Day: December 22, 2019

တမန်တော်ကို လူမှုကွန်ရက်မှာဝေဖန်သူ တက္ကသိုလ်ပါမောက္ခတစ်ဦးအား ပါကစ္စတန်တရားရုံး သေဒါဏ်ချ အစ္စလာမ္မာဘတ်၊ ဒီဇင်ဘာ-၂၂-၂၀၁၉ မျိုးဆက် (VOM) ပါကစ္စတန်နိုင်ငံက တက္ကသိုလ်ပါမောက္ခတစ်ဦးကို ဘာသာရေးစော်ကားမှုနဲ့ တရားရုံးကနေ သေဒါဏ်ချမှတ်လိုက်ပါတယ်။ အသက် ၃၃ နှစ်အရွယ် ဂျူနိုက်ဟာဖက်ဟာ လူမှုကွန်ရက်ပေါ်မှာ တမန်တော်မိုဟာမက်အကြောင်းကို မမှန်မကန်ဝေဖန်ရေးသားတယ်လို့ စွပ်စွဲခံရပြီး ၂၀၁၃ ခုနှစ်မှာ အဖမ်းခံခဲ့ရတာဖြစ်ပါတယ်။ ပါကစ္စတန်မှာ ဘာသာရေးစော်ကားမှုပြုတဲ့ စွပ်စွဲချက်တွေဟာ အလွန်အကဲဆတ်ပြီး အလေးအနက်ထားစီရင်ကြပါတယ်။ မစ္စတာဟာဖက်ရဲ့ ပထမဆုံးရှေ့နေဖြစ်သူ ရာရှစ်ရက်မန်းကတော့ ဒီအမှုကိုလိုက်ပေးမယ်လို့ လက်ခံလိုက်ပြီးနောက် ၂၀၁၄ ခုနှစ်မှာ သေနတ်နဲ့ပစ်သတ်ခံခဲ့ရပါတယ်။ ဘာသာရေးစော်ကားတယ်လို့စွပ်စွဲခံရတဲ့ ဟာဖက်ဟာ ထောင်ထဲမှာလည်း အခြားအကျဉ်းသားတွေရဲ့ ကြိမ်ဖန်များစွာ တိုက်ခိုက်မှုတွေကိုခံရပြီးနောက် တိုက်ပိတ်ထားတဲ့အခန်းထဲမှာ နှစ်ပေါင်းများစွာ တစ်ဦးထဲနေထိုင်ခဲ့ရပါတယ်။ သူဟာ အမေရိကန်စာပေ၊ ဓါတ်ပုံနဲ့ ပြဇာတ်အထူးပြုဘာသာရပ်ကို ပညာသင်ဆုနဲ့ အမေရိကန်မှာ မဟာဘွဲ့ကိုလေ့လာခဲ့သူဖြစ်ပါတယ်။ ပါကစ္စတန်တရားရုံးရဲ့ စီရင်ချက်ဟာ တရားမျှတမှုလုံးဝမရှိပဲ အလွန်စိတ်ပျက် အံသြဖွယ်ဖြစ်တယ်လို့ နိုင်ငံတကာလွတ်ငြိမ်းချမ်းသာခွင့်အဖွဲ့က…

နိုင်ငံအတွင်းတောမီးလောင်နေစဉ် အပန်းဖြေခရီးထွက်ခဲ့မိလို့ သြစတြေးလျဝန်ကြီးချုပ် ပြည်သူတွေကို တောင်းပန် ဆစ်ဒနီ၊ ဒီဇင်ဘာ-၂၂-၂၀၁၉ မျိုးဆက် (VOM) သြစတြေးလျဝန်ကြီးချုပ်စကော့မောရစ်ဆင်ဟာ နိုင်ငံတွင်းတောမီးလောင်ကျွမ်းမှုတွေ ကြီးထွားနေစဉ်အတွင်း အားလပ်ရက်ခရီးသွားခဲ့မိတဲ့အတွက် ပြည်သူတွေကို တရားဝင်တောင်းပန်လိုက်ပါတယ်။ မစ္စတာမောရစ်ဆင်ဟာ သူ့အပေါ်ဝေဖန်ပြစ်တင်မှုတွေ မြင့်တက်လာနေတာကြောင့် ဟာဝိုင်အီခရီးစဉ်ကို ရက်တိုပဲနေပြီး နိုင်ငံကိုပြန်လာခဲ့တာဖြစ်ပါတယ်။ တောမီးကြောင့် ဒီဇင်ဘာ၂၁ရက်မှာ သေဆုံးသူတစ်ဦးကု ိရှာဖွေတွေ့ရှိခဲ့ပြီး ပြည်နယ်သုံးခုမှာ တောမီးများလောင်ကျွမ်းမှုတွေ ဆက်လက်ဖြစ်ပေါ်နေဆဲဖြစ်ပါတယ်။ စက်တင်ဘာလကတည်းက ဖြစ်ပေါ်နေတဲ့ သြစတြေးလျတောမီးလောင်ကျွမ်းမှု ကြောင့် လူကိုးဦးထက်မနည်းသေဆုံးသွားပြီဖြစ်သလို လူနေအိမ်ပေါင်း ၇၀၀ကျော်ပျက်ဆီးခဲ့ပြီး မြေဟက်တာ ပေါင်းသန်းနှင့်ချီကာ မီးလောင်ပြင်တွေဖြစ်သွားပါတယ်။ ရာသီဥတုပြောင်းလဲမှုကြောင့် ယခုနှစ်တောမီးလောင်ကျွမ်းမှုဒဏ်ကို သြစတြေးလျနိုင်သားအများစု ဆိုးဆိုးရွားရွားခံစားပြီးနောက် ကမ္ဘာကြီးပူနွေးလာမှုကို ကိုင်တွယ်ဖြေရှင်းဖို့ ပိုမိုတိုးမြင့်ဆောင်ရွက်သွားမယ်လို့ ဒုတိယဝန်ကြီးချုပ် မိုက်ကယ်မက်ကောမက်က အစောပိုင်းကပင် ကတိပြုပြောခဲ့ပါတယ်။ Ref : BBC Photo: Getty Images #voiceofmyanmar #VOM #သြစတြေးလျဝန်ကြီးချုပ်   Zawgyi…