Day: September 28, 2023

အူဂါဒူဂူ ၊ စက်တင်ဘာ-၂၈-၂၀၂၃ မျိုးဆက်(VOM) ဘာကီနာဖာဆို လုံခြုံရေးနဲ့ထောက်လှမ်းရေးအဖွဲ့တွေက အာဏာသိမ်းဖို့ကြိုးပမ်းမှုကို တားဆီးထိန်းချုပ်နိုင်ခဲ့ကြောင်း ပြီးခဲ့တဲ့နှစ်က အာဏာသိမ်းခဲ့တဲ့ စစ်တပ်တာဝန်ရှိသူတွေက ထုတ်ဖော်ပြောဆိုလိုက်ပါတယ်။ စစ်ဘက်အရာရှိတွေနဲ့ အခြားသူတွေဟာ ဘာကီနာဖာဆို မတည်မငြိမ်ဖြစ်စေဖို့ စီစဉ်ခဲ့ပြီး အဖွ့ဲအစည်းတွေကို တိုက်ခိုက်ရန်ဖို့နဲ့ နိုင်ငံပရမ်းပတာဖြစ်စေဖို့ ရည်ရွယ်ခဲ့ကြကြောင်း ရုပ်မြင်သံကြားကနေ ထုတ်ပြန်တဲ့ ကြေညာချက်မှာ ဖော်ပြထားပါတယ်။ ဘာကီနာဖာဆိုမှာ ရွေးကောက်ခံသမ္မတကို ဖြုတ်ချပြီး ယာယီသမ္မတအဖြစ် အာဏာသိမ်းခေါင်းဆောင် အီဘရာဟင်တိုရေးက ဦးဆောင်နေတာ တနှစ်နီးပါး ကြာမြင့်လာပြီဖြစ်ပါတယ်။ လက်ရှိဖြစ်စဉ်နဲ့ပတ်သက်ပြီး ဖမ်းဆီးထိန်းသိမ်းမှုတွေပြုလုပ်ခဲ့ပြီး သူတို့ရဲ့နာမည်တွေအပါအဝင် အသေးစိတ်ကိုတော့ ထုတ်ပြန်ခြင်းမရှိပါဘူး။ မကြာသေးမီအချိန်အတွင်းကလည်း ဘာကီနာဖာဆိုစစ်တပ်အတွင်းမှာ မကျေနပ်မှုတွေတိုးပွားလာနေကြောင်း သတင်းတွေထွက်ပေါ်ခဲ့ပါတယ်။ လက်ရှိအစိုးရဟာ ရှစ်လအတွင်း ဒုတိယအကြိမ်မြောက် အာဏာသိမ်းခဲပြီး စက်တင်ဘာလမှာ အာဏာရယူခဲ့ပါတယ်။ ဘာကီနာဖာဆိုအာဏာပိုင်တွေဟာ အစ္စလာမ္မစ်သောင်းကျန်းမှုတွေကို နှိမ်နှင်းဖို့ လက်ရှိမှာ ရုန်းကန်နေရပါတယ်။ Ref:BBC Photo:AFP #voiceofmyanmar #VOM #BurkinaFaso #junta…

တိုင်ပေ၊ စက်တင်ဘာ-၂၈-၂၀၂၃ မျိုးဆက်(VOM) ထိုင်ဝမ်ဟာ တရုတ်နိုင်ငံရဲ့ တိုက်ခိုက်နိုင်ခြေကို ကာကွယ်နိုင်ဖို့အတွက် ပထမဆုံးသော ပြည်တွင်းဖြစ်ရေငုပ်သေင်္ဘာသစ်ကို ထုတ်ဖော်ပြသလိုက်ပါတယ်။ ပြည်တွင်းဖြစ်ရေငုပ်သင်္ဘောထုတ်လုပ်ရေးစိတ်ကူးကို ယခင်ကမဖြစ်နိုင်လို့ ယူဆခဲ့ပေမယ့် လက်ရှိမှာ အကောင်အထည်ဖော် လုပ်ဆောင်နိုင်ခဲ့ကြောင်း သမ္မတဆိုင်အင်းဝမ်ကပြောပါတယ်။ ရေငုပ်သင်္ဘောဟာ ဒေါ်လာ ၁ ဒသမ ၅၄ ဘီလီယံတန်ဖိုးရှိပြီး ဒီဇယ်-လျှပ်စစ်စွမ်းအင်သုံးရေငုပ်သင်္ဘောဖြစ်ကာ စမ်းသပ်မှုတွေပြုလုပ်ပြီးနောက် ၂၀၂၄ ခုနှစ်အတွင် ထိုင်ဝမ်ရေတပ်မှာ စတင်တာဝန်ထမ်းဆောင်ဖွယ်ရှိပါတယ်။ တရုတ်နိုင်ငံဟာ ထိုင်ဝမ်ကို သူ့ရဲ့ ပိုင်နက်နယ်မြေအဖြစ် အခိုင်အမာသတ်မှတ်ထားပြီး တရုတ်ပြည်မကြီးနဲ့ ပြန်လည်ပေါင်းစည်းရေးအတွက် လိုအပ်ပါက စစ်အင်အားသုံးမည်ဟု ထုတ်ဖော်ပြောဆိုထားပါတယ်။ တရုတ်နိုင်ငံဟာ လာမယ့်နှစ်အနည်းငယ်အတွင်း ထိုင်ဝမ်ကို ကျူးကျော်တိုက်ခိုက်နိုင်ခြေရှိကြောင်း အမေရိကန်က သတိပေးပြောဆိုထားပါတယ်။ ဒါပေမယ့်လည်း ထိုင်ဝမ်ကျွန်းကို ချက်ချင်းတိုက်ခိုက်နိုင်ခြေမရှိကြောင်း စောင့်ကြည့်လေ့လာသူတွေက ယူဆထားပါတယ်။ တရုတ်နိုင်ငံဘက်ကတော့ ထိုင်ဝမ်နှင့် ငြိမ်းချမ်းစွာပြန်လည်ပေါင်းစည်းရေးကို ကြိုးပမ်းနေတယ်လို့ ပြောဆိုထားပါတယ်။ Ref:BBC Photo:Reuters #voiceofmyanmar #VOM #Taiwan…

ဝါရှင်တန်၊ စက်တင်ဘာ-၂၈-၂၀၂၃ မျိုးဆက်(VOM) တောင်ကိုရီးယားကနေ မြောက်ကိုရီးယားနိုင်ငံထဲကို ထွက်ပြေးခဲ့တဲ့ အမေရိကန်စစ်သား ထရာဗစ်ကင်းကို မြောက်ကိုရီးယားက ပြန်လွှတ်ပေးခဲ့ကြောင်း အမေရိကန်တာဝန်ရှိသူတွေက အတည်ပြုပြောဆိုပါတယ်။ အမေရိကန်က စစ်သုံ့ပန်းအဖြစ်သတ်မှတ်ခြင်းမရှိခဲ့တဲ့ ထရာဗစ်ကင်းကို အမေရိကန်သို့မပို့ဆောင်မီ တရုတ်နိုင်ငံရှိ အမေရိကန်ထိန်းသိမ်းရေးစခန်းကို လွှဲပြောင်းပေးခဲ့ကြောင်း တာဝန်ရှိသူတွေက ဆိုပါတယ်။ အမေရိကန်စစ်တပ်မှာ ကင်းထောက်ကျွမ်းကျင်သူဖြစ်တဲ့ အသက် ၂၃ နှစ်အရွယ် ထရာဗစ်ကင်းဟာ ဇုူလိုင်လအတွင်း မြောက်ကိုရီးယားနိုင်ငံထဲကို တရားမဝင်ဖြတ်ကျော်ဝင်ရောက်သွားခဲ့တာဖြစ်ပါတယ်။ အမေရိကန်စစ်တပ်အတွင်း လူမဆန်စွာပြုမူဆက်ဆံမှုနဲ့ လူမျိုးရေးခွဲခြားမှုတွေကြောင့် ထွက်ပြေးလာခဲ့ခြင်းဖြစ်ကြောင်း မြောက်ကိုရီးယား သတင်းဌာနတွေက ဖော်ပြထားပါတယ်။ သူဟာ ဒီနေ့ နေ့လယ်ပိုင်းမှာ အမေရိကန်ကို ရောက်ရှိပြီး မိသားစုနဲ့ တွေ့ဆုံနိုင်ဖွယ်ရှိပါတယ်။ လွတ်မြောက်လာမှုအတွက် မြောက်ကိုရီးယားနဲ့ အပေးအယူမရှိခဲ့ကြောင်း ၊တရုတ်နယ်စပ် ဒန်ဒေါင်းကနေ သူ့ကို လေယာဉ်နဲ့ တာင်ကိုရီးယားရှိ အမေရိကန်လေတပ်စခန်းကို ခေါ်ဆောင်သွားခဲ့ကြောင်း အမေရိကန်တာဝန်ရှိသူတွေက အတည်ပြုပြောဆိုထားပါတယ်။ Ref: BBC Photo:Yahoo #voiceofmyanmar…