Month: September 2020

တရုတ်နိုင်ငံထုတ် ကိုဗစ်-၁၉ ကာကွယ်ဆေး နိုဝင်ဘာလမှာ အသုံးပြုနိုင်ဖွယ်ရှိ ပေကျင်း၊ စက်တင်ဘာ ၁၅-၂၀၂၀ မျိုးဆက် (VOM) တရုတ်နိုင်ငံထုတ် ကိုဗစ်-၁၉ ရောဂါကာကွယ်ဆေးဟာ နိုဝင်ဘာလအစောပိုင်းမှာ အများပြည်သူအသုံးပြုဖို့ အဆင်သင့်ဖြစ်နိုင်ဖွယ်ရှိတယ်လို့ တရုတ်နိုင်ငံ ရောဂါထိန်းချုပ်ရေးနဲ့ ကာကွယ်ရေးဌာန တာဝန်ရှိသူတစ်ဦးက ထုတ်ဖော်ပြောဆိုလိုက်ပါတယ်။ တရုတ်နိုင်ငံဟာ ကိုဗစ်-၁၉ ရောဂါကာကွယ်ဆေး ၄ မျိုးကို နောက်ဆုံးအဆင့်စမ်းသပ်မှုတွေ လုပ်ဆောင်နေပါတယ်။ အဲဒီထဲက ကာကွယ်ဆေး ၃ မျိုးကို ဇူလိုင်လမှာ စတင်တဲ့ အရေးပေါ်အသုံးပြုမှုအစီအစဉ်တစ်ရပ်အောက်မှာ မရှိမဖြစ်လိုအပ်တဲ့လူတွေကို ထိုးနှံပေးခဲ့ပါတယ်။ အဆင့်သုံးစမ်းသပ်မှုတွေကို ချောချောမွေ့မွေ့ဆက်လက်လုပ်ဆောင်နေပြီး နိုဝင်ဘာ သို့မဟုတ် ဒီဇင်ဘာလမှာ အများပြည်သူအတွက် ကာကွယ်ဆေးအသင့်ဖြစ်နေနိုင်တယ်လို့ ရောဂါထိန်းချုပ်ရေးနဲ့ ကာကွယ်ရေးဌာန ဇီဝလုံခြုံမှုဆိုင်ရာကျွမ်းကျင်သူ ကွေကျန်ဝူက စက်တင်ဘာ ၁၄ ရက်နှောင်းပိုင်းကပြုလုပ်တဲ့ နိုင်ငံပိုင်ရုပ်သံဌာနနဲ့ တွေ့ဆုံမေးမြန်းခန်းတစ်ရပ်မှာ ပြောခဲ့တာဖြစ်ပါတယ်။ ကာကွယ်ဆေးအမည်ကို ထုတ်ဖော်ပြောဆိုခြင်းမရှိပေမယ့်လည်း ဧပြီလအတွင်းမှာ ကိုယ်တိုင်ကာကွယ်ဆေး စမ်းသပ်ထိုးနှံခဲ့ပြီးနောက် မကြာသေးမီလတွေအတွင်း…

ဂျပန်အစိုးရအဖွဲ့အတွင်းရေးမှူး ယိုရှီဟီဒီဆူဂါ ဝန်ကြီးချုပ်ရာထူး ရယူနိုင်တော့မယ် တိုကျို၊ စက်တင်ဘာ-၁၄-၂၀၂၀ မျိုးဆက်(VOM) ဂျပန်အာဏာရပါတီဟာ ရှင်ဇိုအာဘေးရဲ့နေရာကို ဆက်ခံမယ့် ခေါင်းဆောင်သစ်အဖြစ် ယိုရှီဟီဒီဆူဂါကို ရွေးချယ်လိုက်ပြီး ဒီလိုရွေးချယ်လိုက်တာကြောင့် ဆူဂါဟာ ဂျပန်နိုင်ငံရဲ့ ဝန်ကြီးချုပ်ဖြစ်လာတော့မှာဖြစ်ပါတယ်။ ဝန်ကြီးချုပ်ရှင်ဇိုအာဘေးဟာ ကျန်းမာရေးအခြေအနေကြောင့် ရာထူးကနေ နှုတ်ထွက်တော့မယ်လို့ လွန်ခဲ့တဲ့လက ကြေညာခဲ့ပါတယ်။ အသက် ၇၁ နှစ်အရွယ် မစ္စတာဆူဂါဟာ လက်ရှိအစိုးရအဖွဲ့မှာ အတွင်းရေးမှူးအဖြစ် တာဝန်ထမ်းဆောင်နေပြီး ပါတီခေါင်းဆောင်သစ် အဖြစ် ရွေးချယ်ခံရမယ်လို့ ကျယ်ကျယ်ပြန့်ပြန့် ရှုမြင်ခံထားရသူဖြစ်ပါတယ်။ သူဟာ ဝန်ကြီးချုပ်ရှင်ဇိုအာဘေးရဲ့ အနီးကပ်မဟာမိတ်ဖြစ်ပြီး အာဘေးရဲ့ မူဝါဒတွေကို ဆက်လက်အကောင်အထည် ဖော်နိုင်ဖွယ်ရှိတယ်လို့ သတ်မှတ်ထားကြပါတယ်။ အာဏာရ လစ်ဘရယ်ဒီမိုကရက်တစ်ပါတီဟာ အခုလိုပါတီခေါင်းဆောင်သစ်ကို ရွေးချယ်လိုက်တာကြောင့် ပါတီအမတ်တွေကြီးစိုးထားတဲ့ ပါလီမန်မှာ ဝန်ကြီးချုပ်သစ်ခန့်အပ်ဖို့ကို စက်တင် ၁၆ ရက်မှာ မဲခွဲဆုံးဖြတ်ဖို့ရှိနေပါတယ်။ ဝန်ကြီးချုပ်အဖြစ် တာဝန်ယူဖို့သေချာသလောက်ရှိနေတဲ့ မစ္စတာဆူဂါကတော့ ၂၀၂၁ ခုနှစ် စက်တင်ဘာလမှာ…

ကမ္ဘာတစ်ဝန်းမှာ ၂၄ နာရီအတွင်း ကိုဗစ်-၁၉ ကူးစက်ခံရသူအရေအတွက် စံချိန်သစ်တင် ဂျီနီဗာ၊ စက်တင်ဘာ-၁၄-၂၀၂၀ မျိုးဆက် (VOM) ကမ္ဘာတစ်ဝန်းမှာ ၂၄ နာရီအတွင်း ကိုဗစ်-၁၉ ရောဂါကူးစက်ခံရသူမှာ စံချိန်သစ်တင်သွားပြီး လွန်ခဲ့တဲ့ ၂၄ နာရီအတွင်း ကူးစက်ခံရသူ ၃၀၇၉၃၀ ဦးထိရှိနေပါတယ်။ ရောဂါကြောင့် သေဆုံးသူအရေအတွက်ဟာလည်း တစ်နေ့တည်း ၅၅၀၀ ကျော်ထိမြင့်တက်လာပြီး ကမ္ဘာတစ်ဝန်း သေဆုံးသူဟာ ၉၁၇၄၁၇ ဦးထိရှိလာတယ်လို့ ကမ္ဘာ့ကျန်းမာရေးအဖွဲ့က ထုတ်ပြန်ထားပါတယ်။ ကူးစက်မှုအများဆုံးနိုင်ငံတွေကတော့ အိန္ဒိယ၊ အမေရိကန်နဲ့ ဘရာဇီးနိုင်ငံတို့ဖြစ်ပါတယ်။ လက်ရှိအချိန်ထိ ကမ္ဘာတစ်ဝန်းမှာ ရောဂါကူးစက်ခံရသူ ၂၈ သန်းကျော်ရှိပြီး ဒီထဲကတစ်ဝက်ကတော့ အမေရိကား ကဖြစ်ပါတယ်။ ၂၄ နာရီအတွင်း ကူးစက်မှုအမြင့်ဆုံးစံချိန်ကတော့ စက်တင်ဘာ ၆ ရက်ကဖြစ်ပြီး တစ်နေ့တာအတွင်း ၃၀၆၈၅၃ ဦးရှိတယ်လို့ ကမ္ဘာ့ကျန်းမာရေးအဖွဲ့က ထုတ်ပြန်ထားပါတယ်။ စက်တင်ဘာ ၁၃ ရက် တစ်နေ့တည်းမှာပင်…