Month: March 2023

မတ် ၇-၂၀၂၃ SN (VOM) ရန်ကုန်တိုင်း၊ မှော်ဘီမြို့နယ်၊ လိပ်ပုတ်ကျေးရွာမှာ အကျယ် ပေ ၅၀၀ ပတ်လည်ခန့်ရှိ ကန်အတွင်း ရေနစ်သေဆုံးသွားတဲ့ အမျိုးသမီး နှစ်ဦးရဲ့ ရုပ်အလောင်းတွေကို ဒီနေ့ မတ် ၇ ရက်၊ မနက်ပိုင်းက ပြန်လည်တွေ့ရှိခဲ့တယ်လို့ ပုလဲအရန်မီးသတ်တပ်ဖွဲ့ကနေ သိရပါတယ်။ ရေနစ်သေဆုံးခဲ့တဲ့ အမျိုးသမီး နှစ်ဦးဟာ မနေ့ မတ် ၆ ရက် ညနေ ၄ နာရီခန့်က ကန်အတွင်း ရေဆင်းဆော့ရာကနေ ပျောက်ဆုံးသွားခဲ့တာဖြစ်ပြီး မှော်ဘီမြို့နယ်၊ မီးသတ်စခန်းက တပ်ဖွဲ့ဝင်တွေနဲ့ လူမှုကူညီရေးအသင်းဝင်တွေက ရှာဖွေကယ်ဆယ်ရေးလုပ်ငန်းတွေ ပြုလုပ်ခဲ့ကြတယ်လို့ သိရပါတယ်။ “ဒီကန်က သိပ်မကြာခင်အချိန်ကမှ ပြန်ဆယ်ထားတဲ့ ကန်လို့ သိရပါတယ်။ ပျောက်ဆုံးသွားတဲ့ မိန်းကလေးတွေကို ကျွန်တော်တို့ ညနက်တဲ့အထိ ရှာဖွေမှုတွေလုပ်ခဲ့ပေမယ့် မတွေ့ခဲ့ပါဘူး။ ဒီနေ့ မနက်ပိုင်းကျမှ ရုပ်အလောင်းတွေကို မိနစ် ၄၀…

မတ် ၇၊ ၂၀၂၃ Shy V(VOM) ရှမ်းပြည်နယ်မြောက်ပိုင်း၊ မြန်မာ – တရုတ် နယ်စပ် ကုန်သွယ်ရာလမ်း တခုဖြစ်တဲ့ ချင်းရွှေဟော်လမ်းမှာ ဒီကနေ့ မတ် ၇ ရက် မနက်ပိုင်းက ကုန်ကား ၂ စီး မီးရှို့ခံထားရတယ်လို့ နယ်စပ်ကုန်သည်လုပ်ငန်းရှင်တွေဆီက သိရပါတယ်။ “ဒီမနက်က။ အခွန်မဆောင်လို့ ဖြစ်မယ် ၂ စီး။ နားတီးနားဘက်” လို့ ကုန်သည် တဦးက ပြောပါတယ်။ နောက်ထပ် လုပ်ငန်းရှင် တဦးကလည်း”အခုလို ကားတွေကို မီးရှို့တာဟာ လူမဆန်တဲ့ လုပ်ရပ်ဖြစ်ပြီး ပြည်သူတွေရဲ့ဘဝကို ပျက်သွားစေတယ်၊ ရက်စက်လွန်းတယ်။ မီးရှို့လိုက်ရင် သူများက ဘဝ ပျက်သွားတယ်လေ။ ဒဏ်ရိုက်ပေါ့။ ၁၀ သိန်းတန် ဆိုရင် သိန်း ၅၀ ဆောင်ခိုင်းပေါ့။”လို့ သူက ရှင်းပြပါတယ်။ ချင်းရွှေဟော် – မိန်းတိန်…

မတ် ၇-၂၀၂၃ Voice Of Myanmar(VOM) စစ်ကိုင်းမြို့၊ စစ်ကိုင်း-မင်းကွန်းလမ်း၊ အာလောင်ကျေးရွာရှိ ဥတ္တရဘောဓိကျောင်းတိုက်ကို ရေလာလှူတဲ့ မန္တလေးမြို့က နိဗ္ဗာန်သုခပရဟိတအသင်း ရေသယ်ယာဉ်ဟာ အာလောင်၈မျက်နှာ ဘုရားအတက်မှာ မတော်တဆမှုဖြစ်ပြီး အမျိုးသားတဦးသေဆုံးခဲ့တယ်လို့ သိရပါတယ်။ “ရေသယ်ကားက မန္တလေးကနေ စစ်ကိုင်း အာလောင်ကို ရေလာလှူတာ၊ လှူမယ့်ဘုရားကို အတက်မှာ နောက်ပြန်လိမ့်ပြီး ပြုတ်ကျတာ၊ ရေသယ်ကားပေါ်က (၄)ယောက် ပါတယ်လို့ကြားတယ်၊ တဦးကတော့ သေတယ်”လို့ မီးသတ်တပ်ဖွဲ့ဝင် တဦးကပြောပါတယ်။ ဖြစ်စဥ်ကို စစ်ကိုင်းခရိုင်မီးသတ်ဦးစီးဌာန နဲ့ လူမှုကူညီရေးအသင်းတွေက ပူးပေါင်းကာ ရှာဖွေကယ်ဆယ်ရေးလုပ်ငန်းများ လုပ်ဆောင်ခဲ့ပြီး ဒဏ်ရာရသူအမျိုးသား(၃)ဦးနဲ့ သေဆုံးသွားသူကို စစ်ကိုင်းကုတင်(၂၀၀) ဆေးရုံကြီးကို ပို့ဆောင်ပေးခဲ့တယ်လို့ မြန်မာနိုင်ငံမီးသတ်ဦးစီးဌာနကနေ သိရပါတယ်။ Photo – MFSD #voiceofmyanmar #VOM #စစ်ကိုင်း #ရေသယ်ယာဥ်မတော်တဆမှု #လူသေဆုံး

မတ် ၆ – ၂၀၂၃ GG (VOM) ရန်ကုန်မြို့၊ ဗိုလ်တထောင်မြို့နယ်၊ Time Square ကွန်ဒိုပေါ်ကနေ အသက် ၂၉ နှစ်အရွယ် စင်ကာပူ နိုင်ငံသား အမျိုးသား ၁ဦး ပြုတ်ကျသေဆုံးမှု ဒီနေ့မတ်လ ၆ရက် နေပိုင်းကဖြစ်ပွားခဲ့တယ်လို့ သိရပါတယ်။ “ပြုတ်ကျတာ ၁၂ နာရီ ၄၀လောက်မှာပြုတ်ကျတယ်။ရန်ကုန်အရှေ့ပိုင်းဆေးရုံကိုပို့တယ်၊ ဆေးရုံရောက်တော့လူနာက dead body ဖြစ်တယ်။db ဖြစ်တော့ အရှေ့ပိုင်းဆေးရုံက အဆင်မပြေတော့ ရန်ကုန်ဆေးရုံကြီးကိုပြန်လွှဲတယ် ဆေးရုံမှာ လိုအပ်တာလုပ်ပြီးပြန်လာတာပါ။ ” လို့ ကူညီကယ်ဆယ်ရေးလုပ်ခဲ့တဲ့ ပရဟိတအသင်းအဖွဲ့ဝင်တဦးကပြောပါတယ်။ စင်ကာပူနိုင်ငံသားဟာ ပြုတ်ကျတဲ့အရှိန်ကြောင့် ပြင်ပဒဏ်ရာအဖြစ် ခြေကျင်းဝတ် အရိုးပေါက်ထွက်ဒဏ်ရာနဲ့ ခန္ဓာကိုယ် ပွန်းပဲ့ သွေးထွက်ဒဏ်ရာတွေနဲ့ သေဆုံးခဲ့တယ်လို့သိရပါတယ်။ ” ဘယ်နှစ်လွှာကပြုတ်ကျလဲဆိုတာ ဘယ်သူကတွန်းချတာလဲ သူ့ဟာသူခုန်ချတာလား မတော်တဆပြုတ်ကျတာလား သူ့မိသားစုဝင်ကကို မသိတာ။သူပြုတ်ကျတာ ကွန်ဒိုကလူတွေသိတာ။သူ့ညီမတွေ့တယ်၊သူ့အမျိုးသမီးဆိုတာတွေ့တယ်။”လို့ ကူညီခဲ့သူက ထပ်မံပြောပြပါတယ်။…