August 26, 2021 – Voice of Myanmar

“ပလပ်စတစ်ပစ္စည်းတွေကို ဘာကြောင့် လျှော့သုံးသင့်တာလဲ”

သွေး (စစ်ကိုင်း) မြစ်တွေ၊ ချောင်းတွေ၊ ရေ‌မြောင်းတွေထဲမှာ အလွယ်တကူတွေ့နိုင်တာတွေကတော့ ကြွပ်ကြွပ်အိတ်တွေနဲ့ ပလပ်စတစ် ဘူးခွံတွေပါပဲ။ ရေစီးရေလာကို ပိတ်ဆို့စေနိုင်ပြီး ပတ်ဝန်းကျင် ညစ်ညမ်းမှုကိုပါ ဖြစ်စေနိုင်တဲ့ ဒီပလပ်စတစ် စွန့်ပစ်ပစ္စည်းတွေက စည်းကမ်းမဲ့ အမှိုက်စွန့်ပစ်မှုနဲ့ ဆက်စပ်နေပါတယ်။ တခြား စွန့်ပစ်ပစ္စည်းတွေနဲ့ မတူတာက ကြွပ်ကြွပ်အိတ်တွေ၊ ပလပ်စတစ်နဲ့ ပြုလုပ်ထားတဲ့ အသုံးအဆောင်တွေဟာ အသုံးပြုရတာ လွယ်ကူသက်သာ ဖြစ်ပေမယ့် နှစ်ပေါင်းအတော်ကြာတဲ့အထိ မဆွေးမြေ့တာပါ။ ဒါကြောင့် ကမ္ဘာမြေရဲ့ သဘာဝပတ်ဝန်းကျင်ကို ညစ်ညမ်းစေတဲ့ အပြင် အပင်နဲ့ သတ္တဝါတွေရဲ့ ရှင်သန်ရေးကိုပါ ကြီးမားစွာထိခိုက်စေပါတယ်။ ကျွန်မတို့ ငယ်စဉ်က ကြွပ်ကြွပ်အိတ်တွေကို အခုလို တွင်တွင်ကျယ်ကျယ် အသုံးမပြုကြသေးပါဘူး။ ဈေးသွားတယ်ဆိုရင် ကြိမ်ဆွဲခြင်း၊ ဝါးဆွဲခြင်း ဒါမှမဟုတ် နှီးဆွဲခြင်းလေးတွေ ယူသွားရပြီး ဝယ်သမျှတွေကို ခြင်းထဲထည့်ဆွဲရပါတယ်။ ဈေးသည်တွေကလည်း အသား၊ ငါး၊ ဟင်းသီး ဟင်းရွက်တွေကို အင်ဖက်တွေ…

ရုရှားရဲ့ Pantsir လေကြောင်းရန်ကာကွယ်ရေးစနစ် မြန်မာနိုင်ငံသို့ သတ်မှတ်ချိန်အတိုင်း ပေးပို့မယ်

3 years ago Editor

မော်စကို၊ သြဂုတ်-၂၆-၂၀၂၁ မျိုးဆက် (VOM) ရုရှာနိုင်ငံဟာ Pantsir လေကြောင်းရန်ကာကွယ်ရေးစနစ်ကို သက်ဆိုင်ရာအရောင်းစာချုပ်မှာ ဖော်ပြထားတဲ့အတိုင်း အချိန်မီပို့ဆောင်သွားမယ်လို့ ရုရှားစစ်ဘက်နဲ့နည်းပညာပူးပေါင်ဆောင်ရွက်ရေးဌာန အကြီးအကဲကို ကိုးကားပြီး RIA သတင်းဌာနကဖော်ပြထားပါတယ်။ အဲဒီလေကြောင်းရန် ကာကွယ်ရေးစနစ်ဟာ လေယာဉ်တွေ၊ ဒရုန်းတွေနဲ့ ဒုံးပျံတွေကို ပစ်ချရာမှာ အသုံးပြုနိုင်ပါတယ်။ မြန်မာနဲ့ရုရှားနိုင်ငံတို့အကြား တာဝန်ရှိသူတွေအပြန်အလှန်သွားရောက်မှု၊ လက်နက်အရောင်းအဝယ် စာချုပ်တွေကြောင့် ရုရှားဟာ မြန်မာ့နိုင်ငံရေးအပြောင်းအလဲဖြစ်စဉ်ကို တရားဝင်အသိအမှတ်ပြုနေတာလို့ တက်ကြွလှုပ်ရှားသတွေက စွပ်စွဲထားပါတယ်။ ရုရှားနိုင်ငံကတော့ မြန်မာနိုင်ငံနဲ့ ကာလကြာရှည် မဟာဗျူဟာမြောက် ဆက်ဆံရေးထားရှိကြောင်းနဲ့ မြန်မာ့အရေးအခြေအနေအတော်ဆိုးရွားနေပေမယ့် အာဏာပိုင်တွေအနေနဲ့ တည်ငြိမ်စေဖို့ အာဏာပိုင်တွေ အကောင်းဆုံးလုပ်ဆောင်နေတယ်လို့ ယုံကြည်ကြောင်း ပြောပါတယ်။ မြန်မာနဲ့ရုရှားတို့အကြား Pantsir လေကြောင်းရန်ကာကွယ်ရေးစနစ် အရောင်းအဝယ်ကို ပြီးခဲ့တဲ့ဇန်နဝါရီလမှာ သဘောတူခဲ့ကြတာဖြစ်ကြောင်း ရုရှားလက်နက်ဆိုင်ရာအကြီးအကဲ Dmitry Shugayev ကိုကိုးကားပြီး RIA သတင်းဌာနက ဖော်ပြထားပါတယ်။ Ref : Reuters Photo:Getty…

ကချင်အမျိုးသားကွန်ဂရက် (KNC)ပါတီဥက္ကဌ ဒေါက်တာအမ်ကောန်လ အဖမ်းခံရ

3 years ago Editor

ဩဂုတ် ၂၆-၂၀၂၁ Voice Of Myanmar နေပြည်တော်မှာ မနေ့ဩဂုတ်လ ၂၅ ရက် ညနေ ၄ နာရီဝန်းကျင်က သွားဆေးခန်းပြပြီးပြန်လာတဲ့ ကချင်အမျိုးသားကွန်ဂရက်(KNC) ပါတီဥက္ကဌ ဒေါက်တာအမ်ကောန်လ ဖမ်းဆီးခံခဲ့ရတယ်လို့ ပါတီရဲ့ပြန်ကြားရေးတာဝန်ခံက ပြောပါတယ်။ အဖမ်းခံရတဲ့ ဖြစ်စဉ်နဲ့ပတ်သက်ပြီး ” မနေ့က ညနေ ၃ နာရီနဲ့ ၄ နာရီလောက် သူ့ကားနဲ့ သွားဆေးခန်းကို အသွားမှာလား အပြန်လားတော့ မသိဘူး အိမ်မှာတော့ မဟုတ်ဘူး ၅၀၅ (က) လို့ ပြောတယ်၊ လက်ရှိအချိန်အထိတော့ မိသားစုနဲ့ အဆက်အသွယ်မရသေးဘူး၊ ပါတီတာဝန်ရှိသူတွေနဲ့လည်း အဆက်အသွယ် မရကြသေးဘဲ စုံစမ်းနေဆဲဖြစ်တယ်”လို့ KNC ပါတီ ပြန်ကြားရေးတွဲဖက်တာဝန်ခံကပြောပါတယ်။ အဖမ်းခံရတဲ့ အကြောင်းအရင်းကို မေးကြည့်တော့လည်း ကချင်ပြည်သူ့နိုင်ငံရေးရှေ့ဆောင်အဖွဲ့ KPDF မှာ ဦးစီးဦးဆောင်လုပ်နေတာ၊ အမေး၊အဖြေကဏ္ဍတွေမှာ…

ရွှေဘိုနယ်က မိုးကြိုးမုန်တိုင်း အဖွဲ့ဝင် ၁ ဦး အဖမ်းခံရ

3 years ago Editor

သြဂုတ် ၊ ၂၆ ၊ ၂၀၂၁ ရွှေဘုန်းမြတ်စံ (VOM) စစ်ကိုင်းတိုင်း ရွှေဘိုခရိုင် ၊ ရွှေဘိုမြို့နယ် ၊ မင်းကုန်းကျေးရွာနေ မိုးကြိုးမုန်တိုင်း အဖွဲ့ဝင် ၁ ဦးကို လက်နက်ခဲယမ်းတွေနဲ့အတူ ဖမ်းဆီးခံလိုက်ရတယ်လို့ ဒီကနေ့ သြဂုတ် ၂၆ မှာ ရွှေဘိုမြို့ခံတွေရဲ့ ပြောပြချက်အရ သိရပါတယ်။ ဒီကိစ္စအတည်ပြုနိုင်ဖို့ ရွှေဘိုခရိုင် ရဲတပ်ဖွဲ့ရုံးကိုမေးကြည့်တော့ ” ရွှေဘိုခရိုင်ထဲက မြို့နယ်တွေနဲ့ မုံရွာခရိုင်ထဲက မြို့နယ်တွေမှာ ဒလန်ရှင်းလင်းရေး လုပ်နေတဲ့ နယ်စည်းမခြား မိုးကြိုးမုန်တိုင်း အဖွဲ့ဝင် တစ်ယောက် ရွှေဘိုမှာ ဖမ်းမိထားတယ် ၊ သူ့နာမည်က အောင်ကိုကို အသက် ၃၈ နှစ် ဖြစ်တယ်” လို့ ရုံး တာဝန်ကျ ရဲဝန်ထမ်း တစ်ယောက်က ပြောပါတယ်။ အဲ့ဒီ…

ထိုင်ဝမ် ကာကွယ်ရေးအသုံးစရိတ်တိုးမြှင့် ၊ တိုက်လေယာဉ်တွေဝယ်ဖို့ ဒေါ်လာ ၁ ဒသမ ၄၄ ဘီလီယံ သုံးစွဲမယ်

3 years ago Editor

တိုင်ပေ၊ သြဂုတ်-၂၆-၂၀၂၁ မျိုးဆက် (VOM) လာမယ့်နှစ်အတွက် အနည်းငယ်သာတိုးမြှင့်ထားတဲ့ ထိုင်ဝမ်ကာကွယ်ရေးအသုံးစရိတ်ကို သြဂုတ် ၂၆ ရက်မှာ ထိုင်ဝမ်အစိုးရက ကြေညာခဲ့ပါတယ်။ ဒါပေမယ့်လည်း တရုတ်နိုင်ငံထံမှ ဖိအားတွေနဲ့တိုးမြှင့်ရင်ဆိုင်နေရတဲ့ ထိုင်ဝမ် အနေနဲ့ တိုက်လေယာဉ်သစ်များဝယ်ယူဖို့အတွက် ဒေါ်လာ ၁ ဒသမ ၄၄ ဘီလီယံ သုံးစွဲသွားမှာဖြစ်ပါတယ်။ တရုတ်နိုင်ငံဟာ ထိုင်ဝမ်အပေါ် စစ်ရေးဖိအားတွေတိုးမြှင့်ပေးနေပြီး လွန်ခဲ့တဲ့ သီတင်းပတ်ကလည်း ကျွန်းအနီးမှာ စစ်ရေးလေ့ကျင့်မှုတွေပြုလုပ်ခဲ့ပါတယ်။ ထိုင်ဝမ်ကိုပိုင်နက်အဖြစ် ရှုမြင်ထားတဲ့ တရုတ်နိုင်ငံဟာ ပြန်လည်ပေါင်းစည်းရေးအတွက် လိုအပ်ပါက စစ်အင်အားအသုံးပြုမယ်လို့ပြောဆိုထားပါတယ်။ သမ္မတဆိုင်အင်းဝမ်ရဲ့ အစိုးရအဖွဲ့ဟာ ဇန်နဝါရီလမှာစတင်မယ့် ဘဏ္ဍာရေးနှစ်အတွက် စစ်အသုံးစရိတ် ဒေါ်လာ ၁၆ ဒသမ ၈၉ ဘီလီယံအသုံးပြုဖို့ အဆိုပြုခဲ့တယ်လို့ ထိုင်ဝမ်အစိုးရရဲ့ ထုတ်ပြန်ချက်မှာ ဖော်ပြထားပါတယ်။ အစိုးရက အသေးစိတ်ထုတ်ဖော်ပြောဆိုခြင်းမရှိပေမယ့်လည်း ကာကွယ်ရေးအသုံးစရိတ်ထဲမှာ တိုက်လေယာဉ်သစ်တွေဝယ်ယူရေးအတွက် ဒေါ်လာ ၁ ဒသမ ၄၄ ဘီလီယံ…

ရခိုင်က စစ်ဘေးရှောင်တွေအတွက် တရုတ်ထုတ်ကိုဗစ်ကာကွယ်ဆေးထိုးပေးဖို့ ရှိနေ

3 years ago Editor

စစ်တွေ၊ ဩဂုတ် ၂၆- ၂၀၂၁ ထက်အောင်စိုင်း(VOM) ရခိုင်ပြည်နယ်ကို မနေ့ ဩဂုတ်လ ၂၅ ရက်နေ့က တရုတ်နိုင်ငံထုတ် Sinopharm ကိုဗစ်ကာကွယ်ဆေးအလုံးရေ (၂) သောင်းခွဲရောက်ရှိကြောင်း နဲ့ အဲဒီကာကွယ်ဆေးတွေကို ပြည်နယ်တွင်းက စစ်ဘေးရှောင်တွေနဲ့ မူဆလင်ဒုက္ခသည်တွေကို ထိုးပေးသွားမှာဖြစ်တယ်လို့ သိရပါတယ်။ လက်ရှိ ပြည်နယ်ကျန်းမာရေးမှာ ကာကွယ်ဆေး အလုံးရေ (၂) သောင်းခွဲရောက်ရှိနေတာဖြစ်တဲ့အတွက် ဆေးတစ်လုံးကို လူ(၂)ယောက်ထိုးပေးနိုင်မှာဖြစ်တာကြောင့် ဒုက္ခသည်ပေါင်း (၅) သောင်းဟာ ကာကွယ်ဆေးထိုးနှံနိုင်မှာဖြစ်တယ်လို့ သိရပါတယ်။ ရခိုင်ပြည်နယ်၊ ပြည်သူ့ကျန်းမာရေးဦးစီးဌာန လက်ထောက်ညွှန်ကြားရေးမှူး ဒေါက်တာစိုးဝင်းပိုင်က “ စစ်ဘေးရှောင်စခန်းတွေ၊ ကယ်ဆယ်ရေးစခန်းတွေ အဲ့ဒီမှာထိုးဖို့အတွက် လူ(၅သောင်း)စာအတွက် ကာကွယ်ဆေး ပုလင်းရေ နှစ်သောင်းခွဲ ရောက်တယ်။ နောက်ထပ်လည်း ကိုဗစ်ကာကွယ်ဆေးတွေရောက်ဖို့ ရှိပါသေးတယ်၊ ပြည်သူ့ကျန်းမာရေးဦးစီးဌာနအနေနဲ့ ရခိုင်ပြည်နယ်မှာ လူတိုင်းကို ကာကွယ်ဆေးထိုးနှံပေးနိုင်ရေးမှာ အခက်အခဲတွေရှိတယ်၊ မိမိတို့နိုင်ငံဟာ…

ကဘူးလေဆိပ် အကြမ်းဖက်တိုက်ခိုက်မှုအန္တရာယ်ရှိနေတယ်လို့ သတိပေးချက်ထုတ်ပြန်

3 years ago Editor

ကဘူး၊ သြဂုတ်-၂၆-၂၀၂၁ မျိုးဆက် (VOM) အာဖဂန်နစ္စတန်နိုင်ငံ၊ ကဘူးလေဆိပ်မှာ အကြမ်းဖက်တိုက်ခိုက်မှု အန္တရာယ်မြင့်မားနေတယ်လို့ နိုင်ငံအများအပြားက ထုတ်ပြန်ထားပြီး သူတို့ရဲ့နိုင်ငံသားတွေကို လေဆိပ်ကိုမသွားကြဖို့ သြဂုတ် ၂၅ မှာ သတိပေးလိုက်ပါတယ်။ သြစတြေးလျ၊ အမေရိကန်နဲ့ ဗြိတိန်တို့က သူတို့ရဲ့နိုင်ငံသားတွေကို အခုလိုက် သတိပေးချက်ထုတ်ပြန်လိုက်တာဖြစ်ပြီး လေဆိပ်ပြင်ပမှာ ရောက်ရှိနေသူတွေအနေနဲ့ အဲဒီနေရာကနေ ချက်ချင်းထွက်ခွာကြဖို့ တိုက်တွန်းထားပါတယ်။ လွန်ခဲ့တဲ့ ၁၀ ရက်က အာဖဂန်ကို တာလီဘန်တို့ထိန်းချုပ်ပြီးနောက် ကဘူးမှ လူပေါင်း ၈၂၀၀၀ ကျော်ကို လေယာဉ်တွေနဲ့ ကယ်ထုတ်ခဲ့ကြပါတယ်။ နိုင်ငံအများအပြားကတော့ အာဖဂန်မှသူတို့ရဲ့နိုင်ငံသားတွေကို သြဂုတ် ၃၁ ရက်နောက်ဆုံးထားပြီး ကယ်ထုတ်ဖို့ အားထုတ်လုပ်ဆောင်နေကြပါတယ်။ ထောင်ပေါင်းများစွာသောလူတွေဟာ အာဖဂန်နိုင်ငံမှထွက်ခွာနိုင်ဖို့ မျှော်လင့်ချက်နဲ့ လေဆိပ်ထဲနဲ့ အပြင်မှာ စောင့်ဆိုင်းနေကြဆဲဖြစ်ပါတယ်။ အာဖဂန်မှအမေရိကန်တပ်ဖွဲ့၀င်တွေ ရုပ်သိမ်းမယ့် အချိန်ကိုသက်တမ်းတိုးတဲ့ကိစ္စကို…

အိန္ဒိယမှာ အသက် ၂၃ နှစ်အရွယ် ကျောင်းသူတစ်ဦး အုပ်စုဖွဲ့အဓမ္မပြုကျင့်ခံရပြန်

3 years ago Editor

ဒေလီ၊ သြဂုတ် ၂၆-၂၀၂၁ မျိုးဆက် (VOM) အိန္ဒိယနိုင်ငံမှာ အသက် ၂၃ နှစ်အရွယ်ကျောင်းသူတစ်ဦး အုပ်စုဖွဲ့အဓမ္မပြုကျင့်ခံရပြီးနောက် ပြင်းထန်တဲ့ဒဏ်ရာတွေနဲ့ဆေးရုံတက်ကုသခံနေရပြီး ကျူးလွန်သူတွေကို ရဲတပ်ဖွဲ့က အပူတပြင်းရှာဖွေနေပါတယ်။ အဆိုပါကျောင်းသူမှာ ကနဦးတွင် အသက်အန္တရာယ်စိုးရိမ်ရတဲ့ အခြေအနေတွေရှိပေမယ့် လက်ရှိမှာတော့ အခြေအနေတည်ငြိမ်နေပြီလို့ ကာနာတာကာရှိ မိုဆူရူမြို့ရဲတပ်ဖွဲ့က ပြောပါတယ်။ ကျူးလွန်သူလို့ယူရဆရတဲ့ အမျိုးသားငါးဦးကို ရဲတပ်ဖွဲ့က ရှာဖွေနေပြီး ဒီဖြစ်စဉ်ဟာ သမီးရည်းစားတွေ အကြိုက်တွေ့သွားရောက်လေ့ရှိတဲ့ ချာမွန်ဒီတောင်ကုန်းအနီး တောအုပ်မှာဖြစ်ပွားခဲ့တာဖြစ်ပါတယ်။ အဓမ္မမှုကျူးလွန်သူတွေဟာ အရက်သေစာသောက်စားထားပြီး ကျောင်းသူကို အဓမ္မမပြုကျင့်မီ သူမရဲ့ရည်းစားဖြစ်သူကို ပုလင်းတွေနဲ့ပစ်ပေါက်ပြီး ကိုယ်ထိလက်ရောက် တိုက်ခိုက်ခဲ့တယ်လို့ ရဲတပ်ဖွဲ့ကပြောပါတယ်။ အိန္ဒိယနိုင်ငံမှာ ၂၀၁၈ ခုနှစ်တစ်နှစ်တည်းမှာပင် အဓမ္မပြုကျင့်မှု ၃၃၉၇၇ မှုရှိခဲ့ကြောင်း ရဲမှတ်တမ်းတွေမှာ ဖော်ပြထားပြီး ဒါဟာ ၁၅ မိနစ်တိုင်း အဓမ္မပြုကျင့်မှု တစ်ကြိမ်ဖြစ်ပွားနေတဲ့နှုန်းဖြစ်ပါတယ်။ Ref : BBC Photo:Getty Images #voiceofmyanmar…