June 30, 2022 – Voice of Myanmar

မြန်မာအိမ်အကူကို နှိပ်စက်သတ်ဖြတ်ခဲ့တဲ့ စင်ကာပူအမျိုးသမီးရဲ့အယူခံ တရားရုံးပယ်ချ

စင်ကာပူ၊ ဇွန်-၃၀-၂၀၂၂ မျိုးဆက်(VOM) မြန်မာအိမ်အကူမိန်းကလေးငယ်ကို ညှဉ်းပန်းနှိပ်စက်သတ်ဖြတ်ခဲ့တာကြောင့် ထောင်နှစ် ၃၀ ချမှတ်ခံထားရတဲ့ စင်ကာပူအမျိုးသမီးရဲ့ အယူခံကို တရားရုံးက ဇွန် ၂၉ ရက်မှာ ပယ်ချလိုက်ပါတယ်။ Gaiyathiri Murugayan ဆိုသူစင်ကာပူအမျိုးသမီးဟာ ပြစ်ဒဏ်ကို နှစ် ၃၀ ကနေ ၁၂ နှစ်ကနေ ၁၅ နှစ်ကြားထိ လျှော့ပေးဖို့ အယူခံ၀င်ခဲ့ပေမယ့် တရားရုံးက ပယ်ချခဲ့တာဖြစ်ပြီး မြန်မာအိမ်အကူမိန်းကလေး Piang Ngaih Don ကိုသတ်ဖြတ်မှုဟာ အဆိုးရွားဆုံး လူသတ်မှုတွေထဲက တခုဖြစ်ကြောင်း တရားရုံးကပြောပါတယ်။ အသက် ၄၂ နှစ်အရွယ် တရားခံဖြစ်သူဟာ သူ့ရဲ့စိတ်ပိုင်းဆိုင်ရာ ဝေဒနာကြောင့် ပြစ်ဒဏ်လျှော့ပေါ့ပေးဖို့ တောင်းဆိုခဲ့ပေမယ့် တရားသူကြီးသုံးဦးက ပယ်ချခဲ့ပြီး တရားရုံးချုပ်တရားသူကြီး See Kee Oon ကပြစ်ဒဏ်ကို အတည်ပြုခဲ့ပါတယ်။ တရားခံကတော့ ဒီဆုံးဖြတ်ချက်နဲ့ပတ်သက်ပြီး ၀န်ကြီးချုပ် လီရှန်းလွန်းထံ ဆက်လက်အယူခံ၀င်မယ်လို့…

ဂျပန် Kirin ဘီယာကုမ္ပဏီက ရှယ်ယာတွေအားလုံး ရောင်းချပြီး ဦးပိုင်ကုမ္ပဏီနဲ့ လက်တွဲဖြုတ်

2 years ago Editor

တိုကျို၊ ဇွန်-၃၀-၂၀၂၂ မျိုးဆက်(VOM) ဂျပန် အဖျော်ယမကာကုမ္ပဏီ Kirin Holdings ဟာ မြန်မာနိုင်ငံမှာရှိတဲ့ သူ့ရဲ့လုပ်ငန်းရှယ်ယားတွေကို စစ်တပ်ပိုင် မြန်မာ့စီးပွားရေးဦးပိုင်လိမိတက်နဲ့ အကျိုးတူလုပ်ကိုင်နေတဲ့ မြန်မာဘရူဝါရီကိုရောင်းချတော့မှာဖြစ်ပါတယ်။ ဒီကိစ္စနဲ့ပတ်သက်ပြီး Nikkei ရဲ့အစောပိုင်းသတင်းဖော်ပြချက်ကို ဇွန် ၃၀ ရက်မှာပြုလုပ်တဲ့ သတင်းစာရှင်းလင်းပွဲမှာ Kirin တာ၀န်ရှိသူတွေက အတည်ပြုခဲ့ပြီး ရှယ်ယာတွေကို ဒေါ်လာ ၁၆၃ သန်းရောင်းချသွားမှာဖြစ်ပါတယ်။ မြန်မာနိုင်ငံမှာ နိုင်ငံရေးအပြောင်းအလဲဖြစ်ပွားပြီးနောက် မြန်မာနိုင်ငံနေ လုပ်ငန်းတွေ ရုပ်သိမ်းတော့မယ့်အကြောင်းနဲ့ ရှယ်ယာတွေကို ဇွန်လကုန်ပိုင်းမှာ ရောင်းချဖို့ရည်ရွယ်ထားကြောင်း Kirin ကုမ္ပဏီက ဖေဖော်ဝါရီလမှာ ကြေညာခဲ့ပါတယ်။ အဲဒီနောက်မှာတော့ သူ့ရဲ့အစုရှယ်ယာတွေကို အမေရိကန်နဲ့ ဥရောပကုမ္ပဏီတွေအပါအ၀င် ပြည်ပ၀ယ်လက်တွေကို ရောင်းချဖို့ကြိုးစားခဲ့ပေမယ့် ရှာမတွေ့ခဲ့ပါဘူး။ ဘီယာဖက်စပ်လုပ်ငန်းမှာ Kirin က အစုရှယ်ယာ ၅၁ ရာခိုင်နှုန်းနဲ့ မြန်မာစီးပွားရေးဦးပိုင်ကုမ္ပဏီကတော့ ၄၉ ရာခိုင်နှုန်းပိုင်ဆိုင်ထားပါတယ်။ Kirin ကုမ္ပဏီအနေနဲ့ ရှယ်ယာတွေကို ဦးပိုင်ကုမ္ပဏီကိုရောင်းချမယ်ဆိုရင်…

ဖျာပုံမှာ လူသတ်၊ဓါးပြတိုက်၊သက်ငယ်မုဒိန်းမှုကျူးလွန်ခဲ့တဲ့ အမျိုးသား ၃ ယောက်ကို သေဒဏ်အမိန့်ချ

2 years ago Editor

ဇွန် ၃၀-၂၀၂၂ မင်းမြတ် ဧရာဝတီတိုင်း၊ဖျာပုံမြို့နယ်ထဲမှာ လူသတ်၊ဓါးပြတိုက်၊ သက်ငယ်မုဒိမ်းမှုကျူးလွန်ခဲ့တဲ့အမျိုးသား ၃ ယောက် ကို မနေ့ ဇွန် ၂၉ ရက်မနက်က ဖျာပုံခရိုင်တရားရုံးကနေသေဒဏ်အမိန့်ချမှတ်ခဲ့တယ်လို့ တရားရုံးအသိုင်းအဝိုင်းကနေ သိရပါတယ်။ အဲ့ဒီသေဒဏ်ချမှတ်ခံရတဲ့ အမျိုးသား ၃ ယောက်ဟာ ပြီးခဲ့တဲ့ ၂၀၂၁ ခုနှစ်၊ ဇန်နဝါရီလက ကမကလူ ကျေးရွာအုပ်စု၊ မင်းလှစုရွာကလယ်ကွင်းထဲမှာနေတဲ့ အိမ်ပိုင်ရှင်ဖြစ်သူကို ရိုက်သတ်ပြီး ရွှေ ၁ ပိဿာ ၃၀ကျပ်သား ယူဆောင်ကာ မြေးဖြစ်သူ အသက် ၁၂ နှစ်အရွယ်ကလေးငယ်ကို အဓမ္မပြုကျင့်ခဲ့တဲ့သူတွေ ဖြစ်ပါတယ်။ ”ပြီးခဲ့နှစ်က လူသတ် ဓါးပြတိုက်ပြီး အသက်မပြည့်သေးတဲ့ ကလေးတယောက်ကို မုဒိန်းမှုကျူးလွန်ခဲ့တဲ့ ကျော်ကျော်ပါ အမျိုးသား ၃ ယောက်ကို တနှစ်ခွွကျော်ကြာစစ်ဆေးပြီး မနေ့က သေဒဏ်အမိန့်ချမှတ်ခဲ့တာပါ။”လို့ တရားရုံးဝန်ထမ်းတယောက်ကပြောပါတယ်။ သူတို့တွေကို ဖျာပုံခရိုင်တရားရုံးက ၁ နှစ်ခွဲအကြာစစ်ဆေးခဲ့ပြီးတော့ မနေ့က သေဒဏ်…

အာဏာရှင်မားကို့စ်ရဲ့သားဖြစ်သူ မားကို့စ်ဂျူနီယာ ဖိလစ်ပိုင်သမ္မတအဖြစ် ကျမ်းသစ္စာကျိန်ဆို

2 years ago Editor

မနီလာ၊ ဇွန်-၃၀-၂၀၂၂ မျိူးဆက်(VOM) ဖိလစ်ပိုင်သမ္မတ ဖာဒီနန်မားကို့စ်ဂျူနီယာဟာ မနီလာမြို့မှာ ဇွန် ၃၀ က ကျမ်းသစ္စာကျိန်ဆိုခဲ့ပြီး ဒူတာတေးရဲ့ နေရာကို ဆက်ခံလိုက်ပါတယ်။ သူ့ရဲ့ ကျမ်းသစ္စာကျိန်ဆိုမှုဟာ ၁၉၈၆ ခုနှစ်မှာ လူထုအုံကြွမှုဖြစ်ပွားပြီး ဖြုတ်ချခံခဲ့ရတဲ့ မားကို့စ်မိသားစုရဲ့ နိုင်ငံရေးမျိုးဆက်အဖြစ် နိုင်ငံရေးလောကသို့ တကျော့ပြန်ခြေချနိုင်ခဲ့တာလည်းဖြစ်ပါတယ်။ မစ္စတာမားကို့စ်ဂျူနီယာဟာ လွန်ခဲ့တဲ့လမှာ ကျင်းပခဲ့တဲ့ ရွေးကောက်ပွဲမှာ အပြတ်အသတ်အနိုင်ရရှိခဲ့တာဖြစ်ပါတယ်။ ရာထူးကနေ နှုတ်ထွက်သွားတဲ့ သမ္မတဒူတာတေးရဲ့သမီးဖြစ်သူ ဆာရာဒူတာတေးဟာလည်း ဒုတိယသမ္မတဖြစ်လာပါတယ်။ သမ္မတသစ်အနေနဲ့ နှစ်ရှည်လများ ကပ်ရောဂါဘေးကနေ ပြန်လည်နာလန်ထူဖို့နဲ့ ငွေကြေးဖောင်းပွမှု၊ ကြွေးမြီတွေမြင့်တက်လာမှုတို့ကြောင့် စီးပွားရေးကျဆင်းနေတဲ့ ဖိလစ်ပိုင်နိုင်ငံကို ဦးဆောင်ရမှာဖြစ်ပါတယ်။ ဒါပေမယ့် အလုပ်အကိုင်တွေတိုးမြှင့်ဖန်တီးဖို့နဲ့ ကုန်စျေးနှုန်းကြီးမြင့်မှုကို ကိုင်တွယ်ဖြေရှင်းရေးအတွက် သူ့ရဲ့ကတိက၀တ်တွေနဲ့ပတ်သက်ပြီး မူဝါဒပိုင်းဆိုင်ရာပြုပြင်ပြောင်းလဲဖို့ ဆွေးနွေးမှု အနည်းငယ်သာရှိကြောင်း လေ့လာစောင့်ကြည့်သူတွေက ဝေဖန်ပြောဆိုပါတယ်။ Ref: BBC Photo:Getty Images #voiceofmyanmar #VOM #မနီလာ

မဏိပူရ်မှာ အထောက်အထားမဲ့ နေထိုင်တဲ့ မြန်မာ ၈၀ ဦး ဖမ်းဆီးခံရ

2 years ago Editor

ဇွန် ၊ ၃၀ ၊ ၂၀၂၂ SP (VOM) အိန္ဒိယနိုင်ငံ ၊ မဏိပူရ်ပြည်နယ် ၊ ချာချန်ပူရ်ခရိုင် ၊ ချာချန်ပူရ်မြို့ ၊ ဗာလ်ရပ်ကွက်ကို မဏိပူရ်အာဏာပိုင်းတွေက တအိမ်တက် တအိမ်ဆင်း လိုက်လံစစ်ဆေးတဲ့အခါ အထောက်အထားမဲ့ ဝင်ရောက်နေထိုင်နေတဲ့ မြန်မာ ၈၀ ယောက်ကို ဖမ်းဆီးရမိခဲ့တယ်လို့ ဒေသဆိုင်ရာ သတင်းမီယာတွေရဲ့ထုတ်ပြန်ချက်အရ သိရပါတယ်။ ” အဖမ်းခံရတာ မြန်မာယောက် ၈၀ ဖြစ်တယ် ၊ အဲ့ဒီ အထဲမှာ ကလေးငယ် ၂၀ ကျော်ပါဝင်တယ် ၊ သူတို့က အိန္ဒိယဘက်ကို ပြီးခဲ့တဲ့နှစ်ဆန်းပိုင်းက ထွက်ပြေးတိမ်းရှောင်လာပြီး ရရာအလုပ် လုပ်ကိုင်နေတဲ့သူတွေဖြစ်တယ် ၊ ယက္ကန်လုပ်ငန်းကို အဓိက လုပ်ကိုင်နေရင်း အဖမ်းခံရတာပါ “လို့ မိုးရေးမြို့မှာ နေထိုင်ပြီး ရွေ့ပြောင်း မြန်မာလုပ်သားတွေကို ကူညီပေးနေတဲ့ ပါးဂင်ဒိုထန် ဆိုသူက…