Day: August 18, 2021

၀ယ်လင်တန်၊ သြဂုတ်-၁၈-၂၀၂၁ မျိုးဆက် (VOM)   နယူးဇီလန်နိုင်ငံမှာ ခြောက်လအတွင်း ကိုဗစ်-၁၉ ရောဂါကူးစက်ခံရသူအမျိုးသားတစ်ဦး တွေ့ရှိခဲ့တာကြောင့် နိုင်ငံတစ်၀န်း လော့ခ်ဒေါင်းချလိုက်ကြောင်း ကြေညာလိုက်ပါတယ်။   ကူးစက်မှုတွေ့ရှိခဲ့တဲ့ အော့ကလန်ဒေသမှာ သီတင်းတစ်ပတ်ကြာ လော့ခ်ဒေါင်းချသွားမှာဖြစ်ပြီး နိုင်ငံရဲ့ အခြားဒေသတွေကိုတော့ သုံးရက်ကြာလော့ခ်ဒေါင်းချမယ်လို့ တာ၀န်ရှိသူတွေကပြောပါတယ်။   ကူးစက်မှုဟာ ဒယ်လ်တာသန္ဓေပြောင်းဗိုင်းရပ်စ် ဟုတ်၊မဟုတ်ဆိုတဲ့ ယူဆချက်တွေအပေါ်မှာ အကဲဖြတ်စစ်ဆေးမှုတွေ လုပ်ဆောင်နေတယ်လို့ အာဏာပိုင်တွေကပြောပါတယ်။   နိုင်ငံအတွင်းမှာ လက်ရှိချိန်ထိ လူဦးရေရဲ့ ၂၀ ရာခိုင်နှုန်းကို ကာကွယ်ဆေးအပြည့်အ၀ထိုးနှံပေးပြီးဖြစ်ပါတယ်။   လက်ရှိချမှတ်ထားတဲ့ လော့ခ်ဒေါင်းကို အဆင့်လေးအဖြစ်သတ်မှတ်ထားတာကြောင့် မဖြစ်မနေလိုအပ်တဲ့ လုပ်ငန်းတွေကလွဲပြီး စာသင်ကျောင်းတွေ၊ ရုံးတွေနဲ့ စီးပွားရေးလုပ်ငန်းအားလုံးကို ပိတ်သိမ်းရမယ်လို့ ၀န်ကြီးချုပ် ဂျက်ဆင်ဒါအာဒန်က ပြောပါတယ်။   ဗိုင်းရပ်ကူးစက်ခံရတဲ့ အသက် ၅၈ နှစ်အရွယ်အမျိုးသားဟာ ပြီးခဲ့တဲ့ သြဂုတ် ၁၂ ရက်ကတည်းက ကူးစက်ခံရတာလို့…

ကဘူး၊ သြဂုတ်-၁၈-၂၀၂၁ မျိုးဆက် (VOM) အာဖဂန်နစ္စတန်နိုင်ငံမှာ အစိုးရလုံခြုံရေးတပ်ဖွဲ့ဝင်တွေ၊ နိုင်ငံတကာတပ်ဖွဲ့ဝင်တွေနဲ့ ပူးပေါင်းသူတွေအပါအဝင် အထွေထွေလွတ်ငြိမ်းချမ်းသာခွင့်ကို တာလီဘန်အဖွဲ့က သြဂုတ် ၁၇ ရက်အစောပိုင်းမှာ ကြေညာလိုက်ပြီး အမျိုးသမီးများအနေနဲ့ သူတို့ရဲ့ အစိုးရအဖွဲ့မှာ ပူးပေါင်းပါဝင်စေလိုကြောင်း ထုတ်ဖော်ပြောဆိုလိုက်ပါတယ်။ အာဖဂန်နစ္စတန်ရှိ အမျိုးသမီးတွေရဲ့ အခွင့်အရေးကို အစ္စလာမ့်ဥပဒေမူဘောင်အတွင်းမှ လေးစားသွားမှာဖြစ်တယ်လို့လည်း နိုင်ငံကိုထိန်းချုပ်ပြီးနောက် ပထမဆုံး သတင်းစာရှင်းလင်းပွဲမှာ တာလီဘန်ပြောရေးဆိုခွင့်ရှိသူကဆိုပါတယ်။ အာဖဂန်အမျိုးသမီးများအနေနဲ့ လွတ်လပ်စွာ အလုပ်လုပ်ကိုင်ခွင့်ရရှိမယ်လို့ တာလီဘန်အဖွဲ့ ပြောရေးဆိုခွင့်ရှိသူတစ်ဦးဖြစ်သူ ဇာဘီဟူလာမူဂျာဟစ်က ပြောပါတယ်။ အမျိုးသမီးတွေကို မိမိတို့ရဲ့ မူဘောင်အတွင်းမှ အလုပ်လုပ်ခွင့်နဲ့ ပညာသင်ကြားခွင့်ပြုသွားမှာဖြစ်တယ်လို့ သူကပြောဆိုပေမယ့် အခြားစည်းမျဉ်းနဲ့ ကန့်သတ်ချက်တွေကိုတော့ အသေးစိတ် ထုတ်ဖော်ပြောဆိုခြင်းမရှိပါဘူး။ အာဖဂန်ပြည်သူများအနေနဲ့ အစ္စလာမ့်ဥပဒေမူဘောင်အတွင်းမှာ နေထိုင်ကြရမယ်လို့ ပြောရေးဆိုခွင့်ရှိသူက ကြိမ်ဖန်များစွာ ပြောဆိုခဲ့ပါတယ်။ တာလီဘန်တို့လက်အောက်မှ အမျိုးသမီးတွေရဲ့လွတ်လပ်ခွင့်တွေ ဆုံးရှုံးမှာနဲ့ပတ်သက်ပြီး လူ့အခွင့်အရေးအဖွဲ့တွေက စိုးရိမ်ပူပန်နေကြပါတယ်။ Ref : BBC Photo:…

ဗန်ကောက်၊ သြဂုတ်-၁၈-၂၀၂၁ မျိုးဆက် (VOM)   ထိုင်းနိုင်ငံမှာ ဒယ်လ်တာသန္ဓေပြောင်းဗိုင်းရပ်စ်ကို ကာကွယ်ဖို့အတွက် ကာကွယ်ဆေးနှစ်မျိုးပေါင်းစပ် ထိုးနှံမယ်လို့ ထိုင်းတာ၀န်ရှိသူတွေက သြဂုတ် ၁၇ ရက်မှာထုတ်ဖော်ပြောဆိုလိုက်ပြီး မတူညီတဲ့ ကာကွယ်ဆေးတွေကို ပေါင်းစပ်အသုံးပြုမယ်လို့ ကြေညာလိုက်တဲ့ ပထမဆုံးနိုင်ငံလည်းဖြစ်ပါတယ်။   Sinovac ကာကွယ်ဆေးထိုးနှံပြီးနောက် AstraZeneca ထပ်မံထိုးနှံတာဟာ ကိုယ်ခံစွမ်းအားကို သိသိသာသာမြင့်တက်စေတယ်လို့ထိုင်းနိုင်ငံ ရောဂါထိန်းချုပ်ရေးဌာနမှ ထိပ်တန်းတာ၀န်ရှိသူ ဒေါက်တာ ချာ၀ပ်ဆန်နမ်၀ပ်က ထုတ်ဖော်ပြောဆိုပါတယ်။   ပြည်တွင်းမှာ ထုတ်လုပ်တဲ့ AstraZeneca ကာကွယ်ဆေးကို အဓိကအသုံးပြုဖို့ မူလက စီစဉ်ထားပေမယ့်လည်း အစိုးရရဲ့ ကာကွယ်ဆေးထုတ်လုပ်နိုင်မှု ပမာဏ ပြည့်မှီခြင်းမရှိတာကြောင့် ပြည်သူတွေကို ကာကွယ်ဆေးအလျှင်အမြန်ထိုးနှံပေးနိုင်ရေးအတွက် Sinovac ကာကွယ်ဆေးတွေကို ထိုင်းအစိုးရက အသုံးပြုနေခဲ့ပါတယ်။   ကာကွယ်ဆေးထိုးအစီအစဉ်မြှင့်တင်ရေး အားထုတ်မှုအဖြစ် Sinovac ကာကွယ်ဆေး ၁၂ သန်းကို ထပ်မံ၀ယ်ယူသွားမှာဖြစ်တယ်လို့ ထိုင်းအစိုးရ ထိပ်တန်းတာ၀န်ရှိသူတစ်ဦးက ထုတ်ဖော်ပြောဆိုထားပါတယ်။…