Year: 2021

အောက်တိုဘာ ၈- ၂၀၂၁ ထက်အောင်စိုင်း (VOM)   ရခိုင်ဝန်ကြီးချုပ်ဟောင်း ဦးညီပုကို စစ်တွေမြို့နယ်တရားရုံးက ဒီကနေ့ အောက်တိုဘာ ၈ ရက်နေ့ မနက်ပိုင်းက Video Conferencing နဲ့ ရုံထုတ်ခဲ့ပြီး အလုပ်ကြမ်းနဲ့ ထောင်ဒဏ် (၂) နှစ် ကျခံစေဖို့ အမိန့်ချလိုက်တယ်လို့ ရှေ့နေဆီကနေ သိရပါတယ်။   နိုင်ငံတော်အကြည်ညိုပျက်စေမှု ၅၀၅(ခ) အမှုအတွက် ပြစ်ဒဏ်အဖြစ်ချမှတ်လိုက်တာဖြစ်ကြောင်း သ်ိရပါတယ်။   ဝန်ကြီးချုပ်ဟောင်း ဦးညီပုကို စစ်တွေမြို့နယ် ဒု- မြို့နယ်အုပ်ချုပ်ရေးမှူး ဦးကျော်သိန်းက နိုင်ငံတော်အကြည်ညိုပျက်စေမှု ဥပဒေပုဒ်မ ၅၀၅(ခ) နဲ့ ပြီးခဲ့တဲ့ ဖေဖော်ဝါရီလက တရားလိုလုပ်ပြီး အမှုဖွင့် တရားစွဲဆိုခဲ့တာဖြစ်ပါတယ်။   အခုလိုမျိုး စစ်တွေမြို့နယ်တရားရုံးက ထောင်ဒဏ်အမိန့်ချလိုက်တဲ့အပေါ် အယူခံ တက်၊မတက်ကို ဦးညီပုနဲ့ တွေ့တဲ့အခါမှ သိရမှာဖြစ်တယ်လို့ ဦးညီပုရဲ့အမှုလိုက်ရှေ့နေ ဦးငြိမ်းချမ်းက ပြောပါတယ်။…

ရန်ကုန်အောက်တိုဘာ ၈-၂၀၂၁ KK+GH (VOM)   ရန်ကုန်မြို့၊ မရမ်းကုန်းမြို့နယ်၊ (၁၀) ရပ်ကွက်၊ ကန်ရိပ်သာလမ်း၊ အမှတ် (B/31)တွင် သတ်မှတ်ချိန်ကျော်လွန်ဖွင့်လှစ်ထားသော Brave ဘားကို မနေ့ အောက်တိုဘာ ၈ရက် ည၁၁း၄၀ နာရီက ဝင်ရောက်ဖမ်းဆီးရာ ဆိုင်ဝန်ထမ်းနဲ့စားသောက်နေသူ ၂၅၁ ဦးဖမ်းမိခဲ့တယ်လို့ ရဲအသိုင်းအဝိုင်းကနေ သိရပါတယ်။   ” ညက အဖမ်းခံရတဲ့အထဲမှာ ကိုယ့် အသိတွေပါသွားလို့သိရတာ။ခုတော့ မိသားစုက အာမခံရဖို့လိုက်လုပ်နေကြတယ်။ ဘားတစ်ခုလုံးဆိုတော့ လူက ၂၅၀ လောက်လို့တော့သိရတယ်။ ရဲစခန်းမှာ လူအပြည့်ပဲတဲ့ ” လို့ ဖမ်းခံရသူတချိုရဲ့ အသိမိတ်ဆွေ တွေကပြောပါတယ်။   လက်ရှိမှာတော့ ဖမ်းဆီးခံရသူတွေကို မရမ်းကုန်းရဲစခန်းမှာ ထိန်းသိမ်းထားတယ်လို့ သိရပါတယ် ။   Brave Bar ကို ပြီးခဲ့တဲ့ စက်တင်ဘာလမှာ ပြန်လည်ဖွင့်လှစ်လိုက်တာဖြစ်တယ်လို့လည်း ဒေသခံတွေပြောပြချက်အရသိရပါတယ်။…

အောက်တိုဘာ ၇ -၂၀၂၁ ရွှေဘုန်းမြတ်စံ (VOM)   စစ်ကိုင်းတိုင်း၊ ၃၇ မြို့နယ်က ပရဟိတလုပ်ငန်းတွေဟာ ပြီးခဲ့တဲ့ စက်တင်ဘာ နောက်ဆုံးပတ်က စလို့ ဒီကနေ့အချိန်ထိ စက်သုံးဆီစျေးနှုန်းမြင့်နေတဲ့ကာလမှာ အလှုရှင်တွေနည်းပါးလာတဲ့အတွက် ပရဟိတလုပ်ငန်းတွေကို အကြပ်အတည်းကြားကနေ မဖြစ်မနေ လုပ်ကိုင်နေကြရတယ်လို့ စေတနာ့ဝန်ထမ်းတွေက ပြောပါတယ်။   အဲ့ဒီလို အကြပ်အတည်းကြားကနေ မဖြစ်မနေ လုပ်ကိုင်ပေးနေရတဲ့ ပရဟိတလုပ်ငန်းတွေကတော့ နာမှုကူညီရေးလုပ်ငန်းတွေ ၊ လူမှုကယ်ဆယ်ရေးလုပ်ငန်းတွေနဲ့ ဥပုသ်နေ့တိုင်း အမှိုက်သိမ်းပေးနေတဲ့ လုပ်ငန်းတွေ ပါဝင်နေတယ်လို့ သိရပါတယ်။   ” ပျမ်းမျှ ၁ ရက်ကို လမ်းကြောင်း ၅ ခု အနည်းဆုံး ထွက်ရတယ် ၊ လမ်းကြောင်း ၁ ခုကို အုပ်ချုပ်မှုယာဥ် အပါအဝင် ကား ၂ စီး သုံးရတယ် ၊ ကယ်ဆယ်ရေး လုပ်ငန်းလမ်းကြောင်းဆို…

ရန်ကုန်၊အောက်တိုဘာ ၆-၂၀၂၁ KK(VOM)   မြန်မာနိူင်ငံကမ်းခြေစောင့်တပ်ဖွဲ့စည်းခြင်းနဲ့ စစ်တပ်ရေယာဥ်လွှဲပြောင်းပေးခြင်းတပ်တော်ဝင်အခမ်းအနားကို ဒီကနေ့ နေ့လယ်က ရန်ကုန်မြို့၊ သီလဝါဆိပ်ကမ်းမှာ ပြုလုပ်ခဲ့ပါတယ်။   အဲ့ဒီအခမ်းအနားမှာ တပ်မတော်(ရေ)မှ စစ်ရေယာဥ် ၉ စီးနဲ့ တပ်မတော်(လေ)မှ ရဟတ်ယာဥ် ၉စီးတို့က အမြောက်ပစ်တာတွေ နဲ့ ချီတက်မောင်းနှင်တာတွေကို ပြုလုပ်ခဲ့ပါတယ်။   မြန်မာနိုင်ငံကမ်းခြေစောင့်တပ်ဖွဲ့ကို လွှဲပြောင်းပေးအပ်တဲ့ စစ်ရေယာဉ် ၄ စင်းမှာ ၄၅ မီတာနှင့်၄၇ မီတာရှိ အမြန်သွား တိုက်ခိုက်ရေး ရေယာဉ်၂ စင်းနဲ့ ကမ်းခြေစောင့်ကင်းလှည့်ရေယာဉ် ၂ စင်းတို့ဖြစ်တယ်လို့ သိရပါတယ်။   #voiceofmyanmar #VOM #ရန်ကုန် #မြန်မာနိုင်ငံ #ကမ်းခြေစောင့်တပ်ဖွဲ့  

ရန်ကုန်၊အောက်တိုဘာ ၆-၂၀၂၀၂၁ KK(VOM)   ခရမ်းမြို့နယ်မှာ ပစ်ခတ်မှုတွေဖြစ်ပြီးနောက် ရပ်ကွက်နဲ့ကျေးရွာတွေက အုပ်ချုပ်ရေးမှူး အယောက်၂၀ နီးပါး ဒီကနေ့မှာ နှုတ်ထွက်ခဲ့တယ်လို့ ဒေသခံတွေဆီက သိရပါတယ်။   ခရမ်းမြို့နယ်မှာရှိတဲ့ (PDF Khayan)က အုပ်ချုပ်ရေးမှူးတွေနူတ်ထွက်ဖို့ သတိပေးစာထုတ်ပြန်ခဲ့ပြီးနောက် အခုလို တာဝန်ကနေနှုတ်ထွက်ခဲ့ကြတာဖြစ်တယ်လို့ ဒေသခံတစ်ဦးက ပြောပါတယ်။   “အချို့အုပ်ချုပ်ရေးမှူးတွေက အရင်ကတည်းက နှုတ်ထွက်ထားတာပါ၊ စာမတင်ရသေးတာပဲ ရှိတာ၊ ဒီနေ့တရားဝင်စာတင်တာ အယောက် ၂၀ရှိတယ်”လို့ သူကပြောပါတယ်။   နှုတ်ထွက်ခဲ့တဲ့ ရပ်ကွက်၊ကျေးရွာအုပ်ချုပ်ရေးမှူးတွေကတော့ အမှတ် (၁)ရပ်ကွက်၊အမှတ် (၂) ရပ်ကွက်၊အမှတ် (၃)ရပ်ကွက်၊အမှတ် (၄)ရပ်ကွက်၊အမှတ် (၅) ရပ်ကွက်၊အမှတ် (၆)ရပ်ကွက်၊အမှတ် (၇)ရပ်ကွက်၊အမှတ် (၈) ရပ်ကွက်၊အမှတ် (၉)ရပ်ကွက်၊အမှတ် (၁၀)ရပ်ကွက်၊အမှတ် (၁၁)ရပ်ကွက်၊အမှတ် (၁၂) ရပ်ကွက်၊ ကွမ်းမိုးဒိန်းရပ်ကွက်၊ကရင်စုကျေးရွာ၊ကြာကန်ကျေးရွာ၊ကရင်ကန်ကျေးရွာ၊ကန်ညီနောင်ကျေးရွာ၊မက်ကသန်ကျေးရွာ၊ကျွဲတလင်းကျေးရွာ၊ပျဥ်းမကုန်းကျေးရွာ တို့ပဲဖြစ်ပါတယ်။   ခရမ်းမြို့နယ်မှာ ကျေးရွာပေါင်း ၅၆…