Day: April 7, 2022

ပေကျင်း၊ ဧပြီ-၇-၂၀၂၂ မျိုးဆက်(VOM) ကိုဗစ်-၁၉ ရောဂါကူးစက်မှုမြင့်တက်နေတာကြောင့် တရုတ်နိုင်ငံ ရှန်ဟိုင်းမြို့ကို လော့ခ်ဒေါင်းကာလ သက်တမ်းတိုးထားပြီး စားနပ်ရိက္ခပြတ်လပ်မှုနဲ့ ကြုံတွေ့နေရတယ်လို့ မြို့ခံတွေက ပြောပါတယ်။ ရှန်ဟိုင်းဒေသခံတွေဟာ မရှိမဖြစ်ကုန်ပစ္စည်းတွေ ၀ယ်ယူခြင်းကဲ့သို့သော ကိစ္စရပ်တွေအတွက် နေအိမ်မှ ပြင်ပသို့သွားလာခြင်းတွေကိုပါ အာဏာပိုင်တွေက ပိတ်ပင်တားမြစ်ထားပါတယ်။ တရုတ်နိုင်ငံရဲ့ အကြီးဆုံးမြို့တွေထဲ့ တစ်မြို့ဖြစ်တဲ့ ရှန်ဟိုင်းမြို့မှာ ဧပြီ ၆ ရက်က ကိုဗစ်-၁၉ ရောဂါကူးစက်မှု နှစ်သောင်းနီးပါးထိရှိခဲ့ပြီး နိုင်ငံတွင်းမှာ စံချိန်တင်ကူးစက်မှုလည်း ဖြစ်ပါတယ်။ မြို့မှာ ခက်ခဲ့တဲ့ အခြေအနေတွေနဲ့ ရင်ဆိုင်နေရကြောင်း အာဏာပိုင်တွေက ၀န်ခံခဲ့ပြီး အခြေအနေတိုးတက်ကောင်းမွန်စေဖို့ ကြိုးစားဆောင်ရွက်နေတယ်လို့ ဆိုကြပါတယ်။ မြို့ရဲ့ အချို့နေရာတွေမှာ စားနပ်ရိက္ခာနဲ့သောက်သုံးရေတွေကို အွန်လိုင်း သို့မဟုတ် အခြားနည်းလမ်းတွေနဲ့ မှာယူရာမှာ အခက်အခဲတွေရှိနေပြီး အစိုးရက ထောက်ပံ့မှုများလုပ်ဆောင်နေပေမယ့်လည်း ကြန့်ကြာမှုများရှိနေကြောင်း မြို့ခံတွေကပြောပါတယ်။ ဒါ့အပြင် ရောဂါကူးစက်ခံထားရတဲ့ ကလေးငယ်တွေကို မိဘတွေနဲ့ ခွဲထားတဲ့…

စတော့ဟုမ်း၊ ဧပြီ-၇-၂၀၂၂ မျိုးဆက်(VOM) ကိုဗစ်-၁၉ ရောဂါကူးစက်ခံရသူတွေဟာ ကူးစက်ခံရပြီးနောက် ခြောက်လအကြာမှာ ပြင်းထန်တဲ့ သွေးခဲမှုဖြစ်နိုင်ခြေများကြောင်း ဆွီဒင်နိုင်ငံ သုတေသီတွေရဲ့ လေ့လာမှုမှုတရပ်မှာ ဖော်ပြထားပါတယ်။ ပြင်းထန်တဲ့ ကိုဗစ်ကူးစက်မှုခံရသူတွေနဲ့ ကိုဗစ်ပထမလှိုင်းအတွင်း ကူးစက်ခံရသူတွေဟာ သွေးခဲနိုင်ခြေအများဆုံးဖြစ်ကြောင်း အဲဒီသုတေသန တွေ့ရှိမှုမှာ ဖော်ပြထားပါတယ်။ ကိုဗစ်-၁၉ ကူးစက်ခံရသူတွေ အထူးသဖြင့် ဆေးရုံတက်ကုသဖို့ လိုအပ်တဲ့လူနာတွေမှာလည်း သွေးခဲနိုင်ခြေ ပိုမိုများနိုင်တယ်လို့ သုတေသီတွေကပြောပါတယ်။ လေ့လာမှုအတွက် ၂၀၂၀ ခုနှစ်ဖေဖော်ဝါရီလမှ ၂၀၂၁ ခုနှစ် မေလအတွင်း ရောဂါကူးစက်ခံရသူ လူနာတစ်သန်းကျော်ရဲ့ ကျန်းမာရေးအခြေအနေကို ရောဂါကူးစက်မှုမရှိသူတွေနဲ့ နှိုင်းယှဉ်ပြီး သုတေသနပြုခဲ့ကြတာဖြစ်ပါတယ်။ ကာကွယ်ဆေးထိုးပြီးနောက်မှာတော့ သွေးခဲမှုဖြစ်ပွားနိုင်ပေမယ့်လည်း ဖြစ်နိုင်ခြေနည်းပါးကြောင်း ဗြိတိန်ရှိ သုတေသီများရဲ့ လေ့လာမှုမှာ တွေ့ရှိထားပြီး ကာကွယ်ဆေးထိုးခြင်းရဲ့အရေးပါပုံကို သုတေသီများ သတိပေးပြောဆိုထားပါတယ်။ Ref: BBC Photo:Getty Images #voiceofmyanmar #VOM #စတော့ဟုမ်း

ကိယက်ဗ်၊ ဧပြီ-၇-၂၀၂၂ မျိုးဆက်(VOM) ယူကရိန်းအရှေ့ပိုင်းတွင်နေထိုင်တဲ့ ပြည်သူတွေအနေနဲ့ ထွက်ပြေးတိမ်းရှောင်ကြဖို့ ယူကရိန်း ဒုတိယ၀န်ကြီးချုပ်က ဧပြီ ၆ ရက်မှာ သတိပေးပြောဆိုလိုက်ပါတယ်။ တကယ်လို့ ဘေးလွတ်ရာကို မတိမ်းရှောင်ဘူးဆိုရင် ရုရှာတပ်ဖွဲ့တွေ ကျူးကျော်၀င်ရောက်လာပါက ဒေသခံပြည်သူတွေကို ကူညီနိုင်မှာမဟုတ်ဘူးလို့ ဒုတိယ၀န်ကြီးချုပ် အိုင်ရာနာဗီရီချော့က ပြောပါတယ်။ တရားလက်လွတ်သတ်ဖြတ်မှုတွေအပါအ၀င် ရုရှားတပ်တွေထိန်းချုပ်မှုအောက်ရှိ ယူကရိန်းမြို့တွေမှာ ရက်စက်ကြမ်းကြုတ်တဲ့ လုပ်ရပ်တွေနဲ့ပတ်သက်ပြီး စွပ်စွဲချက်တွေ ထွက်ပေါ်လာချိန်မှာ အခုလို သတိပေးချက် ထွက်ပေါ်လာတာဖြစ်ပါတယ်။ ခါခိဗ်အပါအ၀င် ဒွန်နက်၊ လူဟန့်ဒေသရှိ ခေါင်းဆောင်တွေဟာ ရုရှားရဲ့ တိုက်ခိုက်မှုတစုံတရာ မလုပ်ဆောင်မီ ဒေသခံတွေကို ဘေးလွတ်ရာရွှေ့ပြောင်းပေးဖို့ ကြိုးစားနေကြကြောင်း ယူကရိန်း ဒုတိယ၀န်ကြီးချုပ်က ပြောပါတယ်။ ရုရှားတပ်တွေဟာ ကိယက်ဗ်နှင့် ချာနီဟဗ်ဒေသတွေကနေ အပြည့်အ၀ရုပ်သိမ်းသွားပြီဖြစ်ပြီး ယူကရိန်းအရှေ့အပိုင်းကို ထိုးစစ်ဆင်ဖို့ အာရုံစိုက်နေကြောင်း အမေရိကန် ပင်တဂွန် စစ်ဌာနချုပ်က ထုတ်ဖော်ပြောဆိုထားပါတယ်။ Ref:BBC Photo:AFP #voiceofmyanmar #VOM…