Month: September 2022

စက်တင်ဘာ ၂၁-၂၀၂၂ Voice Of Myanmar(VOM) မန္တလေးမြို့၊ ချမ်းအေးသာစံမြို့နယ်၊ ၃၅လမ်း မြို့ပတ်လမ်းပေါ်ရှိ ချမ်းအေးသာစံမြို့နယ်NLDပါတီရုံးရှေ့မှာ NLDပါတီတံဆိပ်ပါတဲ့ အင်္ကျီအနီရောင်၀တ်ဆင်ထားသူတွေက ဗီနိုင်းတွေကိုင်ဆောင်ပြီး ဆန္ဒပြမှုပြုလုပ်ခဲ့တယ်လို့ မန္တလေးမြို့ခံတွေဆီက သိရပါတယ်။ ” မနက်က အစောကြီးပဲ ဆိုင်ကယ်နဲ့ဖြတ်သွားတုန်းတွေ့တာ ၊ အမေစုကျန်းမာပါစေ ဆိုတဲ့ ဗီနိုင်းကိုင်ပြီး ဆန္ဒပြနေကြတာ၊ ထင်ယောင်ထင်မှားလုပ်တယ်လို့ပဲ မြင်တယ်၊ ပါတီ၀င်အများစုက ပြေးနေရသူတွေနဲ့ အဖမ်းခံရသူတွေများတယ်လေ၊ ဒီကာလမှာ ဘယ်သွားသွား NLDတံဆိပ်ပါရင်ကို လမ်းမှာစစ်ဆေးရေးတွေ့ရင် တနည်းမဟုတ် တနည်းနဲ့ဖမ်းခံနေရတာလေ၊ အခုလို ဆန္ဒပြတာတော့ ဘယ်သူတွေလုပ်တယ်ဆိုတာ ထင်ရှားပါတယ်”လို့ မန္တလေးမြို့ခံတဦးကပြောပါတယ်။ ဆန္ဒပြရာမှာ ” အပြစ်မဲ့ NLD ပါတီ၀င်များ သေဆုံးနေသည်”၊ ” အမေစုကျန်းမာပါစေ”၊ “NUG CRPH နှင့် PDF တို့၏ အကြမ်းဖက်လုပ်ရပ်များကို ဆန့်ကျင်ရှုံ့ချသည်”၊ “မြန်မာနိုင်ငံရေးလောကမှ NLD ပါတီအားပျောက်ကွယ်အောင်လုပ်ဆောင်နေသူများသည် NUG…

Read More

စက်တင်ဘာ ၂၁-၂၀၂၂ VOM (GG) ပဲခူးတိုင်း ၊ပြည်မြို့ ၊ ပန်းတောင်းမြို့နယ်ဘက်အခြမ်း နဝဒေးတံတားစစ်ဆေးရေးဂိတ်မှာ မနေ့ စက်တင်ဘာ၂၀ ရက်က ကားပေါ်ကို တရားမဝင်လိုက်ပါလာတဲ့ နိုင်ငံသားအထောက်အထားမဲ့သူ ၃၇ ယောက် ဖမ်းဆီးရမိခဲ့တယ်လို့သိရပါတယ်။ ကားပေါ်မှာပါတဲ့ ပုလင်းခွံအိတ်တွေကို ကာပြီး အံဝှက်ပုံပြုလုပ်ကာ လိုက်ပါလာကြတာဖြစ်ပြီး ယောကျ်ားလေးက ၃၃ ယောက် နဲ့ မိန်းကလေး ၄ ယောက်ဖြစ်တယ်လို့သိရပါတယ်။ ” မနေ့ကမနက် ၁၀ နာရီခွဲလောက်မှာ ဖမ်းမိတာ၊ ကံမကနေ ပြည်ကိုဖြတ်သန်းသွားမှာကို ပြည်တဖက်ကမ်း ပန်းတောင်းဘက်ချမ်းက နဝဒေးတံတားစစ်ဆေးရေးဂိတ်မှာ စစ်ဆေးတော့ မိတာ၊ ယာဥ်မောင်းလည်း မိတယ်။”လို့ ပြည်ဒေသခံပရဟိတသမားတဦးကပြောပါတယ်။ နိုင်ငံသားအထောက်ထားမဲ့သူတွေကို တယောက်သိန်း ၄၀ နဲ့ လူပွဲစားက မလေးရှား ပို့ပေးမယ်ဆိုပြီး ကားနဲ့တရားမဝင်တင်ဆောင်လာတာဖြစ်တယ်လို့ သိရပါတယ်။ နိုင်ငံသားအထောက်အထားမဲ့သူတွေကို မင်းဘူးမြို့နယ် ပုသိမ်-မုံရွာကားလမ်းပေါ်မှာ ပထမ ၂၈ ဦး…

Read More

စက်တင်ဘာ ၂၀-၂၀၂၂ VOM (GG) အသက် ၁၀ နှစ်ပြည်ပြီးသူတိုင်း မှတ်ပုံတင်ပြုလုပ်ရမှာဖြစ်ပြီး မပြုလုပ်သူတွေကို ဥပဒေအရ အရေးယူမယ်လို့ လူဝင်မှုကြီးကြပ်ရေးနဲ့ပြည်သူ့အင်အားဝန်ကြီးဌာနက အသိပေးထုတ်ပြန်​လိုက်ပါတယ်။ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ e-D Biographic Registration Software နည်ပညာနဲ့ နိုင်ငံသား၊ဧည့်နိုင်ငံသား၊နိုင်ငံသားပြုခွင့်ရသူနဲ့ အခြားအသိအမှတ်ပြု ကဒ်တမျိုးမျိုးကိုင်ဆောင်သူ ၅၂ သန်းကျော် စာရင်းသွင်းပြီးဖြစ်လို့ သတ်မှတ်ကာလအတွင်း မှတ်ပုံတင် ကဒ်နဲ့ အခြားအသိအမှတ်ပြုကတ်၊ ပုံစံ၆၆/၆ အိမ်ထောင်စု လူဦးရေစာရင်း ကွဲလွဲခြင်း၊ အပိုကိုင်ဆောင်ခြင်းကို နီးစပ်ရာမြို့နယ် လဝက ရုံးကို သွားရောက်ဖြေရှင်းဆောင်ရွက်ဖို့ လိုအပ်ကြောင်း သတ်မှတ်ကာလကျော်လွန်ပါက ဥပဒေနဲ့အညီ အရေးယူဆောင်ရွက်သွားမယ်လို့ ဆက်သွယ်ရေးဝန်ကြီးဌာနာက အသိပေးထားပါတယ်။ ” ဟိုအရင်ကလို စာသင်ကျောင်းတွေမှာ လာပြီး သူတို့လုပ်ပေးရမှာ ၊သူတို့ဆီ သွားလုပ်ရမယ်ဆိုရင်တော့ အဆင်မပြေဘူး ။တနေ့လုပ်မှ တနေ့စားရတဲ့ဘဝတွေဆိုတော့ အလုပ်တရက်ပျက်ရင် စားဖို့မလွယ်ဘူး။ “လို့ အသက် ၁၃…

Read More

စက်တင်ဘာ ၂၀-၂၀၂၂ VOM (GG) မှတ်ပုံတင်ထားခြင်းမရှိတဲ့ ဖုန်းဆင်းကဒ်တွေကို အပြီးပိတ်သိမ်းမယ့်အပြင် ဆင်းကဒ်ထဲရှိတဲ့ လက်ကျန်ငွေပိုက်ဆံတွေကိုလည်း ပြည်သူ့ဘဏ္ဍာငွေအဖြစ် သိမ်းမှာဖြစ်တယ်လို့ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆက်သွယ်ရေးညွှန်ကြားမှုဦးစီးဌာနက ထုတ်ပြန်ပြောဆိုလိုက်ပါတယ်။ ဒါ့ကြောင့် ဖုန်း SIM Card တွေကိုမှတ်ပုံတင်ထားဖို့လိုအပ်ကြောင်းနဲ့ မှတ်ပုံတင်ပြုလုပ်ပြီးသားဆင်းကဒ်တွေကိုလည်း မှတ်ပုံတင်ချိန်က ဖြည့်စွက်ထားတဲ့ အမည်၊ မှတ်ပုံတင်အမှတ်တွေကို လ.ဝ.က က e-ID Database အချက်အလက်တွေနဲ့ တိုက်ဆိုင်စစ်ဆေးမှာဖြစ်တယ်လို့သိရပါတယ်။ အချက်အလက်မကိုက်ညီရင်လည်း ဆင်းကဒ်တွေကိုပိတ်ပြီး လက်ကျန်ငွေကို ဘဏ္ဍာငွေအဖြစ်သိမ်းမယ်လို့ဆိုပါတယ်။ ” မှတ်ပုံတင်ကလည်း ခဏခဏတင်ခိုင်းနေတာ၊အရင်ကတည်းက ၂ ခါမကတင်ရတယ်။ အခုပြန်စစ်​ကြည့်တော့လည်း နာမည်ကလွဲနေတယ်၊ မှတ်ပုံတင် နံပါတ်ကမှန်တယ်။ဘာတွေမှန်းကိုမသိဘူး။တကယ်ဆို အရင်ကတည်းက စာချုပ်နဲ့ဝယ်ထားတဲ့ဖုန်းတွေဆို ထပ်ပြီးတင်ခိုင်းဖို့ကိုမလိုဘူး။ “လို့ MPTဆင်းကဒ်သုံးဆွဲသူတဦးကပြောပါတယ်။ ဆက်သွယ်ရေးအော်ပရေတာတွေနဲ့ SIM Card ရောင်းချသူတွေအနေနဲ့ လည်း SIM Card ရောင်းချရာမှာ အချက်အလက် မှန်မှန်ကန်ကန် မှတ်ပုံတင်…

Read More

စက်တင်ဘာ ၊ ၂၀ ၊ ၂၀၂၂ SP(VOM) စစ်ကိုင်းတိုင်း ၊ ယင်းမာပင်ခရိုင်၊ ပုလဲမြို့နယ်နဲ့ မကွေးတိုင်း ၊ဂန့်ဂေါခရိုင်၊ဂန့်ဂေါမြို့နယ်ကိုဆက်သွယ်ထားတဲ့ ပုလဲ-ဂန့်ဂေါ-ပုံတောင် ပုံညာကားလမ်းကြောင်းမှာရှိတဲ့ စစ်ဆေးရေးဂိတ်တွေ ရက်အကန့်အသတ်မရှိ ပိတ်ထားတယ်လို့ ကုန်စည်ပို့ဆောင်ရေးလုပ်ငန်းရှင်တွေဆီက သိရပါတယ်။ ” ဒီလ ၁၅ ရက်ကစလို့ ပိတ်ထားတာပါ ၊ ကျောမြို့နဲ့ ဂန့်ဂေါမြို့အကြားမှာ တိုက်ပွဲတွေဖြစ်နေတယ်ဆိုပြီး လမ်းကြောင်း စစ်ဆေးရေးဂိတ်တွေက ကားတွေ မလွှတ်ဘူး ၊ ပိတ်မိနေတဲ့ကားတွေ ရာနဲ့ချီပြီးရှိတယ် ၊ အဲ့ဒါကြောင့် ယာဥ်လိုင်းတွေအားလုံးနီးပါး ပိတ်ထားရတာ ၁ ပတ်ရှိတော့မယ် “လို့ မန္တလေး ၊ မုံရွာ-ဂန့်ဂေါ ကုန်စည်ပို့ဆောင်ရေး လုပ်ငန်းရှင်တယောက်က ပြောပါတယ်။ ပုံတောင် ပုံညာကားလမ်းပိုင်းမှာ ပြေးဆွဲနေတဲ့ ကားသမား တယောက်က” မန္တလေး-မုံရွာ-ပခုက္ကူဘက်က အတက်ကားတွေဟာ ကျောမြို့မှာ ရပ်ထားရတယ် ၊ အဆင်းကားတွေကတော့ လယ်မရွာဘက်ကနေ…

Read More

စက်တင်ဘာ ၁၉-၂၀၂၂ VOM (GG) ပဲခူးမြို့ ၊မြို့တွင်းကြီးရပ်ကွက်က သာသနာ့မဏ္ဍိုင်ကျောင်းတိုက်မှာ ဒီနေ့ စက်တင်ဘာ ၁၉ ရက်နေ့ မှာ သံဃာ ၂၅ ပါး အစာအဆိပ်သင့်မှုဖြစ်ပွားခဲ့တယ်လို့သိရပါတယ်။ ဒီနေ့ မနက်ပိုင်း အလှူရှင်တဦး အာရုံဆွမ်းကပ်တဲ့ ကြာဇံကြော်ကို ဘုန်းပေးအပြီးမှာ အစာအဆိပ်သင့်မှုဖြစ်ပွားခဲ့တာကြောင့် ဆေးရုံကိုပို့ဆောင်ကာဆေးကုသမှုပေးခဲ့ရတယ်လို့သိရပါတယ်။ “အလှူရှင်က အရုဏ်ဆွမ်းလာကပ်တာ ၊ဘာအခန့်မသင့်လဲမသိဘူး ဘုန်းကြီးတွေ ဘုန်းပေးအပြီး အစာအဆိပ်သင့်သွားတာပါ ၊ စိုးရိမ်စရာတော့မရှိတော့ဘူးကြားပါတယ် “လို့ ဒေသခံပရဟိတသမားတဦးကပြောပါတယ်။ အစာအဆိပ်သင့်ခဲ့တဲ့ ဘုန်းကြီး ၂၅ ပါးကို ပဲခူးပြည်သူ့ဆေးရုံကြီးကိုပို့ဆောင်ကာ ဆေးကုသမှုပေးခဲ့ရာ လက်ရှိ ဘုန်းတော်ကြီး ၁၉ ပါး ရောဂါသက်သာတာကြောင့် ဆေးရုံကဆင်းပြီး ကျောက်တိုက်ကို ပြန်ရောက်ရှိနေပြီဖြစ်တယ်လို့ သိရပါတယ်။ ကျန်တဲ့ ဘုန်းတော်ကြီး ၆ ပါးကတော့ ဆေးကုသမှုဆက်လက်ခံယူနေရတုန်းပဲဖြစ်တယ်လို့လည်း သိရပါတယ်။ #voiceofmyanmar #VOM #ပဲခူး

Read More