Day: October 26, 2022

မော်စကို၊ အောက်တိုဘာ-၂၆-၂၀၂၂ မျိုးဆက်(VOM) ရုရှားဟာ သူ့ရဲ့နျူကလီးယားတပ်ဖွဲ့ရဲ့ နှစ်စဉ်စစ်ရေးလေ့ကျင့်မှုပြုလုပ်ဖို့ အစီအစဉ်ကို အမေရိကန်ကို အသိပေး အကြောင်းလာတယ်လို့ အမေရိကန် နိုင်ငံခြားရေး၀န်ကြီးဌာနက ပြောပါတယ်။ ရုရှားသမ္မတပူတင်ဟာ ယူကရိန်းကို ကျူးကျော်တိုက်ခိုက်ပြီးနောက် ရုရှားကိုကာကွယ်ဖို့ နျူကလီးယားလက်နက်တွေ ထုတ်သုံးမယ်လို့ တိတိလင်းလင်းခြိမ်းခြောက်ခဲ့တဲ့တာကြောင့် ဒီစစ်ရေးလေ့ကျင့်မှုဟာ အမေရိကန်နဲ့ မဟာမိတ်တွေအတွက် စိန်ခေါ်မှုတရပ်ဖြစ်ပါတယ်။ ရုရှားရဲ့ Grom လို့အမည်ရတဲ့ မဟာဗျူဟာနျူကလီးယားတပ်ဖွဲ့တွေရဲ့ စစ်ရေးလေ့ကျင့်မှုအတွင်း ဒုံးကျည်တွေ စမ်းသပ်ပစ်ခတ်သွားဖွယ်ရှိနေပြီး ယခင်လေ့ကျင့်မှုတွေမှာတော့ တိုက်ချင်းပစ်ဒုံးကျည်တွေပါ ပစ်ခတ်ခဲ့တယ်လို့ ဆိုပါတယ်။ နှစ်နိုင်ငံအကြား ချုပ်ဆိုထားတဲ့ New START သဘောတူညီချက်အရ ရုရှားအနေနဲ့ ဒုံးကျည်လိုမျိုး လုပ်ဆောင်မှုတွေအတွက် ကြိုတင်အသိပေးဖို့ တာ၀န်ရှိကြောင်း အမေရိကန်တာ၀န်ရှိသူတွေက ပြောပါတယ်။ အခုလိုစစ်ရေးလေ့ကျင့်မှုမှာ အသိအပေးအကြောင်းကြားတာမျိုးအပါအ၀င် စာချုပ်မှာပါ၀င်တဲ့ သဘောတူညီချက်တွေကို လိုက်နာဖို့ အရေးကြီးကြောင်း အမေရိကန်နိုင်ငံခြားရေး၀န်ကြီးဌာန ပြောရေးဆိုခွင့်ရှိသူ နက်ပရိုဒ်က သတိပေးပြောဆိုပါတယ်။ Ref: Reuters Photo:…

ဒေလီ၊ အောက်တိုဘာ-၂၆-၂၀၂၂ မျိုးဆက်(VOM) အိန္ဒိယနိုင်ငံမှာ ၂၀၀၀-၂၀၀၄ နဲ့ ၂၀၁၇-၂၀၂၁ ခုနှစ်အတွင်း အပူလွန်ကဲမှုကြောင့် သေဆုံးမှု ၅၅ ရာခိုင်နှုန်းတိုးလာကြောင်း မကြာသေးမီက ထုတ်ပြန်ခဲ့တဲ့ လေ့လာမှုတရပ်မှာဖော်ပြထားပါတယ်။ အပူနဲ့ထိတွေ့မှုကြောင့် ၂၀၂၁ ခုနှစ်အတွင်း အိန္ဒိယပြည်သူတွေရဲ့ အလားအလာရှိတဲ့လုပ်အားနာရီ ၁၆၂ ဒသမ ၂ ဘီလီယံ ဆုံးရှုံးခဲ့တယ်လို့ အဲဒီအစီရင်ခံစာကဆိုပါတယ်။ ဒီလိုလုပ်အားအချိန်တွေဆုံးရှုံးမှုကြောင့် နိုင်ငံ ဂျီဒီပီ ၅ ဒသမ ၄ ရာခိုင်နှုန်းနဲ့ ညီမျှတဲ့ ၀င်ငွေတွေ ဆုံးရှုံးခဲ့တယ်လို့ ဖော်ပြထားပါတယ်။ အိန္ဒိယနိူင်ငံဟာ မကြာသေးမီနှစ်တွေအတွင်း ပိုမိုပြင်းထန်တဲ့ အပူလှိုင်းတွေနဲ့ ရင်ဆိုင်ခဲ့ရပါတယ်။ နိုင်ငံရဲ့ ဒေသအတော်များများမှာ နွေရာသီရောက်တိုင်း အပူလှိုင်းဒဏ်ခံရမြဲဖြစ်ပေမယ့် ခုနောက်ပိုင်းမှာတော့ အပူလှိုင်းကျရောက်မှုဟာ ပိုမိုကြာမြင့်ပြီး ပိုမိုပြင်းထန်လာပြီး မကြာခဏဖြစ်ပွားလာကြောင်း ကျွမ်းကျင်သူတွေက သတိပေးပြောဆိုပါတယ်။ နိုင်ငံပေါင်း ၁၀၃ နိုင်ငံကို စောင့်ကြည့်လေ့လာခဲ့တဲ့ သုတေသီတွေရဲ့အစီရင်ခံစာမှာတော့ အိန္ဒိယနဲ့ ပါကစ္စတန်တို့မှာ…

တီဟီရန်၊ အောက်တိုဘာ-၂၅-၂၀၂၂ မျိုးဆက်(VOM) ကမ္ဘာ့အညစ်ပတ်ဆုံးလူသားလို့ သတင်းဌာနတွေက အမည်ပေးကင်ပွန်းတပ်ထားတဲ့ အီရန် အမျိုးသားတဦးဟာ ဆယ်စုနှစ်များစွာအတွင်း ပထမဆုံးရေချိုးသန့်စင်ပြီးနောက် လအနည်းငယ်အကြာ အသက် ၉၄ နှစ်အရွယ်မှာ ကွယ်လွန်သွားပါတယ်။ အမ်မိုဟာဂျီဆိုသူဟာ ဆပ်ပြာနဲ့ရေကိုသုံးစွဲဖို့ ငြင်းဆန်ခဲ့တာဟာ ရာစုနှစ်၀က်ကျော်ရှိနေပြီး ဒီလိုအသုံးပြုရင် ဖျားနာစေမှာကို သူ့အနေနဲ့ စိုးရိမ်ပူပန်ခဲ့တယ်လို့ တာ၀န်ရှိသူတွေကပြောပါတယ်။ အီရန်တောင်ပိုင်း ဖားစ်ပြည်နယ်မှာနေထိုင်တဲ့ အဲဒီအမျိုးသားဟာ သူ့ကို သန့်ရှင်းလုပ်ပေးဖို့ ရွာသားတွေရဲ့ ယခင်ကြိုးပမ်းမှုတွေကို ရှောင်ရှားခဲ့သော်လည်း လွန်ခဲ့တဲ့ လအနည်းငယ်က သန့်ရှင်းရေးလုပ်ပေးခံခဲ့ရတယ်လို့ ဒေသတွင်း သတင်းဌာနတွေက ဖော်ပြထားပါတယ်။ ဒီလိုသန့်ရှင်းရေးလုပ်ခံရပြီးနောက် လအနည်းငယ်အကြာမှာ ဖျားနာပြီးနောက် အောက်တိုဘာ ၂၃ ရက်က သေဆုံးသွားခဲ့ခြင်းဖြစ်ကြောင်း အီရန်အာဏာပိုင်တွေက အောက်တိုဘာ ၂၅ ရက်မှာ ပြောပါတယ်။ နှစ်ပေါင်းများစွာရေမချိုးတဲ့ အတွက် အိုးမဲရောင်ပေါက်နေတဲ့ အသားအရည်နဲ့ ကွယ်လွန်ချိန်မှာ တွေ့ရှိခဲ့ရပြီး သူစားသုံးတဲ့ အစားအသောက်တွေထဲမှာ ပုပ်ပွနေတဲ့ အသားများ၊…