Day: June 17, 2022

ဒေလီ၊ ဇွန်-၁၇-၂၀၂၂ မျိုးဆက်(VOM) အိန္ဒိယနိုင်ငံမှာ စစ်သားစုဆောင်းရေးနဲ့ပတ်သက်တဲ့ လုပ်ငန်းစဉ်ပြင်ဆင်မှုတွေကို မကျေနပ်တာကြောင့် ဆန္ဒပြမှု ဒုတိယနေ့အဖြစ် ဇွန် ၁၇ ရက်မှာ ဖြစ်ပွားနေပြီး ဆန္ဒပြသူတွေဟာ ရဲတပ်ဖွဲ့ကို ကျောက်ခဲတွေနဲ့ ပစ်ပေါက်ပြီး ရထားတွဲတွေကိုပါ မီးရှို့မှုတွေ လုပ်ဆောင်ခဲ့ပါတယ်။ မြောက်ပိုင်း ဟာရာနာပြည်နယ်မှာ ကျောက်ခဲတွေနဲ့ ပစ်ပေါက်နေတဲ့ ဆန္ဒပြသူတွေကို လူစုခွဲဖို့ ရဲတပ်ဖွဲ့က သေနတ်ပစ်ဖောက်ခဲ့ရပြီး ဘီဟာပြည်ယန်မှာလည်း ဆန္ဒပြသူတွေက ရထားတွဲတွေကို မီးရှို့မှုကြောင့် ရထားပြေးဆွဲမှုတွေ ပြတ်တောက်ခဲ့ပါတယ်။ ၀န်ကြီးချုပ်မိုဒီရဲ့ အိန္ဒိယအစိုးရဟာ အင်အား ၁ ဒသမ ၃၈ သန်းရှိတဲ့ အိန္ဒိယစစ်တပ်အတွက် စစ်သားသစ်စုဆောင်းရေးလုပ်ငန်းစဉ်ကို ပြန်လည်ပြင်ဆင်ဖို့ကြေညာခဲ့ပြီး လူသစ်တွေအတွက် ပျှမ်းမျှအသက်ကိုလျှော့ချဖို့အတွက် လေးနှစ်စာချုပ်နဲ့သာ စစ်သားသစ်တွေ စုဆောင်းဖို့ ရည်ရွယ်ထားပါတယ်။ ဒါပေမယ့်လည်း ၀င်ရောက်ဖို့ အလားအလာရှိတဲ့ စစ်သားသစ်တွေက သူတို့ကို လေးနှစ်ထက်ပိုပြီး တာ၀န်ထမ်းဆောင်ခွင့်ပေးသင့်တယ်ဆိုပြီး ကန့်ကွက်နေကြပါတယ်။ အတိုက်အခံပါတီတွေနဲ့ ၀န်ကြီးချုပ်မိုဒီရဲ့…

ဘန်ကောက်၊ ဇွန်-၁၇-၂၀၂၂ မျိုးဆက်(VOM) ထိုင်းအတိုက်အခံပါတီတွေဟာ ၀န်ကြီးချုပ်ပရာယွတ်ချန်အိုချာနဲ့ အခြား၀န်ကြီး ၁၀ ဦးကို အယုံအကြည်မရှိအဆို တင်သွင်းလိုက်ပါတယ်။ စစ်အာဏာသိမ်းခေါင်းဆောင် ၀န်ကြီးချုပ်ပရာယွတ်ဟာ နိုင်ငံကိုအုပ်ချုပ်ရာမှာ အရည်အချင်းမပြည့်မီကြောင်း ပြသခဲ့ပြီးအာဏာကိုစွဲလမ်းနေသူဖြစ်ကြောင်း အောက်လွှတ်တော်ဥက္ကဌထံတင်သွင်းတဲ့ အယုံအကြည်မရှိအဆိုမှာ ဖော်ပြထားပါတယ်။ အဲဒီအယုံအကြည်မရှိအဆိုကို လာမယ့်ငါးရက်အကြာမှာ ဆွေးနွေးသွားဖွယ်ရှိနေပါတယ်။ ဒီဆွေးနွေးမှုဟာ လာမယ့်နှစ်မှာကျင်းပမယ့် ရွေးကောက်ပွဲအပေါ် သက်ရောက်မှုရှိလာနိုင်တယ်လို့ အတိုက်အခံတွေက ဆိုပါတယ်။ ဒါပေမယ့်လည်း အာဏာရညွှန့်ပေါင်းအဖွဲ့က လွှတ်တော်မှာ နေရာအများစုရှိနေတာကြောင့် အဆိုကို အတည်ပြုကတော့ ခက်ခဲမှာဖြစ်ပါတယ်။ လွှတ်တော်နေရာ ၄၇၇ နေရာမှာ အတိုက်အခံတွေက ၂၀၈ နေရာသာရှိပါတယ်။ စစ်ဗိုလ်ချုပ်ဟောင်း ပရာယွတ်ရဲ့ ထိုင်းအစိုးရဟာ ရွေးကောက်ပွဲမတိုင်မီ အတိုက်အခံတွေနဲ့ ပွတ်တိုက်မှုတွေအပြင် အကျပ်အတည်းတွေနဲ့ ရင်ဆိုင်နေရပါတယ်။ ပြီးခဲ့တဲ့လက ဘန်ကောက်မြို့တော်၀န်ရွေးကောက်ပွဲကို နိုင်ငံလုံးဆိုင်ရာ မဲပေးမှုရဲ့ ပြယုဒ်အဖြစ် ရှုမြင်ခဲ့ကြပြီး ရွေးကောက်ပွဲမှာတော့ ၂၀၁၄ ခုနှစ်အာဏာသိမ်းမှုမှာ ဖြုတ်ချခံခဲ့ရတဲ့ ၀န်ကြီးဟောင်တဦးက အပြတ်အသတ်အနိုင်ရရှိခဲ့ပြီး…

ပြုံးယမ်း၊ ဇွန်-၁၇-၂၀၂၂ မျိုးဆက်(VOM) မြောက်ကိုရီးယားမှာ အမျိုးအမည်မသိ အူလမ်းကြောင်းရောဂါဖြစ်ပွားမှုကို ကိုင်တွယ်ဖြေရင်းနေရကြောင်း အာဏာပိုင်တွေက ဇွန် ၁၆ ရက်မှာ ထုတ်ဖော်ပြောဆိုလိုက်ပါတယ်။ ရောဂါဖြစ်ပွားသူတွေကို သီခြားခွဲထားမယ့် အစီအမံတွေကို အကောင်အထည်ဖော်ဖို့ မြောက်ကိုရီးယားခေါင်းဆောင် ကင်ဂျုံအန်က အမိန့်ပေးထားကြောင်း နိုင်ငံပိုင် ကေစီအင်န်အေ သတင်းဌာနက ဖော်ပြထားပါတယ်။ ရောဂါခံစားနေရသူတွေကို ကူညီဖို့ ဟေဂျူမြို့သို့ ဇွန် ၁၅ ရက်မှာ ဆေးဝါးတွေပေးပို့ခဲ့ပြီး အဲဒီရောဂါဟာ တိုက်ဖွိုက် သို့မဟုတ် ကာလ၀မ်းရောဂါဖြစ်နိုင်ကြောင်း ကျွမ်းကျင်သူတွေက သံသယရှိနေပါတယ်။ နိုင်ငံတွင်းရှိ လူသန်းပေါင်းများစွာ ဖျားနာနေကြာင်း ထုတ်ပြန်ပြီးနောက် နိုင်ငံအရေးပေါ်အခြေအနေကို မြောက်ကိုရီးယားက မေလမှာ ကြေညာခဲ့ပြီး ဖျားနာသူတွေဟာ ကိုဗစ်-၁၉ ရောဂါ ကူးစက်နေတယ်လို့ ယူဆရပါတယ်။ လက်ရိဖြစ်ပွားနေတဲ့ ရောဂါဖြစ်ပွားမှုအရေအတွက် သို့မဟုတ် ရောဂါဘယလိုဖြစ်ပွားတယ်ဆိုတာကို အသေးစိတ်ဖော်ပြခြင်းမရှိပေမယ့်လည်း အစာအိမ်နဲ့ အူလမ်းကြောင်းဆိုင်ရာ ရောဂါဖြစ်ကြောင်း တာ၀န်ရှိသူတွေက ထုတ်ဖော်ပြောဆိုထားပါတယ်။ Ref:…