Day: December 27, 2020

ဒီဇင်ဘာ၂၇-၂၀၂၀ ကောင်းလက်ျာ(VOM) Pen Myanmar က ချီးမြှင့်တဲ့ လွတ်လပ်စွာ ရေးသားထုတ်ဖော်ပြောဆိုခွင့်ဆုကို ပြည်တွင်းသတင်းမီဒီယာတစ်ခုဖြစ်တဲ့ Myanmar Now အဖွဲ့က ရရှိခဲ့တယ်လို့ ဒီကနေ့ နေ့လယ် အွန်လိုင်းကနေပြုလုပ်တဲ့ ဆုပေးပွဲမှာ Pen Myanmarအဖွဲ့ကကြေညာခဲ့တာဖြစ်ပါတယ်။ ” ပထမအကြိမ်က ဒု-ရဲမှူးဟောင်း ကိုမိုးရန်နိုင် ဆွတ်ခူးရရှိခဲ့ပြီး ဒုတိယအကြိမ်မှာ ကချင်က ဆိုင်းလုပန်နဲ့ပေါလ်လုစ်တို့ဆွတ်ခူးခဲ့ပါတယ်။ ဒီတစ်ခေါက်မှာ ဒါရိုက်တာအဖွဲ့ဝင် ၉ ဦးလုံး တစ်ညီတစ်ညွတ်တည်းနဲ့ရွေးချယ်ခဲ့တယ်လို့ဆိုပေမယ့် အဖွဲ့ဝင်အားလုံးရွေးချယ်တာလို့ပဲဆိုရမှာပါ”လို့ Pen Myanmarအဖွဲ့မှ ဒါရိုက်တာ ဦးစောဝေက ပြော ပါတယ်။ လွတ်လပ်စွာ ရေးသား ထုတ်ဖော်ပြောဆိုခွင့်အတွက် လုပ်ဆောင်နေတဲ့ Pen Myanmar အဖွဲ့ဟာ သက်တမ်းကာလ ၈ နှစ်နီးပါးရှိလာချိန် အခုလို ဆုတံဆိပ်ချီးမြှင့်ခဲ့တာ ၃ ကြိမ်မြောက်ရှိလာပြီဖြစ်တယ်လို့ သိရပါတယ်။ ” မီဒီယာ‌တွေရဲ့အခန်းကဏ္ဍလည်း အားတက်စေပါတယ်။ သက်တမ်း ၅နှစ်ကျော်လာချိန် အမျှတဆုံး…

ဒီဇင်ဘာ၂၇-၂၀၂၀ ကောင်းလက်ျာ(VOM) မွန်ပြည်နယ်၊ ကျိုက်ထိုမြို့နယ်ရှိ အထင်ကရစေတီတစ်ဆူဖြစ်တဲ့ ကျိုက်ထီးရိုးစေတီကိုအမှီပြုပြီး အခြေချနေထိုင်‌ကာ လုပ်ကိုင်စားသောက်နေတဲ့ မိသားစုတွေအနေနဲ့ စေတီတော်ဖူးမျှော်ခွင့် ပိတ်ရက်ရှည်လာတာနဲ့အမျှ စားဝတ်နေရေး အခက်ခဲတွေကြုံတွေ့လာတယ်လို့ သိရပါတယ်။ ” ပိတ်ထားရတာလည်း ကိုးလကျော်လာပြီ။ အရင်က ပြင်ပအလှူရှင်အချို့ ဆန်၊ ဆီ စားသောက်စရာလှူတာ ရှိပေမယ့် အခု မလာတာကြာပြီ။ထွက်ပြီးအလုပ်လုပ်မယ်ဆိုတော့ အလုပ်ပေးနိုင်သူက အနီးမှာမရှိဘူး”လို့ ကျိုက်ထီး‌ရိုးတောင်ပေါ်နေသူ ဦးကျော်မင်းဦးကပြောပါတယ်။ ပြီးခဲ့တဲ့ရက်ပိုင်းကလည်း ကျိုက်ထိုမြို့နယ်အတွင်းက ဟိုတယ်၊မိုတယ်၊အင်းနဲ့တည်းခိုခန်းတွေ ပြန်လည်ဖွင့်ခွင့်ပြုမယ်ဆိုပြီး ကျိုက်ထိုမြို့ဟိုတယ်နဲ့ခရီးသွားလာမှုညွန်ကြားမှုဦးစီးဌာနက ထုတ်ပြန်ခဲ့ပါတယ်။ အဲ့ဒီညွန်ကြားစာဟာ ပြည်နယ်အစိုးရအဖွဲ့က ခွင့်ပြုချက်မရှိသေးတဲ့အတွက် အထက်ပါစာကိုပြန်လည်လွှမ်းမိုးပယ်ဖျက်ပါကြောင်း မွန်ပြည်နယ်၊ ဟိုတယ်နဲ့ခရီးသွားလာမှု ညွန်ကြားမှုဦးစီးဌာနရုံးက ပြန်လည်ထုတ်ပြန်ခဲ့ပါတယ်။ ” အခုတလော ကျိုက်ထီးရိုးပြန်ဖွင့်မယ်ဆိုပြီး ဖွနေကြတာလည်း ခဏခဏပဲ။ ပြန်ဖွင့်မယ်ဆိုလည်းကြေညာပါမယ်။ လက်တလော လုပ်ပေးနိုင်တဲ့ ဆိုင်ခန်းအခွန်ခတွေ ကိုဗစ်ကာလ လုံးဝမကောက်ထားဘူး”လို့ ကျိုက်ထီးရိုးစေတီတော်ဂေါပကအဖွဲ့ဝင် ဦးစိုးလှိုင်ကပြောပါတယ်။ ကျိုက်ထီးရိုးစေတီတော်ကို အခုနှစ်မတ်လ၂၁ ရက်နေ့က စတင်ပြီး…

ဒီဇင်ဘာ ၂၇-၂၀၂၀ အေးချမ်းသူ(VOM) ရန်ကုန်မြို့၊ မြောက်ဒဂုံမြို့နယ်၊(၂၈)ရပ်ကွက် ပြည်ထောင်စုလမ်းမကြီးပေါ်မှာ ပြည်ထောင်စုရွေးကောက်ပွဲကော်မရှင်ကို ဖျက်သိမ်းပြီး အသစ်ပြန်လည်ဖွဲ့စည်းပေးရေးအတွက် ဒီကနေ့မနက်ပိုင်းက တစ်ကိုယ်တော် ဆန္ဒပြခဲ့ပါတယ်။ “အခုလို ဆန္ဒဖော်ထုတ်ရတဲ့ရည်ရွယ်ချက်ကတော့ မဲမသမာမှုတွေ တရားမဲ့ပြုကျင့်မှုတွေကို နောင်အနာဂတ်မှာ ထပ်မံမဖြစ်စေဖို့ လက်ရှိဖြစ်ပေါ်နေတဲ့ မတရားမှုတွေ မဲမသမာမှုတွေကို တရားမဲ့ပြုကျင့်မှုမှန်သမျှ ဆန့်ကျင်ကြဆိုတဲ့စကားအတိုင်း ပွင့်လင်းမြင်သာမှုအားနည်း တာဝန်ယူမှု တာဝန်ခံမှုအားနည်းတဲ့ ရွေးကောက်ပွဲကော်မရှင်ကို ကန့်ကွက်ဆန္ဒဖော်ထုတ်ရခြင်းဖြစ်တယ်၊ ပြည်ထောင်စုရွေးကောက်ပွဲကော်မရှင်အနေနဲ့ ရွေးကောက်ပွဲကာလအတွင်း တရားမဲ့ပြုကျင့်မှု၊မဲသမာမှုတွေကို အခုချိန်ထိ မဖြေရှင်းနိူင်တဲ့အတွက် လက်ရှိရွေးကောက်ပွဲကော်မရှင်ကို ဖျက်သိမ်းပြီး အသစ်ပြန်လည်ဖွဲ့စည်းပေးဖို့နဲ့ လွတ်လပ်သောစုံစမ်းစစ်ဆေးရေးကော်မရှင်တစ်ရပ်ဖွဲ့စည်းပေးစေလိုတယ်”လို့ တစ်ကိုယ်တော်ဆန္ဒဖော်ထုတ်သူ ဦးဇင်မင်းထွန်းက ပြောပါတယ်။ တစ်ကိုယ်ဆန္ဒဖော်ထုတ်သူ ဦးဇင်မင်းထွန်းနဲ့ လာရောက်ဝန်းရံသူတွေက “ပြည်ထောင်စုရွေးကောက်ပွဲကော်မရှင် အလိုမရှိ၊ မဲလိမ်မဲခိုး UEC အလိုမရှိ”စတာတွေကို ကြွေးကြော်ခဲ့ကြပါတယ်။ တစ်ကိုယ်တော်ဆန္ဒဖော်ထုတ်ရာမှာ မြောက်ဒဂုံမြို့နယ်မှ ပြည်ခိုင်ဖြိုးပါတီဝင်တွေနဲ့ ထောက်ခံသူအင်အားတစ်ရာခန့် လာရောက်ဝန်းရံခဲ့ကြပါတယ်။ အခုလိုဆန္ဒပြဖို့အတွက် ဦဇင်မင်းထွန်းဆိုသူဟာ ဒီဇင်ဘာ ၂၅ရက်နေ့က ငြိမ်းစုစီလာရောက်လျှောက်ထားတဲ့အတွက် ခွင့်ပြုခဲ့တာဖြစ်တယ်လို့…

ဒီဇင်ဘာ ၂၇ သိင်္ဂီထွန်း (VOM) ကားဝယ်ရောင်းလောကမှာ နာမည်ကြီးတဲ့ အရည်ကြို ခေါ် ဦးအောင်ဇော်ဦးအပါအဝင် လူ ၉ ဦးဟာ ရန်ကုန်မြို့၊ ဆရာစံလမ်းက The World Wide KTV မှာ မနေ့ ဒီဇင်ဘာ ၂၆ရက်နေ့ညပိုင်းက ဖမ်းဆီးခံလိုက်ရတယ်လို့ သိရပါတယ်။ ကိုဗစ်ကာလဖြစ်တာကြောင့် KTV တွေကို ပိတ်ထားဖို့ ညွှန်ကြားချက်ထုတ်ပြန်ထားမှုအပေါ်မလိုက်နာဘဲ KTV ကိုဖွင့်လှစ်ခဲ့တာကြောင့် ဆိုင်မန်နေဂျာကို သဘာဘေးအန္တရာယ် ဆိုင်ရာဥပဒေပုဒ်မ- ၂၅၊ အဲ့ဒီဆိုင်ကို လာရောက်သီချင်းဆိုပြီး ပျော်ပါးကြတဲ့ အရည်ကြိုအပါအဝင် အမျိုးသား ၄ ဦးနဲ့ အမျိုးသမီး ၄ ဦးကိုတော့ သဘာဘေးအန္တရာယ် ဆိုင်ရာဥပဒေပုဒ်မ- ၃၀(က) နဲ့ အမှုဖွင့်ဖို့ စီစဉ်နေတယ်လို့ ရဲတပ်ဖွဲ့ရဲ့ထုတ်ပြန်မှုအရသိရပါတယ်။ “အာမခံရနိုင်တဲ့ပုဒ်မဆိုရင်တော့ အာမခံရမယ်။ အာမခံမရနိုင်တဲ့ပုဒ်မဆိုရင်တော့ အာမခံမရဘူး။ သဘာဝဘေးအန္တာရယ်နဲ့ပတ်သက်ပြီး ပုဒ်မ ၃၀(ဃ)ဆိုရင်တော့ အာမခံရနိုင်တယ်၊…