Year: 2025

ခါတွမ်၊ ဖေဖော်ဝါရီ-၂၇-၂၀၂၅ ရတီ(VOM) ဆူဒန်နိုင်ငံ အွမ်ဒါမန်မြို့ လူနေရပ်ကွက်တခုပေါ်ကို ဆူဒန်စစ်လေယာဉ်တစင်း ပျက်ကျမှုကြောင့် လူ ၄၆ ယောက်သေဆုံးပြီး ၁၀ ယောက်ဒဏ်ရာရရှိဲခဲ့တယ်လို့ ဆူဒန်နိုင်ငံပိုင် သတင်းဌာနက ဆိုပါတယ်။ အန်တိုနော့ဗ် အမျိုးအစား အဲဒီလေယာဉ်ဟာ ဝါဒီဆိုက်နာလေတပ်စခန်းမှ ပျံတက်ပြီးနောက် ပျက်ကျခဲ့တာဖြစ်ပြီး စစ်ဘက်အရာရှိတွေနဲ့ အရပ်သားတွေ သေဆုံးခဲ့ပါတယ်။ လေယာဉ်ပျက်ကျရတဲ့အကြောင်းရင်းကို ရှင်းလင်းစွာ မသိရသေးပါဘူး။ ဒါဟာနည်းပညာ ချို့ယွင်းမှုကြောင့် ဖြစ်နိုင်တယ်လို့ စစ်ဘက်တာဝန်ရှိသူတယောက် ပြောပါတယ်။ လေယာဉ်ပျက်ကျပြီးနောက် ကလေးငယ်တွေအပါအဝင် ဒဏ်ရာရသူတွေကို ဆေးရုံပို့ထားတယ်လို့ တာဝန်ရှိသူတွေက ပြောပါတယ်။ သေဆုံးသူတွေထဲမှာ ထိပ်တန်းတပ်မှူးတယောက်လည်းပါဝင်တယ်လို့ ဆိုပါတယ်။ တောင်ဒါဖာဒေသမှ စစ်တပ်လေယာဉ်တစင်းကို ပစ်ချခဲ့တယ်လို့ အာအက်စ်အက်ဖ်ပြည်သူ့စစ်အဖွဲ့က အခိုင်အမာပြောဆိုပြီးနောက် တရက်အကြာမှာ လေယာဉ်ပျက်ကျမှု ထပ်မံဖြစ်ပွားခဲ့တာပါ။ စစ်တပ်နဲ့ ပြည်သူ့စစ်တို့အကြား အာဏာလွန်ဆွဲမှုမှ စတင်ခဲ့တဲ့ ပြည်တွင်စစ်ကြောင့် ခါတွမ်နဲ့ အွမ်ဒါမန် အပါအဝင် ဆူဒန်နိုင်ငံနေရာအနှံ့အပြားမှာတော့ လက်နက်ကိုင်းပဋိပက္ခတွေ…

ဆိုးလ်၊ ဖေဖော်ဝါရီ-၂၇-၂၀၂၅ မျိုးဆက်(VOM) ရုရှားကို မြောက်ကိုရီးယားတပ်တွေ ထပ်မံစေလွှတ်ထားပြီး အတိုင်းအတာဘယ်လောက်ရှိတယ်ဆိုတာကိုတော့ မသိရသေးဘူးလို့ တောင်ကိုရီးယားထောက်လှမ်းရေးအဖွဲ့ကို ကိုးကားပြီး ယွန်ဟတ်သတင်းဌာနက ရေးသားဖော်ပြထားပါတယ်။ နောက်ထပ်ပို့တဲ့ တပ်တွေကို ရုရှားကာ့စ်ဒေသမှာ တပ်ဖြန့်ထားတယ်လို့ ဆိုပါတယ်။ ရုရှားအနောက်ပိုင်း အဲဒိဒေသမှာ နယ်စပ်ဖြတ်ကျော်တိုက်ခိုက်နေတဲ့ ယူကရိန်းတပ်တွေနဲ့ ရုရှားတို့အကြား တိုက်ပွဲတွေ ပြင်းထန်နေပါတယ်။ မြောက်ကိုရီးယားတပ်ဖွဲ့ဝင် တသောင်းကျော်ကို ယခင်ကလည်း ရုရှားကို စေလွှတ်ခဲ့တယ်လို့ တောင်ကိုရီးယားထောက်လှမ်းရေးက ပြောဆိုထားပါတယ်။ အနောက်နိုင်ငံကျွမ်းကျင်သူတွေကတော့ ရုရှားဟာ မြောက်ကိုရီးယားရဲ့ လက်နက်တွေကိုလည်း အသုံးပြုနေတယ်လို့ ဆိုကြပါတယ်။ ယခင်စေလွှတ်လိုက်တဲ့ မြောက်ကိုရီးယားတပ်ဖွဲ့တွေ ထိခိုက်သေဆုံးမှုများခဲ့ပြီးနောက် ကာ့စ်ဒေသကနေ ရုပ်သိမ်းမှုတွေရှိခဲ့တယ်လို့ ပြောပါတယ်။ ဒါပေမယ့်လည်း တခြားထိခိုက်မှု အနည်းဆုံးပုံစံနဲ့ မြောက်ကိုရီးယားတပ်ဖွဲ့တွေကို စစ်မြေပြင်မှာ ရုရှားက ပြန်လည်အသုံးပြုလာနိုင်တယ်လို့ ကျွမ်းကျင်သူတွေက ခန့်မှန်းထားကြပါတယ်။ ရုရှားအတွက် လက်နက်တွေပံ့ပိုးပေးနေတယ်ဆိုတာကိုတော့ မြောက်ကိုရီးယားက ဝန်ခံခြင်းမရှိပါဘူး လက်ရှိမှာတော့ ယူကရိန်းစစ်ပွဲအဆုံးသတ်ရေးအတွက် အမေရိကန်သမ္မတ ဒေါ်နယ်ထရန့်က…

ပေကျင်း၊ ဖေဖော်ဝါရီ-၂၇-၂၀၂၅ ရတီ(VOM) ဩစတြေးလျနဲ့ နယူးဇီလန်အကြား တက်စ်မန်ပင်လယ်မှာ မကြာသေးမီက ပြုလုပ်ခဲ့တဲ့ တရုတ်ရေတပ်ရဲ့ ကျည်အစစ်တွေနဲ့ စစ်ရေးလေ့ကျင့်မှုဟာ နို်ငငံတကာဥပဒေတွေကို ကိုက်ညီတယ်လို့ တရုတ်ကာကွယ်ရေးဝန်ကြီးဌာနက တာဝန်ရှိသူက ပြောပါတယ်။ နိုင်ငံတကာရေပိုင်နက်မှာ စစ်ရေးလေ့ကျင့်မှုနဲ့ပတ်သက်ပြီး လုံလောက်တဲ့ သတိပေးမှုတွေ မပြုလုပ်ခဲ့တာကြောင့် ဩစတြေးလျနဲ့ နယူးဇီလန် ခရီးသည်တင်လေကြောင်းလိုင်းတွေရဲ့ ခရီးစဉ်တွေလမ်းကြောင်း ပြောင်းခဲ့ရပြီးနောက် တရုတ်ကာကွယ်ရေးဝန်ကြီးဌာန ပြောရေးဆိုခွင့်ရှိသူ ၀ူကျန်းက အခုလို ပြောဆိုလိုက်တာပါ။ တရုတ်နိုင်ငံပိုင် သတင်းဌာနရဲ့ ဖော်ပြချက်အရ Type 05 ဖျက်သင်္ဘောတစင်း၊ Type 054 ဖရီးဂိတ်စစ်သင်္ဘောတစင်းနဲ့ ထောက်ပံ့ရေးသင်္ဘောတစင်းတို့ဟာ တက်စ်မန်ပင်လယ်မှာ စစ်ရေးလေ့ကျင့်ခဲ့တယ်လို့ ဆိုါပတယ်။ စစ်ရေးလေ့ကျင့်မှု အတိုင်းအတာကို တိကျစွာဖော်ပြမထားပေမယ့် တရုတ်ရဲ့ အဆင့်မြင့်ဆုံး ဖျက်သင်္ဘော Type 005 ပေါ်ကနေ ကျည်အစစ်တွေပစ်ခတ်နေတဲ့ပုံတွေကို ထုတ်ပြန်လာပြီး ခရုဇ်ဒုံးကျည်တွေ ပစ်ခတ်မှုလုပ်လားဆိုတာတော့ ရှင်းလင်းစွာ မသိရပါဘူး။ တရုတ်စစ်သင်္ဘောသုံးစင်းဟာ…