Year: 2019

မြစ်ကြီးနား၊ဒီဇင်ဘာ ၁၆-၂၀၁၉ ရန်အောင်ထွန်း (VOM) တရားသူကြီးကို ချိန်ခွင်အပျက်ပေးခဲ့လို့ ထောင်ဒဏ် ၃ လ ချခံရသူ ကချင်လူငယ် ကိုပေါလုဟာ ဒီကနေ့မနက်ပိုင်းက မြစ်ကြီးနားအကျဉ်းထောင်ကနေ လွတ်မြောက်လာခဲ့ပါတယ်။ မြန်မာပြည်ဟာ ဒီမိုကရေစိနိုင်ငံအဖြစ် ဖော်ဆောင်နေတာမို့ ပြည်သူလူထုက‌နေ အစိုးရအပေါ် လွတ်လပ်စွာထုတ်ဖော် ပြောဆို တောင်းဆိုပိုင်ခွင့်အတွက် အတားအဆီးဖြစ်နေတယ် ဥပဒေပြင်ဆင်ရေးကို ဆက်လုပ်သွားမယ်လို့ ကိုပေါလုကပြောဆိုခဲ့တာ ဖြစ်ပါတယ်။ သူဟာ ကချင်တစ်ကျော့ပြန်စစ်ပွဲ ၈ နှစ်ပြည့် အထိမ်းအမှတ်အဖြစ် မြစ်ကြီးနားမြို့ ဗိုလ်ချုပ်ရင်ပြင်ရှေ့တွင် တေးသရုပ်ဖော်မှု ဦးဆောင်ပြုလုပ်ခဲ့ရာမှာ ခွင့်ပြုချက်မတောင်းခံလို့ဆိုပြီး ငြိမ်းစုစီဥပဒေပုဒ်မနှင့် တရားစွဲဆိုခံခဲ့ရတာဖြစ်ပါတယ်။ အဲ့ဒီအတွက် ထောင်ဒဏ် ၁၅ ရက် ပြစ်ဒဏ်ချမှတ်ခံခဲ့တဲ့နေ့ကလည်း တရားသူကြီးရဲ့ ဆုံးဖြတ်ချက်ကို မကျေနပ်လို့ ချိန်ခွင်အပျက်တစ်ခုပေးခဲ့တဲ့အတွက် နိုင်ငံ့ဝန်ထမ်းအပေါ် မထီမဲ့မြင်ပြုမှု နဲ့ ထောင်ဒဏ် သုံးလ ထပ်မံ အပြစ်ပေးခံခဲ့ရတာဖြစ်တဲ့အတွက် စုစုပေါင်း ၃ လ၊ ၁၅…

ရန်ကုန် ဒီဇင်ဘာ ၁၆-၂၀၁၉ သိဂီ ၤ(VOM) မြန်မာနိုင်ငံက ဘာသာရေးအစွန်းရောက်လူပုဂ္ဂိုလ်နဲ့ ရဟန်းသံဃာတစ်စုရဲ့နှောက်ယှက်မှုတွေကြောင့် လွန်ခဲ့တဲ့ ၃ နှစ်လောက်က ဘာသာရေးပွဲတွေကို မတက်ရောက်နိုင်ခဲ့ပေမယ့် ယနေ့မှာတော့ အစ္စလာမ်ဘာသာဝင်တွေရဲ့ ဘာသာရေးပွဲတွေကိုပါ လွတ်လပ်စွာတက်ရောက်နိုင်တဲ့အပြင် လိုအပ်တာတွေကိုပါ ကူညီပေးနိုင်ပြီလို့ သာသနာရေးနှင့်ယဉ်ကျေးမှုဝန်ကြီး သူရဦးအောင်ကိုက ပြောဆိုထားတာဖြစ်ပါတယ်။ ဒီဇင်ဘာလ ၁၅ ရက်နေ့ညပိုင်းက ရန်ကုန်မြို့ ပန်ပစီဖစ်ဟိုတယ်မှာပြုလုပ်တဲ့ မြန်မာနိုင်ငံငြိမ်းချမ်းရေးအတွက် ဘာသာပေါင်းစုံ၊ လူမျိုးပေါင်းစုံမှစုစည်းပြီး ၂၀၂၀ကို မေတ္တာဖြင့်ကြိုဆိုခြင်း အခမ်းအနားမှာ သူရဦးအောင်ကိုကပြောခဲ့တာပါ။ ” 2016 .2017.2018 ခုနှစ်တွေမှာ အစွန်းရောက်တဲ့လူပုဂ္ဂိုလ်နဲ့ ရဟန်းသံဃာတစ်စုရဲ့ နှောက်ယှက်မှုတွေကြောင့် အစ္စလမ်ဘာသာဝင်တွေရဲ့ ဘာသာရေးပွဲတွေကို မတက်နိုင်ခဲ့ဘူး။ အမုန်းတရားတွေနဲ့ရင်ဆိုင်ခဲ့ရတယ်။ ကျွန်တော်တို့လည်း အမုန်းတရားတွေနဲ့ ပြဿနာကိုဖြေရှင်းခဲ့ရပါတယ်။ ဒီနှစ်ထဲမှာတော့ အစ္စလာမ်ဘာသာဝင်တွေရဲ့ တမန်တော်နေ့အခမ်းအနားကို တက်ရောက်နိုင်ခဲ့ပါတယ်။ မိတ်ဆွေအစ္စလာမ်ဘာသာဝင်တွေလည်း ပျော်ရွှင်စွာကျင်းပနိုင်ပြီ။ ကောင်းချီးလည်းပေးကြတယ်” လို့ သာသနာရေးနှင့်ယဉ်ကျေးမှုဝန်ကြီး သူရဦးအောင်ကိုကပြောပါတယ်။ ဒီလိုဖြစ်ဖို့အတွက် နိုင်ငံတော်အစိုးရအနေနဲ့…

ကချင်၊ဒီဇင်ဘာ ၁၆-၂၀၁၉ ရန်အောင်ထွန်း (VOM ) ကချင်ပြည်နယ်မှာကျင်းပခဲ့တဲ့ ဒုတိယအကြိမ် ကျောက်မျက်ပြပွဲကနေ ပြည်ထောင်စုအစိုးရကို ပေးဖို့ကျန်တဲ့ အခွန်ကိစ္စမှာ ကျောက်မျက်လုပ်ငန်းရှင်တွေနဲ့ အစိုးရကြား သဘောထားကွဲလွဲမှုတွေ ရှိနေတယ်လို့ ကချင်ပြည်နယ် သယံဇာတဝန်ကြီးနဲ့ မြစ်ကြီးနားကျောက်မျက် လုပ်ငန်းရှင်အသင်း ဥက္ကဋ္ဌရဲ့ ပြောကြားချက် တွေအရ သိရပါတယ်။ ဒုတိယအကြိမ်ပြပွဲမှာ ကျောက်စိမ်းအတွဲပေါင်း ၄၀၀ လောက်ပြသခဲ့ပြီး ဝယ်လက်နည်းနေလို့ တချို့ လုပ်ငန်းရှင်တွေက သူ့တို့ကျောက် ဈေးပေါပေါနဲ့ ရောင်းထွက်သွားမှကို စိုးရိမ်တဲ့အတွက် အဆင်ပြေမယ့် ဈေးတစ်ခုသတ်မှတ်ကာ ကိုယ့်ကျောက်ကို ပြန်ကာထားမှုကနေ ပေးရမယ့်အခွန်ကိစ္စမှာ သဘောထားအမြင် ကွဲလွဲနေကြတယ်လို့ သိရပါတယ်။ “ကျောက်အရောင်းအဝယ် ဖြစ်ပြီဆိုရင်တော့ စားသောက်ဆိုင်တွေမှာလိုပေါ့၊ စားသုံးသူ ဝယ်ယူသူ အခွန်ဆောင်ရတဲ့ ပုံစံမျိုးပေါ့၊ အခုလည်းသူတို့က ကျောက်ကရောင်းထွက်သွားတယ် ၊ ရောင်းရတဲ့အပေါ်မှာ သူတို့အနေနဲ့ အခွန်ဆောင်ရတဲ့အပေါ်မှာပေါ့ ၊ အခွန်ရဲ့လုပ်ထုံးလုပ်နည်း အဆင့်တစ်ဆင့်ကျန်ခဲ့တာ ၊ အဲ့ဒါကို…

ပုသိမ်၊ ဒီဇင်ဘာ ၁၆-၂၀၁၉ ကိုအောင်(VOM) ဧရာဝတီတိုင်း၊ ကန်ကြီးထောင့်မြို့က ဟွာမှုန်အထည်ချုပ်စက်ရုံ အလုပ်သမားသပိတ်ကို အင်အားသုံး ဖြိုခွင်းတော့မယ်လို့ ကန်ကြီးထောင့်မြို့နယ် အထွေထွေအုပ်ချုပ်ရေးဦးစီးဌာန က ဒီဇင်ဘာ ၁၅ ညနေပိုင်းက သပိတ်စခန်းကို လာရောက်ကြေညာခဲ့ပါတယ်။ အဲ့ဒီလိုကြေညာခဲ့တဲ့အတွက် ပုသိမ်မြို့ပေါ်က အခြားစက်ရုံအလုပ်သမားတွေပါ ဒီကနေ့မနက်ပိုင်းက လာရောက်ပူးပေါင်းတဲ့အတွက် သပိတ်စခန်းမှာ အလုပ်သမား ၈၀၀ခန့် ၤရှိနေတယ်လို့သိရပါတယ်။ ” ညှိနှိုင်းဆောင်ရွက်ပေးနိုင်တာကို လုပ်ပေးပြီးပြီ၊ တည်ဆဲဥပဒေ နဲ့ အညီ ဆောင်ရွက်ရမှာပဲ”လို့ ကန်ကြီးထောင့်မြို့နယ် အထွေထွေအုပ်ချုပ်ရေးဦးစီးဌာန ဒုတိယ အုပ်ချုပ်ရေးမှူး ဦးပြည့်စုံကပြောပါတယ်။ အလုပ်သမားသပိတ်ကို ပုသိမ်စက်မှုဇုန် လုပ်သားများသမဂ္ဂအဖွဲ့ဝင်တွေကပါ လာရောက်ပူးပေါင်းပြီး ထိုင်သပိတ်ကို ဆက်လက်လုပ်ဆောင်နေတယ်လို့လည်း သိရပါတယ်။ ” ကျွန်မတို့က အလုပ်သမား အခွင့်အရေးဆိုင်ရာ ဥပဒေ နှင့် အညီ သပိတ်မှောက်နေတာဖြစ်တယ်။ တောင်းဆိုချက်တွေ ညှိနှုင်းသဘောတူညီမှုုမရသေးဘူး။ ဒါကြောင့် သပိတ်ဆက်မှောက် ရပါလိမ့်မယ်” လို့…

မန္တလေး၊ ဒီဇင်ဘာ ၁၄ ၊ ၂၀၁၉ အောင်ထူးနိုင်(VOM) ပတ္တမြား၊ နီလာအစရှိတဲ့ ကျောက်မျက်ရတနာထွက်ရှိရာ မိုးကုတ်မြို့မှာ စီးပွားရေးကျပ်တည်းနေပြီလို့ မိုးကုတ်ဒေသခံတွေက ပြောပါတယ်။ “ မြို့မှာ အခက်အခဲတွေ အများကြီးရှိတယ်။ ဒီရဲ့ အကျိုးသက်ရောက်မှုက ဘာတွေဖြစ်လာသလဲဆိုရင် မြို့မှာ စီးပွားရေး ကျပ်တည်းတဲ့အခါကြတော့ ထွက်ပေါက်အနေနဲ့ မူးယစ်ဆေးတွေ အစားထိုးလာတယ်” လို့ မိုးကုတ်မြို့နေ ကျောက်မျက်ရတနာအကြံပေးကော်မတီအဖွဲ့ဝင် ဦးစိုးမြင့်က ပြောပါတယ်။ လူငယ်အများစုဟာ မူးယစ်ဆေးရောင်းဝယ်လာကြပြီး ငွေရှာလာကြတဲ့အပြင် ဆိုင်ကယ်ခိုးမှုတွေလည်း များလာတယ်လို့ သိရပါတယ်။ ဒီလိုအကျိုးဆက်တွေ ဖြစ်လာတာဟာ မိုးကုတ်ဒေသခံတွေအတွက် ကျောက်မျက်တူးဖော်ဖို့ နေရာမရရှိတာ၊ လုပ်ကွက်မရရှိတာ စတဲ့အကြောင်းတရားတွေကြောင့် မိုးကုတ်မြို့နေပြည်သူတွေအတွက် အဆင်မပြေတော့တဲ့ အခြေအနေဖြစ်နေတယ်လို့ သိရပါတယ်။ “ လုပ်ပိုင်ခွင့်တွေက အပြည့်အဝမရဘူးဆိုရင်တောင် လုပ်ငန်းရှင်က သုံးချိုးလောက်ယူပြီး၊ ဒေသခံတွေအတွက် တစ်ချိုးလောက် လုပ်စားပိုင်ခွင့်ရမယ်ဆိုရင် ကျွန်မတို့အတွက် အသက်ရှုချောင်မှာပါ”လို့ မိုးကုတ်ဒေသခံဖြစ်တဲ့ ဒေါ်ယဉ်ယဉ်မေက…