Month: May 2023

တိုရွန်တို၊ မေ-၉-၂၀၂၃ မျိုးဆက်(VOM) ကနေဒါပါလီမန်အမတ်တဦးကို ခြိမ်းခြောက်ဖို့ကြံစည်မှုမြှ ပါ၀င်ပတ်သက်တယ်လို့ စွပ်စွဲခံရတဲ့ တိုရွန်တိုအခြေစိုက် တရုတ်သံတမန်တစ်ဦးကို ကနေဒါအစိုးရက မေ ၈ ရက်မှာ နှင်ထုတ်လိုက်ပါတယ်။ တရုတ်သံတမန် ကျောင်ဝေဟာ လက်ခံနိုင်ဖွယ်မရှိတဲ့ အပြုအမူကိုလုပ်ဆောင်ခဲ့ကြောင်း ကနေဒါနိုင်ငံခြားရေး၀န်ကြီး မယ်လာနီဂျိုလီက ပြောပါတယ်။ အခုလိုနှင်ထုတ်ခြင်းနဲ့ ပတ်သက်ပြီး ရှုတ်ချကြောင်း အော့တဝါရှိ တရုတ်သံရုံးက ထုတ်ပြန်ထားပြီး ပေကျင်းရှိ ကနေဒါသံတမန်ကို တရုတ်အစိုးရက နှင်ထုတ်လိုက်ပါတယ်။ တရုတ်နိုင်ငံရှိ ဝီဂါမျိုးနွယ်စုများအပေါ် တရုတ်နိုင်ငံရဲ့လူ့အခွင့်အရေးချိုးဖောက်မှုများအပေါ် ဝေဖန်ပြောဆိုလေ့ရှိတဲ့ ကနေဒါပါလီမန်အမတ် မိုက်ကယ်ချောင်နဲ့ ဆွေမျိုးတွေရဲ့ အချက်အလက်တွေကို စုဆောင်းရာမှာ တရုတ်သံတမန် ကျောင်ဝေပါ၀င်ခဲ့ကြောင်း ကနေဒါထောက်လှမ်းရေးအဖွဲ့ရဲ့ အစီရင်ခံစာမှာ ဖော်ပြထားပါတယ်။ ၀ီဂါမျိုးနွယ်စုတွေ အပေါ် တရုတ်နိုင်ငံရဲ့ ပြုမူဆောင်ရွက်မှုတွေဟာ လူမျိုးတုန်းသတ်ဖြတ်မှုဖြစ်ကြောင်း ကနေဒါပါလီမန်မှာ မစ္စတာချောင်က၂၀၂၁ ခုနှစ်က အဆိုတင်သွင်းခဲ့ပြီး ဒီကိစ္စကြောင့် သူ့ကို တရုတ်အစိုးရက အရေးယူပ်ိတ်ဆို့မှုတွေချမှတ်ခဲ့ပါတယ်။ ကနေဒါအနေနဲ့ ပြည်တွင်းရေးကို…

ဒေလီ၊ မေ-၈-၂၀၂၃ မျိုးဆက်(VOM) အိန္ဒိယနိုင်ငံအရှေ့မြောက်ပိုင်း မဏိပူရပြည်နယ်မှာ လူမျိုးရေးပဋိပက္ခအတွင်း နေအိမ်တွေ၊ မော်တော်ကားတွေ၊ ဘုရားကျောင်းတွေကို အုပ်စုလိုက်တိုက်ခိုက်မှုကြောင့် လူဒါဇင်များစွာသေဆုံးခဲ့ပြီး ထောင်ပေါင်းများစွာ အိုးမဲ့အိမ်မဲ့ဖြစ်ခဲ့ရကြောင်း တာ၀န်ရှိသူတွေက ပြောပါတယ်။ ပြည်နယ်အတွင်းရှိ အဓိကလူမျိုးစုက အဆင့်အတန်းသတ်မှတ်ပေးဖို့တောင်းဆိုမှုကို ဌာနေမျိုးနွယ်စုတွေက ဆန့်ကျင်ဆန္ဒပြမှုပြီးနောက် တပတ်အကြာမှာ အခုလိုအကြမ်းဖက်မှုဖြစ်ပွားခဲ့တာဖြစ်ပါတယ်။ ပြည်နယ်လူဦးရေရဲ့ ၅၃ ရာခိုင်နှုန်းရှိတဲ့ မိုက်တိုင်အသိုက်အ၀န်းကလူတွေဟာ သူတို့တွေကို လယ်ယာသစ်တော့မြေတွေကို ၀င်ရောက်လုပ်ကိုင်ခွင့်ပြုဖို့နဲ့ အစိုးရအလုပ်အကိုင်နေရာတွေမှာ အချိုးအစားအာမခံပေးမယ့် Scheduled Tribe အစီအစဉ်မှာပါ၀င်ဖို့ နှစ်ပေါင်းများစွာ တောင်းဆိုနေတာဖြစ်ပါတယ်။ သူတို့ရဲ့တောင်းဆိုချက်တွေကို လက်ခံလိုက်မယ်ဆိုရင် တောင်ပေါ်ခရိုင်တွေမှာနေထိုင်ကြတဲ့ ကူကစ်မျီုးနွယ်စုအဖြစ် အသိအမှတ်ပြုခံရပြီးသား မျိုးနွယ်စုတွေက သူတို့ရဲ့ ဘိုးဘွားပိုင်သစ်တောလယ်ယာမြေတွေကို ထိန်းချုပ်ထားမှု ဆုံးရှုံးမှာကို စိုးရိမ်နေကြပါတယ်။ လက်ရှိမှာတော့ တပ်ဖွဲ့၀င်ထောင်ပေါင်းများစွာကို ဖြန့်ကြက်ထားပြီး ညမထွက်ရအမိန့်ထုတ်ပြန်ထားတာ အင်တာနက်အသုံးပြုခွင့်ကိုလည်း ဆိုင်းငံ့ထားပါတယ်။ ဖြစ်ပွားနေတဲ့ ပဋိပက္ခတွေကို ထိန်းချုပ်ထားနိုင်ပြီလို့ အိန္ဒိယပြည်ထဲရေး၀န်ကြီး အမစ်ဆာရ်ှက ပြောဆိုထားပြီး မျိုးနွယ်စုတွေရဲ့တောင်းဆိုချက်တွေကို…

ဒမတ်စကတ်၊ မေ-၈-၂၀၂၃ မျိုးဆက်(VOM) ဆီးရီးယားဟာ အာရပ်အဖွဲ့ချုပ်ကနေ ထုတ်ပယ်ခံထားပြီးနောက် ဆယ်စုနှစ်တခုကျော်အကြာမှာ အာရပ်အဖွဲ့ချုပ်ထဲကို ပြန်လည်၀င်ရောက်ခွင့်ရရှိပြီဖြစ်ပါတယ်။ ဆီးရီးယားပြည်တွင်းစစ်ကို ဖြစ်ပေါ်စေခဲ့တဲ့ ဒီမိုကရေစီအရေးတောင်းဆိုတဲ့ ဆန္ဒပြပွဲတွေကို အာဏာပိုင်တွေက ရက်ရက်စက်စက်ဖြိုခွင်းမှုတွေကြောင့် ဆီးရီးယားကို အာရပ်အဖွဲ့ချုပ်ကနေ ထုတ်ပယ်ခဲ့တာဖြစ်ပါတယ်။ ယခုလနှောင်းပိုင်းမှာ ဆီးရီးယားသမ္မတ အာဆက်တက်ရောက်မယ့် ဆော်ဒီအာရေဗျမှာ ကျင်းပဖို့ရှိနေတဲ့ ထိပ်သီးဆွေးနွေးပွဲမတိုင်မီ အာရပ်အဖွဲ့ချုပ်သို့ ပြန်လည်၀င်ရောက်ခွင့် ထွက်ပေါ်လာခြင်းဖြစ်ပါတယ်။ အခုလို အာရပ်အဖွဲ့ချုပ်ထဲ ပြန်လည်၀င်ရောက်ခွင့်ပြုခြင်းကို အမေရိကန်နဲ့ ဗြိတိန်တို့က ဝေဖန်ပြောဆိုထားပါတယ်။ ဆီးရီးယားကို အဖွဲ့ထဲ ပြန်လည်၀င်ရောက်ခွင့်ပြုဖို့ မထိုက်တန်သေးသော်လည်း ဆီးရီးယားအကျပ်အတည်းကို ဖြေရှင်းဖို့ အာရပ်အဖွဲ့ချုပ်ရဲ့ ရေရှည်ရည်မှန်းချက်တွေကို ထောက်ခံကြောင်း အမေရိကန်က ပြောပါတယ်။ ဗြိတိန်အနေနဲ့ ဆီးရီးယားအစိုးရနဲ့ ထိတွေ့ဆက်ဆံမှုတွေကို ဆန့်ကျင်ဆဲဖြစ်ပြီး အာဆက်ရဲ့ ဆီးရီးယားအစိုးရဟာ အပြစ်မဲ့ဆီးရီးယားပြည်သူတွေကို ဖမ်းဆီးခြင်း၊ ညှဉ်းပန်းနှိပ်စက်ခြင်းနဲ့သတ်ဖြတ်မှုတွေကို ဆက်လက်လုပ်ဆောင်နေကြောင်း ဗြိတိန်တာ၀န်ရှိသူတွေက ပြောပါတယ်။ Ref: BBC #voiceofmyanmar #VOM…