Year: 2021

လန်ဒန်၊ ဒီဇင်ဘာ-၁၁ မျိုးဆက်(VOM)   ကိုဗစ်-၁၉ ကာကွယ်ဆေး နှစ်ကြိမ်ထိုးနှံရုံနဲ့ အိုမီခရွန်ဗိုင်းရပ်စ် ကူးစက်ခံရခြင်းမှ ကာကွယ်ဖို့ မလုံလောက်ကြောင်း ဗြိတိန် သိပ္ပံပညာရှင်တွေက ဒီဇင်ဘာ ၁၀ ရက်မှာ သတိပေးပြောကြားလိုက်ပါတယ်။   လက်ရှိကာကွယ်ဆေးတွေဟာ အိုမီခရွန်နဲ့ဒယ်လ်တာဗိုင်းရပ်စ်တို့ကို တိုက်ဖျက်ရာမှာ အာနိသင်ကျဆင်းမှု များရှိကြောင်း ဗြိတိန်မှာ ပြုလုပ်တဲ့ ကနဦးလေ့လာမှုတွေမှာ တွေ့ရှိထားပါတယ်။   ဒီဗိုင်းရပ်စ်တွေနဲ့ပတ်သက်ပြီး တတိမြောက်ထပ်ဆောင်းကာကွယ်ဆေးထိုးနှံပါက ကိုဗစ်-၁၉ ရောဂါကူးစက်မှုကို ၇၅ ရာခိုင်နှုန်းထိ ကာကွယ်ပေးနိုင်ကြောင်း သိပ္ပံပညာရှင်တွေကပြောပါတယ်။   ဗြိတိန်နိုင်ငံမှာတော့ အိုမီခရွန်ဗိုင်းရပ်စ်ကူးစက်ခံရသူ နောက်ထပ် ၄၄၈ ဦးထပ်မံတွေ့ရှိခဲ့ပြီး လက်ရှိချိန်ထိ ကူးစက်ခံရသူ စုစုပေါင်းမှာ ၁၂၆၅ ဦးထိရှိလာပြီဲဖြစ်ပါတယ်။   မျိုးရိုးဗီဇ အကြိမ်ပေါင်းများစွာပြောင်းလဲခဲ့တဲ့ အိုမီခရွန်ဗိုင်းရပ်စ်စတင်ထွက်ပေါ်လာပြီးနောက် အဲဒီဗိုင်းရပ်စ်ဟာ ကာကွယ်ဆေးတွေရဲ့ အာနိသင်ကို ကျဆင်းစေမလားဆိုတာဟာ အဓိက စိုးရိမ်ပူပန်မှုတစ် ဖြစ်လာနေပါတယ်။   Ref:…

လန်ဒန်၊ ဒီဇင်ဘာ-၁၁-၂၀၂၁ မျိုးဆက်(VOM)   ရုရှားအနေနဲ့ ယူကရိန်းကို ကျူးကျော်ခဲ့မယ်ဆိုရင် ဆိုးရွားတဲ့ စီးပွားရေးဆိုင်ရာ အကျိုးဆက်တွေနဲ့ ရင်ဆိုင်ရမယ်လို့ ဗြိတိန်နိုင်ငံခြားရေး၀န်ကြီး လစ်ဇ်ထရပ်စ်က ဒီဇင်ဘာ ၁၀ ရက်မှာ သတိပေးပြောဆိုလိုက်ပါတယ်။   ယခုသီတင်းပတ်ကုန်အတွင်း လီဗာပူးမှာ ကျင်းပမယ့် ဂျီ-၇ ထိပ်သီးဆွေးနွေးပွဲမှာ ယူကရိန်းအရေးနဲ့ ပတ်သက်ပြီး စည်းလုံးညီညွှတ်မှုကို ပြသမှာဖြစ်ကာ ရုရှားရဲ့လုပ်ရပ်ဟာ မဟာဗျူဟာမြောက် အမှားဖြစ်တယ်လို့ သူကဆိုပါတယ်။ ဗြိတိန်နဲ့မဟာမိတ်တွေဟာ ရုရှားရဲ့အဲဒီလုပ်ရပ်ကို တားဆီးဖို့လိုအပ်တယ်လို့ မစ္စလစ်ဇ်က ပြောပါတယ်။   ရုရှားဟာ ယူကရိန်းနယ်စပ်မှာ တပ်ဖွဲ့၀င်များစွာချထားခြင်းကြောင့် တင်းမာမှုတွေ မြင့်တက်နေပါတယ်။ ဒါပေမယ့် ဒီလိုချထားတာဟာ ယူကရိန်းကိုကျူးကျော်ဖို့မဟုတ်ဘူးလို့ယူကရိန်းကဆိုပါတယ်။   ယူကရိန်းအရေးနဲ့ပတ်သက်ပြီး ရန်စမှုတွေကို ဆန့်ကျင်ဖို့ မိမိတို့ရပ်တည်ချက် လုံး၀ခိုင်မာကြောင်း ဗြိတိန်နိုင်ငံခြားရေး၀န်ကြီးကပြောပါတယ်။ ယူကရိန်းနိုင်ငံဟာ ရုရှားအပြင် အီးယူနဲ့ နယ်နိမိတ်တွေ ထိစပ်နေတဲ့ နိုင်ငံတစ်နိုင်ဖြစ်ပါတယ်။   Ref:…

ဒေလီ၊ ဒီဇင်ဘာ-၁၀-၂၀၂၁ မျိုးဆက်(VOM)   အိန္ဒိယအစိုးရဟာ အငြင်းပွားဖွယ်စိုက်ပျိုးရေးဥပဒေ ပြုပြင်ပြောင်းလဲမှုတွေကို ဆက်မလုပ်တော့ဘူးလို့ သဘောတူလိုက်ပြီးနောက် တစ်နှစ်ကျော်ကြာ အကြီးအကျယ်ဆန္ဒပြမှုတွေကို အဆုံးသတ်လိုက်ပြီဖြစ်ကြောင်း အိန္ဒိယ ဆန္ဒပြလယ်သမားများကပြောပါတယ်။   အဲဒီဥပဒေနနဲ့ပတ်သက်ပြီး ထောင်ပေါင်းများစွာသော လယ်သမားတွေဟာ မြို့တော်ဒေလီရဲ့ နယ်စပ်တွေမှာ စခန်းချကာ အကြီးအကျယ်ဆန္ဒပြခဲ့ပြီး ပူလွန်း အေးလွန်းတဲ့ ရာသီဥတုနဲ့ ကိုဗစ်-၁၉ ရောဂါတို့ကြောင့် ဒါဇင်များစွာ သေဆုံးခဲ့ကြပါတယ်။   လက်ရှိမှာ အစိုးရက စိုက်ပျိုးရေးဥပဒေပြုပြင်ပြောင်းလဲမှုတွေကို ရပ်ဆိုင်းလိုက်တာကြောင့် ဆန္ဒပြလယ်သမားတွေဟာ ဒီဇင်ဘာ ၁၁ ရက်မှာတော့ နေရပ်တွေကို ပြန်ကြတော့မှာဖြစ်ပါတယ်။   စိုက်ပျိုးရေးဥပဒေနဲ့ပတ်သက်ပြီး လယ်သမားတွေရဲ့ အဲဒီဆန္ဒပြမှုတွေဟာ ၀န်ကြီးချုပ်မိုဒီရဲ့ အိန္ဒိယအစိုးရအတွက် အကြီးအကျယ်စိန်ခေါ်မှုတွေထဲက တစ်ခုဖြစ်ခဲ့ပါတယ်။   လယ်သမားတွေဟာ သီးနှံစျေးနှုန်းအာမခံချက်နဲ့ လယ်သမားတွေအပေါ် အမှုတွေရုပ်သိမ်းရေးအပါအ၀င် အခြားတောင်းဆိုချက်တွေကို ၀န်ကြီးတွေနဲ့ ဆွေးနွေးသဘောတူညီမှုရရှိပြီးနောက် သပိတ်ကိုအဆုံးသတ်ဖို့ ဆုံးဖြတ်ခဲ့ကြတာဖြစ်ပါတယ်။   Ref:…