Day: July 18, 2022

၀ါရှင်တန်၊ ဇူလိုင်-၁၈-၂၀၂၂ မျိုးဆက်(VOM) အမေရိကန်မှာ လာမယ့် ရက်သတ္တပတ်တွေအတွင်း မျောက်ကျောက်ရေးဂါကူးစက်မှု မြင့်တက်လာဖွယ်ရှိတာကြောင့် ရောဂါထိန်းချုပ်ရေးနဲ့ ကာကွယ်ရေးဌာန(စီဒီစီ)က ကာကွယ်ဆေး ၂ ဒသမ ၅ သန်းထပ်မံမှာယူထားရပါတယ်။ လက်ရှိချိန်ထိ အမေရိကန်မှာ မျောက်ကျောက်ရောဂါကူးစက်ခံရသူ ၁၄၀၀ ကျော်ရှိကြောင်း စီဒီစီ ညွှန်ကြားရေးမှူး ရော့ချယ်၀ယ်လန်စကီးက အတည်ပြုပြောဆိုထားပါတယ်။ အမေရိကန်အစိုးရဟာ မျောက်ကျောက်ရောဂါကာကွယ်ဆေး ခုနှစ်သန်းထိ မှာယူထားပြီး ၂၀၂၃ ခုနှစ်နှစ်လယ်ထိ ကာကွယ်ဆေး ငါးသန်းရရှိနိုင်မယ်လို့ မျှော်မှန်းထားပါတယ်။ ကမ္ဘာ့နိုင်ငံ ၆၂ နိုင်ငံမှာ မျောက်ကျောက်ရောဂါကူးစက်မှု လက်ရှိချိန်ထိ ၁၂၃၃၃ ဦးရှိနေပြီး စပိန်မှာ၂၈၃၅ ဦး၊ ဗြိတိန်မှာ ၁၈၅၆ ဦး၊ ဂျာမနီမှာ ၁၈၅၉ ဦးထိရှိနေပြီး တောင်ကိုရီးယား၊ စင်ကာပူ၊ တိုင်ပေ နဲ့ အိန္ဒိယတို့မှာလည်း ကူးစက်မှုတွေရှိနေပါတယ်။ ကမ္ဘာ့ကျန်းမာရေးအဖွဲ့ဟာ လက်ရှိဖြစ်ပွားနေတဲ့ မျောက်ကျောက်ရောဂါဟာ ပြည်သူ့ကျန်းမာရေးဆိုင်ရာ အရေးပေါ်အခြေအနေဟုတ်မဟုတ် ဆွေးနွေးဖို့…

ကိယက်ဗ်၊ ဇူလိုင်-၁၈-၂၀၂၂ မျိုးဆက်(VOM) နိုင်ငံတော်သစ္စာဖောက်မှုတွေများစွာရှိတယ်ဆိုပြီး ယူကရိန်းလုံခြုံရေးအေဂျင်စီအကြီးအကဲနဲ့ ရှေ့နေချုပ်ဖြစ်သူတို့ကို ယူကရိန်းသမ္မတ ဇီလန်စကီးက ရာထူးကနေ ထုတ်ပယ်လိုက်ပါတယ်။ အဲဒီအဖွဲ့အစည်းနှစ်ခုက ၀န်ထမ်းဟောင်း ၆၀ ကျော်ဟာ လက်ရှိရုရှားသိမ်းပိုက်ထားတဲ့ ဒေသတွေမှာ ယူကရိန်းကို ဆန့်ကျင်တဲ့လုပ်ရပ်တွေ လုပ်ဆောင်ခဲ့တယ်လို့ သမ္မတက ပြောပါတယ်။ ပြည်ပအင်အားစုတွေနဲ့ ပူးပေါင်းမှု၊ နိုင်ငံတော်သစ္စာဖောက်မှုနဲ့ ပတ်သက်ပြီး အမှုပေါင်း ၆၅၁ မှုဖွင့်လှစ်ထားတယ်လို့သိရပါတယ်။ ရာထူးကနေ ထုတ်ပယ်ခံရတဲ့ လုံခြုံရေးအေဂျင်စီအကြီးအကဲ Ivan Bakanov နဲ့ ရှေ့နေချုပ် Iryna Venediktova ကတော့ ဒီကိစ္စနဲ့ပတ်သက်ပြီး မှတ်ချက်ပြုပြောဆိုတာမရှိသေးပါဘူး။ ဒီလိုထုတ်ပယ်မှုဟာ ယူကရိန်းကို ရုရှားက ကျူးကျော်တိုက်ခိုက်ပြီးနောက် အကြီးဆုံးသော နိုင်ငံရေးရာထူး ထုတ်ပယ်မှုလည်းဖြစ်တယ်လို့ ရိုက်တာသတင်းဌာနက ရေးသားဖော်ပြထားပါတယ်။ ယူကရိန်းဟာ သူ့ရဲ့လုံခြုံရေးဆိုင်ရာဌာနတွေကို ရုရှားကနေ၀င်ရောက်စွက်ဖက်မှုရှိနေတယ်လို့ ယူဆထားပြီး ကြိမ်ဖန်များစွာ လုံခြုံရေးကျိုးပေါက်မှုပြသနာတွေရဲ့ အကျိုးသက်ရောက်မှုတွေကို ဖော်ထုတ်ဖို့ ယခင်ကတည်းက ကြိုးပမ်းနေခဲ့တာဖြစ်ပါတယ်။ Ref:…

အက်ခရာ၊ ဇူလိုင်-၁၈-၂၀၂၂ မျိုးဆက်(VOM) ဂါနာနိုင်ငံမှာ အီဘိုလာရောဂါဖြစ်စေတဲ့ ဗိုင်းရပ်စ်အုပ်စု၀င် ကူးစက်မြန် မားဘတ်ဗိုင်းရပ်စ်ကြောင့် လူနှစ်ဦးသေဆုံးသွားသည်။ အဲဒီလူနာနှစ်ဦးဟာ ဂါနာနိုင်ငံတောင်ပိုင်း အက်ရှန်တီဒေသရှိဆေးရုံမှာ မကြာသေးမီက သေဆုံးသွားခြင်းဖြစ်ကြောင်း တာ၀န်ရှိသူတွေက ဇူလိုင် ၁၇ ရက်မှာ အတည်ပြုပြောဆိုပါတယ်။ သေဆုံးသူတွေမှာ မားဘာ့ဗိုင်းရပ်စ်ကူးစက်နေကြောင်း ယခုလအစောပိုင်းမှာ အတည်ပြုခဲ့ပြီး နမူနာတွေကို ဆီနီဂေါရှိ ဓါတ်ခွဲခန်းမှာ စစ်ဆေးလျှက်ရှိကာ လူ ၁၀၀ နီးပါးကို ကွာရန်တင်းထားပြီး စောင့်ကြည့်နေကြောင်း ကျန်းမာရေးတာ၀န်ရှိသူတွေက ပြောပါတယ်။ မားဘတ်ဗိုင်းရပ်စ်အတွက် ကုသဖို့ ဆေးဝါးမရှိသေးပါဘူး။ ဒါပေမယ့် ရေများများသောက်ပြီး ရောဂါလက္ခဏာတွေကို ကုသခြင်းက လူနာရဲ့အသက်ရှင်နိုင်ခြေကို တိုးတက်စေတယ်လို့ ဆရာ၀န်တွေက အကြံပြုထားပါတယ်။ အဲဒီဗိုင်းရပ်စ်ဟာ လင်းနို့တွေကတဆင့် လူတွေကို ကူးစက်ခြင်းဖြစ်ပြီး လူ့ခန္ဓာကိုယ်အရည်တွေမှတဆင့် လူလူချင်း ကူးစက်စေတတ်ပါတယ်။ မားဘတ်ဗိုင်းရပ်စ်ကူးစက်မှုဟာ ဂီနီမှာ ယမန်နှစ်က ကူးစက်မှုဖြစ်ပွားခဲ့ဖူးပြီး ဂါနာဟာ အဲဒီဗိုင်းရပ်စ်ကူးစက်မှုဖြစ်ပွားတဲ့ ဒုတိယမြောက် အနောက်အာဖရိက…