Year: 2021

ဒေလီ၊ နို၀င်ဘာ-၆-၂၀၂၁ မျိုးဆက်(VOM)   အိန္ဒိယနိုင်ငံ ဒေလီမြို့ရဲ့ လေထုအရည်အသွေးဟာ ဒီပါ၀လီပွဲတော်ပြီးနောက် အန္တရာယ်ရှိတဲ့အဆင့်ထိ ညစ်ညမ်းနေတယ်လို့ တာ၀န်ရှိသူတွေကပြောပါတယ်။   တားမြစ်ပိတ်ပင်ထားပေမယ့်လည်း ပွဲတော်ကာလအတွင်း မီးရှူးမီးပန်းတွေပစ်ဖောက်မှုကြောင့် လေထုညစ်ညမ်းမှုဟာ ပိုမိုဆိုးရွားခဲ့ပါတယ်။   ယာဉ်တွေ၊ စက်ရုံတွေက ထုတ်လုပ်တဲ့မီးခိုးတွေ၊ ဖုန်မှုန့်နဲ့ ရာသီဥတုပုံစံတွေကြောင့် ဒေလီမြို့ဟာ ကမ္ဘာ့ပေါ်မှာ လေထုညစ်ညမ်းမှုအဆိုးဆုံးမြို့တွေထဲက တစ်မြို့ဖြစ်ပါတယ်။   အထူးသဖြင့် ဆောင်းရာသီကာလအတွင်း အနီးနားရှိပြည်နယ်တွေက လယ်သမားတွေဟာ လယ်မြေတွေကို မီးရှို့မှုတွေလုပ်တာကြောင့်လည်း လေထုညစ်ညမ်းမှုဖြစ်ပွားလေ့ရှိပါတယ်။   တချိန်တည်းမှာဘဲ လေတိုက်နှုန်းနိမ့်ပါးတဲ့အချိန် ဒီပါ၀လီပွဲတော်ကာလမှာ မီးရှူးမီးပန်းဖောက်တာတွေကြောင့် လေထုအောက်ပိုင်းမှာ မီးခိုးတွေပိတ်မိနေတတ်ပါတယ်။   ဒီနှစ်မှာတော့ လေထုညစ်ညမ်းမှုအဆင့်ကို လျှော့ချဖို့အတွက် အစိုးရဟာ မီးရှူးမီးပန်းရောင်းချတာတွေကို တားမြစ်ပိတ်ပင်ခဲ့ပေမယ့် ဒေသခံတွေကို ထိရောက်စွာမဟန့်တားနိုင်ခဲ့ပါဘူး။   Ref: BBC Photo:ANI #voiceofmyanmar #VOM #ဒေလီ

၀ါရှင်တန်၊ နို၀င်ဘာ-၆-၂၀၂၁ မျိုးဆက်(VOM)   အမေရိကန်ဆေးကုမ္ပဏီ Pfizer မှထုတ်လုပ်တဲ့ ကိုဗစ်-၁၉ ရောဂါကုသဆေးတစ်မျိုးဟာ ရောဂါကြောင့် ဆေးရုံတက်ရခြင်းသို့မဟုတ် သေဆုံးခြင်းကို ၈၉ ရာခိုင်နှုန်းထိ လျှော့ချပေးနိုင်တယ်လို့ လက်တွေ့စမ်းသပ်မှုရလဒ်တွေကို ကုမ္ပဏီက ထုတ်ပြန်လိုက်ပါတယ်။   Paxlovid လို့ခေါ်တဲ့ အဲဒီသောက်ဆေးဟာပြင်းထန်တဲ့ ရောဂါဖြစ်နိုင်ခြေရှိတဲ့သူတွေမှာ ရောဂါလက္ခဏာပြသပြီးနောက် များမကြာမီမှာ အသုံးပြုဖို့ ရည်ရွယ်ထားတယ်လို့ဆိုပါတယ်။   Merck Sharp နဲ့ Dohme ကုမ္ပဏီတို့မှ ပူးတွဲထုတ်လုပ်တဲ့ အလားတူသောက်ဆေးတစ်မျိုးကို ဗြိတိန်တာ၀န်ရှိသူတွေက ခွင့်ပြုလိုက်ပြီးနောက်တစ်ရက်အကြာမှာ Pfizer ကုမ္ပဏီကလည်း သူ့ရဲ့ဆေးနဲ့ပတ်သက်ပြီး ထုတ်ပြန်လိုက်တာဖြစ်ပါတယ်။   ဗြိတိန်ဟာ Merck Sharp နဲ့ Dohme ကုမ္ပဏီတို့မှ ဆေး လေးသိန်းရှစ်သောင်းကို မှာယူထားပြီး ခွင့်ပြုချက်မပေးရသေးတဲ့ Pfizer ကထုတ်လုပ်တဲ့ ဆေနှစ်သိန်းငါးသောင်းကိုလည်း မှာယူထားပြီးဖြစ်ပါတယ်။   Pfizer ကနေထုတ်လုပ်လိုက်တဲ့ဆေးရဲ့ ရလဒ်တွေဟာ…

အာဒစ်အဘာဘာ၊ နို၀င်ဘာ-၆-၂၀၂၁ မျိုးဆက်(VOM)   အီသီယိုးပီးယားနိုင်ငံ တိုက်ဂရေးဒေသမှာ သူပုန်တွေနဲ့ အစိုးရတပ်ဖွဲ့၀င်တွေအကြား တိုက်ပွဲတွေဖြစ်ပွားနေချိန်မှာ စစ်မှုထမ်းဟောင်းတွေအနေနဲ့ စစ်တပ်ထဲပြန်၀င်ဖို့ အီသီယိုးပီးယားစစ်တပ်က တိုက်တွန်းလိုက်ပါတယ်။   တိုက်ဂရေးပြည်သူ့လွတ်မြောက်ရေးတပ်ဦး ဦးဆောင်တဲ့သူပုန်တပ်ဖွဲ့ဟာ မြို့တော်အာဒစ်အဘာဘာသို့ ချီတက်လာနေချိန်မှာဘဲ အခုလိုက်တိုက်တွန်းချက် ထွက်ပေါ်လာတာဖြစ်ပါတယ်။   အမေရိကန်နိုင်ငံသားတွေအနေနဲ့ အီသီယိုးပီးယားနိုင်ငံမှ ဖြစ်နိုင်သမျှ အမြန်ဆုံးထွက်ခွာကြဖို့ အမေရိကန်သံရုံးက ထုတ်ပြန်ထားပါတယ်။ ၀န်ကြီးချုပ် အာဘီယာအာမက်ရဲ့အစိုးရအဖွဲ့ကိုဖျက်သိမ်းဖို အစိုးရဆန့်ကျင်ရေးအဖွဲ့ ကိုးဖွဲ့က အစောပိုင်းမှာ မဟာမိတ်ဖွဲ့လိုက်ကြပါတယ်။   အပစ်အခတ်ရပ်တန့်ဖို့ နိုင်ငံတကာကတောင်းဆိုမှုတွေရှိနေပေမယ့်လည်း စစ်ပွဲကိုဆက်လက်ဆင်နွှဲသွားမှာဖြစ်တယ်လို့ အီသီယိုးပီးယားအစိုးရကပြောပါတယ်။ တိုက်ဂရေးဒေသမှာဖြစ်ပွားနေတဲ့ ပဋိပက္ခဟာ ဒုတိယနှစ်အတွင်းသို့ ရောက်ရှိလာပြီဖြစ်ပြီး လူသန်းပေါင်းများစွာ အိုးမဲ့့အိမ်မဲ့ဖြစ်ကာ လေးသိန်းကျော် အငတ်ဘေးဆိုက်နေပါတယ်။   လက်ရှိအခြေအနေနဲ့ပတ်သက်ပြီးအစိုးရက နိုင်ငံအရေးပေါ်အခြေအနေကြေညာထားကာ ဒေသခံတွေအနေနဲ့မိမိတို့ဒေသကို ကာကွယ်ရန် အသင့်ပြင်ကြဖို့နဲ့ လက်နက်တွေကို မှတ်ပုံတင်ကြဖို့ အစိုးရက တိုက်တွန်းထားပါတယ်။   Ref: BBC  …