင်မယ်လို့ သဘောတူခဲ့တယ်လို့ ဆိုပါတယ်။ငြိမ်းချမ်းရေးကို အင်အားသုံးရယူမယ်ဆိုတာ အမေရိကန်သမ္မတသစ်နဲ့ အမေရိကန်ရဲ့ မူဝါဒဖြစ်ခဲ့မယ်ဆိုရင်…

တိုကျို၊ နိုဝင်ဘာ-၈-၂၀၂၄ရတီ(VOM)နစ်ဆန်း မော်တော်ကားကုမ္ပဏီဟာ တရုတ်နဲ့ အမေရိကန်မှာ ရောင်းအားကျဆင်းမှုတွေကို ကိုင်တွယ်ဖြေရှင်းဖို့ ကမ္ဘာလုံးဆိုင်ရာ ထုတ်လုပ်မှုကို လျှော့ချလိုက်တာကြောင့် အလုပ်သမားထောင်ပေါင်းများစွာကို အလုပ်ကနေ ရပ်နားမယ်လို့ ထုတ်ပြန်ကြေညာလိုက်ပါတယ်။ဂျပန်အခြေစိုက် မော်တော်ကားကုမ္ပဏီကြီးဟာ ကမ္ဘာတဝန်းမှာ ထုတ်လုပ်မှု ငါးပုံတပုံလျှော့ချမှာဖြစ်ပြီး ကုန်ကျစရိတ်သက်သာအောင်ကြိုးပမ်းမှုအဖြစ် အလုပ်အကိုင်ပေါင်း ၉၀၀၀ ကျော်ကို လျှော့ချမယ်လို့ ဆိုပါတယ်။ဘယ်ဌာနတွေကို အဓိက လျှော့ချမလဲဆိုတာကိုတော့ အသေးစိတ် ပြောဆိုတာမျိုးမရှိသေးပါဘူး။ အင်္ဂလန်အရှေ့မြောက်ပိုင်း ဆန်းဒါးလန်းရှိ ကားစက်ရုံမှာတော့ အလုပ်သမားပေါင်း ၆၀၀၀ ကျော် ခန့်အပ်ထားပါတယ်။နစ်ဆန်းဟာ ၂၀၂၄ ခုနှစ်အတွင်း သူ့ရဲ့လုပ်ငန်းလည်ပတ်မှု အမြတ်အစွန်းကို ၇၀ ရာခိုင်နှုန်းထိ လျှော့ချခန့်မှန်းထားပြီး ဒါဟာ ဒုတိယအကြိမ်မြောက် စီးပွားရေးခန့်မှန်းချက်ကို ပြင်ဆင်တာလည်းဖြစ်ပါတယ်။ဒီလို အလုပ်အကိုင်တွေလျှော့ချတာဟာ ကုမ္ပဏီကို သေးငယ်သွားစေတာမဟုတ်ဘဲ လုပ်ငန်းစုကို ကျစ်ကျစ်လစ်လစ်နဲ့ ရေရှည်ခံနိုင်ရည်ရှိအောင် ပြန်လည်ဖွဲ့စည်းသွားမှာဖြစ်တယ်လို့ နစ်ဆန်းအမှုဆောင်အရာရှိချုပ် မာကိုတိုယူချီဒါက ပြောပါတယ်။နိုဝင်ဘာ ၈ ရက်မနက်ပိုင်းမှာတော့ တိုကျိုစတော့စျေးကွက်မှာ နစ်ဆန်းရဲ့…

Voice of Myanamarအင်အားပြင်း စူပါတိုင်ဖွန်းမုန်တိုင်း ဟိုင်ယန်သည် ဖိလစ်ပိုင်နိုင်ငံကို ၂၀၁၃ ခုနှစ် နိုဝင်ဘာ ၈ ရက်က ဝင်ရောက်တိုက်ခတ်မှုကြောင့် လူ ၈၀၀၀ ကျော်သေဆုံးခဲ့ပြီး ပြည်သူ ၁၄ သန်းကျော် မုန်တိုင်းဒဏ် သင့်ခဲ့ရသည်။

ပေကျင်း၊ နိုဝင်ဘာ-၇-၂၀၂၄ရတီ(VOM)တရုတ်-အမေရိကန် ဆက်ဆံရေးတည်ငြိမ်စေဖို့ ရွေးကောက်ခံ အမေရိကန်သမ္မတ ဒေါ်နယ်ထရန့်ကို တရုတ်သမ္မတ ရှီကျင်းပင်က တိုက်တွန်းလိုက်ပါတယ်။တည်ငြိမ်ကောင်းမွန်ပြီး ရေရှည်တည်တံ့တဲ့ တရုတ်-အမေရိကန် ဆက်ဆံရေးဟာ နှစ်နိုင်ငံစလုံးရဲ့ ဘုံအကျိုးစီးပွားအတွက်ဖြစ်ပြီး နိုင်ငံတကာအသိုင်းအဝိုင်းရဲ့ မျှော်မှန်းချက်တွေနဲ့လည်း ကိုက်ညီတယ်လို့ ရွေးကောက်ပွဲအနိုင်ရခဲ့တဲ့ ဒေါ်နယ်ထရန့်ကို ဂုဏ်ပြုတဲ့သဝဏ်လွှာမှာ ရှီကျင်းပင်က ပြောပါတယ်။တရုတ်နဲ့ အမေရိကန်တို့ရဲ့ ပူးပေါင်းဆောင်ရွက်မှုတွေကြောင့် အကျိုးဖြစ်ထွန်းမှုတွေရှိခဲ့သလို ထိပ်တိုက်ရင်ဆိုင်မှုတွေကြောင့် ဆိုးကျိုးတွေရင်ဆိုင်ခဲ့ရတယ်ဆိုတာကိုလည်း သမ္မတရှီကျင်းပင်က ထောက်ပြခဲ့တယ်လို့ နိုင်ငံပိုင် စီစီတီဗီသတင်းဌာနက ဖော်ပြထားပါတယ်။နှစ်ဦးနှစ်ဘက် အပြန်အလှန်လေးစားမှု ၊ ငြိမ်းချမ်းစွာအတူယှဉ်တွဲနေထိုင်ရေးနဲ့ ပူးပေါင်းဆောင်ရွက်မှု အခြေခံမူတွေကို လိုက်နာကြလိမ့်မယ်လို့ မျှော်လင့်ကြောင်း ရှီကျင်းပင်က ဆိုပါတယ်။ အမေရိကန်က တရုတ်ကုန်ပစ္စည်းတွေကို အခွန်စည်းကြပ်မှုတွေ ထပ်မံခြိမ်းခြောက်မှုတွေ ပေါ်ပေါက်နေချိန်မှာ ကွဲပြားမှုတွေကို လက်တွေ့ဆန်ဆန်ချဉ်းကပ်ဖို့ တိုက်တွန်းထားကြောင်း နိုင်ငံပိုင် သတင်းဌာနက ဖော်ပြပါတယ်။အခွန်စည်းကြပ်မှုတွေ တင်းတင်းကြပ်ကြပ်လုပ်မယ်လို့ ကတိပြုထားတဲ့ ရီပတ်ဘလီကန်သမ္မတလောင်း ဒေါ်နယ်ထရန့်ကတော့ ဒီမိုကရက်တစ်သမ္မတလောင်း ကမလာဟားရစ်ကို ရွေးကောက်ပွဲမှာ အနိုင်ရရှိပြီး…

ကိဗ်ယက်၊ နိုဝင်ဘာ-၇-၂၀၂၄မျိုးဆက်(VOM)မြောက်ကိုရီးယားတပ်တွေနဲ့ ပထမဆုံးအကြိမ် ထိပ်တိုက်တွေ့ဆုံ တိုက်ခိုက်မှုဖြစ်ပွားခဲ့ကြောင်း ယူကရိန်းစစ်တပ် တာဝန်ရှိသူတွေက ထုတ်ဖော်ပြောဆိုလိုက်ပါတယ်။ရုရှားနိုင်ငံ ကာ့စ်ဒေသမှာ မြောက်ကိုရီးယားတပ်ဖွဲ့တွေဟာ နိုဝင်ဘာ ၄ ရက်က ဖြစ်ပွားခဲ့တဲ့ တိုက်ပွဲမှာပါဝင်ခဲ့ပြီး မြောက်ကိုရီးယားစစ်သား အုပ်စုငယ်ကို တိုက်ခိုက်ခဲ့တယ်လို့ ယူကရိန်းကာကွယ်ရေးဝန်ကြီး ရူစတန်ယူမီရော့ဗ်က ကေဘီအက်စ် သတင်းဌာနနဲ့ တွေ့ဆုံမေးမြန်းခန်းမှာ ပြောပါတယ်။မြောက်ကိုရီးယားတပ်တွေ ရုရှားကို ရောက်ရှိလာတာနဲ့ပတ်သက်ပြီး တုံ့ပြန်ခြင်းမရှိတဲ့ အနောက်မဟာမိတ်နိုင်ငံတွေကို ပြစ်တင်ပြောဆိုထားတဲ့ ယူကရိန်းသမ္မတ ဇီလန်စကီးကတော့ မြောက်ကိုရီးယားနဲ့ ပထမဆုံးတိုက်ခိုက်မှုဟာ ကမ္ဘာမှာ မတည်မငြိမ်ဖြစ်မှုရဲ့ စာမျက်နှာသစ်ကို ဖွင့်လှစ်လိုက်တာလို့ သတိပေးထားပါတယ်။.ယူကရိန်တပ်တွေ ခြေကုပ်ယူထားတဲ့ ကာ့စ်နယ်စပ်ဒေသမှာ မြောက်ကိုရီးယားစစ်သား ၁၁၀၀၀ ရှိတယ်လို့ ယူကရိန်းက ပြောဆိုထားပြီး အများစုဟာ လေ့ကျင့်မှုတွေ ပြုလုပ်နေဆဲဖြစ်ပါတယ်။“ သူတို့က ရုရှားစစ်ယူနီဖောင်းတွေဝတ်ပြီး နည်းဗျူဟာပိုင်း လေ့ကျင့်မှုတွေ ပြုလုပ်နေပြီး ရှေ့တန်းစစ်မျက်နှာတွေမှာ ရုရှားစစ်တပ်ရဲ့ ကွပ်ကွဲမှုနဲ့အတူ ဖြန့်ကြက်နေတယ် ”လို့ ယူကရိန်း ကာကွယ်ရေးဝန်ကြီးက…