Day: July 26, 2023

ကီတို၊ ဇူလိုင်-၂၆-၂၀၂၃ မျိုးဆက်(VOM) အီကွေဒေါနိုင်ငံရှိ အကျဉ်းထောင်တွေမှာ အကျဉ်းသားတွေက ဓါးစာခံအဖြစ် ဖမ်းဆီးခေါ်ဆောင်ထားတဲ့ အကျဉ်းထောင်၀န်ထမ်းတွေကို ကယ်တင်နိုင်ရေးအတွက် အကြီးစားစစ်ဆင်ရေးတရပ်ပြုလုပ်နေကြောင်း ပြည်ထဲရေး၀န်ကြီးဌာနက ဇူလိုင် ၂၅ ရက်မှာ ထုတ်ပြန်ပါတယ်။ ဂိုင်ယာကွေးဆိပ်ကမ်းမြို့ရှိ အကျဉ်းထောင်မှာ ပြိုင်ဘက်ဂိုဏ်းတွေပဋိပက္ခဖြစ်ပွားမှုကြောင့် လူခြောက်ဦးသေဆုံးပြီး ၁၁ ဦးဒဏ်ရာရရှိသွားတဲ့ အကြမ်းဖက်မှုတွေအပြီး ရက်အနည်းငယ်အကြာမှာ အကျဉ်းထောင်တွေမှာ လုံခြုံရေးဆိုင်ရာ စစ်ဆင်ရေးပြုလုပ်နေတာဖြစ်ပါတယ်။ အကျဉ်းထောင်(၅)ခုထက်မနည်းမှာ အကျဉ်းထောင်၀န်ထမ်းအများအပြား ဖမ်းဆီးခံထားရကြောင်း အီကွေဒေါအကျဉ်းဦးစီးဌာနက ထုတ်ပြန်ထားပြီး ဖမ်းဆီးခံထားရတဲ့ ဓါးစာခံအရေအတွက်ကို တိကျစွာထုတ်ပြန်ခြင်းမရှိပါဘူး။ အီကွေဒေါသမ္မတ ဂူလာမိုလက်ဆိုက အကျဉ်းထောင်တွေမှာ အရေးပေါ်အခြေအနေကို အစောပိုင်းမှာ ကြေညာထားခဲ့ပြီး လုံခြုံရေးတပ်ဖွဲ့၀င် ထောင်ပေါင်းများစွာကို ဖြန့်ကြက်ချထားပြီးဖြစ်ကြောင်း တာ၀န်ရှိသူတွေကပြောပါတယ်။ လုံခြုံရေးတပ်ဖွဲ့၀င်တွေဟာ အကျဉ်းထောင်ကို ထိန်းချုပ်ထားကြောင်း ပြည်ထဲရေး၀န်ကြီးဇာပါတာက ထုတ်ဖော်ပြောကြားထားပေမယ့် ဓါးစာခံအဖြစ်ဖမ်းဆီးခံထားရတံ့ အကျဉ်းထောင်၀န်ထမ်းတွေ လွတ်မြောက်ခြင်းရှိမရှိ မသိရသေးပါဘူး။ Ref: BBC #voiceofmyanmar #VOM #ကီတို

ပြုံးယမ်း ၊ ဇူလိုင်-၂၆-၂၀၂၃ မျိုးဆက်(VOM) မြောက်ကိုရီးယားကို ရုရှားကာကွယ်ရေး၀န်ကြီး ဆာဂီရှိုဂူဦးဆောင်တဲ့ ရုရှားကိုယ်စားလှယ်အဖွဲ့ဟာ အင်္ဂါနေ့နှောင်းပိုင်းမှာ မြောက်ကိုရီးယားကို ရောက်ရှိနေပါတယ်။ ဒါ့အပြင် တရုတ်ကွန်မြူနစ်ပါတီရဲ့ ဗဟိုမူဝါဒချမှတ်ရေးကော်မတီမှာပါ၀င်တဲ့ လီဟောင်ကျောင်ဦးဆောင်တဲ့ တရုတ်ကိုယ်စားလှယ်အဖွဲ့ဟာလည်း ဒီနေ့မှာ မြောက်ကိုရီးယားကို ရောက်ရှိမယ်လို့ တာ၀န်ရှိသူတွေက ပြောပါတယ်။ ရုရှားနဲ့ တရုတ်ကိုယ်စားလှယ်အဖွဲ့ဟာ ကိုရီးယားစစ်ပွဲပြီးဆုံးခြင်းနှစ် ၇၀ ပြည့်အထိမ်းအမှတ်အခမ်းအနားကို တက်ရောက်ကြမှာဖြစ်ပြီး မြောက်ကိုရီးယားဟာ ဒီလိုအခမ်းအနားမျိုးကို စစ်ရေးပြပွဲတွေ အကြီးအကျယ် ပြုလုပ်လေ့ရှိပါတယ်။ ကပ်ရောဂါဖြစ်ပွားချိန်က နယ်စပ်တွေကို ပိတ်ဆို့ပြီးနောက် တရုတ်နဲ့ရုရှားကိုယ်စားလှယ်အဖွဲ့ဟာ မြောက်ကိုရီးယားကို ပထမဆုံးလာရောက်ကြတဲ့ ခရီးစဉ်လည်းဖြစ်ပါတယ်။ ကိုဗစ်-၁၉ ရောဂါစိုးရိမ်မှုတွေကြောင့် မြောက်ကိုရီးယားဟာ နိုင်ငံရေးနဲ့စီးပွားရေး အဓိကမဟာမိတ်တွေဖြစ်တဲ့ တရုတ်၊ ရုရှားတို့နဲ့ပါ ၂၀၂၀ ခုနှစ်ကစပြီး ဆက်ဆံသွားလာမှု ဖြတ်တောက်ခဲ့တာဖြစ်ပါတယ်။ ရုရှားနဲ့ တရုတ်တို့ဟာ မြောက်ကိုရီးယားရဲ့ ကာလရှည်ကြာ မဟာမိတ်တွေဖြစ်ပါတယ်။ Ref: BBC Photo:Reuters #voiceofmyanmar #VOM…

ပေကျင်း၊ ဇူလိုင်-၂၆-၂၀၂၃ မျိုးဆက်(VOM) တရုတ်နိုင်ငံခြားရေး၀န်ကြီးအဖြစ် ခန့်အပ်ခံထားရတဲ့ ချင်ဂန်းဟာ ခန့်အပ်ခံရပြီး ခုနှစ်လအကြာမှ ရာထူးကနေ ထုတ်ပယ်ခံလိုက်ရပေမယ့် ထင်ကြေးပေးမှုအမျိုးမျိုးကတော့ ထွက်ပေါ်နေဆဲဖြစ်ပါတယ်။ အင်္ဂါနေ့က ပြုလုပ်တဲ့အရေးပေါ်အစည်းအဝေးအပြီးမှာ ချင်ဂန်းကို နိုင်ငံခြားရေး၀န်ကြီးအဖြစ်ကနေ ထုတ်ပယ်လိုက်တာဖြစ်ပြီး ထုတ်ပယ်ရတဲ့အကြောင်းရင်းကို အာဏာပိုင်တွေက ထုတ်ပြန်ခြင်းမရှိပါဘူး။ ယခင်နိုင်ငံခြားရေး၀န်ကြီးဖြစ်တဲ့ ၀မ်ယီက နိုင်ငံခြားရေး၀န်ကြီးအဖြစ် ပြန်လည်တာ၀န်ထမ်းဆောင် သွားမှာဖြစ်ပါတယ်။ နိုင်ငံခြားရေး၀န်ကြီး ချင်ဂန်း လူမြင်ကွင်းကနေ ထူးဆန်းစွာပျောက်ဆုံးနေတာနဲ့ ပတ်သက်ပြီး တရုတ်နိုင်ငံနဲ့ ပြည်ပနိုင်ငံတွေမှာပါ ထင်ကြေးပေးမှုအမျိုးမျိုးဖြစ်ပေါ်နေပါတယ်။ အသက် ၅၇ နှစ်အရွယ်ရှိပြီဖြစ်တဲ့ ချင်ဂန်းဟာ တရုတ်သမ္မတရှီကျင်းပင်နဲ့ နီးစပ်သူအဖြစ် ရှုမြင်ခံထားရပြီး တရုတ်နိုင်ငံသမိုင်းမှာ အသက်အငယ်ဆုံး ရာထူးကြီးခန့်အပ်ခံရသူတွေထဲက တဦးဖြစ်ပါတယ်။ ချင်ဂန်း တလကျော်ကြာ လူမြင်ကွင်းကနေ ပျောက်ဆုံးနေပြီး အင်ဒိုနီးရှားမှာပြုလုပ်တဲ့ ထိပ်သီးအစည်းအဝေးတခုကို မတက်ရောက်ဖြစ်ခဲ့ပါဘူး။ ဒါဟာ ကျန်းမာရေးအကြောင်းပြချက်လို့ သတင်းတွေ ထွက်ခဲ့ပါတယ်။ ဒါပေမယ့် သူ့ကို ရာထူးကနေ ထုတ်ပယ်မှုဟာ နိုင်ငံရေးကြောင့်…