Day: January 21, 2025

ဇန်နဝါရီ ၂၁ – ၂၀၂၅ GG (VOM) ရှမ်းပြည်နယ်(အရှေ့ပိုင်း)၊ ကျိုင်းတုံမြို့နယ်၊ အမှတ်(၅) ရပ်ကွက်၊ နောင်ခေ့လမ်းမှာ ဒီနေ့ဇန်နဝါရီ ၂၁ ရက်နေ့မနက်ပိုင်းက နေအိမ်မီးလောင်မှုဖြစ်ပွားပြီး အိမ်ပိုင်ရှင်အမျိုးသားမီးလောင်သေဆုံးခဲ့တယ်လို့သိရပါတယ်။ မီးလောင်မှုက မနက်အစော ၁ နာရီကျော်လောက်မှာစတင်ဖြစ်ပွားခဲ့တာဖြစ်ပေမယ့် မီးသတ်ကားတွေက မနက်၃ နာရီလောက်မှသိရှိပြီး ရောက်ရှိလာတာကြောင့် မီးလောင်ချိန်ကြာမြင့်ပြီးမှ မီးငြှိမ်းသတ်နိုင်ခဲ့တယ်လို့မျက်မြင်ဒေသခံတွေပြောပြချက်အရသိရပါတယ်။ “မြို့မရဲစခန်းထောင့် လမ်းဆုံက အောင်နိုင်စတိုးအိမ်မီးလောင်တာပါ။ မီးက ၁ နာရီကျော် လောက်ကတည်းကစလောင်တာကို ၃ နာရီကျော်လောက်မှမီးသတ်ကားတွေရောက်တယ်။ဆက်သွယ်တာနောက်ကျလို့ပဲလားဘာလားသေချာမသိဘူး။အိမ်ရှင်ဦးလေးကြီး ဦးအောင်နိုင်လည်းမီးထဲပါသွားတယ်။အိမ်လည်းမီးထဲအကုန်ပါသွားတယ်။” လို့ မျက်မြင်ဒေသခံတယောက်ပပြောပြပါတယ်။ အဆိုပါ နေအိမ်မီးလောင်မှုက ဝါယာကြိုးရှော့ဖြစ်ပြီး မီးလောင်ကျွမ်းခဲ့တာဖြစ်ကြောင်းနဲ့ ဆုံးရှုံးမှုတန်ဖိုးကိုတော့ မသိရသေးဘူးလို့ သိရပါတယ်။ မီးလောင်မှုကိုတော့ ကျိုင်းတုံခရိုင်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၁)စီး၊ မီးသတ်ရေသယ်ယာဉ်(၁)စီး၊ ကျိုင်းတုံမြို့နယ်မီးသတ်စခန်းမှ မီးငြိမ်းသတ်ယာဉ်(၃)စီး၊ သန္ဓေမီးသတ်တပ်ဖွဲ့ဝင်တွေနဲ့ အရန်မီးသတ်တပ်ဖွဲ့ဝင်တွေက ၃နာရီ ၅၃ မိနစ်မှာ မီးစတင်ငြှိမ်းသတ်ခဲ့ပြီး၄နာရီ၃၀မိနစ်မှာမီးငြိမ်းခဲ့တယ်လို့သိရပါတယ်။ ဇန်နဝါရီ ၁၈…

ဇန်နဝါရီ ၂၁ – ၂၀၂၅ CC (VOM) ရှမ်းပြည်နယ်မြောက်ပိုင်း ၊ နောင်ချိုမြို့နယ်ကို ဒီနေ့ဇန်နဝါရီ ၂၁ ရက်နေ့မှာ လေကြောင်းက တိုက်ခိုက်ခံရလို့ နှစ်ယောက်သေဆုံးကာ တယောက်ထက်မနည်း ထိခိုက်ဒဏ်ရာရရှိခဲ့တယ်လို့သိရပါတယ်။ နောင်ချိုမြို့ပေါ် စည်ပင်ရုံးနဲ့ထွေအုပ်ရုံးတဝိုက်ကို လေကြောင်းတိုက်ခိုက်ခံရတာဖြစ်ပြီး အမျိုးသမီးတယောက်နဲ့ အမျိုးသားတယောက် သေဆုံးကာ နောက်ထပ် တယောက်ထက်မနည်း ထိခိုက်ဒဏ်ရာရရှိခဲ့ပြီး စည်ပင်အဆောက်အဦးနဲ့ နေအိမ် အဆောက်အဦးတွေလည်းထိခိုက်ပျက်စီးမှုရှိခဲ့တယ်လို့သိရပါတယ်။ ” ၂ နာရီကျော်လောက်မှာလေယာဥ်ဗုံးကြဲသွားတာပါ။ နှစ်ကြိမ်လာကြဲသွားတယ်။ ထွေအုပ်ရုံးတဝိုက်ကအိမ်တွေထိတယ်။ တစညပါတီရုံးထိတယ်။ ခုသိရသလောက်အမျိုးသမီးတယောက်နဲ့ အမျိုးသားသေတယ်။ လင်မယားလို့လည်းပြောတယ်။ နောက်ထပ်ဒဏ်ရာရတဲ့ထဲမှာလည်း အမျိုးသမီးတယောက်ပါတယ်။ ဒဏ်ရာရတာကတယောက်မကဘူးလို့ သိထားတယ်။ အိမ်တွေလည်းထိတယ်။ “လို့ ဒေသခံကပြောပါတယ်။ နောင်ချိုမြို့ကိုတော့ TNLA နဲ့ ၂၀၂၄ ခုနှစ် ဇူလိုင်လမှာ သိမ်းပိုက်ထိန်းချုပ်ခဲ့တာဖြစ်ပါတယ်။ ဒီနေ့ လေကြောင်းတိုက်ခိုက်မှုနဲ့ပတ်သက်ပြီး TNLA ဘက်ကလည်း နစကမှလေကြောင်းတိုက်ခဲ့ကြောင်းပြောဆိုထားပြီး လေကြောင်းတိုက်ခိုက်မှုကြောင့် စည်ပင်ရုံးနဲ့နေအိမ်အချို့ပျက်စီးခဲ့သလို မီးလောင်ခဲ့တာကြောင့်…

ဇန်နဝါရီ ၂၁ – ၂၀၂၅ SS (VOM) ဧရာဝတီတိုင်း၊ ပုသိမ်မြို့နယ်၊ ရွှေသောင်ယံမြို့၊ ဘောမိကျေးရွာမှာ တိုက်ပွဲတွေ ပိုမိုပြင်းထန်လာပြီး လူထိခိုက် သေဆုံးမှုတွေလည်း ရှိလာနေတယ်လို့ ဒေသခံတွေဆီက သိရပါတယ်။ ရွှေသောင်ယံမြို့၊ မကျီးဇင်အနီးရှိငှက်ပျောတောင်မှာ ပြီးခဲ့တဲ့ ဇန်နဝါရီ ၁၆ ရက်နေ့က နစကတပ်နဲ့ AA ပူးပေါင်းတပ်တွေကြား တိုက်ပွဲ ဖြစ်ပွားခဲ့ပြီး ဇန်နဝါရီ ၁၇ ရက်နေ့၊ မနက်ပိုင်းမှာတော့ ဘောမိကျေးရွာ ချောင်းဖျားပိုင်းထိ တိုက်ပွဲ ရောက်ရှိလာကာ ပိုမို ပြင်းထန်လာခြင်းဖြစ်တယ်လို့ သိရပါတယ်။ “အခုကတော့ ဘောမိအထိ တိုက်ပွဲရောက်လာတာပေါ့။ လက်ရှိ တိုက်ပွဲအခြေအနေက လေကြောင်းတိုက်ခိုက်မှုတွေလည်း ရှိတယ်။ နစကဘက်က ကြည်း၊ ရေ၊ လေ တပ်ပေါင်းစုံပေါင်းပြီး ခုခံနေတာ။ အခုဆို ကျေးရွာ သုံးရွာလောက်က နေအိမ် အလုံး ၄၀၀ လောက်လည်း ပျက်စီးသွားပြီ။…

ဇန်နဝါရီ ၂၁၊၂၀၂၅ Shy V(VOM) တရုတ်နိုင်ငံရဲ့ ကြားဝင် စေ့စပ်‌ပေးမှုကြောင့်နစက တပ်ဖွဲ့နဲ့ ကိုးကန့် MNDAA တပ်ဖွဲ့တို့ အပစ်အခတ်ရပ်စဲရေး သဘောတူ လက်မှတ်ရေးထိုးခဲ့ကြောင်း ဇန်နဝါရီ ၂၀ ရက်နေ့မှာ တရုတ်နိုင်ငံ နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ မော်နင်းက ပြောကြားထားပါတယ်။ နစကတပ်ဖွဲ့နဲ့ ကိုးကန့် MNDAA တပ်ဖွဲ့ တို့အကြား သတ္တမအကြိမ်မြောက် ငြိမ်းချမ်းရေး ဆွေးနွေးပွဲကို ယူနန်ပြည်နယ် ကူမင်းမြို့မှာ ကျင်းပခဲ့တာဖြစ်ပြီး အပစ်အခတ်ရပ်စဲရေး သဘောတူစာချုပ်ကို တရားဝင် လက်မှတ်ရေးထိုးခဲ့ကြကြောင်းလည်း ပြောထားပါတယ်။ အဲဒီ အပစ်အခတ် ရပ်‌စဲရေးက ၂၀၂၅ ခုနှစ် ဇန်နဝါရီလ ၁၈ ရက်နေ့ ပေကျင်း စံတော်ချိန် ၀၀:၀၀ နာရီက စတင် အသက်ဝင်ကြောင်းလည်း ပြောကြားထားပါတယ်။ တရုတ်နိုင်ငံ အနေနဲ့ ငြိမ်းချမ်းရေးဆွေးနွေးပွဲတွေကို ဆက်လက်မြှင့်တင်သွားမှာပြီး မြန်မာနိုင်ငံ မြောက်ပိုင်း…

ဇန်နဝါရီ ၂၁ – ၂၀၂၅ SN (VOM) မွန်ပြည်နယ်၊ ရေးမြို့နယ်၊ ကျုံလောင်းရွာဟောင်းအနီး တိုက်ပွဲကြောင့် ကျေးရွာပေါင်း ငါးရွာထက်မနည်း ရွာလုံးကျွတ်နီးပါး စစ်ဘေး တိမ်းရှောင်နေရတယ်လို့ ဒေသခံတွေဆီက သိရပါတယ်။ ကျုံလောင်းရွာဟောင်းအနီးမှာ ပြီးခဲ့တဲ့ ဇန်နဝါရီ ၈ ရက်နေ့ကစပြီး နစကတပ်က နယ်မြေရှင်းလင်းရေး လုပ်လာတဲ့အတွက် ဒေသတွင်း လက်နက်ကိုင်တပ်တွေနဲ့ နှစ်ဖက် ထိတွေ့တိုက်ပွဲတွေ ဖြစ်ပွားခဲ့တာလို့ သိရပါတယ်။ တိုက်ပွဲအတွင်း လေကြောင်းနဲ့ လက်နက်ကြီးပစ်ကူတို့ကြောင့် ကျုံလောင်း၊ ကျောက်မိကျောင်း၊ ဝယ်ပေါင်၊ ဝယ်ဇင်၊ ကျောင်းရွာ စတဲ့ ကျေးရွာတွေက ဒေသခံတွေ ရွာလုံးကျွတ်နီးပါး ဘေးလွတ်ရာကို တိမ်းရှောင်နေရတယ်လို့ ဒေသခံတယောက်က ပြောပါတယ်။ “စစ်ရှောင်အရေအတွက်က ခန့်မှန်းခြေ ထောင်ကျော်လောက်တော့ ရှိမယ်။ အတိအကျတော့ မသိရဘူး။ ရှောင်တာကတော့ ရေးမြို့ပေါ်နဲ့ ဓမ္မပါလကျေးရွာဘက်ကို ရှောင်ကြတာ။ ကျန်ခဲ့တဲ့ ရွာခံတွေကလည်း အပြင်မထွက်ရဲကြဘူး။…