Day: October 1, 2021

ပြုံးယမ်း၊ အောက်တိုဘာ-၁-၂၀၂၁ မျိုးဆက်(VOM)   မြောက်ကိုရီးယားဟာ လေယာဉ်ပစ်ဒုံးပျံသစ်တစ်မျိုးကို စက်တင်ဘာ ၃၀ ရက်မှာ စမ်းသပ်ပစ်ခတ်ခဲ့တယ်လို့ စက်တင်ဘာ ၃၀ ရက်မှာ ထုတ်ပြန်လိုက်ပြီး ဒါဟာတလအတွင်း စတုတ္ထအကြိမ်မြောက် လက်နက် စမ်းသပ်မှုလည်းဖြစ်ပါတယ်။   နျူကလီးယားသယ်ဆောင်ပစ်ခတ်နိုင်တယ်လို့ ယူဆရတဲ့ အသံထက်မြန်တဲ့ ဒုံးပျံသစ်တစ်မျိုးစမ်းသပ်ပြီးနောက် ရက်အနည်းငယ်အကြာမှာ အခုလို လေယာဉ်ပစ်ဒုံးပျံသစ်ကို မြောက်ကိုရီးယားက စမ်းသပ်လိုက်တာဖြစ်ပါတယ်။   မြောက်ကိုရီးယားရဲ့ လက်နက်စမ်းသပ်မှုတွေဟာ မတည်ငြိမ်မှုတွေနဲ့ မလုံခြုံမှုတွေဖြစ်ပေါ်စေဖို့ အလားအလာပိုများနေတယ်လို့ အမေရိကန်နိုင်ငံခြားရေး၀န်ကြီး ဘလင်ကင်က ဆိုပါတယ်။   အဲဒီလက်နက်သစ်တွေဟာ ကိုယ်ပိုင်ကာကွယ်ရေးအတွက် လိုအပ်တယ်လို့ မြောက်ကိုရီးယားက ထုတ်ဖော်ပြောဆိုထားပြီး အမေရိကန်နဲ့ တောင်ကိုရီးယားတို့ဟာ မူဝါဒစံနှုန်းနှစ်ခုထားရှိနေတယ်လို့ စွပ်စွဲထားပါတယ်။   မြောက်ကိုရီးယားရဲ့ နောက်ဆုံးလက်နက်စမ်းသပ်မှုဟာ တင်းကြပ်တဲ့ အရေးယူပိတ်ဆို့မှုတွေရှိနေပေမယ့်လည်း သူ့ရဲ့ လက်နက်ထုတ်လုပ်မှုကိုလျှော့ချဖို့ ရည်ရွယ်ချက်မရှိဘူဆိုတာ သိသာထင်ရှားလက္ခဏာတစ်ရပ်လို့ စောင့်ကြည့်လေ့လာသူတွေက သုံးသပ်ပြောဆိုပါတယ်။   Ref:…

တိုကျို၊ အောက်တိုဘာ-၁-၂၀၂၁ မျိုးဆက် (VOM)   ဂျပန်တော်၀င်မင်းသမီး မာကိုဟာ နှစ်ပေါင်းများစွာအငြင်းပွားမှုတွေပြီးနောက် သူ့ရဲ့တော်၀င်အဆင့်အတန်းကို စွန့်လွှတ်ပြီး အတန်းဖော်ဟောင်း သာမန်အရပ်သားတစ်ဦးနဲ့ ယခုလမှာ လက်ထပ်တော့မှာဖြစ်ပါတယ်။   အဲဒီလက်ထပ်ပွဲကို အောက်တိုဘာ ၂၆ ရက်မှာပြုလုပ်ဖို့စီစဉ်ထားတယ်လို့ တော်၀င်အိမ်တော်က ထုတ်ပြန်ပါတယ်။ သူတို့စုံတွဲဟာ ၂၀၁၈ ခုနှစ်မှာ လက်ထပ်ဖို့ စီစဉ်ထားပေမယ့်လည်း မစ္စတာကိုမူရိုရဲ့ မိသားစုမှာ ငွေရေးကြေးရေးပြသနာနဲ့ရင်ဆိုင်ခဲ့ရကြောင်း သတင်းများထွက်ပေါ်ပြီးနောက် ဖျက်သိမ်းခဲ့ပါတယ်။   သူတို့စုံတွဲဟာ လက်ထပ်ပြီးနောက် မစ္စတာကိုမူရိုရှေ့နေအဖြစ် အလုပ်လုပ်ကိုင်နေတဲ့ အမေရိကန်ကို ပြောင်းရွှေ့နေထိုင်ဖွယ်ရှိပါတယ်။   ဂျပန်ဥပဒေအရ ဧကရာဇ်မိသားစုမှ အမျိုးသမီးတစ်ဦးဟာ သာမန်အရပ်သားတစ်ဦှးနဲ့ လက်ထပ်မယ်ဆိုရင်သူ့ရဲ့ တော်၀င်အဆင့်အတန်းကို လက်လွှတ်ဆုံးရှုံးရမှာဖြစ်ပါတယ်။ မင်းသမီးမာကိုနဲ့ မစ္စတာကိုမူရိုတို့ဟာ တိုကျိုရှိနိုင်ငံတကာခရစ်ယာန်တက္ကသိုလ်မှာ ပညာသင်ကြားရင်းတွေ့ဆုံခဲ့ကြတာဖြစ်ပြီး ၂၀၁၇ ခုနှစ်မှာ စေ့စပ်ကြောင်း ကြေညာခဲ့ပါတယ်။   Ref : BBC Photo: Getty…

အာဒစ်အာဘာဘာ၊ နို၀င်ဘာ-၁-၂၀၂၁ မျိုးဆက် (VOM)   အီသီယိုပီးယားအစိုးရရဲ့ ပိတ်ဆို့မှုကြောင့် တိုက်ဂရေးဒေသရှိ လူထောင်ပေါင်းများစွာ အငတ်ဘေးဆိုက်နေတယ်လို့ ကုလသမဂ္ဂအကူအညီပေးရေးအကြီးအကဲက သတိပေးပြီးနောက် နှစ်ရက်အကြာမှာ ပြည်တွင်းရေးကို၀င်ရောက်စွက်ဖက်တယ်ဆိုပြီး ကုလသမဂ္ဂထိပ်တန်းအရာရှိ ခုနှစ်ဦးကို နိုင်ငံတွင်မှ နှင်ထုတ်လိုက်တယ်လို့ အီသီယိုပီးယားနိုင်ငံခြားရေး၀န်ကြီးဌာနက စက်တင်ဘာ ၃၀ ရက်မှာ ထုတ်ပြန်လိုက်ပါတယ်။   တိုက်ဂရေးဒေသအခြေအနေနဲ့ပတ်သက်ပြီး နိုင်ငံတကာရဲ့ဝေဖန်မှုတွေလည်း မြင့်တက်နေပြီး အီသီယိုပီးယားမြောက်ပိုင်းမှာ တိုက်ခိုက်နေတဲ့ အဖွဲ့အားလုံးဟာ အမေရိကန်ရဲ့ အရေးယူပိတ်ဆို့မှုနဲ့ ရင်ဆိုင်ရဖွယ်ရှိနေပါတယ်။   ကုလသမဂ္ဂထိပ်တန်းတာ၀န်ရှိသူတွေကို နှင်ထုတ်လိုက်တဲ့အပေါ် အမေရိကန်ကပြစ်တင်ရှုတ်ချကြောင်းနဲ့ လူသားချင်းစာနာမှုဆိုင်ရာအကူအညီပေးမှုတွေကို အနှောက်အယှက်ပေးသူတွေကို အရေးယူဖို့ တွန့်ဆုတ်နေမှာမဟုတ်ဘူးလို့ အိမ်ဖြူတော်ပြောရေးဆိုခွင့်ရှိသူ ဂျန်စပါကီက ပြောပါတယ်။   အီသီယိုပီးယား နိုင်ငံခြားရေး၀န်ကြီးဌာနကတော့ ကုလသမဂ္ဂ၀န်ထမ်းတွေဟာ ပြည်တွင်ရေးကို ၀င်ရောက်စွက်ဖက်တယ်လို့ စွပ်စွဲထားပြီး အဲဒီခုနှစ်ယောက်ကို နိုင်ငံတွင်းက ၇၂ နာရီအတွင်း ထွက်သွားဖို့ ညွှန်ကြားထားတယ်လို့ဆိုပါတယ်။   ဒီကိစ္စနဲ့ပတ်သက်ပြီး လွန်စွာအံ့အာသင့်တယ်လို့…