ဩဂုတ် ၂၇ – ၂၀၂၄ GG (VOM) မိုးကုတ်မြို့မှာ တိုက်ပွဲတွေမရှိတော့ဘဲ အေးချမ်းနေပေမယ့် ကျောက်တူးဖော်ခြင်းတွေမရှိတာကြောင့် အလုပ်အကိုင်အခွင့်အလမ်းနည်းပြီး အခက်အခဲတွေကြုံနေရတယ်လို့ ဒေသခံတွေက ပြောပါတယ်။ မိုးကုတ်ကို ထိန်းချုပ်ထားတဲ့ တအာင်းအမျိုးသား လွတ်မြောက်ရေးတပ်မတော် PSLF/TNLAကတော့ မိုးကုတ်မြို့မှာ ဒေသခံ တွေ စားဝတ်နေရေး အဆင်ပြေဖို့အတွက် တပိုင်တနိုင် ကျောက်မျက်တူးဖော်မှု လုပ်ငန်းတွေ လုပ်ကိုင်ခွင့် ပြုဖို့ ဆောင်ရွက်နေတယ်လို့ ပြည်တွင်းမီဒီယာတချို့ကို ပြောဆိုထားပေမယ့် လက်ရှိမှာတော့ အကောင်ထည်ဖော်ဆောင်နိုင်ခြင်းမရှိသေးတာကြောင့် ဒေသခံတွေအခက်တွေ့နေရတာဖြစ်တယ်လို့ဆိုပါတယ်။ ” သူတို့ကတော့ တပိုင်တနိုင်တွေခွင့်ပြုပေးမယ့်ပြောထားပေမယ့် ဘယ်တော့လဲဆိုတာမသိရသေးဘူး။အခုက မြို့က တိုက်ပွဲမရှိဘဲအေးချမ်းသွားတယ်ဆိုပေမယ့် အလုပ်ကမရှိဘူး။အလုပ်မရှိတော့ စားဝတ်နေရေးအဆင်မပြေဘူး။ကြာရင်ဒုက္ခရောက်မယ်။အဝေးမှာအလုပ်လုပ်နေတဲ် မိသားစုရှိသူတွေကတော့ ငွေတွေပို့ပေးနေကြရတယ်။ပို့ပေးမယ့်သူမရှိတဲ့ သူတွေကဒုက္ခရောက်ရတယ်။” လို့ မြို့ခံတယောက်ကပြောပါတယ်။ မိုးကုတ်မှာက ဘဏ်စနစ်တွေရပ်ဆိုင်းသွားတဲ့အပြင် Kpay နဲ့ Wave money ကနေငွေသွင်းငွေထုတ်လုပ်ကိုင်သူကလည်း နည်းပြီးငွေထုတ်ရအဆင်မပြေတာကြောင့် မိုးကုတ်ကို ပြေးဆွဲနေတဲ့ကားသမားတွေကနေတဆင့် ငွေလွှဲပို့နေကြရတယ်လို့ ဆိုပါတယ်။…
Read Moreမိုးကုတ်မှာ အေးချမ်းနေပေမယ့် တပိုင်တနိုင်ကျောက်တူးခွင့်မပြုသေးလို့ ဒေသခံတွေ အဆင်မပြေ
