Month: August 2022

ဩဂုတ် ၁၅-၂၀၂၂ VOM (GG) ပြည်တွင်းရွှေစျေး ဒီနေ့ဩဂုတ် ၁၅ ရက်နေ့မှာ အခေါက်ရွှေ တကျပ်သားကို ၂၇ သိန်း စျေး ​​​ရှိနေပြီး အမေရိကန်ဒေါ်လာက အမြင့်ဆုံး တဒေါ်လာကို ၃၀၀၀ ကျော်အထိ စျေးကွက်ရှိနေတယ်လို့သိရပါတယ်။ ဒီနေ့ရဲ့ ၁၆ ပဲရည် အခေါက်ရွှေစျေးက ပြင်ပစျေးကွက်မှာ ၂၇၀၀၀၀၀ ဝန်းကျင် ရှိနေပြီး အမေရိကန်ဒေါ်လာက တဒေါ်လာကို ၂၉၅၀ ကနေ ၃၀၅၀ အထိ စျေးရှိနေကာ ကြိုက်ရောင်းကြိုက်ဝယ်စနစ်ဖြစ်ပြီး ဒေါ်လာစျေးကွက်ပျက်နေပြီလို့ ဒေါ်လာဝယ်ရောင်းလုပ်သူတွေကပြောပါတယ်။ ” တနေ့က ၂၈ သိန်း ကျော်ထိတက်သွားတယ်။မနေ့ကတော့ ၂၆ သိန်းကျော်ထိပြန်ကျတယ်။ဒီနေ့ စျေးစဖွင့်တော့ ၂၆ သိန်းကျော်နဲ့စတယ်၊ အခု ၁ နာရီကျော်စျေး ၂၇ ပြန်ဖြစ်လာတယ်။ဒါကြောင့် တချို့ဆိုင်တွေဆို အခေါက်ရွှေ အရောင်းရပ်ထားကြတယ်။ ဆိုင်ကြီးတွေတောင်ပါတယ်၊ ဒေါ်လာကလည်း ၃၀၀၀ ကျော်တာက…

ဩဂုတ် ၁၅-၂၀၂၂ GG(VOM) ကချင်ပြည်နယ်၊ ဟိုပင်မြို့နယ်က ပြည်နယ်လွှတ်တော်ကိုယ်စားလှယ်ဟောင်း ဦးမျိုးကျော်နဲ့ ဖားကန့် သပိတ်ခေါင်းဆောင် ကိုစိုင်းမောင်တို့ ၂ ယောက်ဟာ မနေ့က ဩဂုတ်၁၄ ရက်နေ့က မြစ်ကြီးနားမြို့ ၂၁ မိုင်ဂိတ်မှာ ဖမ်းဆီးခံလိုက်ရတယ်လို့သိရပါတယ်။ ” မနေ့က ၁၀ နာရီလောက်မှာ သူတို့အဖမ်းခံလိုက်ရတယ်။ ဂိတ်မှာစစ်ဆေးချိန် NUG ငွေတိုက်စာချုပ်တွေတွေ့လို့ ဖမ်းခံလိုက်ရတာလို့သိရတယ်။ ဖမ်းခံရတာ ၂၁မိုင်ဂိတ်မှာပေါ့ “လို့ ဒေသခံတဦးကပြောပါတယ်။ လက်ရှိမှာ ကိုမျိုးကျော်နဲ့ ကိုစိုင်းမောင်တို့ကို မြစ်ကြီးနားမြို့က မြောက်ပိုင်းတိုင်းစစ်ဌာနချုပ်မှာ ထိန်းသိမ်းထားတယ်လို့ သိရပါတယ်။ ဦးမျိုးကျော်ဟာ NLDပါတီရဲ့ဟိုပင်မြို့နယ် အမှတ်၂ ပြည်နယ်လွှတ်တော်ကိုယ်စားလှယ်တဦးဖြစ်ပြီး ပရဟိတအလုပ် လုပ်ကိုင်သူတဦးလည်းဖြစ်တယ်လို့သိရပါတယ်။ ဖားကန့်က ကချင်ပြည်နယ် သံယံဇာတဝန်ကြီး ဒါရှိလှဆိုင်းနဲ့ ပြည်နယ်လွှတ်တော်ကိုယ်စားလှယ်ဦးတင်စိုးလည်း ပြီးခဲ့တဲ့ လပိုင်းတွေက ဖမ်းဆီးခံထားရတာဖြစ်ပါတယ်။ ပြီးခဲ့တဲ့ ဇူလိုင်လကလည်း ဖားကန့်၊ဆိပ်မူကျေးရွာမှာ ဆန္ဒပြသူ ၇ ဦး ဖမ်းဆီးခံရမှုလည်း…

သြဂုတ် ၁၅-၂၀၂၂ Voice Of Myanmar(VOM) ပြီးခဲ့တဲ့ ဇူလိုင်လ (၂၈) ရက်နေ့က စစ်ကိုင်းတိုင်းဒေသကြီး၊ ဆားလင်းကြီးမြို့နယ် ကျောက်မော်ကျေးရွာမီးရှို့ခံခဲ့ရမှုကြောင့် နေအိမ် (၈၃) လုံးသာရှိတဲ့အထဲက နေအိမ် (၅၅) လုံးမီးလောင်ဆုံးရှုံးခဲ့တယ်လို့ ဒေသခံတွေကပြောပါတယ်။ ကျောက်မော်ကျေးရွာဟာ လယ်ပိုင်ယာပိုင်သူဌေးသူကြွယ် မရှိသလောက်ရှားပါးပြီး တနေ့လုပ်တနေ့စား ဆင်းရဲသားအများစုသာရှိတဲ့ရွာငယ်လေးတရွာဖြစ်သလို ရွာမှာစာသင်ကျောင်းနဲ့ဘုန်းကြီးကျောင်းတောင်မရှိတဲ့ရွာလေးတရွာလည်းဖြစ်ပါတယ်။ လက်ရှိမှာတော့ မီးဘေးသင့်ပြည်သူတွေဟာ အိုးမဲ့အိမ်မဲ့ အလုပ်လက်မဲ့အခြေအနေတွေနဲ့ စားဝတ်နေရေးခက်ခဲကာ အနီးအနားကျေးရွာတွေနဲ့ မုံရွာမြို့ပေါ်ရပ်ကွက်တွေအထိလိုက်လံတောင်ရမ်းစားသောက်နေရတယ်လို့ သိကြပါတယ်၊ #voiceofmyanmar #VOM #ဆားလင်းကြီး Web Link – https://youtu.be/3lCutcVKQKg

သြဂုတ် ၊ ၁၄ ၊ ၂၀၂၂ SP (VOM) ကရင်ပြည်နယ် ၊ မြဝတီမြို့ ၊ မြန်မာ ထိုင်းနယ်စပ်မှာရှိတဲ့ ငွေလဲဆိုင်တွေဟာ ဒီကနေ့ ၊ နေ့လယ်ပိုင်းကစလို့ ငွေစျေးနူန်း မတည်ငြိမ်တာတွေကြောင့် ဆိုင်အများစု ယာယီပိတ်ထားကြတယ်လို့ နယ်စပ်ကုန်သွယ်ရေး လုပ်ငန်းရှင်တွေဆီက သိရပါတယ်။ ” မနက် ၁၁ နာရီလောက်ထိ ဖွင့်ကြတယ် ၊ ၁၂ နာရီ ငွေလဲစျေးပြောင်းသွားတော့ ဆိုင်အများစုက ပိတ်ထားကြတာ ” လို့ နယ်စပ်ကုန်သည် တယောက်က ပြောပါတယ်။ ဒီကနေ့ နေ့လယ်ပိုင်း မြဝတီ ငွေလဲစျေးကွက်မှာ ထိုင်းငွေ ၁ ဘတ်ကို မြန်မာကျပ်ငွေ ၈၀ ကျပ် စျေးနူန်းပေါက်နေပြီး မြန်မာငွေ ကျပ် ၁ သိန်းကို ထိုင်းဘတ်ငွေ ၁၂၄၀ ဘတ်ဖြစ်လာတဲ့အတွက် ငွေလဲဆိုင် အများစုက…

သြဂုတ် ၁၄-၂၀၂၂ မင်းမြတ် ဧရာဝတီတိုင်းမှာ စက်သုံးဆီ ဒီဇယ်နဲ့ဓာတ်ဆီတွေ ပြတ်လပ်မှုကြောင့် ဆီဆိုင် ၄၇ ဆိုင် အရောင်းရပ်ဆိုင်းထားလိုက်ရပြီဖြစ်တယ်လို့ စက်သုံးဆီရောင်းဝယ်ရေးလုပ်ငန်းရှင်တွေဆီကနေ သိရပါတယ်။ “ဝယ်လိုအားက အရမ်းများတယ် စက်သုံးဆီက လိုသလိုမရတဲ့အတွက် ရောင်းရတာ အဆင်မပြေတော့လို့ ပိတ်ထားတာပါ၊ပုသိမ်မှာ စက်သုံးဆီအရောင်းဆိုင် တော်တော်များများပိတ်ထားတာတွေ့ရပါတယ်၊လက်ရှိစက်သုံးဆီရောင်းရတဲ့အခြေအနေက အတော်ကိုအကျပ်ဆိုက်ပြီး ရောင်းတဲ့ဘက်ရော ဝယ်တဲ့ဘက်ရောဘယ်လိုမှ အဆင်မပြေတဲ့အခြေအနေရောက်နေလို့ ပိတ်လိုက်ရတာပါ၊ ကျွန်တော်တို့ဆိုင်နဲ့နည်းတူ မအူပင်ဘက်မှာ စက်သုံးဆီအရောင်းဆိုင် ၆ ဆိုင်လောက်ပိတ်လိုက်ရတယ်လို့ လုပ်ဖော်ကိုင်ဖက်တယောက်ကလှမ်းပြောလို့သိရတယ်”လို့ပုသိမ်မြို့ရှိ ဆီရောင်းဝယ်ရေးလုပ်ငန်းရှင်တဦးက ပြောပါတယ်။ ဧရာဝတီတိုင်းထဲမှာ စက်သုံးဆီပြတ်လပ်လာလို့ လက်ရှိ ပိတ်လိုက်ရတဲ့ စက်သုံးဆီဆိုင်တွေဟာနာမည်ကြီး ဆီပန့်ဆိုင်အကြီးတွေဖြစ်တယ်လို့သိရပြီး မအူပင်မြို့က ၆ ဆိုင် ၊ ကျိုက်လတ်မြို့က ၅ ဆိုင်၊ ပုသိမ်မြို့က ၁၂ ဆိုင်၊ မော်လမြိုင်ကျွန်းမြို့က ၄ ဆိုင်၊မြောင်းမြမြို့က ၆ ဆိုင်၊ ဖျာပုံမြို့က ၆ ဆိုက်၊ ဟင်္သာတမြို့က…

သြဂုတ် ၊ ၁၄ ၊ ၂၀၂၂ SP( VOM) ကချင်းပြည်နယ် ၊ မိုးညှင်းခရိုင် ၊ ဖားကန့်မြို့နယ် ၊ ဆယ်ဇင်းကျေးရွာမှာ ထိတွေ့တိုက်ပွဲဖြစ်ပြီး ဘေးလွတ်ရာကို ထွက်ပြေးလာရတဲ့ တိုက်ပွဲရှောင် ၂ ထောင်နီးပါးဟာ လက်တလော အခြေခံစားသောက်ကုန်တွေနဲ့ အဝတ်အထည်တွေ လိုအပ်နေတယ်လို့ ဆယ်ဇင်းဒေသခံ လူမှုကူညီရေးအသင်းတွေဆီက သိရပါတယ်။ ” ဆယ်ဇင်းတိုက်ပွဲကြောင့် နေရပ်စွန့်ခွာ ပြေးလာရတဲ့သူ လူဦးရေ ၂ ထောင်နီးပါးရှိတယ် ၊ နေရေးအဆင်ပြေမယ့် နေရာတွေမှာ ခိုလှုံနေကြတယ် ၊ စားရေးနဲ့ ဝတ်ရေး အဆင်မပြေတာကြောင့် အခက်တွေ့နေရတာပါ”လို့ ဒေသခံ ပရဟိတသမားတယောက်က ပြောပါတယ်။ အခုလ ၅ ရက်နောက်ပိုင်းကစလို့ ဆယ်ဇင်းရွာဘက်မှာ တိုက်ပွဲတွေ ပြင်းထန်လာတဲ့အတွက် ဒေသခံတွေဟာ ဘေးလွတ်ရာကို ထွက်းပြေးတိမ်းရှောင်လာရတာ ဖြစ်တယ် ။ အဲ့ဒီလို ထွက်ပြေးလာသူတွေဟာ နီးစပ်ရာ…