Month: April 2023

ဧပြီ ၂၈-၂၀၂၃ SN (VOM) ရန်ကုန့်မို့၊ ကမာရွတ်မြို့နယ်၊ အင်းဝဘဏ်အနီးမှာမနေ့ ဧပြီ ၂၇ ရက်၊ ည ၇ နာရီဝန်းကျင်က အငှားယာဥ်​မောင်းတဦး အသတ်ခံခဲ့ရတယ်လို့ သိရပါတယ်။ အဲ့ဒီ့ အငှား‌ယာဉ်မောင်းကို အမှတ် (၄)ရပ်ကွက်၊ဘုရင့်​နောင်လမ်းမ​ပေါ်က သူ့ရဲ့ကားပေါ်မှာပဲ ဓားဒဏ်ရာတွေနဲ့ သေဆုံးနေတာကို တွေ့ရှိခဲ့တာဖြစ်တယ်လို့ သိရပါတယ်။ “အင်းဝဘဏ်ရှေ့မှာ လူသုံးယောက်က တက္ကစီငှားတဲ့ပုံစံနဲ့ လုယက်တာလို့ ကနဦးသိရတယ်။ ယာဉ်မောင်းက ပြန်ခုခံတဲ့အတွက် ဓါးနဲ့အချက်ပေါင်းများစွာထိုးပြီး ထွက်ပြေးသွားတာ”လို့ ဖြစ်စဉ်မှာ သွားရောက်ကူညီခဲ့သူတစ်ဦးက ပြောပါတယ်။ အဲ့ဒီဖြစ်စဉ်အပြီး ည ၉ နာရီ ၅၅ မိနစ်မှာ စစ်တပ်နဲ့ရဲတွေ ရောက်ရှိလာပြီး ဗဟိုလမ်းအောက်ပိုင်းတကြောကို ဝင်ရောက်စစ်ဆေးမှုတွေ အချိန်အတော်ကြာ ပြုလုပ်ခဲ့ကာ ည ၁၁ နာရီဝန်းကျင်မှသာ ရွာမကွေ့၊ ရွာမကျောင်းလမ်းဘက်သို့ ပြန်လည် ထွက်ခွာသွားကြတယ်လို့ သိရပါတယ်။ အခုဖြစ်စဥ်မှာ သေဆုံးသူယာဥ်​မောင်းရဲ့တက္ကစီယာဥ်အမျိုးအစားက တိုယိုတာကယ်ဒီးနား…

ဧပြီ ၂၈ – ၂၀၂၃ GG(VOM) မွန်ပြည်နယ်၊သထုံမြို့၊ဆင်ဖြူကျွန်းရှာမှာ အမျိုးသားတစ်ဦး မိုးကြိုးပစ်ခံရပြီးသေဆုံးခဲ့မှု မနေ့ ဧပြီလ ၂၇ ရက်နေ့က ဖြစ်ပွားခဲ့တယ်လို့သိရပါတယ်။ ရွာအပြင်ဘက်က လယ်တောထဲမှာ အလုပ်လုပ်နေစဥ် နေ့လယ်၂ နာရီကျော်ခန့်မှာ မိုးကြိုးပစ်ခံရပြီး နေရာမှာပဲ ပွဲချင်းပြီးသေဆုံးခဲ့တာဖြစ်တယ်လို့ သိရပါတယ်။ “မနေ့က ဒီမှာက မိုးတွေလည်းရွာတယ်၊လျှပ်စီးမိုးကြိုးအစုံပဲ၊အဲ့ဒီအချိန် သူကလယ်ထဲမှာရှိနေတာ ။အဲ့ဒီမှာ လယ်ထဲမှာပဲ မိုးကြိုးပစ်ခံရတာ။မိုးကြိုးပစ်ခံရတာဆိုတော့ ညိုမဲနေတာမျိုးတွေရှိတာပေါ့ “လို့ ဒေသခံလူမှုကူညီရေးလုပ်ငန်းတွေ လုပ်ကိုင်နေသူတစ်ဦးကပြောပါတယ်။ မိုးကြိုးပစ်ခံရပြီး သေဆုံးသူဟာ အသက် ၃၇ နှစ်အရွယ် အမျိုးသားတစ်ဦးဖြစ်ပြီး ဆင်ဖြူကျွန်းကျေးရွာမှာ နေထိုင်သူဖြစ်တယ်လို့သိရပါတယ်။ သေဆုံးသူရဲ့ ရုပ်အလောင်းကိုတော့ မနေ့ ညနေကတည်းက သထုံခရိုင်ပြည်သူ့ဆေးရုံကြီး ရင်ခွဲရုံဌာနကိုပို့ဆောင်ထားတယ်လို့ သိရပါတယ်။ ဧပြီ၂၂ ရက်နေ့ကလည်း မကွေးမြို့နယ်၊ဆူးကောက်စမ်းရွာမှာ သားအဖ ၂ ယောက် ယာထဲ နွားကျောင်းနေချိန် မိုးကြိုးပစ်ခံရပြီး သေဆုံးမှု ​ရှိခဲ့ပါတယ်။ ပြီးခဲ့တဲ့…

ဧပြီ ၂၈ – ၂၀၂၃ GG (VOM) ပဲခူးတိုင်း၊ ဖြူးမြို့နယ်၊ ကညွတ်ကွင်းမြို့လျှပ်စစ်မှူး ဦးကျော်စံလင်း မနေ့ ဧပြီ၂၇ ရက် ညနေပိုင်းက သေနတ်နဲ့ပစ်သတ်ခံခဲ့ရတယ်လို့ သိရပါတယ်။ လျှပ်စစ်မှူး ဦးကျော်စံလင်းဟာ မနေ့ ညနေ ၅ နာရီကျော်ခန့်က ဆိုင်ကယ်စီးလာစဥ် ရန်ကုန်-မန္တလေး လမ်းဟောင်း မိုင်တိုင်အမှတ်-၁၁၄/၁ ဖာလုံအနီးမှာ သေနတ်နဲ့ပစ်ခတ်ခံရပြီး သေဆုံးခဲ့တာဖြစ်တယ်လို့သိရပါတယ်။ ” ကွင်းနောက်(၁)ရပ်ကွက်၊ တောင်ဂုံးတဲရွာနားမှာ ပစ်ခံရတာပါ။သူက မနေ့က ကျောက်တံတားကနေ ပြန်လာတာမှာ ပစ်ခံရတာလို့သိရတယ်။နေရာမှာပွဲချင်းပြီးဆုံးသွားတာပါ ၊ PDF တွေကလုပ်တာလို့တော့ သတင်းကြားတယ်”လို့ ဒေသခံတစ်ဦးကပြောပါတယ်။ လျှပ်စစ်မှူးကို သေနတ်နဲ့ ၅ ချက် ပစ်ခတ်ခံရတာကြောင့် ရင်ညွန့်မှာ ကျည်ဖောက်ဝင်ဒဏ်ရာ ၃ ချက်၊ မေးစေ့အောက်မှာ ကျည်ဖောက်ဝင်ဒဏ်ရာ၂ ချက်ရရှိခဲ့တာဖြစ်တယ်လို့ သိရပါတယ်။ ဦးကျော်စံလင်းဟာ ကညွှတ်ကွင်းမြို့က မီတာမဆောင်တဲ့နေအိမ်အချို့ကို မီတာဖြုတ်သိမ်းတာတွေလုပ်ခဲ့ကြောင်း၊မီတာဖြုတ်သိမ်းစဥ် နေအိမ်ပိုင်ရှင်တွေနဲ့စကားများတာတွေရှိခဲ့တယ်လို့…

ဧပြီ ၂၇- ၂၀၂၃ GG + KK (VOM) ဧရာဝတီတိုင်း၊ ကျောင်းကုန်းမြို့နယ်၊ မြို့မရဲစခန်းအချုပ်မှာ ဖမ်းဆီးထားတဲ့ အချုပ်သား ၈ ဦး အချုပ်ခန်းဖောက် ထွက်ပြေးမှု ဖြစ်ပွားခဲ့တယ်လို့သိရပါတယ်။ ဖြစ်စဥ်မှာ မနေ့ ဧပြီ ၂၆ ရက် ည ၉ နာရီခန့်က အချုပ်ခန်းဖောက်ကာ ထွက်ပြေးသွားတာဖြစ်ပြီး လက်ရှိအချိန်ထိ ပြန်လည်ဖမ်းမိနိုင်ခြင်းမရှိသေးဘူးလို့ သိရပါတယ်။ ” မနေ့ကညက အချုပ်ဖောက်သွားတာလို့ကြားတယ်။မြို့ထဲလည်း လိုက်ရှာ စစ်ဆေးနေတယ်။အခုထိပြန်ဖမ်းမိတယ်လို့မကြားသေးဘူး “လို့ ကျောင်းကုန်းဒေသခံတစ်ဦးကပြောပါတယ်။ အချုပ်ခန်းဖောက်ထွက်ပြေးလွတ်မြောက်သွားသူတွေက အမျိုးသား (၈)ယောက်ဖြစ်ပြီး ရာဇသတ်ကြီးပုဒ်မ ၃၀၂/ ၃၉၄ ၊ရာဇသတ်ကြီးပုဒ်မ၃၈၀ နဲ့အမှုဖွင့်ခံထားရသူတွေဖြစ်တယ်လို့သိရပါတယ်။ တချို့ လူမှုကွန်ယက်စာမျက်နှာတွေမှာတော့ ၂ယောက်ကို ဖမ်းဆီရမိပြီး ၆ယောက်ကတော့ လွတ်မြောက်နေဆဲဖြစ်တယ်လို့ ဖော်ပြထားတာကို တွေ့ရပါတယ်။ လက်ရှိမှာအချုပ်ဖောက်ထွက်ပြေးသူတွေကို ပြန်လည်ဖမ်းဆီးရမိရေး ပိတ်ဆို့ရှာဖွေစစ်ဆေးမှုတွေလုပ်နေတယ်လို့သိရပါတယ်။ မတ်လ၁၄ ရက်နေ့ကလည်း ရှမ်းပြည်နယ် (တောင်ပိုင်း)…

ဧပြီ ၂၇ – ၂၀၂၃ GG(VOM) ရှမ်းပြည်နယ်မြောက်ပိုင်း ၊လားရှိုးမြို့၊ ရပ်ကွက် ၁ က နတ်ရေကန်ကျောင်းတိုက်မှာ ကလေးငယ်တစ်ဦး ဝက်ဝံကိုက်ခံရမှု ဒီနေဧပြီလ ၂၇ ရက် နေ့လယ်ပိုင်းကဖြစ်ပွားခဲ့တယ်လို့သိရပါတယ်။ ဘုန်းကြီးကျောင်းအတွင်း လှောင်အိမ်ခြံနဲ့ မွေးမြူထားတဲ့ဝက်ဝံက ကလေးငယ်ကို ကိုက်ခဲ့တာဖြစ်ကြောင်း၊ ကလေးငယ်မှာ လက်နှစ်ဖက်လုံးဒဏ်ရာပြင်းထန်ရရှိခဲ့တဲ့အပြင် ခြေသလုံးမှာလည်း ထိခိုက်ဒဏ်ရာရရှိခဲ့တယ်လို့သိရပါတယ်။ ” ကလေးရဲ့ လက်တွေဆို မြင်ရက်စရာမရှိဘူး။အရိုးတွေတောင်ပေါ်နေတယ်၊အခြေအနေကတော့ ပြောရခက်တယ်။ ကလေးက လှောင်အိမ်နားသွားရင်းအကိုက်ခံရတာလို့တော့သိရတယ်။ အလည်သွားကြရင်းကနေဖြစ်တာ ပေါ့ ၊ကလေးကစိုးရိမ်ရတယ်လို့သိရတယ် “လို့ လားရှိုးဒေသခံတစ်ဦးကပြောပါတယ်။ လက်ရှိ ကလေးငယ်ကို ဝက်ဝံကိုက်ခံရတဲ့ဒဏ်ရာတွေကြောင့် ဆေးရုံအရေးပေါ်ဌာနကနေ အရိုးအထူးကုသဆောင်မှာကုသမှုခံယူနေရတယ်လို့ သိရပါတယ်။ ဝက်ဝံကိုက်ခံရတဲ့ကလေးငယ်ဟာ မိန်းကလေးဖြစ်ပြီး အသက်အရွယ်အားဖြင့် ၁၀ နှစ်လောက်ရှိကြောင်း၊ လားရှိူးမြို့ဇာတိဖြစ်တယ်လို့သိရပါတယ်။ နတ်ရေကန်ကျောင်းတိုက်အနေနဲ့ ဝက်ဝံမွေးမြူထားတဲ့ကိစ္စကို လားရှိုးသစ်တောဦးစီးဌာနဆီ ခွင့်ပြုချက်လျှောက်ထားတာမျိုးမရှိဘဲ မွေး​မြူထားတာဖြစ်တယ်လို့သိရပါတယ်။ ” ဒီကတော့ မွေးမြူခွင့်မှတ်ပုံတင် လျှောက်ထားတာမရှိဘူး။တကယ်လို့မွေးမယ်ဆိုရင် ရုံးမှာမှတ်ပုံတင်လျှောက်ရပါမယ်၊လျှောက်လို့ခွင့်ပြုမှ…