Day: June 28, 2023

တိုကျို၊ ဇွန်-၂၈-၂၀၂၃ မျိုးဆက်(VOM) ရာသီဥတုဖောက်ပြန်မှုကို ခံနိုင်ရည်မရှိတဲ့ အရှေ့တောင်အာရှရှိ ဖွံဖြိုးဆဲနိုင်ငံတွေအတွက် မိုးလေ၀သကြိုတင်သတိပေးစနစ်တွေ ကူညီပေးဖို့ စီစဉ်နေကြောင်း ဂျပန်သဘာ၀ပတ်၀န်းကျင် ၀န်ကြီးဌာနက ထုတ်ပြန်ပါတယ်။ ၂၀၂၃ ခုနှစ် ဘဏ္ဍာနှစ်အကုန်မှာ အာဆီယံနိုင်ငံတွေရဲ့ ရာသီဥတုဆိုင်ရာ လိုအပ်ချက်တွေကို စစ်တမ်းကောက်ယူဖို့ အတွက် ဂျပန်ကုမ္ပဏီတွေနဲ့ ပူးပေါင်းဆောင်ရွက်သွားမှာဖြစ်ကြောင်း ထုတ်ပြန်ချက်မှာ ဖော်ပြထားပါတယ်။ မကြာခဏနဲ့ ပြင်းထန်တဲ့အခြေအနေတွေအပါအ၀င် ရာသီဥတုပြောင်းလဲမှုရဲ့ သက်ရောက်မှုတွေဟာ မြင်သာထင်သာ ပိုမိုဆိုးရွားလာကြောင်း ဂျပန်သဘာ၀ပတ်၀န်းကျင်၀န်ကြီး နီရှီမူရာအကီဟီရိုက ပြောပါတယ်။ အာဆီယံနိုင်ငံတွေကို ထောက်ပံ့ကူညီမယ့် ကြိုတင်သတိပေးစနစ်တွေမှာ မိုးလေ၀သရေဒါတွေနဲ့ အခြားစောင့်ကြည့်ကိရိယာတွေ တပ်ဆင်ခြင်း၊ အချက်အလက်ခွဲခြမ်းစိတ်ဖြာခြင်းနဲ့ ခန့်မှန်းချက်တွေကို ထုတ်ပြန်ခြင်းအပြင် ဘေးအန္တရာယ်တွေကို ကြိုတင်သတိပေးခြင်းစနစ်တွေလည်းပါ၀င်ပါတယ်။ ၂၀၂၇ ခုနှစ်မှာ ကြိုတင်သတိပေးစနစ်တွေ အန္တရာယ်ရှိတဲ့ မိုးလေ၀သအခြေအနတွေ ကမ္ဘာ့လူသားတွေကို ကာကွယ်နိုင်ဖို့ လှုပ်ရှားမှုကို ကမ္ဘာ့မိုးလေ၀သအဖွဲ့က မကြာသေးမီက ကြေညာခဲ့ပါတယ်။ Ref: NHK Photo: NASA…

မင့်စ်၊ ဇွန်-၂၈-၂၀၂၃ မျိုးဆက်(VOM) ရုရှားစစ်တပ်ကို ပုန်ကန်မှုပြုလုပ်ခဲ့တဲ့ ၀ဂ္ဂနာကြေးစားအဖွဲ့ခေါင်းဆောင် ပရီဂိုဇင်ဟာ ပုန်ကန်မှုအဆုံးသတ်ပြီးသုံးရက်အကြာမှာ ဘီလာရုစ်နိုင်ငံကို ရောက်ရှိနေပြီဖြစ်ပါတယ်။ သူဒီနေ့ ဘီလာရုစ်ကို ရောက်နေပြီဖြစ်ကြောင်း ဘီလာရုစ်သမ္မတ လူကာရှန်ကိုက ပရီဂိုဇင်ရောက်ရှိတာနဲ့ ပတ်သက်ပြီး အတည်ပြုပြောဆိုပါတယ်။ ပရီဂိုဇင်ဟာ စနေနေ့ညက ကားပေါ်ကပုံထွက်ပေါ်လာပြီးနောက် သူဟာ ဘယ်မှာရှိနေတယ်ဆိုတာ ပဟေဠိ ဖြစ်ခဲ့ရပါတယ်။ ဒါပေမယ့် သူ့ရဲ့ကိုယ်ပိုင် ဂျက်လေယာဉ်ဟာ ဘီလာရုစ်နိုင်ငံ မင့်စ်မြို့ကို ဇွန် ၂၇ ရက်က ပျံသန်းခဲ့ကြောင်း လေယာဉ်ပျံသန်းမှု ခြေရာခံမှုတွေမှာ ဖော်ပြထားပါတယ်။ ပရီဂိုဇင်ရဲ့ ကြေးစားစစ်သားတွေအတွက် လာချင်တယ်ဆိုရင် စစ်အခြေစိုက်စခန်းတခု ပေးမယ်လို့ ဘီလာရုစ်သမ္မတ လူကာရှန်ကိုက ပြောပါတယ်။ ပုန်ကန်မှုအဆုံးသတ်စေဖို့အတွက် ပရီဂိုဇင်ရဲ့ လုံခြုံရေးကို အာမခံရပြီး ၀ဂ္ဂနာကြေးစားအဖွဲ့တွေနဲ့ပတ်သက်ပြီး ရာဇ၀တ်မှုတွေကို ရုရှားကရုပ်သိမ်းပေးခဲ့ရပါတယ်။ ရုရှားကတော့ ၀ဂ္ဂနာအဖွဲ့ကိုပေးထားတဲ့ လက်နက်ကြီးတွေကို ပြန်သိမ်းဖို့ပြင်ဆင်နေပြီး ကြေးစားစစ်သားတွေအနေနဲ့ ရုရှားစစ်တပ်ထဲ၀င်ခြင်း၊ ဘီလာရုစ်သို့ သွားခြင်း…