Month: January 2023

ဝါရှင်တန်၊ ဇန်နဝါရီ-၁၁-၂၀၂၃ မျိုးဆက်(VOM) ကမ္ဘာ့စီးပွားရေးဆုတ်ယုတ်ကျဆင်းမှုအန္တရာယ် အလွန်နီးကပ်နေပြီဖြစ်ကြောင်း ကမ္ဘာ့ဘဏ်က ဇန်နဝါရီ ၁၀ ရက်မှာ သတိပေးပြောကြားလိုက်ပါတယ်။ ကမ္ဘာ့စီးပွားရေးဟာ ယခုနှစ်အတွင်း ၁ ဒသမ ၇ ရာခိုင်နှုန်းဟာ တိုးတက်မယ်လို့ ကမ္ဘာဘဏ်က ခန့်မှန်းထားပြီး ဇွန်လမှာခန့်မှန်းထားခဲ့တဲ့ သုံးရာခိုင်နှုန်းထက် သိသိသာသာကျဆင်းသွားပါတယ်။ အခုလိုက်ကမ္ဘာ့စီးပွားရေး ဆုတ်ယုတ်ကျဆင်းမှုဟာ ယူကရိန်းကို ရုရှားကကျူးကျော်တိုက်ခိုက်မှု၊ ကပ်ရောဂါရဲ့ သက်ရောက်မှုစတဲ့ အကြောင်းတရားတွေကြောင့်လို့ ကမ္ဘာ့ဘဏ်ရဲ့ အစီရင်ခံစာမှာ ဖော်ပြထားပါတယ်။ စီးပွားရေးကျဆင်းမှုဟာ ကျယ်ပြန့်တဲ့ အခြေခံအကြောင်းတရားတွေကြောင့်ဖြစ်ပြီး ကမ္ဘာ့နိုင်ငံတိုင်းနီးပါးရှိ လူတွေရဲ့၀င်ငွေတိုးတက်မှုဟာ ကိုဗစ်-၁၉ ကပ်ရောဂါမတိုင်မီ ဆယ်စုနှစ်များအတွင်းကထက် နှေးကွေးဖွယ်ရှိကြောင်း ကမ္ဘာ့ဘဏ်ဥက္ကဌ ဒေးဗစ်မယ်လ်ပက်စ်က ပြောပါတယ်။ ကမ္ဘာ့လုံးဆိုင်ရာ စီးပွားရေးအကျပ်အတည်းနဲ့ကိုဗစ်-၁၉ ကပ်ရောဂါကြောင့် ၂၀၀၉ ခုနှစ်နဲ့ ၂၀၂၀ ခုနှစ်တို့မှာ စီးပွားရေးကျဆင်းမှုတွေမှအပ ယခုနှစ်အတွင်း စီးပွားရေးတိုးတက်မှု ၁ ဒသမ ၇ ရာခိုင်နှုန်းသာရှိမယ်လို့ ခန့်မှန်းချက်ဟာ ၁၉၉၁…

ဂျီနီဗာ၊ ဇန်နဝါရီ-၁၁-၂၀၂၃ မျိုးဆက်(VOM) အမေရိကန်မှာ နောက်ဆုံးပေါ်အိုမီခရွန်ဗိုင်းရပ်စ်မျိုးကွဲသစ် အလျင်အမြန်ကူးစက်မှုတွေကြောင့် ခရီးဝေးသွားမယ့် လေယာဉ်စီးခရီးသည်တွေအနေနဲ့ နှာခေါင်းစည်းတွေ တပ်ဆင်ကြဖို့ ကမ္ဘာ့ကျန်းမာရေးအဖွဲ့က ဇန်နဝါရီ ၁၀ရက်မှာ သတိပေးပြောကြားလိုက်ပါတယ်။ ဥရောပမှာ XBB.1.5 အိုမီခရွန်ဗိုင်းရပ်စ်မျိုးကွဲသစ်ကူးစက်မှုဟာ လက်ရှိမှာနည်းပါးသေးပေမယ့် တိုးပွားလာနေကြောင်း ကမ္ဘာ့ကျန်းမာရေးအဖွဲ့နဲ့ဥရောပတာ၀န်ရှိသူတွေက ပြောပါတယ်။ ခရီးဝေးသွားမယ့်လေယာဉ်တွေလိုမျိုး ဗိုင်းရပ်စ်ကူးစက်နိုင်ခြေများတဲ့နေရာတွေမှာ နှာခေါင်းစည်းတွေတပ်ဖို့ တာ၀န်ရှိသူတွေအနေနဲ့ အကြံပြုသင့်ပြီး ဒါဟာ ကိုဗစ်ကျယ်ကျယ်ပြန့်ပြန့်ကူးစက်မှုဖြစ်တဲ့နိုင်ငံတိုင်းက လာသူတွေကို ဦးစားပေးသင့်တယ်လို့ ကမ္ဘာ့ကျန်းမာရေးအဖွဲ့ကပြောပါတယ်။ ကူးစက်မြန်တဲ့ နောက်ဆုံးပေါ်အိုမီခရွန်ဗိုင်းရပ်စ်မျိုးကွဲသစ် XBB.1.5 ဟာ ဇန်နဝါရီ ၇ ရက်နေ့ သီတင်းပတ်အတွက် အမေရိကန်မှာဖြစ်ပွားခဲ့တဲ့ ကိုဗစ်ကူးစက်မှုရဲ့ ၂၇ ဒသမ ၆ ရာခိုင်နှုန်းရှိကြောင်း ကျန်းမာရေးတာ၀န်ရှိသူတွေက ပြောပါတယ်။ အဲဒီဗိုင်းရပ်စ်မျိုးကွဲသစ်ကြောင့် ကမ္ဘာ့လုံးဆိုင်ရာ ကူးစက်မှုလှိုင်း ဖြစ်မဖြစ်ကိုတော့ ရှင်းလင်းစွာမသိရပါဘူး။ လက်ရှိကာကွယ်ဆေးတွေဟာ ပြင်းထန်ရောဂါလက္ခဏာတွေ၊ ဆေးရုံတက်ရတောတွေနဲ့ သေဆုံးမှုတွေကို ဆက်လက်ကာကွယ်ပေးနိုင်ဆဲဖြစ်ကြောင်း ကမ္ဘာ့ကျန်းမာရေးအဖွဲ့ တာ၀န်ရှိသူတွေက ပြောပါတယ်။…

ကုလသမဂ္ဂ၊ ဇန်နဝါရီ-၁၀-၂၀၂၃ မျိုးဆက်(VOM) အိုဇုန်းလွှာပျက်စီးမှုကိုကာကွယ်ဖို့ လူသားများရဲ့ ဆောင်ရွက်မှုတွေဟာ မျှော်လင့်ထားတဲ့အတိုင်း လုပ်ဆောင်နိုင်ခဲ့တာကြောင့် ဆယ်စုနှစ်တွေအတွင်း အိုဇုန်းလွှာပြန်လည်ကောင်းမွန်လာဖွယ်ရှိကြောင်း ကုလသမဂ္ဂက ဇန်နဝါရီ ၉ရက်မှာ ပြောပါတယ်။ အိုဇုန်းလွှာကို အန္တရာယ်ဖြစ်စေတဲ့ ဓါတုပစ္စည်းတွေကို အသုံးပြုခြင်းကိုရပ်တန့်ဖို့ ၁၉၈၇ ခုနှစ်ရရှိခဲ့တဲ့ အပြည်ပြည်ဆိုင်ရာ သဘောတူညီချက်တခုအောင်မြင်ခဲ့ခြင်းက အိုဇုန်းလွှာပြန်လည်ကောင်းမွန် လာစေနိုင်တဲ့ အကြောင်းရင်းဖြစ်ကြောင်း ကုလသမဂ္ဂ၏အကဲဖြတ်ချက်မှာ ဖော်ပြထားပါတယ်။ အိုဇုန်းလွှာဟာ လူသားတွေအတွက် အန္တရာယ်ဖြစ်စေတဲ့ နေရောင်ခြည်မှာပါရှိတဲ့ ခရမ်းလွန်ရောင်ခြည်အများစုကို စုပ်ယူပေးတဲ့ ကမ္ဘာ့လေထုရဲ့ ပါးလွှာတဲ့ အစိတ်အပိုင်းတခုဖြစ်ပါတယ်။ အိုဇုန်းလွှာပျက်စီးသွားတဲ့ခါ ခရမ်းလွန်ရောင်ခြည်ဟာ ကမ္ဘာမြေပေါ်ကို တိုက်ရိုက်ရောက်ရှိပြီး လူသားတွေနဲ့အခြားသက်ရှိမျိုးစိတ်တွေအတွက် အန္တရာယ်ဖြစ်စေနိုင်ပါတယ်။ ခရမ်းလွန်ရောင်ခြည်ဟာ ဒီအင်န်အေကို ပျက်စီးစေပြီး နေလောင်ခြင်းတွေကို ဖြစ်ပေါ်စေကာ အရေပြားကင်ဆာလိုမျိုး ရေရှည်ပြသနာတွေဖြစ်နိုင်ခြေကို တိုးပွားစေပါတယ်။ အိုဇုန်းလွှာဟာ ၁၉၇၀ ပြည့်နှစ်တွေက စတင်ပျက်စီးခဲ့ကြောင်း သုတေသီတွေကပြောပါတယ်။ Ref:BBC #voiceofmyanmar #VOM #ကုလသမဂ္ဂ