Month: January 2025

ဇန်နဝါရီ ၆- ၂၀၂၅GG (VOM)ပဲခူးတိုင်း၊ ရေတာရှည်မြို့နယ်၊ စစ်တောင်းမြစ်အရှေ့ဘက်ကမ်းမှာရှိတဲ့ ပိန္နဲပင်ရွာနဲ့ ရေလွှဲရွာမှာ နစက တပ်ဖွဲ့နဲ့ PDF တွေအကြားတိုက်ပွဲတွေပြင်းထန်နေတယ်လို့ သိရပါတယ်။နှစ်ဖက်အ ဖွဲဲ့အစည်းတွေအကြားတိုက်ပွဲ ပြင်းထန်နေတာကြောင့် အဆိုပါကျေးရွာက ဒေသခံပြည်သူတွေမှာ လက်နက်ကြီးကြောင့် နေအိမ်တွေထိခိုက်ပျက်စီးတဲ့အပြင် ရွာလုံးကျွတ်နေအိမ်စွန့်ခွာစစ်ရှောင်နေရသလို အနီးဝန်းကျင်ရှိရွာတွေကလည်း စစ်ရှောင်နေကြရတယ်လို့သိရပါတယ်။” ခုရက်ပိုင်းမှာပိုပြင်းထန်လာတယ်ပြောရမယ်။ပစ်ခတ်သံတွေနေ့တိုင်းကြားရတယ်။ PDF တွေဘက်က ရှစ်ယောက်သေတယ်လို့သိရတယ်။စစ်တပ်ဘက်ကလည်းအကျဆုံးရှိတယ်ကြားပေမယ် သေချာမသိရသေးဘူး။ရွာသားတွေကတော့အကုန်စစ်ရှောင်နေကြရတယ်။တိုက်ပွဲဖြစ်တဲ့ရွာနီးပတ်ချာလည်းမနေရဲကြဘူးရှောင်ကြရတယ်။ခုတိုက်ပွဲဖြစ်နေတဲ့ရွာက သေတာ ရှစ်ယောက်ရှိတယ်။” လို့ ဒေသခံကပြောပါတယ်။တိုက်ပွဲဖြစ်ပွားနေတဲ့ ပိန္နဲပင်ရွာနဲ့ရေလွှဲရွာတွေက ဒေသခံပြည်သူတွေကတော့ စစ်ပွဲလွတ်တဲ့ကျေးရွာတွေနဲ့ဘုန်းတော်ကြီးကျောင်းတွေ၊ဆွေမျိုးမိသားစုမိတ်ဆွေတွေ၊ တောတွေထဲကိုထွက်ပြေးတိမ်းရှောင်နေရတာကြောင့် စားဝတ်နေရေးတွေလည်း ဒုက္ခရောက်နေရတယ်လို့ဆိုပါတယ်။” တိုက်ပွဲက ဖြစ်တော့ပြေးကြရတာ စားစရာကိုအများကြီးဘယ်သူမှမသယ်နိုင်ဘူး။ဒီတိုင်းပြေးကြရတာ။တောထဲရှောင်နေရသူတွေဆိုပိုဒုက္ခရောက်တယ်။ကူညီမယ့်သူမရှိနဲ့ အမိုးအကာကမလုံမခြုံနဲ့နေရတာ။ရွာတွေဘက်ရှောင်တဲ့သူတွေကမှတော်သေးတယ်။ ဒီနေ့လည်း ပစ်ခတ်တွေ ကြားရတယ်။” လို့သူကဆက်ပြောပါတယ်။အဆိုပါ တိုက်ပွဲအကြားမှာလက်နက်ကြီးထိမှန်ပြီး ပိန္နဲပင်ရွာက ခုနှစ်ယောက်သေဆုံးခဲ့ပြီး ရေလွှဲရွာကတော့ အုပ်ချုပ်ရေးမှူးသေဆုံးခဲ့တယ်လို့ ကနဦးသတင်းတွေအရသိရပါတယ်။ခုလဇန်နဝါရီ ၁ ရက်နေ့မှာ စစ်တောင်းမြစ်အရှေ့ဘက်ကမ်းကို စစ်ကြောင်းထိုးလာတဲ့ နစက တပ်ဖွဲ့တွေနဲ့ PDF တပ်တွေ ထိတွေ့တိုက်ပွဲဖြစ်ပွားရာကနေ…

ဇန်နဝါရီ ၄ – ၂၀၂၅ GG (VOM) ၂၀၀၈ ဖွဲ့စည်းပုံအခြေခံဥပဒေ ရေးဆွဲနိုင်ရန် အသေးစိတ်အခြေခံ မယ့်မူတွေ ချမှတ်နိုင်ရေးအတွက် အမျိုးသားညီလာခံမှာပါဝင်ဆွေးနွေးခဲ့ကြတဲ့ ညီလာခံကိုယ်စားလှယ် ၂၄၉ ယောက်ကိုဂုဏ်ထူးဆောင်တံဆိပ် လူမှုထူးချွန်(ပထမအဆင့်)ဆုတွေချီးမြှင့်တာဖြစ်ကြောင်း နစကရဲ့ ဒီနေ့ထုတ်ပြန်ချက်မှာ ဖော်ပြထားပါတယ်။ တိုင်းရင်းသားပါတီတွေကနိုင်ငံရေး ခေါင်ဆောင်တွေဖြစ်တဲ့ ရှမ်းတိုင်းရင်းသားများဒီမိုကရေစီအဖွဲ့ချုပ်ပါတီ(SNLD) မှ ဦးခွန်ထွန်းဦး၊ ဦးစိုင်းညွန့်လွင် အပြင် မွန်တိုင်းရင်းသားနိုင်ငံရေးခေါင်းဆောင်တွေဖြစ်တဲ့ နိုင်ချေမွန်၊ နိုင်တလမွန်၊ နိုင်ဧကတို့ကို နစကမှ စွမ်းဆောင်မှုဆိုင်ရာ ဂုဏ်ထူးဆောင်တံဆိပ် လူမှုထူးချွန်(ပထမအဆင့်)ဆုတွေချီးမြှင့်ခံရသူတွေထဲမှာ ပါဝင်နေပါတယ်။ ဂုဏ်ထူးဆောင်တံဆိပ် လူမှုထူးချွန်(ပထမအဆင့်)ဆုတွေချီးမြှင့်ခံရတဲ့အထဲမှာ ဦးခွန်ထွန်းဦး အပါအဝင် လူပုဂ္ဂိုလ်အချို့ကတော့ ကွယ်လွန်ခဲ့ပြီဖြစ်ပါတယ်။ ” အမျိုးသားညီလာခံမှာ တက်ခဲ့တဲ့သူတွေဆိုပြီးအကြောင်းပြထားတယ်။ အမျိုးသားညီလာခံကနေ နေအခြေခံမူတွေချမှတ်ခဲ့တယ်။ အဲဒီတုန်းက ဦးစိုင်းညွန့်လွင်တို့ဦးခွန်ထွန်းဦးတို့ပါတီက တောက်လျှောက်ကန့်ကွက်ခဲ့တာ။ သတ်မှတ်တာတို့စနစ်တွေပေါ့။ အမျိုးသားညီလာခံမှာတက်တဲ့သူတိုင်းလည်း မဟုတ်ဘူး။ညီလာခံမှာတက်ခဲ့ပြီး အခုလတ်တလောငွေဆောင်အစည်းအဝေးမှာ တက်ခဲ့တဲ့ဆက်နွယ်သူတွေကို ပေးလိုက်တာတွေ့ရတယ်။ တမင်ပေးတယ်ထင်တယ်။ အရင်ကထူးချွန်ပထမ၊ဒုတိယ၊တတိယဆုတွေဆို သေတဲ့သူတွေမပေးဘူး။ အခုကသေတဲ့သူတွေပါလာတယ်။…

ဇန်နဝါရီ ၄ – ၂၀၂၅GG (VOM )နစကရဲ့ လွတ်ငြိမ်းချမ်းသာခွင့်နဲ့ လွှတ်ပေးလိုက်တဲ့အကျဥ်းသား ၆၀၀၀ နီးပါးထဲမှာ နိုင်ငံရေးအကျဥ်းသား ၆၀၀ သာလွတ်မြောက်ပါဝင်တယ်လို့ သတင်းထုတ်ပြန်ရေးခေါင်းဆောင် ဗိုလ်ချုပ် ဇော်မင်းထွန်းက ပြောပါတယ်။အဆိုပါ လွတ်ငြိမ်းခွင့်နဲ့လွှတ်ပေးလိုက်တဲ့နိုင်ငံရေးအကျဥ်းသားတွေထဲမှာ NLD အစိုးရလက်ထက် ကချင်ပြည်နယ်ဝန်ကြီးချုပ်ဟောင်း ဒေါက်တာခက်အောင်ပါဝင်ပြီး လွတ်မြောက်လာတယ်လို့သိရပါတယ်။“ပြစ်မှုခုနှစ်ခုမှအပ ကျန်တဲ့ပြစ်မှုတွေကိုပြစ်ဒဏ်ရဲ့၆ပုံ၁ပုံလွတ်ငြိမ်းချမ်းသာခွင့်ပေးခဲ့တယ်။အကျဉ်းသား ၅၈၆၄ ဦးကို ဒီနေ့ လွတ်ငြိမ်းချမ်းသာခွင့် ပေးခဲ့ပါတယ်။ အဲဒီထဲမှာတော့ ၅၀၅ နဲ့တရားစွဲခံခဲ့ရတဲ့ ၆၀၀ ဦးပါဝင်မယ်။နိုင်ငံခြားသား၁၈၀ လွတ်ငြိမ်းပေးခဲ့ပါတယ်။ထိုင်းနိုင်ငံသားများပါတယ်။ပြီးရင်တော့ ကချင်ပြည်နယ်ဝန်ကြီးချုပ်ဟောင်း ဦးခက်အောင်လည်း လွတ်/ ငြိမ်းထဲမှာ ပါဝင်လာပါတယ်” လို့ ဗိုလ်ချုပ်ဇော်မင်းထွန်းကပြောပါတယ်။ဒေါက်တာခက်အောင်ကို အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၅ အရ တရားစွဲဆိုခဲ့ပြီး ၂၀၂၂ခုနှစ်၊ ဧပြီလ ၂၂ ရက်နေ့မှာ ကချင်ပြည်နယ်တရားလွှတ်တော်က ဒေါက်တာခက်အောင်ကို အဂတိလိုက်စားမှု တိုက်ဖျက်ရေးဥပဒေ ပုဒ်မ ၅၅ အရ အလုပ်နှင့်…

ဒီဇင်ဘာ ၄ – ၂၀၂၅KKO(VOM)လက်ရှိကျင်းပမယ့် ရွေးကောက်ပွဲကနေ ထွက်ပေါ်လာတဲ့ အစိုးရကိုလည်း နိုင်ငံ့တာဝန်တွေ လွှဲပေးမယ်လို့ နစက ဥက္ကဌက ယနေ့ ကျရောက်တဲ့ (၇၇)နှစ်မြောက် လွတ်လပ်ရေးနေ့ သဝဏ်လွှာမှာ ကတိပြုလိုက်ပြီး NCA မှာလက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့(EAO)အချို့က NCA ပါ ကတိကဝတ်တွေကို လိုက်နာမှုမရှိဘဲ ချိုးဖောက်နေကြသည်ကိုလည်း တွေ့ရှိနေရတယ်လို့လည်း ဆိုပါတယ်။နိုင်ငံရေးပြဿနာကို စစ်ရေးနဲ့ ဖြေရှင်းခြင်းမပြုဘဲ နိုင်ငံရေးနည်းနဲ့သာ ဖြေရှင်းကြဖို့ကိုလည်း နစက ဥက္ကဌ က လွတ်လပ်ရေးနေ့ အခမ်းအနားသို့ ပေးပို့တဲ့ သူရဲ့သဝဏ်လွှာမှာ ထည့်သွင်းဖော်ပြခဲ့ပါတယ်။“နိုင်ငံတော်စီမံအုပ်ချုပ်ရေးကောင်စီရဲ့ အန္တိမရည်မှန်းချက်က လွတ်လပ်ပြီး တရားမျှတတဲ့ ပါတီစုံဒီမိုကရေစီအထွေထွေရွေး ကောက်ပွဲကိုအောင်မြင်စွာ ကျင်းပဖို့ ဖြစ်ပါတယ်။စည်းစနစ်ကျနပြီး တရားမျှတတဲ့ သိက္ခာရှိတဲ့ အထွေထွေရွေးကောက်ပွဲဖြစ်စေဖို့နဲ့ ရွေးကောက်ပွဲကနေ ထွက်ပေါ်လာတဲ့အစိုးရကို နိုင်ငံတော်တာဝန် လွှဲအပ်နိုင်ရေး ဆက်လက်ဆောင်ရွက်သွားမှာဖြစ်တယ်လို့ကတိပြု ပြောကြားလိုပါတယ်”လို့ နစက ဥက္ကဌ က က…

ဇန်နဝါရီ ၄ – ၂၀၂၅ GG (VOM) ရုပ်ရှင်သရုပ်ဆောင် သင်ဇာဝင့်ကျော် ဒီနေ့ ဇန်နဝါရီ ၄ရက် ၊လွတ်လပ်ရေးနေ့မှာ အင်းစိန်ထောင်ကနေ လွတ်ငြိမ်းချမ်းသာခွင့်နဲ့ပြန်လွတ်လာပြီဖြစ်တယ်လို့ နီးစပ်သူတွေနဲ့အနုပညာအသိုင်းအဝိုင်းကသိရပါတယ်။ ထောင်ဒဏ် ငါးနှစ်ချခံထားရတဲ့သင်ဇာဝင့်ကျော်ဟာ ထောင်ထဲမှာ နှစ်နှစ်ကျော် အကျဥ်းကျခံရပြီးနောက်မှာ နစကရဲ့ ၂၀၂၅ ခုနှစ် လွတ်လပ်ရေးနေ့ လွတ်ငြိမ်းချမ်းသာခွင့်နဲ့ ပြန်လွှတ်ပေးတဲ့အကျဥ်းသားတွေထဲမှာ ပါဝင်လာတာဖြစ်တယ်လို့သိရပါတယ်။ ” အစ်မပြန်လွတ်ပါပြီ။အိမ်ရောက်ပြီပြောတယ်။အင်းစိန်ထောင်ကနေပြန်လွတ်လာတာပါ ။ ” လို့ မိသားစုနဲ့နီးစပ်သူကအတည်ပြုပြောပါတယ်။ သင်ဇာဝင့်ကျော် ပြန်လွတ်လာတဲ့အပေါ် ကို အနုပညာရှင်အများအပြားနဲ့ ရုပ်ရှင်အသိုင်းအဝိုင်းကလည်းဝမ်းသာကြောင်း သူတို့ရဲ့လူမှုကွန်ယက်စာမျက်နာကနေ ရေးသားဖော်ပြနေကြပါတယ်။ သရုပ်ဆောင် သင်ဇာဝင့်ကျော်ကို ၂၀၂၂ ခုနှစ်၊ ဩဂုတ်လမှာ ဖမ်းဆီးထိန်းသိမ်းခဲ့ပြီး အီလက်ထရွန်းနစ် ဆက်သွယ်ဆောင်ရွက်ရေး ဥပဒေပုဒ်မ ၃၃ – (က) နဲ့အမှုဖွင့်တရားစွဲဆိုခံခဲ့ရပါတယ်။ အဲဒီနောက် ဒီဇင်ဘာလမှာ သင်ဇာဝင့်ကျော်ကို အင်းစိန်အကျဉ်းထောင်တွင်းတရားရုံးက ထောင်ဒဏ် ငါးနှစ် ချမှတ်ခဲ့တာဖြစ်ပါတယ်။…