Month: November 2020

နိုဝင်ဘာ ၂၃-၂၀၂၀ ဂျန်ကိုးလ်(VOM) မကွေးတိုင်း၊ စကုမြို့မှာ ၂၀၂၀ရွေးကောက်ပွဲရဲ့တရားမျှတမှု၊ ပွင့်လင်းမြင်သာမှု၊ တရားမဲ့ပြုလုပ်ခြင်းတွေအတွက် ကျေနပ်မှုမရှိလို့ဆိုပြီး ဒီကနေ့မနက်ပိုင်းက မင်းဘူး-စကု ကားလမ်း‌ဘေး ကိုးနဝင်းဘုရားဝန်းရှေ့မှာ လူဦးရေ ၃၀ခန့်နဲ့ တရားဝင်ဆန္ဒဖော်ထုတ်မှုပြုလုပ်ခဲ့ကြတယ်လို့ သိရပါတယ်။ ”၂၀၂၀ရွေးကောက်ပွဲနဲ့ပတ်သက်ပြီး တရားမျှတမှုပွင့်လင်းမြင်သာမှု၊ တရားမဲ့ပြုလုပ်ခြင်းများအတွက်ဆန္ဒဖော်ထုတ်ရခြင်းဖြစ်တယ်၊ အခုလို ဆန္ဒဖော်ထုတ်ရတာက ပါတီတစ်ခုအတွက်မဟုတ်ဘဲ ပါတီပေါင်းစုံကိုယ်စားပြု ပြည်သူများအားလုံးကိုယ်စား ပြည်သူတစ်ယောက်အနေနဲ့ ဆန္ဒဖော်ထုတ်ရခြင်းဖြစ်ပါတယ်၊ ဒီမိုကရေစီရဲ့အခြေခံအုတ်မြစ်ဟာဆိုရင်တရားမျှတမှန်ကန်တဲ့ရွေးကောက်ပွဲများကျင်းပနိုင်ရေးဖြစ်ပါတယ်၊ ရွေးကောက်ပွဲတွေ ကျင်းပတိုင်း ပြည်တွင်းပြည်ပစောင့်ကြည့်ရေးဆိုတာတွေ မရှိသင့်ဘူးလားဆိုတော့ ပတ်ဝန်းကျင်ကရှိသင့်ပါတယ်၊ ရွေးကောက်ပွဲဟာ ဘယ်လောက်ပွင့်လင်းမြင်သာရှိသလဲ၊ ဘယ်လောက် မျှတမှုရှိသလဲဆိုတာစောင့်ကြည့်ခွင့်တွေရှိသင့်ပါတယ်” လို့ ဆန္ဒဖော်ထုတ်ပွဲဦးဆောင်ပြုလုပ်သူ ရွှေရောင်တော်ကျေးရွာမှ မခင်ချောသူက ပြောပါတယ်။ ရွေးကောက်ပွဲကော်ပွဲကော်မရှင်အနေနဲ့ ရွေးကောက်ပွဲသမိုင်းလှချင်တယ်ဆိုရင် ကြိုတင်မဲပေးတဲ့နေရာမှာလည်း တရားမျှတမှုမရှိလို့ အနယ်နယ်အရပ်ရပ်ကတိုင်ထားတဲ့ တိုင်စာတွေ မဲပေးတဲ့နေရာမှာလည်း သေဆုံးတဲ့သူတွေပေးတာ၊ အသက်မပြည့်တဲ့ကလေးတွေပါနေတာ၊ မဲဆန္ဒရှင်တွေက နှစ်ခါသုံးခါထပ်ပြီး မဲပေးနေတာကိုပွင့်လင်းမြင်သာစွာအမြန်ဆုံး စစ်ဆေးအရေးယူဆောင်ရွက်ပေးစေချင်ပါတယ်လို့ မခင်ချောသူကတောင်းဆိုခဲ့ပါတယ်။ ဆန္ဒထုတ်ဖော် ဟောပြောပွဲမှာဝန်းရံသူ ဦးပန်းချီကလည်း ”လူအင်အားကတော့…

နိုဝင်ဘာ ၂၃-၂၀၂၀ သိင်္ဂီထွန်း(VOM) ကိုဗစ်အတည်ပြုလူနာတစ်ဦးတွေ့ရှိပြီးနောက် ၄ ရက်အကြာ ယာယီပိတ်ထားခဲ့တဲ့ ပဲခူးတိုင်းအစိုးရအဖွဲ့ရုံးကို ဒီကနေ့ နိုဝင်ဘာလ ၂၃ ရက်နေ့မှာ ပြန်လည်ဖွင့်လှစ်ထားပြီး ရုံးလုပ်ငန်းတွေဆောင်ရွက်နေပြီဖြစ်တယ်လို့ သိရပါတယ် ။ ပဲခူးတိုင်းအစိုးရရုံးကို လာရောက်မယ့်သူတွေဟာ အုပ်ချုပ်ရေး မှူး ထောက်ခံချက် ၊ကျန်းမာရေးထောက်ခံချက်တွေ လိုအပ်တဲ့အပြင် ခိုင်လုံတဲ့အကြောင်းပြချက်ရှိဖို့လည်း လိုအပ်တယ်လို့ တိုင်းအစိုးရအဖွဲ့တာဝန်ရှိသူကပြောပါတယ်။ ” လက်ရှိအခန်းတွေအားလုံးကို ပိုးသတ်ထားတာက ၇၂ နာရီလည်းကြာသွားပြီဖြစ်လို့ လုပ်ငန်းဆက်လုပ်နေတယ်၊ အစိုးရအဖွဲ့ရုံးဆိုတော့ လုံးလုံးပိတ်ထားလို့မရဘူးပေါ့။ ရုံးတွေပိတ်ထားရင်တောင် အွန်လိုင်းကနေတောက်လျှောက်လုပ်နေရတာရှိတယ်။ ကိုဗစ်ဆိုင်ရာ ဆောင်ရွက်မှုက နဂိုထဲက ဝင်တဲ့သူအကုန်လုံးကို အဝင်ဝမှာ လက်ဆေးစဉ်ထားထားတယ်။ခိုင်လုံတဲ့ အကြောင်းပြချက်ရှိရမယ်။ ကိုယ်ရေးအချက်အလက်တောင်းတယ်။ ဆက်သွယ်စရာနေရာလိပ်စာ၊ လိုအပ်တဲ့အချက်အလက်ပေါ့ ရယူတယ်။ အခုပိုးတွေ့ထားတဲ့သူကလည်း ရုံးကကူးတာလည်းမဟုတ်ဘူး။ ရပ်ကွက်ထဲက ကူးတာပေါ့။ သူရောက်ရောက်ချင်းမနက်မှာပဲ ချက်ခြင်းသိတာပေါ့။ သိသိချင်း ပို့နိုင်ခဲ့လို့ ရောဂါကူးစက်မှုကို ထိန်းချုပ်နိုင်တာပေါ့”လို့ ပဲခူးတိုင်းအစိုးရအဖွဲ့ရဲ့ သယံဇာတ၊သစ်တော၊ သဘာဝပတ်ဝန်းကျင်ထိန်းသိမ်းရေးနှင့်စည်ပင်သာယာရေးဝန်ကြီး…

နိုဝင်ဘာ ၂၃-၂၀၂၀ သိင်္ဂီထွန်း ( VOM ) ပဲခူးတိုင်းထဲက stay at home သတ်မှတ်ထားခြင်းမရှိတဲ့မြို့တွေမှာ Aအဆင့်ရှိ စားသောက်ဆိုင်နဲ့လက်ဖက်ရည်ဆိုင်တွေကို နိုဝင်ဘာလကုန်ကစပြီး ဖွင့်လှစ်ခွင့်ပြုဖို့ စီစဉ်နေပြီး ပြန်လည်ဖွင့်လှစ်ခွင့်ပြုမယ့် စားသောက်ဆိုင်တွေအထဲမှာ KTV နဲ့ စင်တင် တွေတော့ မပါရှိသေးဘူးလို့ သိရပါတယ်။ ဒီကိစ္စနဲ့ပတ်သက်ပြီး ပဲခူးတိုင်းအစိုးရ ပြောရေးဆိုခွင့်ရှိသူ သယံဇာတ၊သစ်တော၊ သဘာဝပတ်ဝန်းကျင်ထိန်းသိမ်းရေးနှင့်စည်ပင်သာယာရေးဝန်ကြီး ဒေါက်တာ စောညိုဝင်းက “ခုလက်ရှိက စားသောက်ဆိုင်ပဲဖြစ်တယ်။ KTV လို့မပြောသေးပါဘူး။ အခုလည်း ခွင့်ပြုထားတာမရှိပါဘူး။ အခုထိတော့မပါသေးဘူး။ စင်တင်ကတော့ အဓိက ကျနော်တို့ ပဲခူးတိုင်းဒေသကြီးမှာ စင်တင်နဲ့ပတ်သက်တဲ့ Managementက လုံ/နယ်ဘက်ကပေါ့။ လုံ/နယ်က ဒီကိစ္စနဲ့ပတ်သက်ပြီး ကျနော်တို့ သက်ဆိုင်ရာကော်မတီကိုတင်တော့မှ ဆုံးဖြတ်မှာပေါ့”လို့ ပြောပါတယ်။ ဒါကြောင့် စားသောက်ဆိုင်တွေ အမြန်ဆုံးပြန်ဖွင့်နိုင်ဖို့အတွက် ပဲခူးတိုင်းအတွင်း စတေဟုမ်း သတ်မှတ်ထားခြင်းမရှိတဲ့ မြို့နယ်အားလုံးကိုလည်း တိုင်းဒေသကြီးကနေ ညွှန်ကြားစာတွေ…

နိုဝင်ဘာ ၂၃-၂၀၂၀ ဇော်မိုးထက်(VOM) ကချင်ပြည်နယ်၊ မိုးညှင်းခရိုင်၊ ဖားကန့်မြို့နယ်၊ လုံးခင်းကျေးရွာအုပ်စု၊ လယ်ပြင် စုပေါင်းစစ်ဆေးရေးဂိတ်ကို ရှောင်ဖယ်ကာ ဖားကန့်မြို့အတွင်း ဝင်ရောက်လာတဲ့ အမျိုးသား ၃ ဦးကို ဖားကန့်မြို့နယ် ကိုဗစ်-၁၉ ကော်မတီက သာဝဘေးအန္တရာယ်ဆိုင်ရာ စီမံခန့်ခွဲမှုဥပဒေနဲ့ အမှုဖွင့်လိုက်တယ်လို့ ဖားကန့်မြို့နယ်အထွေထွေအုပ်ချုပ်ရေးဦးစီးဌာနရုံးကနေ သိရပါတယ်။ တရားမဝင်ဝင်ရောက်လာသူအမျိုးသား(၃)ဦးဟာ ကျော်မင်းထွန်း ၊ခင်ဇော်လင်း ၊ဦးစောမောင်တို့ဖြစ်ပြီး သူတို့သုံးဦးဟာ မန္တလေးကနေ ခရီးသည်တင်လိုင်းကားနဲ့ လာရောက်ကာ ဖားကန့်မြို့ကို မနေ့ နိုဝင်ဘာ ၂၂ရက်နေ့ညနေ ၅ နာရီကျော်က တရားမဝင် ဝင်ရောက်လာခဲ့တာဖြစ်တယ်လို့ သိရပါတယ်။ ” နန့်စီးအောင်စုပေါင်းစစ်ဆေးရေးဂိတ် ၊ကာမိုင်းစစ်ဆေးရေးဂိတ် ၊လယ်ပြင်စစ်ဆေးရေးဂိတ် တွေကို စစ်ဆေးမှုမခံယူဘဲ တောလမ်းကနေရှောင်လာခဲ့ပြီး အခုလိုတရားမဝင် ဝင်ရောက်ခဲ့တာဖြစ်တယ်လို့ သက်ဆိုင်ရာတာဝန်ရှိသူတွေရဲ့စစ်ဆေးမှုတွေအရ သိရှိခဲ့ရတယ်”လို့ ဖားကန့်မြို့နယ်အထွေထွေအုပ်ချုပ်ရေးဦးစီးဌာနရုံးကပြောပါတယ်။ လက်ရှိမှာတော့ တရားမဝင်ဝင်ရောက်လာသူ အမျိုးသား(၃)ဦးကို သက်ဆိုင်ရာ ရဲစခန်းကို ဖမ်းဆီးထားတယ်လို့ သိရပါတယ်။ ဖားကန့်မြို့နယ်မှာ…

နိုဝင်ဘာ ၂၃-၂၀၂၀ အေးချမ်းသူ(VOM) ရန်ကုန်မြို့၊ လှိုင်သာယာအရှေပိုင်းမြို့နယ်၊ အမှတ်(၁)ရပ်ကွက်မှာ ထောက်ပံ့ကြေးငွေလေးသောင်းပေးဖို့ စလစ်ဝေရာမှာ မရတဲ့အတွက် အမျိုးသမီး ဆယ်အိမ်မှူးတစ်ဦးကို အမျိုးသားတစ်ဦးက ဓါးနဲ့ခုတ်တဲ့ဖြစ်စဉ် မနေ့ နိုဝင်ဘာ၂၂ရက်က ဖြစ်ပွားခဲ့တယ်လို့ ရပ်ကွက်နေပြည်သူတွေပြောပြချက်အရ သိရပါတယ်။ “လှသောင်းလမ်းနဲ့ ဗိုလ်တာရာလမ်းဆုံမှာ ခေါကြီးက ဆိုင်ကယ်ပေါ်ကဆင်းပြီး စလစ်ဝေတာငါ့အိမ်မပါဘူးဆိုပြီး ဓားရှည်နဲ့ ခုတ်တာဗျ သေတော့မသေပါဘူး”လို့ အဲ့ဒီရပ်ကွက်မှာနေထိုင်တဲ့ ဦးအေးထွန်းက VOMကို ပြောပါတယ်။ ဓါးနဲ့ခုတ်တဲ့သူဟာ ခေါကြီး(ခ)ဦးအောင်ကျော်ဝင်းဖြစ်ပြီး ဆယ်အိမ်မှူး ဒေါ်မြင့်မြင့်ချိုဟာ ခေါကြီးရဲ့နေအိမ်မှာ စလစ်ပေးခဲ့တာကို မသိရှိဘဲ ဓားရှည်နဲ့ခုတ်ခဲ့ခြင်းဖြစ်တယ်လို့ အမှတ်(၁)ရပ်ကွက်အုပ်ချုပ်ရေးမှူး ဦးနေမျိုးအောင်ကပြောပါတယ်။ “ထောက်ပံ့ကြေးကိစွမှာ မရှိတဲ့သူထက် လက်ဝတ်ရွှေတတောင်ဆစ်လောက်ရှိတဲ့သူတွေက ပိုလိုချင်တာ၊ မရှိဆင်းရဲသားကိုပေးတာ ပြောလည်းမရဘူး။ ပြောလိုက်ရင် နိူင်ငံတော်ကကြေညာထားတာ လူတန်းစေ့ဆိုတာနဲ့ကိုင်ပေါက်တယ်”လို့ အမှတ်(၁)ရပ်ကွက်အုပ်ချုပ်ရေးမှူး ဦးနေမျိုးအောင်ကပြောပါတယ်။ ဓားနဲ့ခုတ်ခံရတဲ့ ဆယ်အိမ်မှုးဒေါ်မြင့်မြင့်ချိုမှာ ဝဲတံတောင် အလျား(၁)လက်မခန့်၊ အနက်လက်မဝက်ခန့် ပြတ်ရှဒဏ်ရာ(၁)ချက်ရရှိခဲ့တဲ့အတွက် လှိုင်သာယာပြည်သူ့ဆေးရုံကြီးမှာ အတွင်းလူနာအဖြစ်ဆေးကုသမှုခံယူနေကြောင်း ရပ်ကွက်အုပ်ချုပ်ရေးမှူး…

နိုဝင်ဘာ ၂၂-၂၀၂၀ ဂျန်ကိုးလ် (VOM) မကွေးတိုင်း၊ ပွင့်ဖြူမြို့မှာ ဒီကနေ့မနက်ပိုင်းက ၂၀၂၀ ရွေးကောက်ပွဲဟာ သမာသမတ်ကျကျ မဟုတ်လို့ဆိုပြီး လူတချို့က လှည့်လည်ဆန္ဒထုတ်ဖော်ခဲ့ကြတယ်လို့ သိရပါတယ်။ ”ဘာလို့ အခုလိုတန်းစီလှည့်လည်သလဲဆိုရင် အခုလက်ရှိအနေအထားက အမှန်တရားကပျောက်ကွယ်နေတယ်၊ အဲ့ဒီအမှန်တရားပျောက်ကွယ်နေတာကို အမှန်တရားပေါ်အောင်ခုလိုလမ်းပေါ်ထွက်ပြီး တန်းစီခဲ့ရတာပါ၊ လူအင်းအားက တင်တာက၃၀ပါ၊ အပြင်ဝန်းရံအားတော့မသိပါဘူး၊ အမြင်ပါဘဲ”လို့ ပွင့်ဖြူမြို့နယ်ကျောင်းတော်ရာက ဦးကံအေးကပြောပါတယ်။ အခုလိုပြုလုပ်တဲ့ ဆန္ဒပြပွဲဟာ ငြိမ်းစုစီ ခွင့်ပြုချက်နဲ့ပြုလုပ်တာဖြစ်တယ်လို့လည်း သိရပြီး တစ်နိုင်ငံလုံးရှိ မဲမသမာမှုများအား ဝိုင်းဝန်းစစ်ဆေးဖော်ထုတ်ရေး ဒို့အရေး၊ တာဝန်ယူမှု တာဝန်ခံမှုမရှိသော ရွေးကောက်ပွဲကော်မရှင်ဖျက်သိမ်းရေး ဒို့အရေး၊ မဲလိမ်မဲခိုးအစိုးရ အလိုမရှိ စတဲ့ကြွေးကြော်သံများဟစ်ကြွေးကာ ဆန္ဒပြခဲ့ကြတာဖြစ်ပါတယ်။ ”မဲမသမာမှုဆိုတာက အဘကိုယ်တိုင် မဲရုံထဲတိတိကျကျဝင်ရောက်ပြီး သတင်းယူတာမရှိတော့ ဘယ်လို မသမာလဲဆိုတာ မပြောနိုင်ပါဘူး၊ အဓိကတော့ မသမာမှုလို့ထင်ရတဲ့ ၁။ အချက်ကကြိုတင်မဲကိစ္စ၊ ပြီးတော မဲ၂ခါပေးတဲ့ကိစ ္စအဘကိုယ်တိုင်ကြားနေရတော့အဘကိုယ်တိုင်သိလားဆိုတော့ အဘကလည်း အသက်ကလည်းကြီးနေတော့…