Day: February 16, 2024

  ဝါရှင်တန်၊ ဖေဖော်ဝါရီ-၁၆-၂၀၂၄ မျိုးဆက်(VOM)   ကြာသေးမီလတွေအတွင်း တိုက်ပွဲတွေအပြင်းအထန် ဖြစ်ပွားခဲ့တဲ့ ယူကရိန်းအရှေ့ပိုင်း အဓိကမြို့ဖြစ်တဲ့ အက်ဗ်ဒီကာမြို့ကို ရုရှားသိမ်းပိုက်မှုအောက် ကျရောက်နိုင်ခြေရှိကြောင်း အမေရိကန်က သတိပေးလိုက်ပါတယ်။ အက်ဗ်ဒီကာမြို့ဟာ ရုရှားထိန်းချုပ်မှုအောက် ရောက်နိုင်တဲ့ အန္တရာယ်ရှိတယ်လို့ အမေရိကန်အမျိုးသားလုံခြုံရေးကောင်စီ ပြောရေးဆိုခွင့်ရှိသူ ဂျွန်ခရီဘီက ယူကရိန်းရဲ့ လက်နက်ခဲယမ်းပြတ်လပ်မှုတွေကို ကိုးကားပြီး ပြောပါတယ်။ ယူကရိန်းသမ္မတ ဇီလန်စကီးကတော့ ယူကရိန်းပြည်သူတွေရဲ့ အသက်ပေါင်းများစွာကို ကယ်တင်မယ်လို့ ဆိုပါတယ်။ ရုရှားတပ်တွေဟာ အက်ဗ်ဒီကာမြို့ကို ဝိုင်းရံထားပြီး စစ်ရေးအသာစီးရရှိထားပါတယ်။ လက်ရှိမှာ ရုရှားတပ်တွေဟာ အက်ဗ်ဒီကာရှိ ယူကရိန်းခံစစ်စည်း ကတုတ်ကျင်းတွေထိရောက်ရှိနေပြီး ယူကရိန်းခံစစ်ကို လွှမ်းခြုံထားတယ်လို့ ဂျွန်ခရီဘီကပြောပါတယ်။ လုံး၀ပျက်စီးလုနီးပါးဖြစ်နေတဲ့ အဲဒီမြို့ကို ၂၀၁၄ ခုနှစ်မှာ ရုရှားကျောထောက်နောက်ခံပြုတဲ့ ခွဲထွက်ရေးသမားတွေက သိမ်းပိုက်ခဲ့တာဖြစ်ပြီး ယူကရိန်းဒေသဆိုင်ရာမြို့တော် ဒွန်နက်စ်အနီးရှိ တံခါးပေါက်တခုအဖြစ် ရှုမြင်ရပါတယ်။   Ref:BBC Photo:Getty Images

  ဘန်ကောက်၊ ဖေဖော်ဝါရီ-၁၆-၂၀၂၄ မျိုးဆက်(VOM) ထိုင်းနိုင်ငံ ဘန်ကောက်မြို့ရှိ ကွန်ဒိုတိုက်ခန်းတခုမှာ မြန်မာစီးပွားရေးလုပ်ငန်းရှင် တယောက်ကို သတ်ဖြတ်ခဲ့တယ်လို့ သံသယရှိတဲ့ နိုင်ငံခြားသားနှစ်ယောက်ကို ဖမ်းဆီးနိုင်ရေးအတွက် ထိုင်းရဲတပ်ဖွဲ့ဟာ နိုင်ငံတကာရဲတပ်ဖွဲ့(အင်တာပိုလ်) နဲ့ ပူးပေါင်းလုပ်ဆောင်နေပါတယ်။ သံသယရှိသူနှစ်ယောက်ဟာ ကင်မရွန်းနိုင်ငံသားတွေဖြစ်ပြီး မြန်မာလုပ်ငန်းရှင်ကို သတ်ကာ ဘတ်ငွေငါးသန်းကို ယူဆောင်ပြီး စင်ကာပူကို ထွက်ပြေးသွားတယ်လို့ စုံစမ်းစစ်ဆေးသူတွေက ပြောပါတယ်။ ကင်မရွန်းနိုင်ငံသားနှစ်ယောက်ကတော့ အသက် ၃၂ နှစ်အရွယ် ဝီလျံနဲ့ ၃၆ နှစ်အရွယ် ဂျွန်တို့ဖြစ်ကြောင်း ထိုင်းရဲတွေက ပြောပါတယ်။ သူတို့ဟာ ကမ္ဘာ့လှည့်ခရီးသွားတွေအဖြစ် ထိုင်းနိုင်ငံကို ဝင်ရောက်ခဲ့တာဖြစ်ပြီး ဆက်သွန်ခရိုင်မှာရှိတဲ့ တိုက်ခန်းတခန်းမှာ နေထိုင်ခဲ့ကြပြီး မြန်မာလုပ်ငန်းရှင်ရှိရာ အိမ်ကိုလည်း ဝင်ရောက်ပြီးထွက်ခွာသွားတာကို နောက်ဆုံးမြင်တွေ့ခဲ့ရတယ်လို့ဆိုပါတယ်။ သေဆုံးသူမြန်မာလုပ်ငန်းရှင်ဟာ ကွန်ဒိုတိုက်ခန်း ၂၃ လွှာက အခန်းထဲမှာ မျက်နှာ၊ နားနဲ့ ဦးခေါင်းတွေမှာ သွေးထွက်ဒဏ်ရာတွေနဲ့ သေဆုံးလျက်တွေ့ရှိခဲ့ပါတယ်။ သံသယရှိသူတွေဟာ သူ့ရဲ့မွေးစားအမေဖြစ်သူကိုလည်း…