Month: October 2021

ဖနွမ်းပင်၊ အောက်တိုဘာ-၂၉-၂၀၂၁ မျိုးဆက်(VOM)   မြန်မာ့နိုင်ငံရေးအကြပ်အတည်းကို ဖြေရှင်းဖို့ မြန်မာအာဏာပိုင်တွေအနေနဲ့ အတိုက်အခံတွေနဲ့ တွေ့ဆုံးဆွေးနွေးရေးကို အာဆီယံအလှည့်ကျဥက္ကဌဖြစ်လာမယ့် ကမ္ဘောဒီယားနိုင်ငံက ဆက်လက်ဖိအားပေးသွားမယ်လို့ ကမ္ဘောဒီးယားနိုင်ငံခြားရေး၀န်ကြီး Prak Sokhonn ကထုတ်ဖော်ပြောဆိုလိုက်ပါတယ်။   မြန်မာနိုင်ငံဟာ ပြည်တွင်းစစ် ကျရောက်ဖို့ နည်းနည်းသာလိုတော့ကြောင်း သူကသတိပေးပြောဆိုပါတယ်။   အာဆီယံအလှည့်ကျဥက္ကဌအဖြစ် တာ၀န်ယူပြီးရင် လာမယ့်နှစ်အစောပိုင်းမှာ မြန်မာနိုင်ငံဆိုင်ရာ အထူးသံတမန်တဦးကို ခန့်အပ်သွားမယ်လို့သူကဆိုပါတယ်။   လက်ရှိအထူးသံတမန်တဦးဖြစ်သူ Erywan Yusof ဟာ အလှည့်ကျဥက္ကဌအဖြစ်ကနေ ထွက်ခွာတော့မယ့် ဘရူနိုင်းနိုင်ငံကို ကိုယ်စားပြုတာဖြစ်ပါတယ်။   အာဆီယံအဖွဲ့၀င်နိုင်ငံတွေရဲ့ ပြည်တွင်းရေးမှာ ၀င်ရောက်စွက်ဖက်မှုမရှိရေးမူဝါဒကို အားလုံးကလေးစားလိုက်နာ ကျင့်သုံးနေချိန်မှာဘဲ မြန်မာနိုင်ငံရဲ့ အခြေအနေတွေဟာ စိုးရိမ်းစရာအဖြစ် ဆက်ရှိနေတယ်လို့ ကမ္ဘောဒီးယား နိုင်ငံခြားရေး၀န်ကြီး Prak Sokhonn ကပြောပါတယ်။   Photo: Reuters #voiceofmyanmar #VOM #ဖနွမ်းပင်

နယူးယောက်၊ အောက်တိုဘာ-၂၉-၂၀၂၁ မျိုးဆက်(VOM)   ဖေ့စ်ဘွတ်ခ်ဟာ ကုမ္ပဏီအမည်ကို Meta အဖြစ် အောက်တိုဘာ ၂၈ ရက်မှာ တရား၀င်ပြောင်းလဲလိုက်ပြီဖြစ်ပါတယ်။   ဒီလိုအမည်ပြောင်းလဲလိုက်တာဟာ ဆိုရှယ်မီဒီယာကို ကျော်လွန်ပြီး ပုံရိပ်ယောင်နည်းပညာကဲ့သို့သော နည်းပညာတွေကို ကျယ်ကျယ်ပြန့်ပြန့်ချဲ့ထွင်နိုင်ဖို့ဖြစ်တယ်လို့ ကုမ္ပဏီက ထုတ်ပြန်ပါတယ်။   ကုမ္ပဏီပြောင်းလဲလိုက်ပေမယ့် အင်စတာဂရမ်နဲ့ ၀ပ်အက်ပ်တို့ကဲ့သို့ပင် ဖေ့စ်ဘွတ်ခ် အက်ပလီကေးရှင်းအပေါ် သက်ရောက်မှုမရှိဘဲ မိခင်ကုမ္ပဏီ Meta ပိုင်ဆိုင်မှုအောက်မှာရှိနေမှာဖြစ်ပါတယ်။   ကုမ္ပဏီ၀န်ထမ်းဟောင်းတစ်ဦးဖြစ်သူ ဖရန့်စ်ဟော်ဂျင်ထံမှ ပေါက်ကြားလာတဲ့ကုမ္ပဏီဆိုင်ရာ စာရွက်စာတမ်းတွေအပေါ် အခြေခံပြီး ဖေ့စ်ဘွတ်ခ်နဲ့ပတ်သက်လို့ မကောင်းသတင်းနဲ့ ဝေဖန်မှုတွေ ဆက်တိုက်ထွက်ပေါ်လာပြီးနောက် ကုမ္ပဏီအမည်ကို ယခုကဲ့သို့ ပြောင်းလဲလိုက်တာဖြစ်ပါတယ်။   ဖေ့စ်ဘွတ်ခ်ကုမ္ပဏီဟာ သုံးစွဲသူတွေရဲ့ လုံခြုံရေးထက် ငွေကြေးအကျိုးအမြတ်ကိုသာ ဦးစားပေးနေကြောင်း သူမက စွပ်စွဲပြောဆိုထားပါတယ်။   Ref: BBC #voiceofmyanmar #VOM #နယူးယောက်

၀ါရှင်တန်၊ အောက်တိုဘာ-၂၈-၂၀၂၁ မျိုးဆက်(VOM)   တရုတ်နိုင်ငံက အသံထက်မြန်တဲ့ သံသယဖြစ်ဖွယ် ဒုံးပျံစမ်းသပ်မှုသည် စစ်အေးခေတ်ကကဲ့သို့ လက်နက်ပြိုင်ဆိုင်မှုတွေဖြစ်ဖို့ နီးကပ်နေပြီဖြစ်ကြောင်း အမေရိကန် ထိပ်တန်းဗိုလ်ချုပ်ကြီးတဦးက ထုတ်ဖော်ပြောဆိုလိုက်ပါတယ်။   တရုတ်စစ်ဘက်ဟာ အလျှင်အမြန်ချဲ့ထွင်မှုတွေပြုလုပ်နေတယ်လို့ အမေရိကန် ပူးတွဲစစ်ဦးစီးချုပ်များအဖွဲ့ ဥက္ကဌ မာ့ခ်မီလီက ဘလွန်းဘာ့သတင်းဌာနနဲ့ အင်တာဗျူးမှာ ထုတ်ဖော်ပြောဆိုပါတယ်။   တရုတ်နိုင်ငံရဲ့ အဲဒီဒုံးပျံစမ်းသပ်မှုဟာ အမေရိကန်ကို အံ့အားသင့်စေခဲ့တယ်လို့ ဖိုင်နယ်ရှယ်တိုင်းမ်သတင်းဌာနကလည်း ဖော်ပြထားပါတယ်။   တရုတ်နိုင်ငံကတော့ ဘယ်လိုဒုံးပျံမျိုးကိုမှ မစမ်းသပ်ဘူးလို့ ပြောဆိုထားပြီး ဒါဟာအာကာယာဉ်စမ်းသပ်မှုဖြစ်တယ်လို့ ဆိုပါတယ်။   မိမိတို့သိထားတာကတော့ ဒါဟာအသံထက်မြန်တဲ့ ဒုံးပျံစမ်းသပ်မှုဆိုတာ အလွန်ထင်ရှားတယ်လို့ ဗိုလ်ချုပ်ကြီး မိုက်မီလီက ဆိုပါတယ်။ ဒါဟာစစ်အေးခေတ်လက်နက်ပြိုင်ဆိုင်မှုလိုဖြစ်ဖို့ နီးကပ်နေပြီလို့ သူကပြောပါတယ်။   ဒါဟာ ယခုနှစ်နွေရာသီမှာ တရုတ်နိုင်ငံက ဒုံးပျံစမ်းသပ်မှုနှစ်ခုပြုလုပ်တယ်ဆိုတာကို အမေရိကန်က ပထမဆုံးအကြိမ်တရား၀င် အသိအမှတ်ပြုလိုက်တာဖြစ်ပြီး အဲဒီဒုံးပျံတွေဟာ အမေရိကန်ရဲ့လေကြောင်းရန် ကာကွယ်ရေးစနစ်တွေကို…