Day: January 12, 2024

  ကွီတို၊ ဇန်နဝါရီ-၁၂-၂၀၂၃ မျိုးဆက်(VOM) အမေဇုန်သစ်တောထဲမှာ သစ်ပင်သစ်တောတွေ ဖုံးအုပ်ထားမှုကြောင့် နှစ်ထောင်ပေါင်းများစွာ ပျောက်ကွယ်နေတဲ့ ရှေးဟောင်းမြို့တော်ကြီးတခုကို အမေဇုန်သစ်တောအတွင်းမှာ သုတေသီတွေက ရှာဖွေတွေ့ရှိခဲ့ကြပါတယ်။ ဒီရှေးဟောင်းမြို့ကြီးကို အီကွေဒေါနိုင်ငံအရှေ့ပိုင်း ယူပါနိုဒေသမှာ တွေ့ရှိခဲ့တာဖြစ်ပြီး လူနေအိမ်တွေ ၊ ဈေးတွေကို အံ့အားသင့်ဖွယ်ကောင်းတဲ့ လမ်းတွေ၊ တူးမြောင်းတွေနဲ့ ကွန်ရက်ချိတ်ဆက် တည်ဆောက်ထားပါတယ်။ မြို့ကို လွန်ခဲ့တဲ့နှစ်ပေါင်း ၂၅၀၀ ခန့်က တည်ဆောက်ခဲ့ပြီး လူတွေဟာ ထိုနေရာမှာ နှစ်ပေါင်း ၁၀၀၀ ထိ နေထိုင်ခဲ့ကြောင်း ရှေးဟောင်းသုတေသန ပညာရှင်တွေက ပြောပါတယ်။ မြို့တော်မှာ လူဘယ်လောက်နေခဲ့လည်းဆိုတာ ခန့်မှန်းဖို့ ခက်ခဲပေမယ့် လူ တသောင်းကနေ တသိန်းကြား နေထိုင်ခဲ့ကြတယ်လို့ သိပ္ပံပညာရှင်တွေက သုံးသပ်ထားကြပါတယ်။ လက်ရှိတွေ့ရှိခဲ့တဲ့ မြို့တော်ဟာ အခြားသောမြို့တွေထက်ကြီးပြီး ယဉ်ကျေးမှုဆိုင်ရာ အမြင်တွေရှိကြောင်း ပြင်သစ်နိုင်ငံ အမျိုးသား သိပ္ပံသုတေသနစင်တာမှ သုတေသနကိုဦးဆောင်သူ ပါမောက္ခ စတီဖင်ရို့စ်တိန်းက…

  ဝါရှင်တန်၊ ဇန်နဝါရီ-၁၂-၂၀၂၄ မျိုးဆက်(VOM) အမေရိကန်နဲ့ ဗြိတိန်တို့ဟာ ယီမင်ရှိ ဟူသီသူပုန်တွေရဲ့ ပစ်မှတ်တွေကို ဇန်နဝါရီ ၁၁ ရက်မှာ လေကြောင်းကနေ တိုက်ခိုက်မှုပြုလုပ်ခဲ့ပါတယ်။ နိုဝင်ဘာလကတည်းက ပင်လယ်နီဒေသမှာ ဖြတ်သန်းသွားလာတဲ့ သင်္ဘောတွေကို အီရန်ကျောထောက်နောက်ခံပြု ဟူသီသူပုန်တွေက တိုက်ခိုက်နေတဲ့အပေါ် တုံ့ပြန်တဲ့အနေနဲ့ အခုလို တိုက်ခိုက်ခဲ့ခြင်းဖြစ်ကြောင်း အမေရိကန်သမ္မတဂျိုးဘိုင်ဒင်ကပြောပါတယ်။ အမေရိကန်နဲ့ ဗြိတိန်တို့ရဲ့ ပြောင်ပြောင်တင်းတင်းရန်စမှုတွေအတွက် ကြီးလေးတဲ့ ပေးဆပ်မှုနဲ့ ကြုံတွေ့ရမယ်လို့ ဟူသီလက်ထောက်နိုင်ငံခြားရေးဝန်ကြီးက သတိပေးပြောဆိုပါတယ်။ ဗြိတိန်လေတပ်မှ တိုက်လေယာဉ်တွေဟာ ဟူသီတို့ရဲ့စစ်ဘက်ဆိုင်ရာ အဆောက်အအုံတွေကို ပစ်မှတ်ထားတိုက်ခိုက်မှုအတွက် ကူညီပေးခဲ့ကြောင်း ဗြိတိန်ဝန်ကြီးချုပ်ဆူနက်ခ်က ပြောပါတယ်။ တိုက်ခိုက်မှုကို အကန့်အသတ်နဲ့လုပ်ဆောင်ခဲ့ပြီး ကာကွယ်မှုအရ လိုအပ်ကာ အချိုးကျတဲ့ လုပ်ဆောင်ချက်ဖြစ်ကြောင်း သူကပြောပါတယ်။ နယ်သာလန်၊ သြစတြေးလျ၊ ကနေဒါနဲ့ ဘာရိန်းတို့ကလည်း မစ်ရှင်ရဲ့ တစိတ်တပိုင်းအဖြစ် ပံ့ပိုးကူညီခဲ့ကြောင်း အမေရိကန်သမ္မတဂျိုးဘိုင်ဒင်က ဆိုပါတယ်။ ဟူသီသူပုန်အဖွဲ့ဟာ ယီမင်ရှိ ဒေသအများအပြားကို…

တီဟီရန်၊ ဇန်နဝါရီ-၁၂-၂၀၂၄ မျိုးဆက်(VOM) အိုမန်ပင်လယ်ကွေ့မှာ မာရှယ်ကျွန်းစု အလံလွှင့်တင်ထားတဲ့ ရေနံတင်သင်္ဘောတစင်းကို အီရန်က ဖမ်းဆီးထိန်းသိမ်းခဲ့ပါတယ်။ မျက်နှာဖုံးတွေဝတ်ဆင်ထားတဲ့ လက်နက်ကိုင်တွေဟာ အိုမန်ဆိပ်ကမ်း ဆိုဟာအနီးခုတ်မောင်းနေတဲ့ စိန့်နီကိုးလပ်စ်သင်္ဘောပေါ်ကို စီးနှင်းခဲ့ပြီး သင်္ဘောကို အီရန်ဆိပ်ကမ်းခုတ်မောင်းဖို့ အမိန့်ပေးခဲ့ပါတယ်။ ဒီဖမ်းဆီးမှုဟာ ယမန်နှစ်အတွင်းက အီရန်သင်္ဘောနဲ့ ရေနံတင်သင်္ဘောတွေကို အမေရိကန်က ဖမ်းဆီးမှုကို လက်တုံ့ပြန်တာဖြစ်ကြောင်း အီရန်ရေတပ်ကိုကိုးကားပြီး အီရန်နိုင်ငံပိုင် သတင်းဌာနက ဖော်ပြထားပါတယ်။ စိန့်နီကိုးလပ်စ်သင်္ဘောဟာ အီရတ်ဆိပ်ကမ်း ဘာဆရာကနေ တူရကီကို သွားရောက်မှာဖြစ်ပါတယ်။ သင်္ဘောဟာ ဂရိပိုင်ဖြစ်ပေမယ့် အမေရိကန်က ပိုင်ဆိုင်တာဖြစ်တယ်လို့ အီရန်နိုင်ငံပိုင် သတင်းဌာနက ဖော်ပြထားပါတယ်။ Empire Navigation ရဲ့ အဲဒီသင်္ဘောဟာရေနံစိမ်းတန်ချိန် ၁၄၅၀၀၀ ကိုတင်ဆောင်ပြီး သင်္ဘောအမှုထမ်းအဖြစ် ဖိလစ်ပိုင်နိုင်ငံသား ၁၈ ယောက်နဲ့ဂရိနိုင်ငံသား တယောက်တို့ ပါဝင်ပါတယ်။ Ref:BBC Photo:Reuters