Year: 2024

မန္တလေး၊ အောက်တိုဘာ ၃၀-၂၀၂၄Voice Of Myanmar(VOM)မန္တလေးမြို့၊ အောင်မြေသာစံမြို့နယ်၊ အိုးဘိုအကျဉ်းထောင်အနီးက ပရဟိတမင်းခေါင် အမည်ရှိတဲ့ လူမူကူညီရေးအသင်းရဲ့ ဥက္ကဋ္ဌနဲ့ အသင်းသားတွေ ဖမ်းဆီးခံထားရတယ်လို့ လုံခြုံရေးအဖွဲ့နဲ့နီးစပ်သူတွေဆီက သိရပါတယ်။လုံခြုံရေးအဖွဲ့နဲ့နီးစပ်သူတဦးကတော့ ” ဟုတ်ပါတယ်၊ ကိုခင်မောင်တင့် အပါ ၆ဦးပါ၊ သူတို့က မြင်းမူ၊ မြောင်၊ ဆားတောင် ပကဖ၊PDF တွေနဲ့အချိတ်အဆက်ရှိနေလို့ ထိန်းသိမ်းတာပါ”လို့ ပြောပါတယ်။ပရဟိတမင်းခေါင် လူမှုကူညီရေးအသင်းနဲ့ နီးစပ်သူကလည်း ” ဦးတင့် ပျောက်သွားတာ ပြီးခဲ့တဲ့ အောက်တိုဘာ (၂၆)ရက်ကတည်းကလို့ သိရတယ်၊ ခရီးထွက်ရမယ် ပြောပြီးနောက်ပိုင်း ပျောက်သွားတာ၊ ဖမ်းခံရတာလား ဘာလားဆိုတာ ဘာမှမသိရ သေးပါဘူး”လို့ ပြောပါတယ်။လူမှုကွန်ယက်စာမျက်နှာအချို့မှာ တော့ ပရဟိတမင်းခေါင် အသင်းရုံးကို အရပ်ဝတ်နဲ့လူတချို့က ဝင်ရောက်ပြီး အသင်းဝင်တွေကို လာရောက်ဖမ်းဆီးသွားတယ်လို့လည်း ဖော်ပြထားတာကို တွေ့ရပါတယ်။ပရဟိတမင်းခေါင် လူမူကူညီရေးအသင်းရဲ့ ဥက္ကဋ္ဌ ဦးခင်မောင်တင့်ဟာ နစက တက်လာပြီးနောက် ဖမ်းဆီးေထာင်ချခံရဖူးပြီး၊…

ZY(VOM) အောက်တိုဘာ ၃၀၊ ၂၀၂၄ ရှမ်းပြည်နယ်တောင်ပိုင်း၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဆီဆိုင်နဲ့ ဟိုပုံးမြို့နယ်မှာ နစကက ပြည်သူလူထုတွေကို ဖြန့်ဝေပေးဖို့ ထောက်ပံ့ပေးထားတဲ့ ဆန်တွေကို ရပ်ကွက်လူကြီးတွေကို ပြည်သူတွေကို မဝေပေးဘဲ ပြင်ပကိုရောင်းစားနေကြတယ်လို့ ဒေသတွင်းသတင်းရင်းမြစ်တွေထံကနေ သိရပါတယ်။ ဆီဆိုင်မြို့နဲ့ ဟိုပုံးမြို့ရှိ ရပ်ကွက်တွေအတွင်းမှာ စစ်ဘေးနဲ့ ရေဘေးဒုက္ခရောက်သူတွေအတွက် နစကမှ ထောက်ပံ့လာတဲ့ ဆန်တွေကို အခုအောက်တိုဘာလ၊ နောက်ဆုံးပါတ်အတွင်း လှည့်လည်ဖြန့်ဝေပေး နေပေမယ့် အပြည့်အဝမပေးသလို လုံးဝ မရရှိသူတွေလည်း ရှိနေပြီး ရပ်ကွက်လူကြီးတွေက ပြင်ပကို ရောင်းချနေကြတယ်လို့ ဆိုပါတယ်။ “လုံးဝမရတဲ့သူတွေလည်း ရှိတယ်၊ သူတို့နဲ့ အဆင်ပြေတဲ့သူတွေကိုပဲ ပေးတာများတယ်။ အဲဒီဆန်တွေကို ဒီရပ်ကွက်ထဲမှာပဲ ရောင်းရင် လူသိမှာစိုးလို့ တခြားရပ်ကွက်တွေ၊ မြို့တွေကို သွားရောင်းနေကြတာ။ ပြင်ပက အလှူရှင်တွေ လာလှူတာတွေကိုလည်း သူတို့ဆွေမျိုးတွေဝေပြီးမှ တကယ်ဒုက္ခရောက်သူတွေက ရတာ”လို့ သတင်းရင်းမြစ်တယောက်က VOMကို ပြောပါတယ်။…

အောက်တိုဘာ ၃၀ – ၂ဝ၂၄ KKO(VOM) ဂျစ်ကားစီးဖူးသလား “ဂျာကစ် စာဘူးသရီး” ရုပ်ရှင်ဇာတ်ကားကြီးကို ဝေဖန်ခဲ့တဲ့သူ ဟာဆယ်ယွန်ပျောက်ဆုံးသွားခဲ့မှုနဲ့ ပတ်သက်လို့ မိသားစုဝင်တွေက လှိုင်နဲ့ မရမ်းကုန်းမြို့နယ်ရဲစခန်းနှစ်ခုတို့မှာ လူပျောက်တိုင်ချက်ဖွင့်ထားသော်လည်း သူ့ကို ယနေ့အထိပြန်ရှာမတွေ့သေးဘူးလို့ VOM က စုံစမ်းသိရှိရပါတယ်။ “သူပျောက်ဆုံးနေတာနဲ့ပတ်သက်လို့အမျိုးမျိုးထင်ကြေးတွေပေးပြီး ပြောနေကြတာတွေတော့ရှိပါတယ်။ ရဲကဖမ်းတယ်ဆိုရင် စခန်းမှာလူပျောက်သွားဖွင့်ထားတဲ့အတွက် သူသာတကယ်အဖမ်းခံရရင် ဒါကိုမိသားစုဝင်‌တွေကသိရမယ်လေ၊အခုအထိပြန်ရှာမတွေ့သေးသလို၊သတင်းတိတိကျကျလည်းမရသေးပါဘူး။သူပျောက်ဆုံးသွားခဲ့တာနဲ့ ပတ်သက်လို့ ရဲစခန်းတွေမှာလည်း တိုင်ချက်ဖွင့်ထားပါတယ်။ရဲဘက်ကလည်း ဒါကိုစုံစမ်းနေတယ်လို့ပြောပါတယ်”လို့ ဟာဆယ်ယွန်နဲ့ နီးစပ်သူ အသိ မိတ်ဆွေတယောက်က VOM ကို ပြောပါတယ်။ ပျောက်ဆုံးနေသူ ဟာဆယ်ယွန်ဟာ ဂျစ်ကားစီးဖူးသလား “ဂျာကစ် စာဘူးသရီး” ရုပ်ရှင်နဲ့ပတ်သက်လို့ အခုလ အောက်တိုဘာ ၂၄ ရက်နေ့က Facebook Social Media မှာစတင်ရှုံ့ချခဲ့သူဖြစ်ပြီး အကြောင်းရင်းကတော့ ဇာတ်ကားနာမည်၊ဇာတ်ကားထဲကဝတ်ဆင်ထားတဲ့ ဟိန္ဒူရိုးရာဝတ်စုံတို့က ရိုးရာယဥ်ကျေးမှုကိုပျက်ရယ်ပြုစော်ကားသလိုဖြစ်နေတယ်လို့ ဦးစွာပထမအနေနဲ့ ရှုတ်ချထားသူ တယောက်ဖြစ်ပါတယ်။ ထိုရုပ်ရှင်ဇာတ်ကားကိုဝေဖန်ခဲ့တဲ့…

အောက်တိုဘာ ၃၀ – ၂၀၂၄ SN (VOM) မြန်မာနိုင်ငံရဲ့ ထိပ်တန်း စီးပွားရေးလုပ်ငန်းရှင်ကြီး တယောက်ဖြစ်တဲ့ ဦးတေဇပိုင် ကန်တော်ကြီးပဲလေ့စ်ဟိုတယ်နဲ့ ပုဂံနန်းမြင့်မျှော်စင်ကို ထပ်မံ ရောင်းချသွားမှာဖြစ်တယ်လို့ စီးပွားရေးလုပ်ငန်းရှင်တွေနဲ့ အိမ်ခြံမြေ လုပ်ငန်းရှင်တွေကြား ထွက်ပေါ်နေတဲ့ သတင်းတွေအရ သိရပါတယ်။ ရန်ကုန်မြို့၊ ကန်တော်ကြီးကန်ပတ်လမ်းမှာရှိတဲ့ ကန်တော်ကြီးပဲလေ့စ်ဟိုတယ်ကို ပြန်လည်ရောင်းချဖို့အတွက် ဈေးကွက်ထဲ အရောင်းတင်ထားသလို ပုဂံယဉ်ကျေးမှုဒေသ တခုလုံးကို အပေါ်စီးကနေမြင်နိုင်တဲ့ နန်းမြင့်မျှော်စင်ကိုလည်း ရောင်းချတော့မှာဖြစ်တယ်လို့ သိရပါတယ်။ ဒါနဲ့ပတ်သက်လို့ အိမ်ခြံမြေလုပ်ငန်းရှင် တယောက်က “သတင်းတွေကတော့ ပြန့်နေတာပဲ။ ကန်တော်ကြီးပဲလေ့စ်ဟိုတယ်ကို ပြန်ရောင်းမယ်ဆိုတဲ့ သတင်းကတော့ ကြားပါတယ်။ ဒါပေမယ့် အသေးစိတ်အခြေ‌အနေ၊ ဘယ်လောက်နဲ့ ဈေးခေါ်ထားတယ်လို့တော့ မသိရဘူးပေါ့။ ပြန်ရောင်းမယ်ဆိုတာက‌တော့ သေချာသလောက်ပါပဲ။ ဝယ်လက်ကတော့ မတွေ့သေးဘူးပြောတယ်။ နန်းမြင့်မျှော်စင်ကြီးကတော့ သူနဲ့ဆက်စပ်နေတဲ့ Aureum Palace Hotel & Resort ကိုပါ တခါတည်းရောင်းချမယ့်…

ZY(VOM)အောက်တိုဘာ ၂၉၊ ၂၀၂၄ရှမ်းပြည်နယ်ရဲ့မြို့တော်၊ တောင်ကြီးမြို့ရဲ့ အထင်ကရ ပွဲတော်တစ်ခုဖြစ်တဲ့ တန်ဆောင်တိုင်ရိုးရာ မီးပုံးပျံပွဲတော် ကျင်းပပြုလုပ်သွားမှာဖြစ်တာကြောင့် လာမယ့် နိုဝင်ဘာလ ၈ရက်ကနေ ၁၆ရက်အထိ မြို့တွင်းရှိ ဟိုတယ်၊ မိုတယ်အားလုံး ဘိုကင်ပြည့်နေပြီဖြစ်တယ်လို့ ဟိုတယ်ဝန်ထမ်းတွေထံကနေ သိရပါတယ်။တောင်ကြီးမြို့ရဲ့ အထင်ကရ ပွဲတော်တစ်ခုဖြစ်တဲ့ တန်ဆောင်တိုင်ရိုးရာ မီးပုံးပျံပွဲတော်ကို လာမယ့် နိုဝင်ဘာလ ၉ရက်ကနေ ၁၅ရက်အထိ အဝေရာမီးပုံးပျံကွင်းမှာ ကျင်းပပြုလုပ်သွားမယ်လို့ ရှမ်းပြည်နယ်အစိုးရအဖွဲ့က အောက်တိုဘာလ ၁၈ရက်မှာ သတင်းထုတ်ပြန်ထားပါတယ်။အဲဒီလိုထုတ်ပြန်ကြေညာပြီးနောက် ရန်ကုန်၊ နေပြည်တော်စတဲ့ ရပ်ဝေးက ဧည့်သည်တွေ ကြိုတင်ဘိုကင် တင်ထားကြတာကြောင့် အခုအောက်တိုဘာလအတွင်း ဟိုတယ်၊ မိုတယ်တွေနဲ့ တည်းခိုခန်းတွေအားလုံး ဘိုကင်ပြည့်နေတာကြောင့် ထပ်မံဘိုကင်တင်ကြသူတွေကို လက်မခံတော့ဘူးလို့ ဆိုပါတယ်။“၂၆ရက်ကတည်းက ဘိုကင်တွေပြည့်နေပြီ။ တခြားဟိုတယ်၊ မိုတယ်တွေကို ဆက်သွယ်ပေးတော့လည်း သူတို့လည်း ပြည့်နေကြပြီတဲ့။ ၇ရက်အထိတော့ အခန်းတချို့ကျန်သေးတယ်။ ၈ရက်ကနေ ၁၆ရက်အထိတော့ အကုန်ကုန်သွားပါပြီ။ ပျော်ပွဲရွှင်ပွဲက ငတ်နေကြတာကြာပြီဆိုတော့…

မန္တလေး ၊ အောက်တိုဘာ ၂၉- ၂၀၂၄ အဂတိလိုက်စားမှုစွဲချက်နဲ့ အိုးဘိုထောင်မှာ ထောင်ဒဏ် ၂၈ နှစ် ကျခံနေရတဲ ပြည်ထောင်စု လျှပ်စစ်ဝန်ကြီးဟောင်း ဦးဝင်းခိုင်ကို လွတ်ငြိမ်းသက်သာခွင့်ပေးလိုက်ကြောင်း သက်ဆိုင်ရာက သိရပါတယ်။ လျှပ်စစ်ဝန်ကြီးဟောင်း ဦးဝင်းခိုင် ဟာ ကျမ္မာရေးမကောင်းလို့ အရေးပေါ် ေဆးဝါးကုသမှုခံယူနေရသူဖြစ်ပါတယ်။ သူ့ကို ၂၀၂၁ ခုနှစ်၊ ဖေဖော်ဝါရီလမှာ ဖမ်းဆီးခဲ့ပြီး နိုင်ငံ့ဘဏ္ဍာငွေ ကျပ် ၆ ဘီလီယံခန့် နစ်နာမှုကြောင့်လို့ဆိုကာ ၂၀၂၁ ခုနှစ်၊ ဒီဇင်ဘာ ၈ ရက်က အဂတိလိုက်စားမှု တိုက်ဖျက်ရေးဥပဒေ ပုဒ်မ-၅၅ နဲ့ အမှုဖွင့်ခံရပြီးနောက် ထောင်ဒဏ် ၂၈ နှစ် ချမှတ်ခံခဲ့ရသူ ဖြစ်ပါတယ်။ ဦးဝင်းခိုင်ဟာ ပြီးခဲ့တဲ့အစိုးရလက်ထက်က ဆောက်လုပ်ရေးဝန်ကြီးအဖြစ် စတင် ခန့်အပ်ခံရသူဖြစ်ပြီး အဲ့ဒီကနေတစ်ဆင့် လျှပ်စစ်နှင့် စွမ်းအင်ဝန်ကြီးအဖြစ် ပြောင်းလဲခန့်အပ်ခံရသူဖြစ်ပါတယ်။ ၂၀၁၈ ခုနှစ်၊ နိုင်ငံတော်သမ္မတ…

အောက်တိုဘာ ၂၉ – ၂၀၂၄ SS (VOM) ရန်ကုန်တိုင်း၊ လှိုင်သာယာ (အရှေ့ပိုင်းမြို့နယ်) မှာ ဒီကနေ့ အောက်တိုဘာ ၂၉ ရက်၊ မနက်အစောပိုင်းက ယာဉ်တိုက်မှုဖြစ်ပွားခဲ့ပြီး တယောက်သေဆုံးကာ ကိုးယောက် ဒဏ်ရာရရှိခဲ့တယ်လို့ မြန်မာနိုင်ငံ မီးသတ်တပ်ဖွဲ့ရဲ့ ထုတ်ပြန်ချက်အရ သိရပါတယ်။ အဲဒီဖြစ်စဉ်ဟာ အင်းစိန် – ညောင်တုန်းလမ်း၊ ဘီအိုစီမှတ်တိုင်အနီးမှာ ဒီကနေ့ မနက် ၃ နာရီ ၅၃ မိနစ်ဝန်းကျင်က ဖြစ်ပွားခဲ့တာလို့ သိရပြီး JAC HFC အမျိုးအစားယာဉ်က TOYOTA TOYOACE ယာဉ်ကို အရှိန်မထိန်းနိုင်ဘဲ ဝင်တိုက်ခဲ့တာကြောင့် အမျိုးသား တယောက် သေဆုံးခဲ့ကာ နောက်ထပ် အမျိုးသား သုံးယောက်ကတော့ စိုးရိမ်ရဒဏ်ရာတွေ ရရှိခဲ့ပြီး အမျိုးသား လေးယောက်နဲ့ အမျိုးသမီး နှစ်ယောက်ကတော့ မစိုးရိမ်ရဒဏ်ရာတွေ ရရှိခဲ့တယ်လို့ မီးသတ်တပ်ဖွဲ့ရဲ့ ထုတ်ပြန်ချက်မှာ…