အိုင်စီစီရှေ့နေချုပ်နဲ့ ထိပ်တန်းတာဝန်ရှိသူတွေကို အမေရိကန်အရေးယူပိတ်ဆို့ ဝါရှင်တန်၊ စက်တင်ဘာ-၃-၂၀၂၀ မျိုးဆက် (VOM) အမေရိကန်အစိုးရဟာ အိုင်စီစီရှေ့နေချုပ်နဲ့ Fatou Bensouda အပါအဝင် တရားရုံးက အခြားထိပ်တန်းတာဝန်ရှိသူတွေကို အရေးယူပိတ်ဆို့မှုတွေချမှတ်လိုက်ပါတယ်။ အိုင်စီစီဟာ အမေရိကန်နိုင်ငံသားတွေအပေါ် တရားစီရင်ဖို့ တရားမဝင်ကြိုးစားအားထုတ်နေတယ်လို့ အမေရိကန်နိုင်ငံခြားရေးဝန်ကြီး မိုက်ပွန်ပီယိုက စွပ်စွဲထားပါတယ်။ သည်ဟိဂ်အခြေစိုက် အိုင်စီစီတရားရုံးဟာ အာဖဂန်နိုင်ငံမှာ အမေရိကန်တပ်ဖွဲ့ဝင်တွေ စစ်ရာဇဝတ်မှုတွေ ကျူးလွန်ခြင်းရှိမရှိကို လက်ရှိမှာ စုံစမ်းစစ်ဆေးနေပါတယ်။ တရားရုံးကို စတင်ဖွဲ့စည်းစဉ်ကတည်းက တရားရုံးအပေါ် အမေရိကန်က ဝေဖန်မှုတွေပြုခဲ့ပြီး အမေရိကန်ဟာ အိုင်စီစီအဖွဲ့ဝင်မထားတဲ့ နိုင်ငံအနည်းငယ်ထဲက တစ်နိုင်ငံဖြစ်ပါတယ်။ အမေရိကန်ရဲ့အရေးယူပိတ်ဆို့မှုတွေဟာ အဆိုးရွားဆုံးရာဇဝတ်မှုတွေကို ကျူးလွန်ခံထားရသူတွေအတွက် တရားမျှတမှုရှိအောင်လုပ်ဆောင်ရေး အမေရိကန်ရဲ့ကတိကဝတ်တွေအပေါ် ရှက်ဖွယ်လိလိဖြစ်တယ်လို့ လူ့အခွင့်အရေးစောင့်ကြည့်အဖွဲ့က ထိပ်တန်းအကြံပေးBalkees Jarrah ကဝေဖန်ပြောဆိုပါတယ်။ အိုင်စီစီဝန်ထမ်းတွေရဲ့ ပိုင်ဆိုင်မှုတွေကို ပိတ်ဆို့ဖို့နဲ့ သူတို့ကို နိုင်ငံအတွင်းဝင်ရောက်ခွင့် ပိတ်ပင်ဖို့ ခွင့်ပြုထားတဲ့အမိန့်တစ်ရပ်ကို အမေရိကန်သမ္မတဒေါ်နယ်ထရန့်ကလည်း ဇွန်လအတွင်းမှာ အမိန့်တစ်ရပ်ထုတ်ပြန်ခဲ့တာဖြစ်ပါတယ်။ Ref…
Read Moreအိုင်စီစီရှေ့နေချုပ်နဲ့ ထိပ်တန်းတာဝန်ရှိသူတွေကို အမေရိကန်အရေးယူပိတ်ဆို့
