Day: September 11, 2022

စက်တင်ဘာ ၁၁-၂၀၂၂ Voice Of Myanmar မန္တလေးမြို့မှာ ဒီကနေ့ မနက်ပိုင်းက သတ်ဖြတ်ခံထားရတဲ့ အမျိုးသား ရုပ်အလောင်း ၄လောင်းကို နေရာ ၂ခုမှာ တွေ့ရှိရတယ်လို့ မန္တလေးမြို့ခံတွေဆီက သိရပါတယ်။ မန္တလေးမြို့၊ ချမ်းမြသာစည်မြို့နယ်၊ တမ္ပဝတီရပ်ကွက်က ချိတ်ပိတ်သိမ်းဆည်းခံထားရတဲ့ ပန်တော်ဦး ဟိုတယ်ရှေ့မှာ ဓားထိုးခံရပြီးသေဆုံးနေတဲ့ အမျိုးသား အလောင်း၁လောင်းကို တွေ့ခဲ့ရတယ်လို့ သိရပါတယ်။ နောက်ပြီး စစ်ကိုင်း – မန္တလေး ကားလမ်း၊ တံတားဖြူ ရေထိန်းတံခါးအနီးမှာ လည်ပင်း လှီးဖြတ်ခံထားရတဲ့ ဒဏ်ရာတွေနဲ့ အမျိုးသား ၃ဦးရဲ့အလောင်းတွေကို တွေ့ရှိခဲ့ရပြီး အလောင်းတွေပေါ်မှာ သွေးသောက်အဖွဲ့ ဆိုတဲ့ စာတန်းတွေ ချိတ်ဆွဲထားတယ်လို့လည်း သိရပါတယ်။ “ဖြစ်စဥ်တွေကတော့ ဟုတ်တယ်၊ အသေးစိတ် ဘာမှပြောမရလို့ပါ၊ အလောင်းက ၄လောင်း ၊ ၃လောင်းမှာက သွေးသောက်စာတန်းချိတ်ထားတယ်”လို့ ရဲတပ်ဖွဲ့နဲ့နီးစပ်တဲ့အသိုင်းအ၀ိုင်းကနေ ပြောပါတယ်။ အဲ့ဒီ့ဖြစ်စဥ်တွေနဲ့ ပတ်သက်ပြီး…

စက်တင်ဘာ ၊ ၁၁ ၊ ၂၀၂၂ SP( VOM) စစ်ကိုင်းတိုင်း ၊ မုံရွာမြို့ ၊ ဘုရားကြီးရပ်ကွက် ၊ တရုတ်တန်းလမ်းနဲ့ ဗိုလ်ချုပ်လမ်းဆုံ ၊ မြို့လယ်မီးပွိုင့်နားက သိန်းတရာရွှေဆိုင်ဟာ ဒီကနေ့ မနက် ၁၁ နာရီခွဲဝန်းကျင်က ဓားပြတိုက်ခံရတယ်လို့ မုံရွာမြို့ခံတွေဆီက သိရပါတယ်။ ” သေနတ်တွေကိုင်ထားတဲ့ လူ ၅ ယောက်ဟာ KLUGER အနက်ရောင်နဲ့ ရောက်လာပြီး တိုက်သွားတာ ” လို့ ဘုရားကြီးရပ်ကွက်နေ ဒေသခံတယောက်က ပြောပါတယ်။ အဲ့ဒီ ရွှေဆိုင်နဲ့ နီးစပ်သူ ရွှေလုပ်ငန်းရှင်တယောက်က ” ဆိုင်က မဖွင့်ဘူး ၊ ပိတ်ထားတာပါ ၊ ရွှေဝယ်ချင်တယ်လို့ပြောပြီး ဆိုင်ထဲကို ဝင်လာတယ် ၊ ဆိုင်ထဲရောက်တော့ သေနတ်ပြပြီး ဆိုင်လုပ်သားတွေကို မှောက်ခိုင်းထားတယ် ၊ အဲ့ဒီနောက်ပိုင်း အရောင်းကောင်တာထဲက…

စက်တင်ဘာ ၊ ၁၁ ၊ ၂၀၂၂ SP (VOM) မကွေးတိုင်း ၊ ပခုက္ကူခရိုင် ၊ ပေါက်မြို့နယ် ၊ ပေခုနှစ်ပင်ကျေးရွာအနီး ၊ မုံရွာ ပုသိမ်ကားလမ်းပေါ်မှာ မနေ့ စက်တင်ဘာ ၁၀ ရက် ညနေပိုင်းက စျေးဝယ်လာသူ ၃ ဦး ပစ်သတ်ခံရပြီး ဆိုင်ကယ်တွေ လုယူခံရတယ်လို့ ဒေသခံ လူမှုကူညီရေးအဖွဲ့တွေဆီက သိရပါတယ်။ ” မနေ့က ညနေပိုင်း ၄ နာရီဝန်းကျင်မှာ ဖြစ်တာပါ ၊ ဒီးဒုတ်ကွင်းရွာကနေ ပေါက်မြို့ကို စျေးဝယ်သွားတဲ့ ဦးဌေးပိုင် ၊ ဦးနေစိုးနဲ့ မသန္တာဦး ၃ ယောက်ဟာ ပစ်သတ်ခံရပြီး သူတို့စီးလာတဲ့ ဆိုင်ကယ် ၃ စီး လုယူခံရတာ “လို့ ဒေသခံ ပရဟိတသမားတယောက်က ပြောပါတယ်။ အဲ့ဒီဖြစ်စဥ်နဲ့ပတ်သက်လို့ ပခုက္ကူခရိုင် လုံခြုံရေးအဖွဲ့နဲ့…

စက်တင်ဘာ ၊ ၁၁ ၊ ၂၀၂၂ SP(VOM) ကချင်ပြည်နယ် ၊ မိုးညှင်းခရိုင် ၊ ဖားကန့်မြို့၊ မော်ဝင်ရပ်ကွက် ၊ ရွှေဂဏန်း ပင်လယ်စာအရောင်းဆိုင်ရှေ့မှာ မနေ့ စက်တင်ဘာ ၁၀ ရက် ညနေပိုင်းက အပြန်အလှန်ပစ်ခတ်မှုဖြစ်ပွားပြီး မူးယစ်ရဲ ၃ ဦး ထိခိုက်ဒဏ်ရာရရှိခဲ့တယ်လို့ ဖားကန့်မြို့ခံတွေဆီက သိရပါတယ်။ ” မူးယစ်အထူးအဖွဲ့က IPSUM ကားနဲ့ KLUGER ကား ၂ စီးနဲ့ ရွှေဂဏန်း ပင်လယ်စာဆိုင်ရှေ့မှာ စျေးဆင်း ဝယ်နေတဲ့အချိန် Crown ကား အဖြူရောင်ပေါ်ကနေ စတင်ပစ်ခတ်တယ် ၊ အဲ့ဒီအချိန်မှာ မူးယစ်အဖွဲ့ကား ၂ စီးပေါ်ကလည်း ပြန်ပစ်တာဖြစ်တယ် “လို့ ကိုယ်တိုင်မြင်တွေ့ခဲ့ရတဲ့ ဒေသခံတယောက်က ပြောပါတယ်။ အဲ့ဒီ ကိစ္စနဲ့ ပတ်သက်ပြီး ကချင်ပြည်နယ် ရဲတပ်ဖွဲ့ရုံးနဲ့ နီးစပ်သူတယောက်က ”…