Month: May 2023

ပေကျင်း၊ မေ-၂-၂၀၂၃ မျိုးဆက်(VOM) တရုတ်နိုင်ငံခြားရေး၀န်ကြီး ချင်းဂန်ဟာ မေ ၂ ရက်ကနေ ၅ ရက်အတွင်း မြန်မာနိုင်ငံနဲ့ အိန္ဒိယနိုင်ငံတို့ကို သွားရောက်မယ်လို့ တရုတ်နိုင်ငံခြားရေး၀န်ကြီးဌာနက မေ ၂ ရက်မှာ ထုတ်ပြန်ပါတယ်။ တရုတ်နိုင်ငံခြားရေး၀န်ကြီးဟာ အိန္ဒိယမှကျင်းပမယ့် ရှန်ဟိုင်းပူးပေါင်းဆောင်ရွက်ရေးအဖွဲ့ရဲ့ နိုင်ငံခြားရေး၀န်ကြီးတွေအစည်းအဝေးအတွက် အိန္ဒိယနိုင်ငံကိုသွားရောက်မှာဖြစ်ပါတယ်။ သူဟာ ကုလသမဂ္ဂအတွင်းရေးမှုးချုပ်ရဲ့ မြန်မာနိုင်ငံဆိုင်ရာအထူးကိုယ်စားလှယ် နိုလင်းဟေဇာနဲ့ မနေ့ကတွေ့ဆုံခဲ့ပြီး မြန်မာနိုင်ငံတည်ငြိမ်အေးချမ်းမှု ပြန်လည်ရရှိရေးအတွက် နိုင်ငံရေးတွေ့ဆုံဆွေးနွေးမှုတွေ မြင့်တင်ဖို့နဲ့ အချုပ်အခြာကို လေးစားဖို့ နိုင်ငံတကာအသိုင်းအဝိုင်းကို သူကတိုက်တွန်းလိုက်ပါတယ်။ နိုင်ငံတကာအသိုင်းအဝိုင်းအနေနဲ့ မြန်မာ့အရေးမှာ အာဆီယံရဲ့ကြား၀င်ဖြန်ဖြေမှုကိုလေးစားလိုက်နာသင့်ပြီး အာဆီယံဘုံသဘောတူညီချက်ငါးချက်အကောင်အထည်ဖော်ရေးတွေကို မြှင့်တင်ပေးသင့်တယ်လို့ တရုတ်နိုင်ငံခြားရေး၀န်ကြီးက ပြောပါတယ်။ မြန်မာ့အရေးမှာ တင်းမာမှုတွေမြင့်တက်လာပြီး အကျပ်အတည်းတွေတိုးလာတာကို တားဆီးဖို့အတွက် လက်တွေ့ကျကျလုပ်ဆောင်ဖို့လိုအပ်ပြီး ကုလသမဂ္ဂအတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးသံတမန် နိုလင်းဟေဇာရဲ့ မြန်မာ့အရေကြိုးပမ်းအားထုတ်မှုတွေကို တရုတ်နိုင်ငံက ပံ့ပိုကူညီပေးဖို့ ဆန္ဒရှိကြောင်း ထုတ်ဖော်ပြောဆိုထားပါတယ်။ Ref: Reuters/CGTN Photo:…

ပါရီ၊ မေ-၂-၂၀၂၃ မျိုးဆက်(VOM) ပြင်သစ်နိုင်ငံတ၀န်းမှာ ပင်စင်ပြုပြင်ပြောင်းလဲမှုတွေအပေါ် အမျက်ဒေါသထွက်နေတဲ့ ဆန္ဒပြသူတွေနဲ့ အဓိကရုဏ်းတွေအတွင်း ရဲတပ်ဖွဲ့၀င် ၁၀၈ ယောက်ထက်မနည်းဒဏ်ရာရရှိခဲ့ကြောင်း ပြင်သစ်ပြည်ထဲရေး၀န်ကြီးက ပြောပါတယ်။ အခုလို ရဲတပ်ဖွဲ့၀င်အများအပြား ဒဏ်ရာရရှိမှုဟာ ကြုံတောင့်ကြုံခဲဖြစ်ပြီး မငြိမ်မသက်မှုတွေအတွင်း လူ ၂၉၁ ဦးကို ဖမ်းဆီးထိန်းသိမ်းခဲ့ကြောင်း ပြည်ထဲရေး၀န်ကြီး ဂျရယ်ဒါမာနင်က ပြောပါတယ်။ သမ္မတမက်ခရိုရဲ့ ပင်စင်ဆိုင်ရာပြုပြင်ပြောင်းလဲမှုတွေကိုဆန့်ကျင်တဲ့ အလုပ်သမားနေ့ဆန္ဒပြပွဲအတွင်း လူသိန်းချီပါ၀င်ခဲ့ပါတယ်။ အများစုက ငြိမ်းချမ်းစွာဆန္ဒပြခဲ့ကြပေမယ့်လည်း အစွန်းရောက်သူအချို့ကတော့ ဓါတ်ဆီဗုံးတွေ မီးရှုးတွေနဲ့ ရဲတပ်ဖွဲ့၀င်တွေကို ပစ်ပေါက်ခဲ့ကြပါတယ်။ ရဲတပ်ဖွဲ့ဟာ ဆန္ဒပြသူတွေကို မျက်ရည်ယိုဗုံး၊ မီးသတ်ပိုက်တွေနဲ့ လူစုခွဲခဲ့ပြီး အဓိကရုဏ်းတွေကြောင့် ဆန္ဒပြသူဘယ်လောက် ထိခိုက်ဒဏ်ရာရရှိခဲ့လဲဆိုတာကိုတော့ ရှင်းလင်းစွာမသိရပါဘူး။ အလုပ်သမားနေ့မှာ ပြုလုပ်တဲ့ဆန္ဒပြပွဲတွေဟာ ပင်စင်ယူရမယ့် အသက်ကို ၆၂ နှစ်ကနေ ၆၄ နှစ်ထိတိုးမြှင့်လိုက်တဲ့ အပေါ် နောက်ဆုံးဖြစ်ပွားခဲ့တဲ့ အကြီးအကျယ်ဆန္ဒပြမှုဖြစ်ပြီး ပင်စင်ဆိုင်ရာပြုပြင်ပြောင်းလဲမှုတွေကို ရုပ်သိမ်းဖို့ အလုပ်သမားသမဂ္ဂတွေက တောင်းဆိုနေကြပါတယ်။…

ကိယက်ဗ်၊ မေ-၂-၂-၂၃ မျိုးဆက်(VOM) ယူကရိန်းစစ်ပွဲအတွင်း ဒီဇင်ဘာလနောက်ပိုင်း ရုရှားစစ်သား နှစ်သောင်းကျော်သေဆုံးခဲ့ကြောင်း အမေရိကန်က ခန့်မှန်းထားပါတယ်။ ဒါ့အပြင် ရုရှားစစ်သား ရှစ်သောင်းကျော် ဒဏ်ရာရရှိခဲ့ကြောင်း ထောက်လှမ်းရေးသတင်းအချက်အလက်တွေကို ကိုးကားပြီး အမေရိကန်အမျိုးသားလုံခြုံရေးကောင်စီပြောရေးဆိုခွင့်ရှိသူ ဂျွန်ခရီဘီက ပြောပါတယ်။ သေဆုံးသွားတဲ့ စစ်သားတွေရဲ့ထက်၀င်ဟာ ယူကရိန်းအရှေ့ပိုင်း ဘက်မွတ်ခ်မြို့ကိုတိုက်ခိုက်နေတဲ့ Wanger ကြေးစားစစ်သားအဖွဲ့ကဖြစ်တယ်လို့ ဆိုပါတယ်။ ရုရှားဟာ ပြီးခဲ့တဲ့နှစ်ကတည်းက အဲဒီမြို့ကို သိမ်းပိုက်ဖို့ ကြိုးစားနေတာဖြစ်ပါတယ်။ ရုရှားတပ်တွေဟာ လက်ရှိမှာတော့ ဘက်မွတ်ခ်ရဲ့နေရာအတော်များများကို သိမ်းပိုက်ထားနိုင်ပေမယ့် မြို့အနောက်ဘက်ပိုင်းက နယ်မြေအနည်းငယ်ကို ယူကရ်ိန်းတပ်တွေက ထိန်းချုပ်ထားနိုင်ဆဲဖြစ်ပါတယ်။ ဘတ်မွတ်ခ်ကတဆင့် ဒွန်ဘတ်စ်ဒေသကိုထိုးစစ်ဆင်ဖို့ ရုရှားရဲ့ကြိုးပမ်းမှုမအောင်မြင်ခဲ့ကြောင်းနဲ့ သိသာထင်ရှားတဲ့သိမ်းပိုက်မှုတွေ မလုပ်နိုင်ခဲ့ဘူးလို့ ဂျွန်ခရီဘီက ပြောပါတယ်။ အဓိကအချက်မှာ လပေါင်းများစွာလုပ်ဆောင်ခဲ့တဲ့ ရုရှားရဲ့ထိုးစစ်ဟာ တိုက်ပွဲတွေအတွင်း သိသာထင်ရှားတဲ့ ဆုံးရှုံးမှုတွေအပြီး နောက်ပြန်ဆုတ်သွားခြင်းဖြစ်ကြောင်း အမေရိကန်အမျိုးသားလုံခြုံရေးကောင်စီပြောရေးဆိုခွင့်ရှိသူကပြောပါတယ်။ Ref:BBC Photo:Reuters #voiceofmyanmar #VOM #ကိယက်ဗ်

ဒေလီ၊ မေ-၁-၂၀၂၃ မျိူးဆက်(VOM) အိန္ဒိယနိုင်ငံမြောက်ပိုင်းမှာ ဓါတ်ငွေ့ယိုစိမ့်မှုကြောင့် လူ (၁၁)ဦးထက်မနည်း သေဆုံးသွားကြောင်း အိန္ဒိယတာ၀န်ရှိသူတွေက ဧပြီ ၃၀ရက်မှာ ပြောပါတယ်။ ပန်ဂျပ်ပြည်နယ် လူဒီယားနားဆိပ်ကမ်းမြို့မှာ ဖြစ်ပွားခဲ့တဲ့ အဲဒီမတော်တဆမှုအတွင်း သေဆုံးသူတွေထဲမှာ အမျိုးသမီးနဲ့ကလေးငယ်တွေပါ၀င်ပြီး နေအိမ်တွေမှာ လူအများအပြား သတိလစ်မေ့မျောမှုတွေဖြစ်ပွားခဲ့ပါတယ်။ ဓါတ်ငွေ့ယိုစိမ့်တဲ့နေရာမှ ဒေသခံတွေကို ဘေးလွတ်ရာသို့ ရွှေ့ပြောင်းပေးခဲ့ပြီး (၄)ဦးကတော့ ဆေးရုံမှာကုသမှုခံယူနေရကာ အဲဒီနေရာကို တာ၀န်ရှိသူတွေက ပိတ်ဆို့ထားပါတယ်။ ဓါတ်ငွေ့ယိုစိမ့်ရတဲ့ အကြောင်းရင်းကိုတော့ ရှင်းလင်းစွာမသိရသေးပါဘူး။ အနီးနားရှိ ဓါတ်ငွေ့တွင်းတွေကနေ စတင်ယိုစိမ့်မှုဖြစ်ပွားဖွယ်ရှိပြီး အချို့သော ဓါတုဗေဒပစ္စည်းတွေဟာ တွင်းတွေမှာရှိတဲ့ မီးသိန်းနဲ့ ဓါတ်ပြုနိုင်ကြောင်း တာ၀န်ရှိသူတစ်ဦးကပြောပါတယ်။ စက်မှုလုပ်ငန်းသုံး ဓါတ်ငွေ့ယိုစိမ့်မှုမှာ အိန္ဒိယနိုင်ငံမှာ ဖြစ်ခဲပါတယ်။ အန်ဒရာပရာဒေ့ရ်ှပြည်နယ်မှာ လွန်ခဲ့တဲ့သုံးနှစ်က ဓါတ်ငွေ့ယိုစိမ့်မှုဖြစ်ပွားခဲ့ဖူးပြီး လူ ၁၂ ဦးထက်မနည်း သေဆုံးခဲ့ပါတယ်။ Ref:BBC Photo:Reuters #voiceofmyanmar #VOM #ဒေလီ

ကိယက်ဗ်၊ မေ-၁-၂၀၂၃ မျိုးဆက်(VOM) ရုရှားသိမ်းပိုက်ထားတဲ့ ယူကရိန်းနယ်မြေများကို ပြန်လည်သိမ်းပိုက်ဖို့အတွက် များမကြာမီမှာ တန်ပြန်ထိုးစစ်ကြီးတခုစတင်တော့မယ်လို့ ယူကရိန်းသမ္မတဇီလန်စကီးက ထုတ်ဖော်ပြောဆိုလိုက်ပါတယ်။ အဓိကတိုက်ပွဲကြီးတွေ မကြာခင်ဖြစ်လာတော့မှာဖြစ်ပြီး ယူကရိန်းနိုင်ငံနဲ့ ပြည်သူတွေကို ရုရှားရဲ့ သုံ့ပန်းဘ၀ကနေ လွတ်မြောက်စေရမယ်လို့ ယူကရိန်းနယ်ခြားစောင့်တပ်နေ့အထိမ်းအမှတ်နေ့ မိန့်ခွန်းပြောရာမှာ ဇီလန်စကီးကပြောပါတယ်။ ယူကရိန်းနိုင်ငံ၏ နယ်နိမိတ်တွေဖြစ်တဲ့ မြေပြင်နဲ့ ရေပြင်နယ်နိမိတ်တွေကို အပြည့်အဝြပန်လည်တည်ဆောက်ရမယ်လို့သူကပြောပါတယ်။ ယူကရိန်းအရှေ့ပိုင်း အမာခံနယ်မြေ ဘက်မွတ်ခ်နဲ့အခြားနေရာတွေရှိ ယူကရိန်းတပ်တွေရဲ့ စွမ်းဆောင်ရည်ကို သမ္မတဇီလန်စကီးက ချီးကျူးပြောဆိုပါတယ်။ ရုရှားတပ်တွေကို တန်ပြန်ထိုးစစ်ဆင်ဖို့အတွက် ပြင်ဆင်ထားကြဖို့ ယူကရိန်းကာကွယ်ရေး၀န်ကြီး အိုလက်စီရက်ဇ်နီကော့ဗ်ကလည်း ယူကရိန်းစစ်တပ်ကို တပ်လှန့်ထားပါတယ်။ မဟာမိတ်နိုင်ငံတွေဆီကနေ တောင်းဆိုထားတဲ့ အက်ဖ်-၁၆ တိုက်လေယာဉ်တွေမပါဘဲ ရုရှားတပ်တွေကို တန်ပြန်ထိုးစစ်ဆင်မှာဖြစ်ပြီး ယူကရိန်းပိုင်နက်နယ်မြေများကို ပြန်လည်ရယူရေးမှာ လွယ်ကူမှာတော့မဟုတ်ကြောင်း ယူကရိန်းသမ္မတ ဇီလန်စကီးက ထုတ်ဖော်ပြောဆိုထားပါတယ်။ Ref:NHK #voiceofmyanmar #VOM #ထီးလင်း #ကိယက်ဗ်