စက်တင်ဘာ ၊ ၁၁ ၊ ၂၀၂၂
SP( VOM)
စစ်ကိုင်းတိုင်း ၊ မုံရွာမြို့ ၊ ဘုရားကြီးရပ်ကွက် ၊ တရုတ်တန်းလမ်းနဲ့ ဗိုလ်ချုပ်လမ်းဆုံ ၊ မြို့လယ်မီးပွိုင့်နားက သိန်းတရာရွှေဆိုင်ဟာ ဒီကနေ့ မနက် ၁၁ နာရီခွဲဝန်းကျင်က ဓားပြတိုက်ခံရတယ်လို့ မုံရွာမြို့ခံတွေဆီက သိရပါတယ်။
” သေနတ်တွေကိုင်ထားတဲ့ လူ ၅ ယောက်ဟာ KLUGER အနက်ရောင်နဲ့ ရောက်လာပြီး တိုက်သွားတာ ” လို့ ဘုရားကြီးရပ်ကွက်နေ ဒေသခံတယောက်က ပြောပါတယ်။
အဲ့ဒီ ရွှေဆိုင်နဲ့ နီးစပ်သူ ရွှေလုပ်ငန်းရှင်တယောက်က ” ဆိုင်က မဖွင့်ဘူး ၊ ပိတ်ထားတာပါ ၊ ရွှေဝယ်ချင်တယ်လို့ပြောပြီး ဆိုင်ထဲကို ဝင်လာတယ် ၊ ဆိုင်ထဲရောက်တော့ သေနတ်ပြပြီး ဆိုင်လုပ်သားတွေကို မှောက်ခိုင်းထားတယ် ၊ အဲ့ဒီနောက်ပိုင်း အရောင်းကောင်တာထဲက ရွှေထည်ပစ္စည်းတွေ ယူသွားတာပါ ” လို့ ပြောပါတယ်။
အဲ့ဒီ သိန်းတရာရွှေဆိုင် ဓားပြတိုက်ခံရပြီးနောက် မုံရွာမြို့နယ် လုံခြုံရေးအဖွဲ့က သွားရောက်စစ်ဆေးတဲ့အခါ ရွှေထည်ပစ္စည်းမျိုးစုံ ရွှေအလေးချိန် ၁၀ ပိသာကျော် ပါသွားကြောင်း ကနဦးသိထားရတယ်လို့ လုံခြုံရေးအသိုင်းအဝိုင်းဆီက သိရပါတယ်။
ပြီးခဲ့တဲ့ရက်ပိုင်းကလည်း မုံရွာမြို့ ၊ ဘုရားကြီးရပ်ကွက် ၊ ဇရပ်ဝိုင်းဘုရားလမ်း ၊ ဇရပ်ဝိုင်းဘုရားအနီးက လပ်ကီးဆင်နှစ်ကောင်ကုန်စုံဆိုင ဓားပြတိုက်ခံရတာဖြစ်ပွားခဲ့ပါတယ်။
ဒါ့အပြင် ပြီးခဲ့တဲ့ ဇွန်လကလည်း မုံရွာမြို့၊ မြို့လယ်နေရာလို့ ပြောလို့ရတဲ့ ရုံးကြီးရပ်ကွက် ၊ ရွှေစည်းခုံဘုရားနားက ရွှေညောင်ပင် လက်ဘက်ရည်ဆိုင်ပိုင်ရှင်ရဲ့နေအိမ် ဓားပြအတိုက်ခံရပြီး ပိုက်ဆံ သိန်း ၄ ရာကျော်နဲ့ ဖုန်းအလုံး ၂၀ ကျော် ပါသွားခဲ့ပါတယ်။
#voiceofmyanmar #VOM #မုံရွာ #သိန်း၂ရာရွှေဆိုင် #ဓားပြတိုက်ခံရ
