Month: July 2021

ဇိုမီးဒီမိုကရေစီအဖွဲ့ချုပ် ဥက္ကဋ္ဌ ပူကျင်ရှန်းထန်ဟာ ဒီနေ့ ဇူလိုင် ၃၁ရက် ညနေ ၅:၃၅ မိနစ်က သူရဲ့ နေရပ် ကလေးမြို့မှာ ကွယ်လွန်သွားကြောင်း ဇိုမီးနိုင်ငံရေးအသိုင်းအဝိုင်းက သိရပါတယ်။   ပူးကျင့်ရှင်းထန်သည် ၂၀၁၅ ရွေးကောက်ပွဲတွင် တီးတိန်မြို့ပြည်သူ့လွှတ်တော်ကိုယ်စားလှယ်အဖြစ် ရွေးချယ်ခံထားရသူဖြစ်သည်။   ပူးကျင့်ရှင်းထန်သည် ၁၉၉၀ ခုနှစ်အထွေထွေရွေးကောက်ပွဲတွင်လည်း Zomi National Congress (ZNC) ပါတီအနေဖြင့် တီးတိန်မြို့နယ်မဲဆန္ဒနယ်မှ ရွေးချယ်ခံခဲ့ရသူဖြစ်သည်။   သို့သော်လည်း ZNC ပါတီသည် ယခင်စစ်အစိုးရလက်ထက် ၁၉၉၂ ခုနှစ်တွင် ဖျက်သိမ်းခံခဲ့ရပြီး သမ္မတဦးသိန်းစိန် အစိုးရလက်ထက်တွင် ပြန်လည်မှတ်ပုံတင်ရာတွင် ZNC အမည်နှင့် လက်မခံတော့သည့်အတွက် ဇိုမီးဒီမိုကရေစီအဖွဲ့ချူပ် ZCD အနေဖြင့် ပြန်လည်မှတ်ပုံတင်ခဲ့ခြင်းဖြစ်သည်။   ၂၀၁၅ ခုနှစ် အထွေထွေရွေးကောက်ပွဲတွင် Zomi Congress For Democracy (ZCD) ပါတီအနေဖြင့်…

ရန်ကုန်၊ဇူလိုင် ၃၁-၂၀၂၁ KK(VOM)   ရန်ကုန်တိုင်းရှိ စားဝတ်နေရေးအခက်အခဲရှိသောမြို့နယ်(၆)မြို့နယ်မှာ စားဝတ်နေရေးအခက်ခဲဖြစ်နေသူတွေအတွက် လူတစ်ဦးကို ဆန်၊ဆီ၊ကြက်ဥ၊ကြက်သွန်အစရှိတဲ့ ကုန်ပစွည်း(၄)မျိုးကို တစ်ရာကျပ်နဲ့သြဂုတ်လ ၁ရက်နေ့က စတင်ပြီး လှူဒါန်းသွားမယ်လို့ Mazely Flannelအဖွဲ့ကနေ သိရပါတယ်။   လှူဒါန်းမယ်မြို့နယ်တွေဟာ လှိုင်၊ရွှေပြည်သာ၊လှိုင်သာယာ၊တောင်ဒဂုံ၊သာကေတမြို့နယ်တို့ဖြစ်ပြီး စားသောက်ကုန်တွေကတော့ ဆန်တစ်ပြည်၊ဆီငါးဆယ်သား၊ကြက်ဥဆယ်လုံး၊ကြက်သွန်နီငါးဆယ်သားပါဝင်ကာ ကျသင့်ငွေမှာ တစ်ရာကျပ်သာဖြစ်ကြောင်း Mazely Flannelအဖွဲ့တာဝန်ခံက VOMကိုပြောပါတယ်။   “ရောင်းတာထက်စာရင် လှူတယ်လို့ပြောရမှာပေါ့၊ မနက်ဖြန် လှိုင်မြို့နယ်မှာ စလှူမယ်၊ နောက်ရက်တွေက အခြားမြို့နယ်တွေကို လှူသွားမှာပါ”လို့ သူကရှင်းပြပါတယ်။   စားဝတ်နေရေးအခက်အခဲရှိသူတွေအတွက် စားသောက်ကုန်လှူဒါန်ပေးမှုကို Mobile Serviceဆရာများနှင့်အတူ Myanmar Mobile Service Association (MMSA) အသင်းဖြစ်မြောက်ရေး ကော်မတီဝင်များ၊ ​​စေတနာအလှူရှင်များနဲ့Mazely Flannel မှလည်း လိုအပ်သည်များကို ကူညီပံ့ပိုးပေးထားတယ်လို့သိရပါတယ်။   ရောင်းချမယ့်အစီအစဥ်ကို လှိုင်မြို့နယ် Mazely Flannel ဘူတာရုံလမ်းမှတ်တိုင်အနီးမှာ…

စစ်တွေ၊ ဇူလိုင် ၃၁- ၂၀၂၁ HAS (VOM)   ရခိုင်ပြည်နယ်အတွင်း မနေ့ ဇူလိုင်လ ၃၀ ရက်နေ့က ရောက်ရှိတဲ့ တရုတ်ထုတ် Sinopharm ကိုဗစ်ကာကွယ်ဆေးတွေကို ဒီကနေ့ မနက်ပိုင်း ၁၀ နာရီလောက်ကစတင်ပြီး မြို့မ အထက (၂)နဲ့ အထက (၄) စာသင်ကျောင်း၊ မင်းဂံရပ်ကွက် အထက (၉) နဲ့ စစ်တွေမြို့နယ်အထွေထွေအုပ်ချုပ်ရေးဦးစီးဌာနတို့မှာ စတင်ထိုးပေးတယ်လို့ သိရပါတယ်။   တရုတ်နိုင်ငံထုတ် ကိုဗစ်ကာကွယ်ဆေးအပေါ်ဝေဖန်မှုများရှိနေပေမယ့်လည်း မြန်မာနိုင်ငံနဲ့ တရုတ်နိုင်ငံတို့ဟာ ရေမြေဒေသ၊ ရာသီဥတုတွေနီးစပ်မှုရှိတဲ့အတွက် ကြီးမားတဲ့ဆိုးကျိုးမရှိလို့မြင်ကြောင်း ရခိုင်ပြည်နယ်အတွင်း ပရဟိတလုပ်ငန်းတွေဆောင်ရွက်နေတဲ့ ဝံလက်ဒေသဖွံ့ဖြိုးရေးဖောင်ဒေးရှင်း၊ ဒါရိုက်တာအဖွဲ့ဝင် ဦးခိုင်ကောင်းစံက ပြောပါတယ်။   ဦးခိုင်ကောင်းစံက ” ကျနော်တို့နိုင်ငံက နိုင်ငံရေးအခြေအနေတွေအရ မိမိတို့နိုင်ငံအတွင်းမှာလည်းမထုတ်နိုင်ဘူးလေ။ ဒါကြောင့် အိမ်နီးချင်းနိုင်ငံတွေဖြစ်တဲ့ တရုတ်တို့ အိန္ဒိယတို့ကထုတ်တဲ့ ကာကွယ်ဆေးတွေကို သုံးကြရတယ်။ ကျနော်တို့နိုင်ငံမှာရှိတဲ့…

ဇူလိုင် -၃၁-၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း ၊ ရွှေဘိုခရိုင် ၊ တန့်ဆည်မြို့နယ်မှာ ဇူလိုင် ၃၀ မနေ့က ဇီးဖြူကုန်းရွာ အုပ်ချုပ်ရေးမှူး သတ်ခံရတာ အပါအဝင် ၂၄ နာရီအတွင်း လူသတ်မှု ၂ ကြိမ်ဖြစ်ခဲ့တယ်လို့ တန့်ဆည်မြို့ခံတွေရဲ့ ပြောပြချက်အရ သိရပါတယ်။   အဲ့ဒီ ဖြစ်ပွားခဲ့တဲ့ လူသတ်မှုတွေနဲ့ ပတ်သက်လို့ တန့်ဆည် လမ်းဆုံ အဝိုင်းပတ် အနီးမှာနေတဲ့ ဒေသခံ တစ်ယောက်က ” မနေ့က ၁ ရက်ထဲမှာ လူသတ်မှု ၂ ကြိမ်ဖြစ်တယ် ၊ ဇီးဖြူကုန်းရွာ အုပ်ချုပ်ရေးမှူး ဦးဘို က မနက် ၁ နာရီဝန်းကျင်မှာ သတ်ခံရတယ် ၊ အင်ကုက္ကားရွာက သတင်းပေး ဒလန်လို့ စွပ်စွဲခံရတဲ့ ငမော့စ်ကတော့ နေ့ခင်း ၃…

မန္တလေး၊ ဇူလိုင် ၃၁-၂၀၂၁ VoiceOfMyannar   မန္တလေးမြို့၊ ပုသိမ်ကြီးမြို့နယ်၊ အရှေ့ကန်ကောက်ရွာသစ်ထဲက နေအိမ်တစ်အိမ်ကို ဒီကနေ့မနက်ပိုင်းက စစ်တပ်နဲ့ရဲတွေ ဝင်ရောက်ဖမ်းဆီးရာ နေ့စဉ်ဆန္ဒပြနေတဲ့လူငယ်(၇)ဦး ဆိုပြီး ဖမ်းဆီးလိုက်တယ်လို့ သိရပါတယ်။   “ဖမ်းမိတာ(၇)ဦးရှိတယ်၊ (၂)ဦးကတော့ ဒဏ်ရာရထားတယ်”လို့ ရဲတပ်ဖွဲ့အသိုင်းအဝိုင်းက ပြောပါတယ်။   ကျည်မှန်ဒဏ်ရာရသူ(၂)ဦးထဲက (၁)ဦးဟာ ဆီးခုံပေါက်ထွက်ဒဏ်ရာနဲ့ စိုးရိမ်ရတဲ့အခြေအနေရှိတယ်လို့လည်း သိရပြီး အခုဖမ်းဆီးခံရသူတွေဟာ မြတောင်၊ ဘုရားကြီးနဲ့ မန္တလေးလူငယ်သပိတ်စစ်ကြောင်းက လူငယ်တွေဖြစ်တယ်လို့လည်း သိရပါတယ်။   ဒီကနေ့မနက်အစောပိုင်းကလည်း မန္တလာတက္ကသိုလ်သပိတ်ကို အရပ်ကားနဲ့ဖမ်းဆီးမှုတွေပြုလုပ်ချိန် အမျိုးသား(၁)ဦး ဖမ်းဆီးခံလိုက်ရတယ်လို့လည်း သ်ိရပါတယ်။   ပြီးခဲ့တဲ့ ဇူလိုင်(၂၉)ရက်နေ့ ညနေပိုင်းကလည်း မန္တလေးမြို့ပေါ်က မြတောင်ဘုန်းကြီးကျောင်းတိုက်အတွင်းကနေ ဖောက်ခွဲရေးပစ္စည်းတွေနဲ့ လူတချို့ဖမ်းဆီးခံရတယ်ဆိုတာကို န.စ.ကရဲ့သတင်းထုတ်ပြန်ချက်အရ သိရပါတယ်။   Photo-CJ #voiceofmyanmar #VOM #မန္တလေး

ရန်ကုန်၊ဇူလိုင် ၃၀-၂၀၂၁ KK   ရန်ကုန်မြို့၊ တာမွေမြို့နယ်၊ သဓိပဌာန်လမ်းမှာ ဒီကနေ့ညနေပိုင်းကပြုလုပ်တဲ့ တက္ကသိုလ်ကျောင်းသားများသမဂ္ဂ (ရန်ကုန်) နဲ့ မြို့နယ်သပိတ်အင်အားစုများသပိတ်စစ်ကြောင်းကို စစ်တပ်နဲ့ရဲတပ်ဖွဲ့ဝင်များက ဖြိုခွင်းပြီးလူငယ်ခြောက်ဦးထက်မနည်းဖမ်းဆီးခံခဲ့ရတယ်လို့ ဆန္ဒပြသူတွေဆီကနေ သိရပါတယ်။   ဆန္ဒပြကျောင်းသားလူငယ်တွေဟာ “တိုက်ပိတ်လိုက်လို့ ငြိမ်သွားမယ့်အထဲမှာ အမှန်တရားမပါဘူး”စတဲ့ကြွေးကြော်သံတွေနဲ့ ဆန္ဒပြလမ်းလျှောက်လာချိန် အရပ်ဝတ်ရဲတပ်ဖွဲ့ဝင်တွေနဲ့စစ်တပ်က ဖြိုခွင်းခဲ့ပြီး ဖမ်းဆီးခဲ့တယ်လို့ ဆန္ဒပြရာမှာပါဝင်သူတစ်ဦးက ပြောပါတယ်။   “သပိတ်စစထွက်ချင်းမှာ တစ်ယောက်၊ ပုညလမ်းနဲ့သတိပဌာန်လမ်းထဲမှာ လေးယောက်၊ အသောကလမ်းထဲမှာလည်း အဖမ်းခံရတယ်၊ သေနတ်တစ်ယောက်ထိတယ်လို့လည်ူကြားတယ်”လို့ သူကပြောပါတယ်။   ဆန္ဒပြတဲ့လူငယ်စုစုပေါင်း ၆ဦးခန့်ကို ရဲတပ်ဖွဲ့နဲ့စစ်တပ်မှ ဖမ်းဆီးခဲ့တာကိုVOMကလက်တလောမှာ ဆက်လက်စုံစမ်းနေဆဲဖြစ်ပြီး လက်ရှိဖမ်းဆီးခံရသူအရေအတွက်အတိအကျကို မသိရသေးပါဘူး။   လက်တလောမှာ ရဲတပ်ဖွဲ့နဲ့စစ်တပ်က တာမွေ၊ကျောက်မြောင်း၊သတိပဌာန်လမ်း၊အသောကလမ်းတွေမှာ ဆန္ဒပြလူငယ်တွေကိုရှာဖွေနေတယ်လို့ ရပ်ကွက်နေပြည်သူတွေကပြောပါတယ်။   Photo-CJ #voiceofmyanmar #VOM #ရန်ကုန်