Day: August 8, 2023

ဝါရှင်တန်၊ သြဂုတ်-၈-၂၀၂၃ မျိုးဆက်(VOM) နိုင်ဂျာမှာ ပြီးခဲ့တဲ့လက အာဏာသိမ်းမှုဖြစ်ပွားခဲ့ပြီးနောက် အာဏာသိမ်းစစ်ခေါင်းဆောင်တွေနဲ့ မျက်နှာချင်းဆိုင်တွေ့ဆုံဆွေးနွေးခဲ့ကြောင်း အမေရိကန်ထိပ်တန်းသံတမန်တဦးက ထုတ်ဖော်ပြောဆိုလိုက်ပါတယ်။ နိုင်ဂျာအာဏာသိမ်းမှုကို သံတမန်နည်းအရ အဆုံးသတ်နိုင်ဆဲဖြစ်ကြောင်း အမေရိကန်နိုင်ငံခြားရေးဝန်ကြီးဌာန ခေတ္တလက်ထောက်နိုင်ငံခြားရေးဝန်ကြီး ဗစ်တိုးရီးယားနူလန်းက ပြောပါတယ်။ အနောက်အာဖရိကနိုင်ငံ ၁၅ နိုင်ငံပါဝင်တဲ့ အီကိုဝပ်စ်အဖွဲ့ကတော့ ဖမ်းဆီးခံထားရတဲ့ နိုင်ဂျာသမ္မတကို အာဏာပြန်လွှဲပေးဖို့ တနင်္ဂနွေနေ့နောက်ဆုံး ရာဇသံပေးပြီးနောက် နိုင်ဂျာအာဏာပိုင်တွေဟာ လေပိုင်နက်တွေကို ပိတ်ထားလိုက်ပါတယ်။ ပြသနာပြေလည်မှုမရှိရင် နောက်ဆုံးမှာ စစ်ရေးအရကြားဝင်ဖို့နဲ့ပတ်သက်ပြီး ပြင်ဆင်စရာရှိတာအားလုံး ပြင်ဆင်ပြီးဖြစ်ကြောင်း အီကိုဝပ်စ်အဖွဲ့ ထုတ်ပြန်ကြေညာထားပါတယ်။ နိုင်ဂျာနိုင်ငံရေးအကျပ်အတည်းနဲ့ပတ်သက်ပြီး လာမယ့် သြဂုတ် ၁၀ ရက်မှာ အဖွဲ့ဝင်နိုင်ငံတွေတွေ့ဆုံဆွေးနွေးဖို့ အီကိုဝပ်စ်အဖွဲ့က စီစဉ်ထားပါတယ်။ နိုင်ငံတဖြည်းဖြည်းနဲ့ မလွဲမသွေကျဆုံးတာမျိုးကို ရှောင်ရှားလိုတာကြောင့် အာဏာသိမ်းတာလို့ စစ်ခေါင်းဆောင်တွေက ပြောပါတယ်။ နိုင်ဂျာအာဏာသိမ်းခေါင်းဆောင်တွေဟာ ပြည်တွင်းအခြေအနေကို ထိန်းသိမ်းဖို့ ရုရှားရဲ့ ဝဂ္ဂနာကြေးစားအဖွဲ့ကို အကူအညီတောင်းထားတယ်ဆိုတဲ့ ကိစ္စအပေါ် စိုးရိမ်ပူပန်ကြောင်း အမေရိကန်ထိပ်တန်းသံတမန် နူလန်းက…

ကိဗ်ယက်၊ သြဂုတ်-၈-၂၀၂၃ မျိုးဆက်(VOM) ယူကရိန်းသမ္မတ ဇီလန်စကီးကို ရုရှားကသတ်ဖြတ်ဖို့ကြံစည်မှုမှာ အမျိုးတဦးကို ဖမ်းဆီးထိန်းသိမ်းလိုက်ကြောင်း ယူကရိန်းလုံခြုံရေးတာဝန်ရှိသူတွေက ထုတ်ဖော်ပြောဆိုလိုက်ပါတယ်။ ဇွန်လအတွင်းမှာ ရေကာတာကျိုးပေါက်မှုကြောင့် ရေကြီးရေလျှံဖြစ်ပွားခဲ့တဲ့ မိုင်ကိုလိုင်ဗ်ကို သမ္မတဇီလန်စကီး မသွားရောက်မီ အဲဒီခရီးစဉ်ကို သိရှိဖို့ အဲဒီအမျိုးသမီးက အားထုတ်ကြိုးပမ်းခဲ့တယ်လို့ တာဝန်ရှိသူတွေက ပြောပါတယ်။ အဲဒီလို ဖမ်းဆီးမှုနဲ့ပတ်သက်ပြီး ရုရှားဘက်ကတော့ မှတ်ချက်ပြုပြောဆိုခြင်းမရှိသေးပါဘူး။ ယူကရိန်းထောက်လှမ်းရေးအဖွဲ့ အက်စ်ဘီယူကတော့ အဲဒီအမျိုးသမီးဟာ ရုရှားဘက်ကို ထောက်လှမ်းရေးသတင်းတွေပို့ဖို့ ကြိုးစားစဉ် ဖမ်းဆီးနိုင်ခဲ့တာလို့ ထုတ်ပြန်ထားပါတယ်။ သမ္မတဇီလန်စကီးရဲ့ ခရီးစဉ်မတိုင်မီ အဆိုပါအမျိုးသမီးဟာ သမ္မတရဲ့ အစီအစဉ်တွေကို သိရှိနိုင်ဖို့ ထောက်လှမ်းရေးအချက်အလက်တွေ စုဆောင်းခဲ့ကြောင်း ယူကရိန်းတာဝန်ရှိသူတွေက စွပ်စွဲထားပါတယ်။ သံသယရှိသူသည် ဇူလိုင်လမှာ မစ္စတာဇီလန်စကီးသွားရောက်ခဲ့တဲ့ အိုချာကိဗ်အမည်ရ မြို့ငယ်တွင် နေထိုင်ခဲ့ပြီး စစ်အခြေစိုက်စခန်းတခုရှိ ဆိုင်တဆိုင်မှာ အလုပ်လုပ်ကိုင်ခဲ့ကြောင်း ယူကရိန်းတာဝန်ရှိသူတွေက ထုတ်ဖော်ပြောဆိုပါတယ်။ Ref: BBC Photo:Reuters #voiceofmyanmar #VOM…

This Day in History: August-8 Voice of Myanmar ဝါးတားဂိတ်အရှုပ်တော်ပုံကြောင့် စွပ်စွဲပြစ်တင်ခံရမည့် အလားအလာနှင့်ရင်ဆိုင်နေရသော အမေရိကန်သမ္မတ ရစ်ချက်နစ်ဆင်သည် ၁၉၇၄ ခုနှစ် သြဂုတ် ၈ ရက်တွင် ရာထူးမှနှုတ်ထွက်ကြောင်း ကြေညာခဲ့သည်။ #Voiceofmyanmar#Thisday#inhistory#သမိုင်းထဲကဒီနေ့