Day: September 18, 2023

စက်တင်ဘာ ၊ ၁၈ ၊ ၂၀၂၃ SP (VOM) စစ်ကိုင်းတိုင်း ၊ စစ်ကိုင်းမြို့ပေါ်မှာ ဒီကနေ့ နေ့လယ်ပိုင်းက စပြီး အတည်မပြုနိုင်တဲ့ သတင်းတွေကြောင့် ရုတ်ရုတ်သဲသဲတွေဖြစ်နေတယ်လို့ စစ်ကိုင်းမြို့ခံတွေဆီက သိရပါတယ်။ ” ဒေသတွင်း လက်နက်ကိုင် အဖွဲ့တွေက မထွက်ရ အမိန့်တွေ ထုတ်တားတယ် ၊ အဲ့ဒါကြောင့် မြို့ပေါ်မှာ လူသွားလူလာတွေမရှိတော့ဘူး ၊ တယောက်စ ၊ နှစ်ယောက်စလောက်ပဲရှိတယ် ၊ စျေးတွေလည်း ပိတ်ပြီးပြန်ကြတယ် ၊ အိမ်စျေးဆိုင်တွေလည်း အများစုက ပိတ်ထားတယ် ၊ ကားတွေ ဆိုင်ကယ်တွေ သွားတာလာတာ မရှိဘူး “လို့ မြို့ခံတယောက်က ပြောပါတယ်။ ဒါ့အပြင် စစ်ကိုင်း နန္ဒဝန်ရပ်ထဲနေတဲ့ လူတယောက်က ” မထွက်ရ အမိန့်ထုတ်တယ် ကြားလို့ ကျောင်းဆင်းချိန်မဟုတ်ဘဲ ကျောင်းက ကလေးတွေကို ပြန်ခေါ်ခဲ့ရတယ်…

ပြုံးယမ်း ၊ စက်တင်ဘာ-၁၈-၂၀၂၃ မျိုးဆက်(VOM) မြောက်ကိုရီးယားခေါင်းဆောင် ကင်ဂျုံအန်ရဲ့ ရုရှားခရီးစဉ်ဟာ နှစ်နိုင်ငံဆက်ဆံရေးကို သမိုင်းဝင်ကဏ္ဍသစ် ဖွင့်လှစ်နိုင်ခဲ့ခြင်းဖြစ်ကြောင်း မြောက်ကိုရီးယားနိုင်ငံပိုင် သတင်းဌာနက စက်တင်ဘာ့၁၈ ရက်မှာ ဖော်ပြထားပါတယ်။ စက်တင်ဘာ ၁၈ ရက်မှာ အဆုံးသတ်ခဲ့တဲ့ ကင်ဂျံအန်ဟာ တပတ်နီးကြာ ရုရှားခရီးစဉ်အတွင်း နိုင်ငံအရှေ့ဖျားပိုင်း ဗလာဒီဗော့စ်တော့မြို့နဲ့ အခြာနေရာတွေကို သွားရောက်ခဲ့ပြီး ဒါဟာ ကိုဗစ်-၁၉ ကပ်ရောဂါဖြစ်ပွားပြီးနောက်ပိုင်း သူ့ရဲ့ ပထမဆုံးသော ပြည်ပခရီးစဉ်ဖြစ်ပါတယ်။ သူ့ရဲ့ခရီးစဉ်မှာ ရုရှားရဲ့ဒုံးပျံတွေကနေ ရေငုပ်သင်္ဘောတွေထိ ကင်ဂျုံအန်သွားရောက်ကြည့်ရှုလေ့လာခဲ့ပြီး နှစ်နိုင်ငံစစ်ဘက်ဆက်ဆံရေးတိုးမြင့်ခြင်းအပါအဝင် အလားအလာရှိတဲ့ စစ်ရေးဆက်ဆံမှုကို ပြသနေကြောင်း အကဲခတ်တွေက ဆိုပါတယ်။ နျူကလီးယားလက်နက်ပိုင် မြောက်ကိုရီးယားဟာ ယူကရိန်းစစ်ပွဲအတွက် ရုရှားကို လက်နက်တွေထောက်ပံ့ပေးနိုင်ကြောင်း အနောက်အုပ်စုနိုင်ငံတွေရဲ့ စိုးရိမ်မှုတွေကြားမှာ ကင်ဂျုံအန်ရဲ့ ရုရှားခရီးစဉ် ထွက်ပေါ်လာတာဖြစ်ပါတယ်။ ရုရှားနဲ့မြောက်ကိုရီးယားတို့အကြား နှစ်နိုင်ငံဆက်ဆံရေးဟာ မြောက်ကိုရီးယားရဲ့ နံပါတ်တစ်ဦးစားပေးဖြစ်ကြောင်း ကင်ဂျုံအန်က ပူတင်နဲ့ ထိပ်သီးဆွေးနွေးပွဲပြုလုပ်ပြီးနောက် ထုတ်ဖော်ပြောဆိုထားပါတယ်။…

စက်တင်ဘာ ၁၈ – ၂၀၂၃ GG(VOM) ဧရာဝတီတိုင်း ၊ပဲခူးတိုင်းနဲ့ ရန်ကုန်တိုင်းထဲက ရိတ်သိမ်းခါနီး မိုးစပါးစိုက်ခင်းတွေ ရေနစ်မြုပ်နေတာကြောင့် တောင်သူတွေဒုက္ခရောက်နေကြရတယ်လို့ သိရပါတယ် ။ ဩဂုတ်လကုန်လောက်ကစပြီး ဒီနေ့ စက်တင်ဘာ ၁၈ ရက်အထိ အဆက်မပြတ်မိုးရွာသွန်းနေတာကြောင့် မကြာမီရိတ်သိမ်းရတော့မယ့်စပါးခင်းတွေမှာ ရေတွေများပြီး စပါးပင်တွေ နစ်မြုပ်ခြင်း၊စပါးပင်လဲခြင်းတွေဖြစ်ပေါ်နေတယ်လို့ သိရပါတယ်။ ” စပါးနို့ရည်ခဲနေတဲ့လယ်တွေရော၊ အထွက်စုံပြီး ငိုက်နေတဲ့လယ်တွေရော အကုန်ရေနစ်ကြတယ်၊ မိုးကအရမ်းကိုကောင်းနေတာဗျာ၊စိတ်ကိုညစ်ရော၊ ကျနော်ဆို ၅ ဧကလောက်မြုပ်နေပါတယ်။ ရေက ထုတ်လို့ကိုမရတာ၊ကိုယ့်လယ်ထဲကို အပေါ်လယ်ကနေ တောက်လျှောက်ကိုဝင်နေတာ၊ စပါးခင်းရေနစ်နေတာကို ထိုင်ကြည့်နေရတယ်၊ရေနစ်တာအရမ်းကြာရင် ပျက်စီးမှုပိုများမယ် “လို့ ပဲခူးအနောက်ပိုင်းက တောင်သူ(၁)ဦးကပြောပါတယ်။ ရေနစ်မြုပ်တဲ့စပါးခင်းဟာ ရေကျချိန် ရိတ်သိမ်းပြီးပါကလည်း ပေါက်စျေး နူန်းထားမရရှိဘဲ စျေးနှိမ်ဝယ်ယူခံရတဲ့အပြင် စပါးအထွက်နူန်းပိုင်းလည်းထိခိုက်တာကြောင့် တောင်သူတွေ ဆုံးရှုံးမှုများပြီး ဒုက္ခရောက်ရတယ်လို့ သိရပါတယ်။ ” တချို့ စပါးမထွက်သေးတဲ့ အခင်းတချို့လည်းရေနစ်နေတာရှိတယ်၊ စပါးထွက်နေတဲ့အခင်းတွေကတော့…

စက်တင်ဘာ ၁၈ -၂၀၂၃ SP ( VOM) စစ်ကိုင်းတိုင်း ၊ ရေဦးခရိုင် ၊ တန့်ဆည်မြို့နယ်နဲ့ ကလေးခရိုင် ၊ ကလေးဝမြို့ကို ဆက်သွယ်ဖောက်လုပ်ထားတဲ့ မဟာမြိုင် ကုန်သွယ်ရေး ကားလမ်းဟာ ဒီကနေ့မနက် မိုးရွာသွန်းမှုများပြီး လမ်းတွေပျက်စီးသွားတာကြောင့် ကားတွေရာနဲ့ချီပြီး ပိတ်မိနေတယ်လို့ ကားသမားတွေဆီက သိရပါတယ်။ ” ၅၆ မိုင်မှာ ကားကြီးတစ်စီး ဂျွိုင်းပြတ်နေပြီး လမ်းပိတ်နေတယ် ၊ အဲ့ဒီနေရာက ကွင်းလမ်းမရှိဘူး ၊ အဲ့ဒါကြောင့် အဲ့ဒီနေရာမှာလည်း ကားအစီးရေ ၅၀ လောက်ပိတ်မိနေတယ် ၊ ၅၁ မိုင်မှာ ပိတ်မိနေတဲ့ကားတွေထဲက ဆယ်ဂဏန်းလောက်ပဲကျန်တော့တယ် ၊ နောက်ပြီး ပျဥ်းကိုင်းရွာမှာလည်း အတက်ကား အစီးရေ ၁၅၀ ကျော်လောက် မောက္ကတော်ချောင်းလမ်းမှာ ပိတ်မိနေတယ် ၊ အဲ့ဒီ မောက္ကတော် ချောင်းလမ်းက အရင်နှစ်တုန်းက ကွန်ကရစ်လမ်းအမျိုးအစားဖြစ်ပြီး…