Month: March 2023

ဒါကာ၊ မတ်-၆-၂၀၂၃ မျိုးဆက်(VOM) ဘင်္ဂလားဒေ့ရ်ှနိုင်ငံအရှေ့တောင်ပိုင်းရှိ လူနေထူထပ်တဲ့ ဒုက္ခသည်စခန်းတခုမှာ မီးအကြီးအကျယ် လောင်ကျွမ်းမှုကြောင့် ဒုက္ခသည်ထောင်ပေါင်းများစွာ နေထိုင်စရာအမိုးအကာများ ဆုံးရှုံးခဲ့ရကြောင်း တာ၀န်ရှိသူတွေက မတ် ၆ ရက်မှာ ပြောပါတယ်။ မီးလောင်ကျွမ်းမှုဟာ ကော့ဘဇားဒေသရှိ ဒုက္ခသည်စခန်းမှာ မတ် ၅ ရက်ကဖြစ်ပွားခဲ့ခြင်းဖြစ်ပြီး ဒုက္ခသည်တွေအတွက် ယာယီနေထိုင်စရာ နှစ်ထောင်ခန့်မီးလောင်ပျက်စီးသွားခဲ့တယ်လို့ ပြောပါတယ်။ မီးလောင်ကျွမ်းရတဲ့ အကြောင်းရင်းကို ရှင်းလင်းစွာမသိရသေးပါဘူး။ မီးလောင်ကျွမ်းမှုကြောင့် ထိခိုက်သေဆုံးမှုမရှိဘဲ ဒုက္ခသည် ၁၂၀၀၀ ကျော် နေထိုင်စရာဆုံးရှုံးခဲ့ကြောင်း တာ၀န်ရှိသူတွေက ပြောပါတယ်။ မီးလောင်ကျွမ်းမှုဟာ ဒေသစံတော်ချိန် နေ့လယ် ၂ နာရီ ၄၅ မိနစ်မှာ စတင်ခဲ့ပြီးနောက် ဒုက္ခသည်တွေနေထိုင်ရာ ဝါးနဲ့တာပေါ်လင်အဆောက်အအုံတွေကို လျှင်မြန်စွာကူးစက်လောင်ကျွမ်းခဲ့ပြီး အမိုးအကာ ၂၀၀၀ မီးလောင်ပျက်စီးခဲ့တယ်လို့ ဘင်္ဂလားဒေ့ရှ် ဒုက္ခသည်များဆိုင်ရာ မဟာမင်းကြီး မီဂျာနာရာမန်းက အေအက်ဖ်ပီကိုပြောပါတယ်။ မီးလောင်မှုဖြစ်ပွားပြီးနောက် သုံးနာရီအတွင်း မီးထိန်းနိုင်ခဲ့ပေမယ့် ဗလီ…

ပေကျင်း၊ မတ်-၅-၂၀၂၃ မျိုးဆက်(VOM) ပြည်ပ ခြိမ်းခြောက်မှုတွေ ပိုမိုပြင်းထန်လာနိုင်ကြောင်း သတိပေးမှုတွေရှိနေချိန်မှာ တရုတ်နိုင်ငံဟာ စစ်အသုံးစရိတ် တိုးမြှင့်မယ်လို့ မတ် ၅ ရက်မှာ ကြေညာလိုက်ပါတယ်။ တရုတ် ခေါင်းဆောင်တွေဟာ လာမယ့်နှစ်မှာ စီးပွားရေး ၅ ရာခိုင်နှုန်းခန့် တိုးလာဖို့ ရည်မှန်းထားတာကြောင့် ကမ္ဘာ့ဒုတိယအများဆုံးထိ ကာကွယ်ရေးအသုံးစရိတ် တိုးလာခြင်းဖြစ်ပါတယ်။ စစ်အသုံးစရိတ်ကို ဒေါ်လာ ၂၂၅ ဘီလီယံအထိ သုံးစွဲသွားမှာဖြစ်ပြီး တရုတ်နိုင်ငံကို နှိပ်ကွပ်ဖို့နဲ့ ထိန်းချုပ်ဖို့ ပြည်ပကအားထုတ်မှုတွေ ပိုမိုပြင်းထန်လာတယ်လို့ ဝန်ကြီးချုပ် လီကားချန်က နိုင်ငံလုံးဆိုင်ရာ ပြည်သူ့ကွန်ဂရက်အစည်းအဝေးမှာပြောပါတယ်။ တရုတ် လက်နက်ကိုင်တပ်ဖွဲ့တွေအနေနဲ့ စစ်ရေးလေ့ကျင့်မှုတွေ အရှိန်မြှင့်ပြီး ပြင်ဆင်မှုတွေ လုပ်သင့်ကြောင်း ၊ တိုက်ပွဲအခြေအနေများအောက်တွင် ကဏ္ဍပေါင်းစုံနှဲ့ နယ်ပယ်ပေါင်းစုံမှာ စစ်အင်အားကို အားကောင်းစေဖို့ သူကတိုက်တွန်းပြောဆိုပါတယ်။ ယခုနှစ် ကာကွယ်ရေးအသုံးစရိတ် တိုးမြှင့်မှုဟာ ရှစ်ကြိမ်မြောက် ဆက်တိုက် တိုးလာခြင်းဖြစ်ကြောင်း သိရပါတယ်။ Ref:CNA…

ဂျကာတာ၊ မတ်-၅-၂၀၂၃ မျိုးဆက်(VOM) အင်ဒိုနီးရှားနိုင်ငံ မြို့တော် ဂျကာတာမှာ လောင်စာဆီ သိုလှောင်ရုံတခု မီးလောင်မှု ဖြစ်ပွားခဲ့ရာ အနည်းဆုံး လူ ၁၅ ဦး သေဆုံးပြီး ဒါဇင်နဲ့ချီ ဒဏ်ရာရရှိကာ ဒေသခံရာပေါင်းများစွာကို ဘေးလွတ်ရာကို ရွှေ့ပြောင်းခဲ့ရပါတယ်။ မီးလောင်ကျွမ်းမှုဟာ ဒေသစံတော်ချိန် ည ၈ နာရီနောက်ပိုင်း စတင်ခဲ့ပြီး အစိုးရပိုင် ရေနံကုမ္ပဏီတခု လည်ပတ်နေတဲ့ လောင်စာဆီ သိုလှောင်ရုံမှာ ဖြစ်ပွားခဲ့တာဖြစ်ကာအနီးနားရှိ လူနေရပ်ကွက်ကို ပျံ့နှံ့သွားခဲ့တာဖြစ်ပါတယ်။ ကလေး နှစ်ဦး အပါအဝင် လူ ၁၅ ဦး သေဆုံးကြောင်း တာဝန်ရှိသူ တွေက အတည်ပြုခဲ့ကြောင်း ဒေသတွင်း မီဒီယာတွေက ဖော်ပြထား ပြီး မီးလောင်ဒဏ်ရာတွေ ရရှိတဲ့ လူ၅၀ ကေျာ်ကို ဆေးရုံတင်ထားရပါတယ်။ မီးလောင်မှုကြောင့် ဒေသခံ ၆၄၀ ခန့်ကို ဘေးလွတ်ရာကို ရွှေ့ပြောင်းခဲ့ရပါတယ်။မီးလောင်မှုကို အမြန်ဆုံး…

ကိဗ်ယက်၊ မတ်-၅-၂၀၂၃ မျိုးဆက်(VOM) ယူကရိန်းနိုင်ငံရဲ့ အဓိကမြို့ဖြစ်တဲ့ ဘက်မွတ်မြို့ ကို သိမ်းယူတော့မယ်လို့ ရုရှားတပ်ဖွဲ့တွေက ပြောပြီး ယူကရိန်းသမ္မတကို သူ့တပ်တွေ ရုပ်သိမ်းဖို့ ရာဇသံပေးလိုက်ပါတယ်။ ရုရှားနိုင်ငံ ဝက်ဂနာကြေးစားအဖွဲ့ရဲ့ အကြီးအကဲ Yevgeny Prigozhin က သူ့တပ်တွေဟာယူကရိန်း နိုင်ငံအရှေ့ဘက် ဒွန်နက်ဒေသရှိ ယူကရိန်းတပ်ဖွဲ့တွေရဲ့ အမာခံနယ်မြေ ဘက်မွတ်ကို လက်တွေ့ကျကျ ဝိုင်းရံထားကြောင်း ထုတ်ဖော်ပြောဆိုထားပါတယ်။ အဲဒီမြို့မှာ ကျန်ရှိနေတဲ့ ယူကရိန်းစစ်သားတွေအတွက် ဆုတ်ခွာဖို့ လမ်းကြောင်းတခုသာ ကျန်တော့တယ်လို့ သူကပြောပါတယ်။ ယူကရိန်းသမ္မတ ဇီလန်စကီးကတော့ ရန်သူတွေကို ချေမှုန်းခြင်းဟာ လာမယ့်လတွေအတွင်း မိမိတို့ရဲ့ ကာကွယ်ရေး စစ်ဆင်ရေးတွေ အောင်မြင်မှုအတွက် မဖြစ်မနေ လိုအပ်ကြောင်း ပြောဆိုထားပါတယ်။ ဘက်မွတ်မြို့မှာ ရန်သူတွေကို ခုခံတိုက်ခိုက်နေတဲ့ ရဲစွမ်းသတ္တိအတွက် ယူကရိန်းစစ်သားတွေကို ကျေးဇူးတင်ကြောင်း ယူကရိန်းသမ္မတက ပြောပါတယ်။ လက်ရှိမှာတော့ အမေရိကန်အပါအဝင် အနောက်နိုင်ငံတွေဟာ ယုကရိန်းအတွက်…