Month: April 2026

ဆူးငှက် အောင်စာရင်း ထွက်တော့မည် —————————- ၁၀တန်းအောင်စာရင်းတွေ မကြာခင် ထွက်တော့မယ်တဲ့။ အောင်စာရင်းများကို ဟံသာဝတီ သတင်းစာတိုက်က ရိုက်နှိပ်ပြီး ထိုနေ့နံနက်မှာပင် ဖြန့်ချိသွားမည်တဲ့။ သည်တစ်ခါတော့ အောင်မည်ဟု စိတ်ချ ယုံကြည်နေမိသည်။ သို့သော် အောင်စာရင်းတွင် ကိုယ့် နံမည်နှင့် ခုံနံပတ်ကို မျက်ဝါးထင်ထင်မြင်ရမှ သေချာပေမည်။ ထို့ကြောင့် အောင်စာရင်းကို မလင်းခင်က တိုးဝှေ့မကြည့်ဖြစ်စေကာမူ ဟံသာဝတီ သတင်းစာတိုက်က ရောင်းချမည့် အောင်စာရင်း စာစောင်ကိုတော့ ဝယ်ယူနိုင်ဖို့ အိမ်သို့ သတင်းစာလာပို့သည့် သတင်းစာကိုယ်စားလှယ် ကိူဉာဏ်ရှိန်ကို ကြိုတင်မှာထားရသည်။ အောင်စာရင်း မထွက်မီ ညက ဝမ်းကွဲ အစ်ကို ကိုမန်းမောင်က ဗိုက်အောင့်သောကြောင့် ဆေးခန်းသွားဖို့ အဖော် ခေါ်သောကြောင့် ဆေးခန်းရှိသည့် သင်္ဘောတန်းရပ်သို့ လိုက်သွားရသေး၏။ ဆေးခန်းကပြန်လာပြီး ဘယ်မှ မသွားတော့ဘဲ စောစော အိပ်လိုက်သည်။ မနက်ကျ ဝင်းဟန်တို့ သန်းလွင်တို့က…