Day: August 29, 2023

တိုကျို၊ သြဂုတ်-၂၉-၂၀၂၃ မျိုးဆက်(VOM) ဂျပန်မော်တော်ကားထုတ်လုပ်ရေး ကုမ္ပဏီကြီးဖြစ်တဲ့ တိုယိုတာဟာ ထုတ်လုပ်ရေးစနစ်ချို့ယွင်းမှုကြောင့် ဂျပန်မှာရှိတဲ့ တပ်ဆင်ထုတ်လုပ်ရေးစက်ရုံအားလုံးရဲ့ လုပ်ငန်းလည်ပတ်မှုတွေကို ဒီနေ့မှာ ယာယီ ရပ်ဆိုင်းလိုက်ရပါတယ်။ အဲဒီလိုဖြစ်ပွားရတဲ့အကြောင်းရင်းကို ကုမ္ပဏီက စုံစမ်းစစ်ဆေးနေပြီး ဆိုက်ဘာတိုက်ခိုက်မှုကြောင့်ဖြစ်တယ်လို့ လတ်တလောယူဆလို့မရသေးကြောင်း ကုမ္ပဏီပြောရေးဆိုခွင့်ရှိသူတဦးကပြောပါတယ်။ ဒီနေ့မနက်ပိုင်းမှာ ဂျပန်မှာရှိတဲ့ ကားစက်ရုံ ၁၂ ရုံလည်ပတ်မှုကို ရပ်ဆိုင်းခဲ့ပြီး နောက်ပိုင်းမှာတော့ ၁၄ ရုံလုံးရဲ့ လုပ်ငန်းလည်ပတ်မှုတွေကို ရပ်ဆိုင်းခဲ့ရပါတယ်။ လုပ်ငန်းတွေပြန်လည်စတင်နိုင်မယ့်အချိန် သို့မဟုတ် အခုလိုရပ်တန့်လိုက်တာကြောင့် ထုတ်လုပ်မှုဘယ်လောက်ထိခိုက်ဆုံးရှုံးမယ်ဆိုတာကို ကုမ္ပဏီက ထုတ်ပြန်ခြင်းမရှိသေးပါဘူး။ ဂျပန်မှာရှိတဲ့ တိုယိုတာရဲ့ ကားစက်ရုံ ၁၄ ရုံဟာ ကမ္ဘာလုံးဆိုင်ရာ ကားထုတ်လုပ်မှုရဲ့ သုံးပုံတစ်ပုံရှိမယ်လို့ ခန့်မှန်းရပါတယ်။ ထုတ်လုပ်မှုရပ်ဆိုင်းလိုက်တဲ့သတင်းကြောင့် တိုယိုတာရဲ့ စတော့ရှယ်ယာတန်ဖိုးဟာ ဒီနေ့နေ့လယ်ပိုင်းမှာ ကျဆင်းခဲ့ပါတယ်။ ပြီးခဲ့တဲ့နှစ်ကလည်း တိုယိုတာရဲ့လုပ်ငန်းခွဲတခုမှာ ဆိုက်ဘာတိုက်ခိုက်ခံရမှုကြောင့် ပြည်တွင်းရှိ စက်ရုံအားလုံးရဲ့ ထုတ်လုပ်မှုကို ရပ်ဆိုင်းခဲ့ရပါတယ်။ အဲဒီအချိန်ကတော့ တရက်တာလုပ်ငန်းတွေရပ်ဆိုင်းမှုမှာ ကားထုတ်လုပ်မှု…

ဆစ်ဒနီ၊ သြဂုတ်-၂၉-၂၀၂၃ မျိုးဆက်(VOM) ကမ္ဘာပေါ်မှာ ပထမဆုံးအကြိမ်အဖြစ် သြစတြေးလျအမျိုးသမီးတဦးရဲ့ ဦးနှောက်ထဲမှာ သုံးလက်မအရွယ်ရှိ သန်ကောင်တကောင်ကို အသက်ရှင်လျှက်တွေ့ရှိခဲ့ရကြောင်း သိပ္ပံပညာရှင်တွေက ပြောပါတယ်။ ပြီးခဲ့တဲ့နှစ်က ကင်ဘာရာမှာပြုလုပ်တဲ့ခွဲစိတ်မှုအတွင်း အဲဒီအမျိုးသမီးလူနာရဲ့ ဦးနှောက်ရှေ့ခြမ်းကနေ ကြိုးနဲ့အလားသဏ္ဍာန်တခုကို ဆွဲထုတ်ခဲ့ရာ အသက်ရှင်လျှက်သန်ကောင်ကို တွေ့ရှိခဲ့တာဖြစ်ပါတယ်။ အဲဒီအမျိုးသမီးဟာ ပုံမှန်မဟုတ်တဲ့လက္ခဏာလို့ ဆရာဝန်တွေကသတ်မှတ်ထားတဲပ ဗိုက်အောင့်ခြင်း၊ ချောင်းဆိုးခြင်း၊ ညဘက်ချွေးထွက်လွန်ခြင်း၊ သတိမေ့လျော့ခြင်းနဲ့ စိတ်ကျရောဂါတွေကို ခံစားခဲ့ရပြီး အနီရောင်သန်ကောင်ဟာ သူ့ဦးနှောက်ထဲကို ရောက်ရှိနေတာ နှစ်လကျော်ရှိနေနိုင်ကြောင်း ဆရာဝန်တွေက ပြောပါတယ်။ ဒါဟာ တိရိစ္ဆာန်ကနေ လူကိုကူးစက်တတ်တဲ့ရောဂါတွေနဲ့ ကူးစက်မှုအန္တရာယ်မြင့်မားမှုတွေကို မီးမောင်းထိုးပြတဲ့ ဖြစ်စဉ်လို့ သိပ္ပံပညာရှင်တွေက ပြောပါတယ်။ သြစတြေးလျ ကူးစက်ရောဂါကျွမ်းကျင်သူ မာ့ရတ်ဘ်ဟူစိန်ကတော့ အဲဒီအမျိုးသမီးဟာ စပါးအုံးမစင်နဲ့ ကပ်ပါးဥတွေပါတဲ့ အပင်တွေကို စားသုံးမိပြီးနောက် အခုလိုကြုံရတာလို့သံသယရှိကြောင်း Emerging Infectious Diseases ဆေးပညာဂျာနယ်မှာ ရေးသားထားပါတယ်။ လွန်ခဲ့တဲ့နှစ်ပေါင်း ၃၀ အတွင်း…

ဘဂ္ဂဒက်၊ သြဂုတ်-၂၉-၂၀၂၃ မျိုးဆက်(VOM) အီရတ်နိုင်ငံ ဘဂ္ဂဒက်မြို့မှာ ၂၀၁၆ ခုနှစ်ကဖြစ်ပွားခဲ့တဲ့ လူ ၃၀၀ ကျော်သေဆုံးခဲ့ပြီး ရာချီဒဏ်ရာရရှိခဲ့တဲ့ ကားဗုံးခွဲမှုကျူးလွန်သူ သုံးဦးကို ကြိုးပေးကွပ်မျက်လိုက်ပါတယ်။ အဲဒီဖြစ်စဉ်ဟာ ၂၀၀၃ ခုနှစ်မှာ အမေရိကန်ဦးဆောင်တဲ့ ကျူးကျော်တိုက်ခိုက်မှုနောက်ပိုင်း အီရတ်မှာဖြစ်ပွားခဲ့တဲ့ အသေအပျောက်အများဆုံး ဗုံးခွဲတိုက်ခိုက်မှုလည်းဖြစ်ပါတယ်။ ဗုံးခွဲတိုက်ခိုက်မှုကို ကျူးလွန်ခဲ့ကြောင်း အိုင်အက်စ်အဖွဲ့က ထုတ်ပြန်ခဲ့ပါတယ်။ ကွပ်မျက်မှုကို သြဂုတ် ၂၇ ရက်နဲ့ ၂၈ ရက်တို့မှာ ပြုလုပ်ခဲ့ကြောင်း အီရတ်ဝန်ကြီးချုပ် မိုဟာမက်ရှီယာအယ်လ်ဆူဒါနီရဲ့ ဝန်ကြီးချုပ်ရုံးက ထုတ်ပြန်ပါတယ်။ တိုက်ခိုက်မှုကို ကြိုးကိုင်လုပ်ဆောင်ခဲ့တဲ့ ဂါဇဝမ်အယ်လ်ဇာဘီလည်း ကွပ်မျက်ခံရသူတွေထဲမှာ ပါဝင်ကြောင်း အစိုးရသတင်းရင်းမြစ်တွေကပြောပါတယ်။ သူ့ကို ၂၀၂၁ ခုနှစ်မှာ ဖမ်းဆီးရမိခဲ့တာဖြစ်ပါတယ်။ အကြမ်းဖက်ဗုံးခွဲမှုမှာ ပါဝင်ပတ်သက်မှုနဲ့ပတ်သက်ပြီး ပြစ်မှုထင်ရှားတဲ့ ရာဇဝတ်သားသုံးဦးကို သေဒဏ်ပေးမှုဟာ မှန်ကန်တဲ့ပြစ်ဒဏ်ဖြစ်ပြီး ဗုံးခွဲမှုကြောင့် သေဆုံးသွားသူတွေရဲ့မိသားစုတွေထံ အသိပေးအကြောင်းကြားခဲ့ကြောင်း ဝန်ကြီးချုပ်ရုံးရဲ့ ထုတ်ပြန်ချက်မှာ ဖော်ပြထားပါတယ်။ BBC…