ဧပြီ ၁၃ ၊ ၂၀၂၁
KTG (VOM)
စစ်ကိုင်းတိုင်း မုံရွာမြို့ မုံရွာ တက္ကသိုလ်အနီး ကျောက္ကာလမ်းမှာ ဧပြီ ၁၃ ရက် ဒီမနက် ၁၀ နာရီက ပေါက်ကွဲမှု တစ်ခုဖြစ်ခဲ့ပေမယ့် ထိခိုက်ပျက်စီးမှုမရှိခဲ့ပါဘူး။
အဲ့ဒီပေါက်ကွဲမှုနဲ့ ပတ်သက်လို့ မြင်တွေ့လိုက်ရသူ တစ်ယောက်ပြောပြတာက ” ကောင်လေး ၃ ယောက်က စကူဘီဆိုင်ကယ် တစ်စီးနဲ့ တက္ကသိုလ်နားရောက်လာတယ် ၊မသင်္ကလို့ လုံခြုံရေးတပ်က တက္ကသိုလ်ထဲက ထွက်မေးတဲ့အခါ ဗုံးနဲ့ပစ်ပေါက်ပြီး ထွက်ပြေးသွားတာ.” လို့ ပြောပါတယ်။
အဲ့ဒီပေါက်ကွဲမှုကြောင့် အခြားပတ်ဝန်းကျင် လူ ၊ အဆောက်အဦး ထိခိုက်ပျက်စီးတာမရှိပေမယ့် ပေါက်ကွဲတဲ့နေရာမှာ ၁၀ လက်မဝန်းကျင် ပတ်လည် မြေအက်သွားတယ်လို့ သိရပါတယ်။
မုံရွာမှာ ဆန္ဒပြလူငယ်တချို့က သင်္ကြန်သပိတ် ပြုလုပ်ဖို့ ကြေငြာထားတာကြောင့် ဒီမနက်ကစပြီး မြို့လုံခြုံရေးတိုးမြင့်ထားတဲ့အချိန် ပေါက်ကွဲမှုစတင်ဖြစ်ပွားခဲ့တယ်လို့ သိရပါတယ်
#voiceofmyanmar #VOM #မုံရွာပေါက်ကွဲမှု
