Day: January 25, 2025

ဘန်ကောက်၊ ဇန်နဝါရီ-၂၅-၂၀၂၅ မျိုးဆက်(VOM) ထိုင်းနိုင်ငံ မြို့တော်ဘန်ကောက်မှာ လေထုညစ်ညမ်းမှုကြောင့် စာသင်ကျောင်း ၃၅၀ ကျော်ထိ စံချိန်တင် ပိတ်ထားရပြီး ဒါဟာ ငါးနှစ်အတွင်း အမြင့်ဆုံးဖြစ်တယ်လို့ မြို့အာဏာပိုင်တွေက ပြောပါတယ်။ လေထုညစ်ညမ်းမှု နာမည်ဆိုးနဲ့ ကျော်ကြားတဲ့ ဘန်ကောက်မှာ လက်ရှိဖြစ်ပေါ်နေတဲ့ လေထုညစ်ညမ်းမှုကို လျှော့ချရေးအတွက် မြို့တော်ရဲ့ မိုးပျံရထား၊ ဘတ်စ်ကားဝန်ဆောင်မှုတွေအပါအဝင် အများပြည်သူ သယ်ယူပို့ဆောင်ရေးတွေကို တပတ်ကြာ အခမဲ့စီစဉ်ပေးမယ်လို့ ထိုင်းအစိုးရက ပြောပါတယ်။ ရာသီအလိုက် လေထုညစ်ညမ်းမှုဟာ ဒေသတွင်းရှိနိုင်ငံတွေနည်းတူ ခံစားရလေ့ရှိပေမယ့် ယခုသီတင်းပတ်အတွင်း မီးခိုးမြူတွေကြောင့် အကြီးစားမော်တော်ယာဉ်တွေ မောင်းနှင်မှုကို ကန့်သတ်ထားပြီး ဝန်ထမ်းတွေကိုလည်း နေအိမ်ကနေ အလုပ်လုပ်ဖို့ ညွှန်ကြားထားပါတယ်။ သောကြာနေ့မှာတော့ ဘန်ကောက်ရဲ့ လေထုညစ်ညမ်းမှုဟာ အဆုတ်ကနေ သွေးကြောထဲထိဝင်ရောက်နိုင်အောင် သေးငယ်တဲ့ အမှုန်းအမွှားပါဝင်မှုအဆင့်ဟာ ၁ ကုဗမီတာမှာ ၁၀၈ မိုခရိုဂရမ်ထိ ပါဝင်နေတယ်လို့ IQAir ရဲ့ အချက်အလက်တွေမှာ…

ကိဗ်ယက်၊ ဇန်နဝါရီ-၂၅-၂၀၂၅ မျိုးဆက်(VOM) ယူကရိန်းဟာ ရုရှားကို အကြီးမားဆုံး ဒရုန်းတိုက်ခိုက်မှုတွေထဲကတခုအဖြစ် မော်စကိုနဲ့ ရေနံချက်စက်ရုံကို ပစ်မှတ်ထားတိုက်ခိုက်ခဲ့တယ်လို့ ရုရှားစစ်တပ်က ပြောပါတယ်။ မော်စကို အရှေ့တောင်ဘက် ရိုင်ဇန်ဒေသရှိ ရေနံချက်စက်ရုံနဲ့ ပို့ဆောင်ရေးနေရာတွေကနေ မီးခိုးလုံးတွေထွက်လာတာကို အတည်ပြုထားတယ်လို့ ယူကရိန်းအရာရှိတွေက ဆိုပါတယ်။ ရိုင်ဇန်နဲ့ မော်စကို အပါအဝင် ဒေသ ၁၃ ခုကို တိုက်ခိုက်လာတဲ့ ဒရုန်း ၁၂၁ စင်းကို ပစ်ချနိုင်ခဲ့တယ်လို့ ရုရှားစစ်တပ်က ပြောပါတယ်။ ရေနံစက်ရုံမီးလောင်မှုကို ရုရှားကလည်း အတည်ပြုထားပြီး ဒရုန်းတိုက်ခိုက်ခံရမှုကြောင့် အလုပ်တွေ ရပ်ဆိုင်းထားရတယ်လို့ ဆိုပါတယ်။ မော်စကိုမြို့တော်ဝန်ကလည်း မြို့တော်ရဲ့ လေကြောင်းရန်ကာကွယ်ရေး စနစ်တွေဟာ နေရာလေးခုမှာ ယူကရိန်းဒရုန်းတွေတိုက်ခိုက်မှုကို ကြားဖြတ်ဟန့်တားခဲ့တယ်လို့ ပြောပါတယ်။ ဒီအတောအတွင်း ယူကရိန်း ကိဗ်ယက်ဒေသမှာရှိတဲ့ လူနေအဆောက်အအုံတခုကို ရုရှားရဲ့ ဒရုန်းတိုက်ခိုက်မှုကြောင့် လူသုံးယောက်သေဆုံးပြီး တယောက်ဒဏ်ရာရရှိခဲ့တယ်လို့ ယူကရိန်းက ပြောပါတယ်။ ရုရှားရဲ့…

ဝါရှင်တန်၊ ဇန်နဝါရီ-၂၅-၂၀၂၅ မျိုးဆက်(VOM) အမေရိကန်ရဲ့ နိုင်ငံရပ်ခြားအကူအညီတွေအားလုံးနီးပါးကို ရပ်ဆိုင်းထားပြီး အကူအညီသစ်တွေ ပေးအပ်မှုတွေကိုလည်း ခေတ္တရပ်ဆိုင်းဖို့ အမေရိကန်နိုင်ငံခြားရေးဝန်ကြီးဌာနက နိုင်ငံရပ်ခြားရှိအမေရိကန်သံရုံးတွေကို ပေးပို့တဲ့ ညွှန်ကြားချက်မှာ ဖော်ပြထားပါတယ်။ အမေရိကန်နိုင်ငံခြားရေး မူဝါဒနဲ့ ကိုက်ညီမှုမရှိတဲ့ အကူအညီတွေကို ကိုက်ညီမှုရှိမရှိ ပြန်လည်သုံးသပ်ဖို့ အကူအညီပေးတာတွေကို ရက် ၉၀ ဆိုင်းငံ့ထားမှာဖြစ်ပါတယ်။ အစိုးရရဲ့ အချက်အလက်တွေအရ ၂၀၂၃ ခုနှစ်အတွင်း အမေရိကန်ဟာ ကမ္ဘာအကြီးဆုံး အလှူရှင်နိုင်ငံဖြစ်ပါတယ်။ လက်ရှိအကူအညီပေးအပ်မှုတွေ ရပ်ဆိုင်းမှုဟာ ဖွံ့ဖြိုးတိုးတက်ရေး လုပ်ငန်းတွေကနေ စစ်ရေးအကူအညီ ပေးအပ်မှုတွေထိ သက်ရောက်လာနိုင်ပါတယ်။ အဆိုပြုထားတဲ့ အကူအညီအသစ် သို့မဟုတ် အကူအညီတွေကို ဆက်ပေးဖို့တွေကိုလည်း ဒီကာလအတွင်းမှာ ပြန်လည်သုံးသပ်သွားမှာဖြစ်ပါတယ်။ အဲဒီအချိန်ကာလအတွင်းမှာ အကူအညီပေးမှုလုပ်ငန်းတွေကို ရပ်ဆိုင်းထားရမယ်လို့ ညွှန်ကြားချက်မှာ ဖော်ပြထားပြီး လုပ်ငန်းစဉ်ကို ၈၅ ရက်အတွင်း အပြီးဆောင်ရွက်ရမှာဖြစ်ပါတယ်။ ဒါဟာ အမေရိကန်ထောက်ပံ့ပေးထားတဲ့ စစ်ရေးအပါအဝင် နိုင်ငံရပ်ခြား အကူအညီပေးရေးအစီအစဉ်အပေါ် များစွာ…