Month: January 2021

ဇန်နဝါရီ ၁၈ -၂၀၂၁ အေးချမ်းသူ(VOM) တရားမျှတမှုမရှိသော ရွေးကောက်ပွဲရလဒ်ကို ကျေနပ်မှုမရှိလို့ မရမ်းကုန်းမြို့နယ်၊ မင်းဓမ္မလမ်းပေါ် ၊ ပါရမီလမ်းဆုံမီးပွိုင့်အနီးမှာ ဒီကနေ့နေ့လယ်ပိုင်းက လူ၂၀ဦးခန့်က ငြိမ်းစုစီမတင်ဘဲ ဆန္ဒပြခဲ့ကြပါတယ်။ ဆန္ဒပြပွဲကို ဦးဆောင်သူဒေါ်မြင့်ကြည်က ” ရွေးကောက်ပွဲရလဒ်က တရားမျှတမှုမရှိပါဘူး။ မဲသမာမှုတွေလည်း တစ်နိူင်ငံလုံးအတိုင်းအတာအထိဖြစ်နေတယ်၊ ဒါကြောင့် တရားမျှတမှုမရှိတဲ့ ရွေးကောက်ပွဲရလဒ်ကို အလိုမရှိပါဘူး”လို့ ပြောပါတယ်။ အခုလို ငြိမ်းစုစီမတင်ဘဲ ဆန္ဒပြတာနဲ့ပတ်သတ်ပြီး မရမ်းကုန်းမြို့မရဲစခန်းကို VOMက ဖုန်းနဲ့ဆက်သွယ်ခဲ့ပေမယ့် ဆက်သွယ်လို့ မရခဲ့ပါဘူး။ ဆန္ဒပြသူတွေဟာ ” တရားမမျှတသောရွေးကောက်ပွဲရလဒ်အလိုမရှိ”၊ “ပြည်ထောင်စုလွှတ်တော်တွင် တရားဥပဒေစိုးမိုးရေး ဒို့အရေး”၊ “စာချွန်တော်လက်ခံမှု အမြန်ဆုံးကြားနာဆုံးဖြတ်ပေးရေး ဒို့အရေး “၊ ” ပြည်သူ့ဆန္ဒအမှန်မဟုတ်သော ရွေးကောက်ပွဲရလဒ်အလိုမရှိ”စတဲ့စာသားပါ စက္ကူချပ်တွေကိုင်ဆောင်ပြီး ကြွေးကြော်သံတွေနဲ့ ဆန္ဒပြခဲ့တာဖြစ်ပါတယ်။ ဒီကနေ့နေ့လယ်ပိုင်းကလည်း ရန်ကုန်မြို့ရှိ မဟာဗန္ဓုလပန်းခြံရှေ့မှာ ရွေးကောက်ပွဲကော်မရှင်ကိုကန့်ကွက်ကြောင်း ဆန္ဒပြဖို့အတွက် ကျောက်တံတားမြို့မရဲစခန်းမှာ စာတင်ခဲ့ပြီးနောက်ပိုင်း ဦးဆောင်တဲ့သူ နေမကောင်းလို့…

ဇန်နဝါရီ-၁၈-၂၀၂၁ ဇော်မိုးထက် (ဖားကန့် ) ကချင်ပြည်နယ် မဲဆန္ဒနယ်မြေ အမှတ် (၉) ၊ ဖားကန့်မြို့နယ်အမျိုးသားလွှတ်တော်ကိုယ်စားလှယ် ဦးချို (ခ) ဦးခင်မောင်မြင့်ကို မြောက်ပိုင်းတိုင်းစစ်ဌာနချုပ်(မပခ)က ဒုတိယဗိုလ်မှူးကြီး သန်းထိုက် က တပ်မတော်အကြီးအကဲတွေကို ဂုဏ်သိက္ခာညိုးနွမ်းစေအောင် ပြုလုပ်တယ်ဆိုပြီး ပုဒ်မ (၅၀၀) နဲ့ စွဲဆိုထားတဲ့အမှု ဒုတိယ ရုံးချိန်းအဖြစ် ဒီကနေ့ စစ်ဆေးခဲ့ပါတယ်။ ပုဒ်မ (၅၀၀) နဲ့ တရားစွဲဆိုခဲ့တာနဲ့ပတ်သက်ပြီး တရားရုံးရဲ့စစ်ဆေးကြားနာမှုကို အမျိုးသားလွှတ်တော်ဘက်က လိုက်ပါဆောင်ရွက်ပေးတဲ့ တရားလွှတ်တော်ရှေ့နေ ဦးသန်းထွန်းပြောပြတာက “တရားရုံးရဲ့ လုပ်ငန်းစဉ်အရ အမှုတွေကို အမျိုးအစားသတ်မှတ်ရာမှာ ဒီအမှုက ရိုးရှင်းသော အမှုအဖြစ် တရားသူကြီးက သတ်မှတ်တယ် ။ ဒါက CMP လို့ခေါ်တဲ့ Case Management Program အရ သတ်မှတ်တာ ။ ဒီအမှုကို ခြောက်လလောက်နဲ့အပြီး စစ်ဆေးစီရင်မယ် လို့ယူဆရတယ်…

ဇန်နဝါရီ ၁၈ -၂၀၂၁ ကောင်းလက်ျာ(VOM) စစ်ကိုင်းတိုင်း၊ ဟုမ္မလင်းမြို့နယ် ပြည်သူ့ဆေးရုံကြီးမှာ ဆေးကုသမှုခံယူနေရတဲ့ အချုပ်ကျ ကိုဗစ်ပိုးအတည်ပြုလူနာ အမျိုးသားတစ်ဦး ဒီကနေ့ မနက် ၃ နာရီခန့်က ထွက်ပြေးသွားတယ်လို့ သိရပါတယ်။ တစ်လင် တစ်မယားစနစ်နဲ့ အမှုဖွင့်ခံထားရသူပါ။ အချုပ်ခန်းထဲ မထည့်ခင် ကိုဗစ်ပိုးတွေ့လို့ ဆေးရုံမှာ ကုသနေတုန်း ထွက်ပြေးတာ။ အခုမွန်းလွဲထိတော့ မမိသေးဘူး။ သူနဲ့ထိတွေ့သူတွေနဲ့ ရဲစခန်းကို အသွားလာကန့်သတ်ထားတယ်”လို့ ဟုမ္မလင်းမြို့ နယ် တိုင်းဒေသကြီး လွှတ်တော်ကိုယ်စားလှယ် ဦးကျော်ဌေးလွင်ပြောပါတယ်။ ထွက်ပြေးသွားသူဟာ လွန်ခဲ့တဲ့ တစ်ပတ်ကျော်ခန့်က တစ်လင်တစ်မယားစနစ်ဥပ‌ဒေနဲ့အမှုဖွင့်ခံခဲ့ရတဲ့ အသက်၂၇ နှစ်အရွယ် အမျိုးသားတစ်ဦးဖြစ်တယ်လို့ သိရပါတယ်။ ဟုမ္မလင်းမြို့၊ သဝန်ထွက်ဝကျေးရွာမှာနေတဲ့ အမျိုးသားကို အချုပ်ခန်းမှာ Task kitနဲ့စစ်ဆေးရာ Covid-19 ပိုးတွေ့ခဲ့တာကြောင့် ရဲအစောင့်ရှေုာက်န‌ဲ့ ဟုမ္မလင်းမြို့နယ်ဆေးရုံမှာ ‌ပို့ဆောင်ကုသပေးနေချိန် ‌ခြေချင်းကို ရိုက်ချိုးထွက်ပြေးသွားတာဖြစ်တယ်လို့ သိရပါတယ်။ ကိုဗစ်ပိုးတွေ့အချုပ်ကျလူနာထွက်ပြေးလွတ်မြောက်သွားတာနဲ့ပတ် သက်ပြီး…

နေပြည်တော်-ဇန်နဝါရီ၁၈-၂၀၂၁ ကိုထွန်း(VOM) (၇၅) နှစ်မြောက် တပ်မတော်နေ့ မကျင်းပဖြစ်တာကြောင့် (၇၆) နှစ်မြောက်တပ်မတော်နေ့ ကျင်းပမယ်လို့ တပ်မတော်အသိုင်းအဝိုင်းမှာ သတင်းတွေ ထွက်ပေါ်နေပါတယ်။ တပ်မတော်သတင်းမှန်ပြန်ကြားရေးအဖွဲ့ ဥက္ကဋ္ဌ ဗိုလ်ချုပ်ဇော်မင်းထွန်းကို မေးကြည့်တော့ “ကျင်းပဖို့စီစဥ်ထားပါတယ်(၇၅)နှစ်မြောက်တပ်မတော်နေ့ကို COVID 19 ကြောင့်မလုပ်ဖြစ်ခဲ့ဘူး (၇၆)နှစ်မြောက် တပ်မတော်နေ့ကိုတော့ (၇၅)နှစ်မြောက်နဲ့ (၇၆)နှစ်မြောက် နှစ်ကြိမ်ကိုပေါင်းပြီးတော့ ၂၀၂၁ ခုနှစ်၊မတ်လ(၂၇)ရက်နေ့မှာ တပ်မတော်နေ့အခမ်းအနား ကျင်းပဖြစ်မှာဖြစ်ပါတယ်” လို့ VOM ကိုပြောပါတယ်။ ကျင်းပမယ့်ပုံစံကတော့ COVID 19 ရောဂါဖြစ်ပွားမှုအခြေအနေပေါ်မူတည်ပြီး COVID 19 စည်းမျဥ်း၊စည်းကမ်းတွေအတိုင်း ကျင်းပမှာဖြစ်ပါတယ်၊ ကျင်းပမယ့်ပုံစံကိုတော့ တိတိကျကျမသတ်မှတ်ရသေးပါဘူး၊ ကျင်းပမှာတော့သေချာပါကြောင်း ဗိုလ်ချုပ်ဇော်မင်းထွန်းက ပြောပါတယ်။ #voiceofmyanmar #VOM #တပ်မတော်နေ့    

ဇန်နဝါရီ ၁၈ -၂၀၂၁ ကောင်းလက်ျာ(VOM) ‘ဝ’ ကိုယ်ပိုင်အုပ်ချုပ်ခွင့်ရနယ်‌မြေမှာ ကိုဗစ်ပိုးတွေ့လူနာ ၁၄၆ ဦးထပ်တိုးလာတာကြောင့် မနေ့ ဇန်နဝါရီလ ၁၇ ရက်နေ့အထိ ပိုးတွေ့လူနာ၂၉၉‌ ယောက်ရှိလာတယ်လို့ ‘ဝ’ ဒေသCovid-19ရောဂါကာကွယ်ထိန်းချုပ်ရေးအဖွဲ့ရဲ့ သတင်းထုတ်ပြန်ချက်အရ သိရပါတယ်။ ” မိုင်းပေါက်နဲ့ မိုင်းဖျန်မြို့နယ်တွေမှာ လူနာထပ်တိုးလာတာပါ၊ တရုတ်နယ်စပ်မှာ ပိုးတွေ့လူနာတစ်ဦး ဝ နယ်ထဲ ဖြတ်ဖူးတယ်လို့ သိရလို့ နောက်ကြောင်းပြန်လိုက်ရာက ပိုးတွေ့လူနာတွေ တွေ့လာတာ။ ခရီးသွားရာဇဝင်ရှိသူတွေတော့ မဟုတ်ဘူး”လို့ ‘ဝ’ ဆက်ဆံရေးရုံးတာဝန်ခံ ဦးညီရမ်းကပြောပါတယ်။ ‘ဝ’ ဒေသ Covid-19 ရောဂါကာကွယ်ထိန်းချုပ်ရေးအဖွဲ့ထုတ်ပြန်ချက်အရ ဇန်နဝါရီလ ၁၇ ရက်နေ့ နေ့လယ်ပိုင်းအချိန်ထိ ဒေသအတွင်း ထပ်တိုးလူနာ ၁၄၆ ဦးရှိ‌နေပြီး မိုင်းပေါက်က ၁၃၂ ဦးနဲ့ မိုင်းဖျန်မြို့က ၁၃ ဦးဖြစ်တယ်လို့ သိရပါတယ်။ ‘ဝ’ ဒေသအတွင်း ဓာတ်ခွဲနမူနာ(၂၆၉၈၉၅)ယောက်ကို Covid-19…

ဇန်နဝါရီ ၁၈ -၂၀၂၁ ဆွေလင်းထွန်း(VOM) ရခိုင်မှာဖြစ်နေတဲ့ ပြည်တွင်းစစ်ရပ်တန့်ရေးနဲ့ လူ့အခွင့်အရေးချိုးဖောက်မှုတွေအတွက် ဆန္ဒပြခဲ့ကြတဲ့ ဗကသကျောင်းသား ၁၅ဦးကို နိုင်ငံတော်အကြည်ညိုပျက်စေမှု ပုဒ်မတွေနဲ့ ထောင်ချထားပြီး ဒီကနေ့မှာတော့ နောက်ထပ်ကျောင်းသားတစ်ဦးဖြစ်တဲ့ ကိုဘုန်းမြင့်ကျော်ကို အမရပူရမြို့နယ်တရားရုံးက ပုဒ်မ ၅၀၅(က)၊ ၅၀၅(ခ) တွေနဲ့ ထောင် ၁နှစ် အမိန့်ချလိုက်တယ်လို့ တရားရုံးမှာ အမှုစီရင်တာကို သွားရောက်နားထောင်ခဲ့တဲ့ နိုင်ငံရေးအကျဉ်းသားဟောင်း ကိုစိုးမိုးနိုင်ကနေ သိရပါတယ်။ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ကျောင်းသားထုအခွင့်အရေး ကာကွယ်ရေးတာဝန်ခံ ကိုဘုန်းမြင့်ကျော်ကို အမရပူရမြို့နယ်တရားရုံးနဲ့ အောင်မြေသာစံမြို့နယ်တရားရုံးမှာ နယ်မြေခံရဲတပ်ဖွဲ့က နိုင်ငံတော်အကြည်ညိုပျက်စေမှုပုဒ်မ – ၅၀၅ (က)၊(ခ) နဲ့ တရားစွဲဆိုထားတာ ဖြစ်ပါတယ်။ အခုလိုမျိုး ဗကသကျောင်းသားတွေ တရားစွဲဆို၊ ဖမ်းဆီးခံနေရတာနဲ့ ပတ်သက်ပြီး ကျောင်းသားတွေလွတ်မြောက်ဖို့ တောင်းဆိုတာထက် ဖမ်းဆီးခံကျောင်းသားတွေရဲ့ တောင်းဆိုချက်တွေကိုပဲ ဗကသအနေနဲ့ ဆက်လက်တောင်းဆိုသွားမှာ ဖြစ်တယ်လို့ ရတနာပုံတက္ကသိုလ်ကျောင်းသားများသမဂ္ဂဥက္ကဋ္ဌ မအိမွန်ခင်က VOMကို…