Month: March 2020

ပလက်ဝဒေသခံတွေ စားနပ်ရိက္ခာပြတ်လပ်မှု ဆိုးရွားတဲ့အခြေအနေကိုရောက်နေ ပလက်ဝ၊ မတ် ၈-၂၀၂၀ Voice Of Myanmar ရခိုင်ပြည်နယ် နဲ့ချင်းပြည်နယ်အစပ်ဖြစ်တဲ့ ပလက်ဝမြို့ဒေသခံတွေဟာ အေအေနဲ့တပ်မတော်တို့ရဲ့တိုက်ပွဲတွေကြောင့် စားနပ်ရိက္ခာပြတ်လပ်နေပြီး ဆိုးရွားတဲ့အခြေအနေကို ရောက်နေတယ်လို့ ပလက်ဝဒေသခံတွေကပြောပါတယ်။ “ခုအခြေအနေက အရမ်းဆိုးရွားတဲ့အခြေအနေပေါ့ဗျာ၊ ရခိုင်တပ်နဲ့ မြန်မာ့တပ်တိုက်ပွဲကြောင့် ဆက်သွယ်ရေးလမ်းကြောင်းပိတ်တော့ ဆန်ဆီမရဘူး။ ဆန်ဝယ်ရင် ဈေးက ၇ သောင်းကျော်ရှိတယ်၊ ဈေးပဲရှိတယ် ဝယ်လို့မရဘူး။ ထမင်းမစားဘဲနဲ့ တောင်းစားလူတွေ အငတ်ခံခဲ့ရသူတွေ ရှိတယ်။ ဆီရောင်းမယ့်နေရာလည်းမရှိ ၊ ငပိက တပိသာ ၅ထောင်ဖြစ်ပြီးမကောင်းဘူး။ ဆန်ကို ရွာထဲလိုက်ဝေတယ် ၄ဗူး ၅ဗူးလောက် ဒါကို မကုန်အောင်စားနေရတယ်။ ကိုယ့်အခင်းလေးက ထွက်တာနဲ့ ရှာစားရတယ်။ ဘယ်လိုဆက်ရှင်သန်ရမလဲမသိ၊ အထက်လူကြီးတွေက လုပ်ပေးမယ်မျှော်လင့်တယ်”လို့ ပလက်ဝမြို့နယ် မီးဇာရွာက ချင်းတိုင်းရင်းသားတဦးကပြောပါတယ်။ အဲ့ဒီကိစ္စနဲ့ပက်သက်ပြီး ပလက်ဝလွှတ်တော်ကိုယ်စားလှယ် ဦးစိန်အောင်ကိုပြောပြတာကတော့ “ ရိက္ခာက ပြတ်တောက်နေတယ်၊ ကျောက်တော်နဲ့…

Read More

ရွှေပြည်သာမြို့နယ်က မီးဘေးသင့်ခံရသူတွေ မြေနေရာပြန်ရဖို့ ဆန္ဒပြ ရန်ကုန် ၊ မတ် ၇-၂၀၂၀ သိင်္ဂီ (VOM) ရန်ကုန်မြို့၊ ရွှေပြည်သာမြိုနယ်ထဲက မီးဘေးသင့်ခံခဲ့ရသူတွေကို အခုချိန်ထိ မြေနေရာချထားပေးခြင်းမရှိတဲ့အတွက် မီးဘေးသင့်ခံရတဲ့ပြည်သူတွေဟာ မြေနေရာရရှိရေးအတွက် ဒီကနေ့နေ့လယ် မဟာဗန္ဓုလပန်းခြံရှေ့မှာ ဆန္ဒပြတောင်းဆိုခဲ့ကြပါတယ်။ “ ဝန်ကြီးချုပ်ကပြောတာ သိန်း ၃၀ တန်၊ နှစ် ၃၀ စီမံကိန်း။ကျနော်တို့ဆီကျ ၆ နှစ်အရစ်ကျနဲ့ တစ်လ ၇၉၅၀၀ သွင်းရမယ်.၊ သိန်း ၃၀ တန်က ၅၇ သိန်း ကျော်ဖြစ်နေပြီ။ ရွှေပြည်သာမှာ ၃ သောင်းလောက်ဆို အခန်းငှါးနေရတာတောင် မနေနိုင်လို့ အစိုးရမြေကိုပေးဖို့ တောင်းဆိုနေတာ။ အစိုးရကမြေတွေ လေလံပစ်နေတာပဲ၊ ဒီထဲကမြေကို သင့်တဲ့ဈေးနူန်းလေးနဲ့ ချပေးဖို့တောင်းဆိုတာ။ ဒါကို ပျိုမေ့အိမ်ရာပဲယူမှရမယ်။ အတိုးကပေးရတယ်”လို့ မီးဘေးသင့်ခံရတဲ့ ကိုသန်းမင်းထိုက်ကပြောပါတယ်။ အစိုးရကချပေးတဲ့ ပျိုမေ့အိမ်ရာဟာ အတိုး ၊…

Read More

ပုဏ္ဏားကျွန်းမြို့နယ်က အိုင်တင်ရွာသားနှစ်ဦး အေအေတပ်ဖွဲ့ဝင်ထင်လို့ ပူးပေါင်းဂိတ်ကဖမ်း စစ်တွေ၊ မတ် ၆- ၂၀၂၀ ခိုင်လင်းစံ(VOM) မနေ့ မတ်လ ၅ ရက်နေ့ ညနေ ၅ နာရီလောက်က ရခိုင်ပြည်နယ်၊ ပုဏ္ဏားကျွန်းမြို့နယ် အိုင်တင်ကျေးရွာက ကျေးရွာသားနှစ်ဦးဟာ စစ်တွေမြို့ကအပြန်ခရီးမှာ စစ်တွေမြို့နယ် ကျောက်တန်းတံတားအနီး စစ်ဆေးရေးဂိတ်မှာ တပ်မတော်နဲ့ ရဲ ပူးပေါင်းစစ်ဆေးရေးအဖွဲ့တွေရဲ့ ဖမ်းဆီထိန်းသိမ်းမှုခံရတယ်လို့ သတင်းရရှိပါတယ်။ ဖမ်းဆီးထားတာနဲ့ ပတ်သက်ပြီး နယ်စပ်ရေးရာဝန်ကြီးဗိုလ်မှူးကြီး မင်းသန်းက VOM ကိုခုလိုပြောပါတယ်။ “ယူနီဖောင်းနဲ့ ဓာတ်ပုံတွေတယ်လီဖုန်းထဲမှာပါတယ်။ သူတို့ကအရပ်သားမဟုတ်ဘူး။ အေအေတွေ။ ဆိုင်ကယ်မောင်းပြေးတယ်သူတို့က အဲဒီတော့လိုက်ဖမ်းတယ်။ သူတို့တယ်လီဖုန်းထဲမှာလည်း အဲဒီကောင်လေး အေအေယူနီဖောင်းဝတ်ထားတဲ့ ဓာတ်ပုံတွေပါတယ်။ စစ်တွေကနေ ပုဏ္ဏားကျွန်းကိုအပြန်မှာ ဖမ်းတာ။” လို့ ပြောပါတယ်။ ဖမ်းဆီးစစ်ဆေးခံရသူတွေဟာ ပုဏ္ဏားကျွန်းမြို့နယ်၊ အိုင်တင်ကျေးရွာက အသက် ၂၄ နှစ်အရွယ် မောင်နေလင်းဌေးနဲ့ ဦးလေးဖြစ်သူ ကိုစောအေး အသက်…

Read More

မင်းလှမြို့က တရားမဝင်ရေနံချက်ဖိုတွေကို တိုင်းဝန်ကြီးကိုယ်တိုင်ဆင်းဖမ်း မင်းလှ၊ မတ်၆-၂၀၂၀ ဂျန်ကိုးလ်(VOM) မကွေးတိုင်း၊ သရက်ခရိုင်၊ မင်းလှမြို့နယ်၊ ရေနံမတိုက်နယ်အတွင်း ဓာတ်ကုန်းကျေးရွာရဲ့အနီးက တောအုပ်လျိုမြောင်အတွင်းမှာ တရားမဝင်ချက်လုပ်နေတဲ့ ရေနံဖိုတွေကို မနေ့မတ်လ ၅ရက်နေ့က မကွေးတိုင်းအစိုးရ သယံဇာတဝန်ကြီးကိုယ်တိုင် ပါဝင်ဖမ်းဆီးခဲ့တယ်လို့ ရေနံမနယ်မြေရဲစခန်းက ပြောပါတယ်။ ”ဟုတ်ပါတယ်ဝန်ကြီးရယ်၊ ရေနံမနယ်မြေရဲစခန်းရယ်၊ ကျေးရွာအုပ်ချုပ်ရေးမှူးတွေရယ် ဖမ်းတာပါ၊ ဝန်ကြီးရဲ့သတင်းအရ ဖမ်းတာပါ၊ ရေနံမနယ်မြေရဲစခန်းမှာ အမှုဖွင့်ဆောင်ရွက်နေပြီး တရားခံရရှိရေး လုပ်ဆောင်နေပါတယ်”လို့ ရေနံမနယ်မြေရဲစခန်းမှ စခန်းမှူးရဲအုပ်အောင်မင်းဦးကပြောပါတယ်။ ရေနံချက်လုပ်ရာမှာ အသုံးပြုတဲ့ ဆက်စပ်ပစ္စည်းတွေအပါအဝင် ရေနံချက်ဖို၅ဖိုခန့်ကို ဝန်ကြီးကိုယ်တိုင်ပါဝင်ဖမ်းဆီးရာမှာတော့ ပိုင်ရှင်မဲ့ဖမ်းဆီးရမိခဲ့တယ်လို့လည်း သိရပါတယ် ဖြစ်စဉ်နဲ့ပတ်သက်ပြီး ရေနံမနယ်မြေရဲစခန်းက (ပ)၂၃/၂၀၂၀ ၊ (ပ)၂၄/၂၀၂၀၊ (ပ)၂၅/၂၀၂၀ ၊ (ပ)၂၆/၂၀၂၀ ရေနံထွက်ပစ္စည်းဆိုင်ရာ ဥပဒေပုဒ်မ ၃၇အရ အမှုဖွင့်ခဲ့ပြီး ရေနံချက်ဖို ပိုင်ရှင်တွေကို ဆက်လက်စုံစမ်းနေတယ်လို့ သိရပါတယ်။ #VOM #voiceofmyanmar #မင်းလှ #တရားမဝင်ရေနံချက်ဖို…

Read More

လုပ်ခလစာမပေးဘဲ ထွက်ပြေးသွားတဲ့စက်ရုံပိုင်ရှင်ကို အလုပ်သမားဝန်ကြီးဌာနက တရားစွဲမယ်၊ ရန်ကုန် မတ် ၆-၂၀၂၀ သိဂီ ၤ(VOM) ရန်ကုန်မြို့၊ ရွှေပြည်သာစက်မှုဇုန်၂ ထဲက Myanmar Royal Apolo အထည်ချုပ် စက်ရုံပိုင်ရှင်တရုတ်လင်မယား ၂ဦးစလုံးဟာ အလုပ်သမားတွေကို လုပ်ခလစာတွေမပေးဘဲ ထွက်ပြေးသွားတဲ့အတွက် အလုပ်သမားဝန်ကြီးဌာနက တရားစွဲမယ်လို့ သိရပါတယ်။ ” ဥပဒေအရဆိုရင် ပိုင်ရှင်ကိုအရင်တရားစွဲရမယ်၊ ပိုင်ရှင်က လာရောက်မဖြေရှင်းတော့မှ တရားရုံးက အမိနိ့ချပြီး အလုပ်သမားတွေအတွက် တစ်ခုခုလုပ်ရမယ်၊ နောက်တခုက အထက်ကညွှန်ကြားရင် စက်ရုံပိတ် ပစ္စည်းတွေကို လေလံတင်ရောင်း ၊ စီစဉ်ရမယ်။ ခုထိတော့ ဘာမှမသိရသေးဘူး။ စာရွက်စာတမ်းမှာ အမည်ပေါက်တဲ့ပိုင်ရှင်ကတော့ မြန်မာနိုင်ငံသား၊ စက်ရုံမှာအုပ်ချုပ်ပြီး ငွေပေးတာက ခုထွက်ပြေးသွားတဲ့ တရုတ်နိုင်ငံသားလီလီဖြစ်တယ်။ တရားစွဲမှာဖြစ်တယ်။”လို့ ရွှေပြည်သာမြို့နယ် အလုပ်သမားစိစစ်ရေးဦးစီးဌာန ဦးစီးအရာရှိ ဦးဇော်ဇော်လတ်ကပြောပါတယ်။ အဲ့ဒီလို အလုပ်ရှင်က လုပ်ခလစာမပေးသွားတဲ့အတွက် စက်ရုံကအလုပ်သမား ၅၀၀ လောက်ဟာ…

Read More