Day: September 17, 2020

ကိုဗစ်လူနာတွေ ထပ်တိုးသေဆုံးမှုနဲ့ပတ်သက်လို့ ဒေါက်တာခင်ခင်ကြီးနဲ့ဆက်သွယ်မေးမြန်းချက် ရန်ကုန်၊ စက်တင်ဘာ ၁၇-၂၀၂၀ သိင်္ဂီ(VOM) ကိုဗစ်အတည်ပြုလူနာ ၁၁ ထပ်မံသေဆုံးမှုရှိခဲ့တယ်လို့ ဒီကနေ့ စက်တင်ဘာလ ၁၇ ရက်နေ့ မွန်းလွဲ ၃ နာရီခွဲမှာကျန်းမာရေးနဲ့အားကစားဝန်ကြီးဌာနက ထုတ်ပြန်လိုက်ပါတယ်။ အခုဆိုရင် ကိုဗစ်အတည်ပြုလူနာသေဆုံးမှုဟာ ၅၇ ဦးအထိ ရှိလာပြီဖြစ်တယ်လို့ သိရပါတယ်။ ဒါကြောင့်ဒီအခြေအနေတွေနဲ့ ပတ်သက်ပြီး ကျန်းမာရေးနဲ့ အားကစားဝန်ကြီးဌာန ၊ဗဟိုကူးစက်ရောဂါတိုက်ဖျက်ရေးဌာနမှ ညွှန်ကြားရေးမှူး ဒေါက်တာခင်ခင်ကြီး ကို VOM သတင်းထောက် မသိင်္ဂီက ဆက်သွယ်မေးမြန်းထားပါတယ်။ VOM ။ ကိုဗစ် သေဆုံးသူ ၁၁ ဦးရှိခဲ့တယ်လို့ ခုညနေပိုင်းကထုတ်ပြန်တာ သိရတယ်။ သေဆုံးသူတွေဟာ ရောဂါအခံရှိကြသလား.သိပါရစေ။ DKKG။ ဟုတ်ပါတယ်။ ခုက ၅၇ယောက်ဖြစ်သွားပါတယ်။ မနက်ကထိ ထုတ်ပြန်တာ ၄၆ ယောက် ၊ ခုညနေ ထပ်ထုတ်ပြန်တာ ၁၁ ယောက်ဆိုတော့ ၅၇…

ခေါင်းနှစ်လုံးပါတဲ့ ကလေးတစ်ဦး နေပြည်တော်မှာမွေး နေပြည်တော်၊ စက်တင်ဘာ ၁၇-၂၀၂၀ စွမ်းရဲထွဋ် (VOM) နေပြည်တော် တပ်ကုန်းမြို့ ကုတင်(၁၀၀) ပြည်သူ့ဆေးရုံမှာ ခေါင်းနှစ်လုံးပါတဲ့ ကလေးငယ်တစ်ဦးကို စက်တင်ဘာလ ၁၆ ရက်နေ့က အောင်မြင်စွာ ခွဲစိပ်မွေးဖွားပေးနိုင်ခဲ့တယ်လို့ တပ်ကုန်းမြို့ ကုတင်(၁၀၀) ဆေးရုံအုပ် ဒေါက်တာထွန်းထွန်းက VOM ကို ဒီကနေ့ ညနေပိုင်းမှာပြောပါတယ်။ “မနေ့ကည ၉ နာရီခွဲ လောက်က ခွဲမွေးတာ အဲ့ဒီ ညမှာပဲ ကလေးကို အထူးစောင့်ရှောက်ဖို့ လိုမယ်လို့ ဆိုပြီး ဥတ္တရကလေးအထူးကုဆေးရုံကြီးကို လွှဲပြောင်းပေးထားပါတယ်၊ ကျနော်တို့ အရေးပေါ် နေ့စေ့၊ လစေ့လည်းမဟုတ်ဘဲ ခွဲပေးလိုက်ရတဲ့အတွက်ကြောင့်မလို့ လိုအပ်တဲ့ စောင့်ရှောက်မှု့တွေ ဆက်လုပ်ရဦးမယ်”လို့ ဒေါက်တာထွန်းထွန်းကပြောပါတယ်။ အဲ့ဒီ ခေါင်းနှစ်လုံးပါတဲ့ ကလေးငယ်ကို ညတွင်းချင်း နေပြည်တော်၊ ဥတ္တရသီရိ သားဖွားမီးယပ်ဆေးရုံကို လွှဲပြောင်းပေးခဲ့ပြီး ကျန်းမာရေးစောင့်ရှောက်မှုတွေ လုပ်ပေးနေတယ်လို့လည်း သိရပါတယ်။…

အောင်နိုင်ရေးဆိုင်းဘုတ် စိုက်ထူတာကိုနှောက်ယှက်တဲ့ ဒေသခံပြည်သူတစ်ဦးကို လွှတ်တော်ကိုယ်စားလှယ်လောင်းတစ်ဦးကတရားစွဲ ပြည် ၊ စက်တင်ဘာလ ၁၇-၂၀၂၀ လပြည့် (VOM) ပြည်မြို့နယ်က ညီညွတ်သော တိုင်းရင်းသားလူမျိုးများ ဒီမိုကရေစီပါတီရဲ့ အမျိုးသားလွှတ်တော်ကိုယ်စားလှယ်နေရာမှာ ဝင်ရောက်ယှဉ်ပြိုင်မယ့် ဦးကျော်ဆန်းဟာ ပါတီ‌အောင်နိုင်ရေးဆိုင်းဘုတ်ကို ပြည်မြို့ ၊ ခေတ္တရာမြို့သစ် ၊ ကားကြီးဝန်းအနီးက လမ်းဆုံမှာရှိတဲ့ မင်းသားကြီးလက်ဖက်ရည်ဆိုင်ရှေ့မှာ စက်တင်ဘာ ၁၆ ရက်နေ့ မနက်ပိုင်းက စိုက်ထူဖို့ပြုလုပ်နေတဲ့အချိန် ဒေသခံအချို့နဲ့အချင်းများခဲ့တာဖြစ်ပါတယ်။ အဲ့ဒီလိုအောင်နိုင်ရေးဆိုင်းဘုတ်စိုက်ထူရာ‌နေရာဟာ လမ်းအကွေ့၊ ဒေါင့်‌နေရာဖြစ်ပြီး ယာဉ်အန္တရာယ်ဖြစ်မှာစိုးရိမ်တဲ့အပြင် လက်ဖက်ရည်ဆိုင်ကိုပါ ကွယ်နေတာကြောင့် ဆိုင်ပိုင်ရှင်က သူရဲ့မိတ်ဆွေတစ်ဦးကို ခေါ်ယူပြောကြားနေချိန် သူ့ရဲ့မိတ်ဆွေနဲ့ လွှတ်တော်ကိုယ်စားလှယ်လောင်းတို့ စကားအချေအတင်ဖြစ်ခဲ့ကြပါတယ် ။ ဆိုင်ပိုင်ရှင်ရဲ့ မိတ်ဆွေဆိုသူကလည်း အခုနေရာမှာ ဆိုင်းဘုတ်မစိုက်ထူဘဲ အခြားနေရာမှာစိုက်ထူဖို့ပြောကြားတာတွေကို သူရဲ့ Facebook Account မှာ Live လွှင့်ခဲ့တာဖြစ်ပါတယ်။ ဒါကြောင့် အောင်နိုင်ရေးဆိုင်းဘုတ်စိုက်ထူရာမှာ ဝင်ရောက်နှောက်ယှက်သလို ပါတီနဲ့ လွှတ်တော်ကိုယ်စားလှယ်လောင်းကို…

ရေငုပ်သင်္ဘောကနေ ပစ်ခတ်နိုင်တဲ့ ပဲ့ထိန်းဒုံးပျံစမ်းသပ်ဖို့ မြောက်ကိုရီးယားပြင်ဆင်နေ ဆိုးလ်၊ စက်တင်ဘာ-၁၇-၂၀၂၀ မျိုးဆက် (VOM) မြောက်ကိုရီးယားဟာ အောက်တိုဘာလအတွင်းပြုလုပ်မယ့် အဓိကအထိမ်းအမှတ်အခမ်းအနားတစ်ခုမှာ ရေငုပ်သင်္ဘောကနေပစ်ခတ်နိုင်တဲ့ ပဲ့ထိန်းဒုံးပျံကို စမ်းသပ်ဖွယ်ရှိတယ်လို့ တောင်ကိုရီးယားပူးတွဲစစ်ဦးစီးချုပ်များအဖွဲ့ မှာ ဥက္ကဋ္ဌအဖြစ် အမည်စာရင်းတင်သွင်းခံထားရသူက ထုတ်ဖော်ပြောဆိုလိုက်ပါတယ်။ မြောက်ကိုရီးယားဟာ ရေငုပ်သင်္ဘောကနေ ပဲ့ထိန်းဒုံးပျံဖြစ်လွှတ်နိုင်ဖွယ်ရှိနေတဲ့အတွက် တောင်ကိုရီးယားစစ်ဘက်က စောင့်ကြည့်နေတယ်လို့ တောင်ကိုရီးယားလေတပ်စစ်ဦးစီးချုပ် ဗိုလ်ချုပ်ကြီး ဝန်အင်ချူက စက်တင်ဘာ ၁၆ ရက်မှာ ပြောဆိုခဲ့တယ်လို့ ယွန်ဟတ်သတင်းဌာနက ပြောပါတယ်။ မြောက်ကိုရီးယားဟာ အာဏာရအလုပ်သမားပါတီတည်ထောင်ခြင်း ၇၅ နှစ်ပြည့်အခမ်းအနားကို အောက်တိုဘာ ၁၀ ရက်နေ့မှာ ကျင်းပသွားဖို့ ရှိနေပါတယ်။ မကြာသေးမီကတိုက်ခတ်ခဲ့တဲ့ တိုက်ဖွန်းမုန်တိုင်းအပြီး ဆင်ပိုသင်္ဘောကျင်းမှာ ပြင်ဆင်မှုတွေလုပ်ဆောင်နေတဲ့ အထောက်အထားတွေတွေ့ရှိရကြောင်း ၊ ပြန်လည်ထူထောင်ရေးလုပ်ငန်းတွေ ပြီးဆုံးသွားတာနဲ့ စစ်ရေးလှုပ်ရှားမှုတွေကို ပြန်လည်လုပ်ဆောင်နိုင်တယ်လို့ ဝန်အင်ချူက ထုတ်ဖော်ပြောဆိုပါတယ်။ မြောက်ကိုရီးယားသင်္ဘောကျင်းမှာ ပြန်လည်ပြင်ဆင်မှုတွေ ပြုလုပ်နေတဲ့ ဂြိုဟ်တုဓါတ်ပုံတွေကို အမေရိကန်သုတေသနအဖွဲ့ဖြစ်သော 38…

ရခိုင်အရေးလှုပ်ရှားမှုပြုလုပ်လို့ ဖမ်းဆီးခံရတဲ့ကျောင်းသား ၃ ဦးနဲ့ မူအမှုဖွင့်ခံထားရသူ ၁၃ ဦးရှိ မန္တလေး၊ စက်တင်ဘာ ၁၇-၂၀၂၀ ဟိန်းကို(VOM) အခုရက်ပိုင်း ဗမာနိုင်ငံလုံးဆိုင်ရာကျောင်းသားသမဂ္ဂအဖွဲ့ဝင်ကျောင်းသားတွေဟာ ရခိုင်ပြည်နယ်မှာဖြစ်နေတဲ့အရာတွေကို ပြည်သူတွေသိရှိဖို့လို့ဆိုကာ တပ်မတော်ကိုဆန့်ကျင်ကြောင်းစာသားတွေပါတဲ့ စတစ်ကာတွေကို လူစည်ကားတဲ့နေရာတွေမှာ လိုက်ကပ်ပြီး ကမ်ပိန်းပြုလုပ်နေပါတယ်။ အဲ့ဒီလိုကမ်ပိန်းပြုလုပ်တဲ့ကျောင်းသားတွေကို သက်ဆိုင်ရာ မြို့နယ်ရဲတပ်ဖွဲ့တွေက အာမခံမရတဲ့ နိုင်ငံတော်အကြည်ညိုပျက်စေမှုပုဒ်မ- ၅၀၅(က)(ခ)တို့နဲ့အမှုဖွင့်ဖမ်းဆီးတာဟာ အခုဆိုရင် သမဂ္ဂကျောင်းသား ၃ ဦး ဖမ်းဆီးခံထားရတာဖြစ်တယ်လို့ ဗကသများအဖွဲ့ချုပ်ကနေ သိရပါတယ်။ အခုလိုဖြစ်စဉ်တွေနဲ့ပတ်သက်ပြီး ဗကသများအဖွဲ့ချုပ် ဒု-ဥက္ကဋ္ဌ-၁ ကိုအောင်ပြည်စုံဖြိုးကိုဆက်သွယ်မေးမြန်းရာမှာတော့ ” မုံရွာခရိုင်ဗကသများအဖွဲ့ချုပ်က စတစ်ကာကမ်ပိန်းလုပ်တာ မိထ္ထီလာဖြစ်စဉ်လိုပဲ၊ သူက မုံရွာကနေ ကလေးကိုရွှေ့သွားလို့ထင်တယ်၊ လက်ရှိဆိုရင် မုံရွာဖြစ်စဉ်ရှိမယ်၊ မိထ္ထီလာဖြစ်စဉ်ရှိမယ်။ မန္တလေးမှာဆိုလည်း လိုက်ဖမ်းနေတယ်၊ သူတို့လိုက်ဖမ်းနေတဲ့ကျောင်းသားဦးရေ ၂၀ကျော်လောက်တော့ရှိတယ်။အဲ့ဒါက ကျွန်တော်တို့ ဗကသကနေ စာရင်းလုပ်ထားတဲ့ဟာပါ “လို့ ပြောပါတယ်။ ဒီကနေ့နေလယ်ပိုင်းကလည်း စစ်ကိုင်းတိုင်း၊ ကလေးမြို့မှာနေတဲ့ မုံရွာခရိုင်ကျောင်းသားသမဂ္ဂအတွင်းရေးမှူး…

တရုတ်ဘက်က နယ်စပ်ဂိတ်တွေ ပိတ်လိုက်တာကြောင့် နှစ်နိုင်ငံကုန်သွယ်ရေး ရပ်ဆိုင်းသွားတဲ့အပြင် ကုန်တင်ကားတွေပိတ်မိနေ ရန်ကုန်၊ စက်တင်ဘာ ၁၇-၂၀၂၀ သိင်္ဂီ (VOM) တရုတ်နိုင်ငံ၊ ရွှေလီမြို့ကို Lock down ချလိုက်ပြီး နယ်စပ်ဖြတ်ကျော်ဂိတ်တွေကိုပါ ကန့်သတ်ပိတ်ဆို့လိုက်တဲ့အတွက် တရုတ်-မြန်မာ နှစ်နိုင်ငံကုန်သွယ်ရေးဟာ ရပ်ဆိုင်းနေတယ်လို့ မူဆယ် ဆန်ကုန်စည်ဒိုင်ဥက္ကဋ္ဌ ဦးမင်းသိန်းက ပြောပါတယ်။ အခုလိုတွေဖြစ်သွားတဲ့အတွက် မြန်မာနိုင်ငံကနေ တင်ပို့တဲ့ ဆန်၊ ပြောင်း၊ ကြက်သွန်၊ ငရုတ်၊ ပဲ စတဲ့ ကုန်မျိုးစုံအပါအဝင် ရေထွက်ပစ္စည်းတွေကို တင်ပိုလို့မရတဲ့အပြင် တရုတ်နိုင်ငံဘက်ကနေ တင်သွင်းတဲ့ လျှပ်စစ်ပစ္စည်း၊ ဆောက်လုပ်ရေးပစ္စည်းတွေလည်း တင်သွင်းလို့ မရတော့ဘူးလို့ သိရပါတယ်။ “စက်တင်ဘာ ၁၄ ရက် ည ၁၀ နာရီမှာစပြီး ၇ ရက်တိတိ ရွှေလီမြို့ကို Lock down ချလိုက်တယ်။ ၁၅ ရက် မနက် ၆…

ရသေ့တောင်မှာလက်နက်ကြီးကျပြီး ဒေသခံတစ်ဦးသေဆုံး ရသေ့တောင်၊ စက်တင်ဘာ ၁၇- ၂၀၂၀ ထက်အောင်စိုင်း (VOM) ရခိုင်ပြည်နယ်မြောက်ပိုင်း၊ စစ်တွေခရိုင်၊ ရသေ့တောင်မြို့နယ်မှာ ဒီကနေ့ မနက်ပိုင်း ၉ နာရီလောက်က လက်နက်ကြီးတွေနဲ့ ပစ်ခတ်မှုဖြစ်ပွားပြီး ကူတောင်တိုက်နယ်အနီး ရွှေလောင်းတင်ကျေးရွာအတွင်းကို လက်နက်ကြီးတွေ ကျရောက်ပေါက်ကွဲပြီး ဒေသခံပြည်သူတစ်ဦး ပွဲချင်းပြီးသေဆုံးကာ တစ်ဦးမှာ ပြင်းပြင်းထန်ထန် ဒဏ်ရာရရှိသွားတယ်လို့ သိရပါတယ်။ ဖြစ်စဉ်မှာ ဒီကနေ့ စက်တင်ဘာလ ၁၇ ရက်နေ့က စစ်တွေမြို့နယ်ဖက်ကနေ ရသေ့တောင်မြို့နယ်ဖက်ကနေ ပစ်ခတ်သံတွေထွက်ပေါ်ခဲ့ပြီးနောက်ပိုင်း ရသေ့တောင်မြို့ပေါ်ကနေ လက်နက်ကြီးပစ်ခတ်မှုတွေ တောက်လျှောက်ပြုလုပ်ခဲ့ပြီး ရွှေလောင်းတင်ကျေးရွာတွင်းကို လက်နက်ကြီး ၂လုံး ကျရောက်ပေါက်ကွဲခဲ့တာကြောင့် အခုလို ဒေသခံတွေထိခိုက် ဒဏ်ရာရကြတာဖြစ်တယ်လို့ သိရပါတယ်။ ရွှေလောင်းတင်ကျေးရွာတွင်းသို့ လက်နက်ကြီး ကျရောက်ပေါက်ကွဲမှုကြောင့် သေဆုံးသွားသူမှာ ဦးမောင်မောင်ချေ အသက်(၄၆) နှစ်နဲ့ ဒဏ်ရာရရှိသူမှာ ဦးမောင်မောင်ချေရဲ့ အစ်ကိုဖြစ်ပြီး ဦးလှထွန်းမောင် အသက် (၆၀) ဖြစ်ပြီး…