Day: September 19, 2023

တိုရွန်တို၊ စက်တင်ဘာ-၁၉-၂၀၂၃ မျိုးဆက်(VOM) ကနေဒါနိုင်ငံသား ဆစ်ခ်ခေါင်းဆောင်တစ်ဦး သတ်ဖြတ်ခံရမှုမှာ အိန္ဒိယနိုင်ငံပါဝင်ပတ်သက်နေကြောင်း ကနေဒါဝန်ကြီးချုပ် ဂျက်စတင်ထရူးဒိုးရဲ့ စွပ်စွဲမှုကို အိန္ဒိယနိုင်ငံက စက်တင်ဘာ ၁၉ ရက်မှာ ပြင်းပြင်းထန်ထန် ပယ်ချလိုက်ပြီး ဒီကိစ္စအပေါ် နှစ်နိုင်ငံအကြားတင်းမာမှုတွေ မြင့်တက်နေပါတယ်။ လက်ရှိအခြေအနေမှာတော့ အိန္ဒိယနဲ့ ကနေဒါတို့ဟာ နှစ်နိုင်ငံသံတမန်တွေကို အပြန်အလှန်နှင်ထုတ်ကြောင်း ထုတ်ပြန်ကြေညာထားပါတယ်။ ဟာဒိပ်ဆစ်ခ်နစ်ဂျာဟာ ကနေဒါနိုင်ငံ ဗြိတိသျှကိုလံဘီယာပြည်နယ်ရှိ ဘုရားကျောင်းပြင်ပမှာ ဇွန် ၁၈ ရက်က သေနတ်နဲ့ ပစ်သတ်ခံခဲ့ရပါတယ်။ သူသေဆုံးမှုနဲ့ အိန္ဒိနိုင်ငံတို့အကြား ဆက်နွယ်မှုများရှိနေကြောင်း ကနေဒါထောက်လှမ်းရေးက ဖော်ထုတ်ခဲ့တယ်လို့ ကနေဒါဝန်ကြီးချုပ် ထရူးဒိုးကပြောပါတယ်။ ကနေဒါနိုင်ငံရဲ့ စွပ်စွဲပြောဆိုမှုဟာ အဓိပ္ပါယ်မဲ့ပြီး နိုင်ငံရေးအရ လှုံ့ဆော်ခြင်းဖြစ်ကြောင်း အိန္ဒိယနိုင်ငံရေးဝန်ကြီးဌာနက ထုတ်ပြန်ထားပါတယ်။ အိန္ဒိယနိုင်ငံဟာ တရားဥပဒေစိုးမိုးရေးအတွက် ခိုင်မာတဲ့ ကတိကဝတ်ရှိတဲ့ နိုင်ငံဖြစ်ကြောင်း ထုတ်ပြန်ချက်မှာ ဖော်ပြထားပါတယ်။ ကနေဒါမြေမှာ ကနေဒါနိုင်ငံသားတဦးကို သတ်ဖြတ်ရာမှာ ပြည်ပအစိုးရပါဝင်ပတ်သက်နေမှုက မိမိတို့ရဲ့အချုပ်အခြာအာဏာကို…

တိုကျို၊ စက်တင်ဘ-၁၉-၂၀၂၃ မျိုးဆက်(VOM) ဂျပန်နိုင်ငံမှာ ပထမဆုံးအကြိမ်အဖြစ် လူ ၁၀ ယောက်မှာ တယောက်နှုန်း အသက် ၈၀ နှစ်အထက်အရွယ်တွေ ဖြစ်နေကြောင်း ဂျပန် အစိုးရက ထုတ်ပြန်တဲ့ အချက်အလက်တွေမှာ ဖော်ပြထားပါတယ်။ နိုင်ငံတွင်းရှိ လူဦးရေ ၁၂၅ သန်းရဲ့ ၂၉ ဒသမ ၁ ရာခိုင်နှုန်းဟာလည်း အသက် ၆၅ နှစ်အထက် အရွယ်တွေအဖြစ် စံချိန်တင်နေကြောင်း ထုတ်ပြန်ထားတဲ့ အချက်အလက်တွေမှာ ဖော်ပြထားပါတယ်။ ဂျပန်နိုင်ငံဟာ ကမ္ဘာပေါ်မှာ ကလေးမွေးဖွားမှုနှုန်း အနိမ့်ဆုံးနိုင်ငံဖြစ်ပြီး နိုင်ငံရှိတိုးပွားလာတဲ့ သက်ကြီးရွယ်အိုတွေအတွက် ဘယ်လိုပံ့ပိုးပေးရမယ်ဆိုတာနဲ့ပတ်သက်ပြီး ကာလရှည်ကြာ ရုန်းကန်နေရဆဲဖြစ်ပါတယ်။ ဂျပန်နိုင်ငံရဲ့ အသက် ၆၀ ကျော်အရွယ်တွေဟာ ၂၀၄၀ ပြည့်နှစ်မှာ နိုင်ငံလူဦးရေရဲ့ ၃၄ ဒသမ ၈ ရာခိုင်နှုန်း ဖြစ်လာမယ်လို့ ု အမျိုးသားလူဦးရေနဲ့ လူမှုဖူလုံရေး သုတေသနဌာနက ခန့်မှန်းထားပါတယ်။…

This Day in History Voice of Myanmar ထိုင်းနိုင်ငံတွင် ဝန်ကြီးချုပ်သက်ဆင်ရှင်နာဝပ်ကို ဖြုတ်ချပြီး စစ်တပ်က ၂၀၀၆ ခုနှစ် စက်တင်ဘာ ၁၉ ရက်တွင် သွေးထွက်သံယိုမရှိ အာဏာသိမ်းမှုပြုလုပ်ခဲ့သည်။ #voiceofmyanmar #VOM #ThisDayInHistory #September19th

ဝါရှင်တန်၊ စက်တင်ဘာ-၁၉-၂၀၂၃ မျိုးဆက်(VOM) အမေရိကန်နိုင်ငံ တောင်ကယ်ရိုလိုင်းနားမှာ လေယာဉ်မှူးဘေးလွတ်ရာကို ခုန်ထွက်ပြီးနောက် ပျက်ကျသွားတဲ့ အက်ဖ်-၃၅ ကိုယ်ပျောက် အဆင့်မြင့်ဂျက်တိုက်လေယာဉ်ရဲ့ အပျက်အစီးတွေကို ရှာဖွေတွေ့ရှိပြီဖြစ်ကြောင်း အမေရိကန်တာဝန်ရှိသူတွေက ပြောပါတယ်။ ရေဒါစနစ်တွေကို ရှောင်ရှားနိုင်တဲ့ အဲဒီလေယာဉ်ဟာ စက်တင်ဘာ ၁၇ ရက် မွန်းလွဲပိုင်းမှာ ပျောက်ဆုံးသွားတာဖြစ်ပြီး ဒေါ်လာသန်း ၁၀၀ တန်ဖိုးရှိ လေယာဉ်ရဲ့ အပျက်အစီးတွေကိုတော့ ဝီလီယံဘာဂ်ကောင်တီ ကျေးလက်ဒေသမှာ တွေ့ရှိခဲ့တာဖြစ်ပါတယ်။ လေယာဉ်မှူးကတော့ လေယာဉ်မှူးအခန်းကနေ ခုန်ထွက်ပြီး မြောက်ချာလ်စတန်အရပ်မှာ လေထီးနဲ့ ဘေးကင်းစွာ ဆင်းသက်နိုင်ခဲ့ပြီး လေယာဉ်အပျက်အစီးတွေကို ရှာတွေ့ဖို့ အာဏာပိုင်တွေဟာ ပြည်သူတွေကို အကူအညီ တောင်းခံခဲ့ရပါတယ်။ လေယာဉ်မတော်တဆမှုဖြစ်ပွားရတဲ့ အကြောင်းရင်းကို စုံစမ်းစစ်ဆေးနေဆဲဖြစ်ပြီး လက်ရှိအချိန်မှာ အသေးစိတ်အချက်အလက်တွေ မထုတ်ပြန်သေးဘူးလို့ အမေရိကန်အာဏာပိုင်တွေက ပြောပါတယ်။ တိုက်လေယာဉ်ကို လေယာဉ်မှူးက စွန့်ခွာချိန်မှာ အလိုအလျောက်မောင်းနှင်တဲ့စနစ်ကို ထားရှိခဲ့ပြီး လေယာဉ်သည် အချိန်အတော်ကြာ ပျံသန်းခဲ့တာကြောင့်…